Azaya 30:28 - Yálá laawoo hɛɓɛ (dc)

²⁸ Na hvaŋą kaa yɛ yá hvɛɛ, a ląn gbonwomɛ̨i yɛ nu hon gwąną. Gaa pai lɔiɠaa hiɠi-hiɠiɓoi ə di hu kala, ə lɛɛ, yɛ hoo laa kwɛli lɔ di la, a di nwun ɉu lan ɉɛn.

Yálá laawoo hɛɓɛ

²⁸ Na hvaŋą kaa yɛ yá hvɛɛ, a ląn gbonwomɛ̨i yɛ nu hon gwąną. Gaa pai lɔiɠaa hiɠi-hiɠiɓoi ə di hu kala, ə lɛɛ, yɛ hoo laa kwɛli lɔ di la, a di nwun ɉu lan ɉɛn.

Bible

²⁸ Dúɛ-pere fãai káa yɛ̂ɛ ya-ɣîliŋ su-kpanaŋɔɔ nyíi a dɛɛ̂i kɔ̀ɔ yɛ̂ɛ da kwaa ma kɔ̀ɔ a tɛ̃́lɛŋ. A ǹyoŋka lɔii-ŋuŋ-ŋai su kàra da dímɛni kpɛtɛ́ɛ nyɔ́mɔɔ-ŋai kélee.

Azaya 30:28 ပူးပေါင်းရင်းမြစ်များ

Samia Veerɛi 17:14

Absalɔn da Israɛlə kalanɉonŋaa kəlee diɛ mą: «Arki mun Husai nwɔ liɛwooi aa lɛlɛ, aa tɛɛ Ahitofɛlə nwɛi ɓa.» Yai-Laa ə hvaa mą, ə Ahitofɛlə nwɛi hu kala, yai kɛ viɛlaɓoɔ, ə gɛ, Yai-Laa ə Absalɔn nwun na pili.

Tɔɔɓɛlaa veelɛ 19:28

Yɛ bələi yáá ə́ liiholi la bɔ́, ə lɛɛ, ə́ wɔ lii ɲɔ̨n gwəi woo yɛ too nwə́lii; Yələ ta kaa pai ɉəlii, gáá pai kwɛli tooi ə́ hunwɛi. Gɛ́ hoo laa kwɛli too ə́ la, gɛ́ pənə gɛ́ li a yɛ́ ɓɛi ə́ həɠə laai.

Zôo 39:17

Yáá gaa ti, Yálá hvo kili tɛɛ li bɔ, ɛlɛɛ hvo kiliŋąhiɛ too li mą.

Mąątɛ̨nɛ̨ 18:15

Ə nwɔ mɛ̨ɛ̨kɔwɠaai pili pələ kəlee pɔ, yɛ mąlą-mąlą kulɔ kɛɛnąą kəlee.

Mąątɛ̨nɛ̨ 32:9

'Hvó gɛ yɛ hoo ɓowɔɔ, a wala kɛtii wɛlɛhoo ɓowɔɔ, di kili kpɛɛi di yəi, hoo laa kwɛli, da yɛli ɓə da di hon na; Kɛlaa, mɛ̨nį ta hvo pai həlii yɛ́!

Hanwon 26:3

Hoo da naa kwɛli, hoohvaalən da gɛlɛ hvaɠa, kilikpɛɛgwəi mun da galakpa.

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Azaya 17:13

Lɔiɠaa diɛ gɛ lɔ ɉuwu ɉuwu yɛ ya hvɛɛ. Yálá a tómą di mɛ̨i, diɛ pu diɛ li kwɛa la, da di kpɛ, yɛ yee hu hvaŋą a hee mɔ̨nun gala hu, diɛ li yɛ tulɔ hvaŋą a hee laakpala hu yɛ li la.

Azaya 17:14

Yələ a kɛi wulu, ɲɔw kɛnɛ̨ yɛ nu hu pu mą, gɛɛ yələ hvo ɓɔ, hɛn da hva kɛa kɛ laa, nuąi da too ku mɛ̨i, di kɛ pələ kaa pai kɛi tii, nuąi da too ku yəi hɛnŋąą hu bələ ɓə di kɛ pələ kaa pai kɛi la.

Azaya 19:3

Eziptə kili a kpɛɛ ɲəi, gɛ́ nwɔ kilikɛɲəi hu kala, di kaa pai kɛi di nwun dɔɔi a haliɠaa da kwɛlɛɛngɛ-nuą, diɛ ɲɛ̨ąkpɛ nuą mąąni kɛ, ə mą kɛ tɔlukpɛ nuą.

Azaya 28:15

Ka káá kɛi diɛ: «Kwa haa ni kwaa mįnɛ̨ həɠə, kwa ɲąmuątaa ni kwaa mįnɛ̨ həɠə; gɛɛ kala ɲɔ̨n tii ə mą pa pai, hvo pai həlii kuɔ; mąąhɔlɔɓo, kwaa lɛɛ kɛ a ku mąąkɔ̨nwɔ̨ hɛn, kuɔ nu ɓowɔɔ kɛ a ku mąąkilɛi.»

Azaya 28:2

Ną́mu nwɔ kɔ́ kuláa huwalawalaai ka, gɛ pələ ə ɓo yɛ hanwon tulɔ, yɛ kɛɛ kala hvaŋą; yɛ yánwąną kulɔ tulɔ; gaa pai hɛn gəlee ɓəleen ɉii yɛ di pu lɔi ɓa,

Azaya 29:6

Yai-Laa Mɛ̨nį Kəlee ŋą Hééɓomun, kaa pai woloi lɔ yɛ́ kpulu, yələgbąnąą hu, lɔi kpɛlinŋąą hu, tin gɛnɛ̨ɛ hu, hvaŋą kɛnɛ̨ɛ̨ hu, a tulɔ hvaŋą kɛnɛ̨, da kɛɛ kala nwɔ̨n nən ɉu.

Azaya 30:29

Ka wɛi, ka káá pai kɛi wələ tooi, yɛ da kɛi hɛli pu kwii hɛ̨ą, ka ɓo la kwəinɛ̨ɛ̨ hu, yɛ nui di kaa ɓɔɔ hvɛɛi bulu, yɛ li la Yai-Laa nwɔ yeei pɔ pələ, Israɛlə mąą kɔ́nwɔ̨ kwɛni pɔ pələ.

Azaya 30:33

Gbaɠa-nwɔ̨n a kɛ a dɔɔ nąą tɔwɔ, a kɛ lɔ nwɔ̨nɔ̨ a bɛliɛ tɔɔmun mąą mɛ̨nį ɓa. Gwɛi a kɛ a diąą gee mɛ̨i kpɔ kɛnɛ̨, kɛɛnąą kɛnɛ̨ ta ɓa, nwɔ̨n ɉee mɛ̨nį ɓa. Yai-Laa nɔ̨ɔ̨ ɓə pai nwɔ̨n dooi ɉu, yɛ gbąnąą hunwɔ̨.

Azaya 37:29

Mąąhɔlɔɓo, yáá kpɛlin mą́ą́ a líiholi, ɛlɛɛ, ə́ wɔ tɛɠɛɓoɉu wooɠaai daa too wə́lii, gáá kwɛli tooi ə́ hunwɛ̨i, ŋą́ hoo la kwɛli too ə́ la, gáá pənəi ŋį́ li a yɛ́ a bələi tii ə́ həɠə la.

Azaya 59:19

A kɛ tii, da ɲɔw kɛa Yai-Laa Laa ɓa, hvóló tooi pələ, ə lɛɛ diɛ ɲɔw nwɔ mąąwiɛlaa ɓa hvóló ɓɛlai pələ. Mąąhɔlɔɓo, gaa pai pai yɛ ya hvɛɛi, Yai-Laa nɔ̨ɔ̨ yɛ hee mą.

Azaya 63:17

Yai-Laa, lə ɓə kɛ yaai, ya ku lɛɛ laa, kuɔ lia li ku nwun mą? Kuɔ ku mąą kwɛa ə́ wɔ pələɠaai diɛ? Ɛlɛɛ yɛ́ ku kili wala wala, hva mą kɛa ɲɔw yɛ́? Ə́ wɔ tínuąi mąą mɛ̨nį ɓa, 'pənə ə́ pa, nu kanŋaai a ə́ pɔɔ, 'pa di mąą mɛ̨nį ɓa.

Azaya 8:8

Gaa pai həlii Ɉuda lɔi ɓa, yɛ hiɛ mɛ̨i, yɛ nąą kəlee hvɛɛ, yɛ həli kpɔ nu kwąną, ɛlɛɛ ɲąą kɛnɛ̨ pələ, Oo Ɛmanuɛlə, gaa pai yɛ́ lɔii laa hvɛɛi nąą kəlee.

Osia 13:3

Yili mąą mɛ̨nį ɓa, di kaa pai kɛi yɛ luwuluwui a pu yələ wala pɔ; yɛ yələ wala pɔ nɛ̨nɲá, yai hva lamun laakpala ɲą; yɛ mɔ̨nun gala, mɔ̨nun vɛɛi lɔwai, yɛ nwɔ̨n nului a kulɔ pɛlɛ kɔ́m ma.

Amɔsə 9:9

Yiihu, gáá nuą tii, gɛ́ diɛ: Di Israɛlə huwu-huwu ɓo, huwu takpɛliɠaa lɔwai, Di di hu kpɛ, yɛ pələi da hɛnŋąą kpaŋąn na, nɛlɛɛ tɔ̨nɔ̨ kpɛli hva pili, gala yɛ kulɔ ɉu.

Maafîu 3:12

Nwɔ laɠai kaa ɲəi, yɛ pa nwɔ mɔ̨nun mąąhvɛɛila. Ə mɔ̨nun gɔw pu ɲəi gələi, ə gala kpɔn gee ɓa, nwɔ̨n ɲii hva liin ə doo ɉu.»

Lukə 22:31

Gu Nąmu yɛ diɛ: «Simɔn! Simɔn! Ɓilihi aa ka hu hvɛli, əgɛ, ə ka hiɠi-hiɠiɓo yɛ bələi da mɔ̨nun vɛɛ la.

Tɛsalonikə veelɛ 2:11

Yili ɓə a gɛ, Yálá ə lɛɛ-hvaŋą lɛɛ laa yɛ di ɓowo, di laa na.

Tɛsalonikə veelɛ 2:8

nąąlɔwai ɓə mɛlɛtoomun tii a kulɔ la pono ŋą, ɛlɛɛ, gu Ną́mu Jesus ə nwun napili a naa-hvaŋą, ə ɉu kala, a nwɔ kɛɛ ponoi gaa pai la, ɉu.

Hebreu 4:12

Hvo gaai, Yálá laa woo kaa a vulúmąą, vaŋą ə ɓo ɉu, ɲąąliɛ dɛɛ líikpakpa ɓa. A lɔ kpɔ nu hu, ə gili da nįį di ɓɛlaɓo, ə gbulɔn na da gbɔlɔ di ɓɛlaɓo. Yɛ nu kɛ mɛ̨nįɠaa da nwɔɔ kiliŋąhiɛɠaa di hukpɛ.

M̀ɛni-lɛɛi 1:16

Pɛmɛ̨lɛ̨n-gɔw mɛ̨ihveelɛ ə kɛ mamįiyee ɲą, ɛlɛɛ, líikpakpa kwɛa ɲąąliɛ, yɛ kulɔ na. Ɲɛ̨ilai yɛ lən yɛ hvóló a tɛ nwun ma.

M̀ɛni-lɛɛi 2:16

'Ə́ tuwɔ pələ mąąhvalin kan. Yili hvo mą, gáá pai a ɉu kpuwaa, ɛlɛɛ, ŋą́ kɔ pɛlɛ diɛ a níikpa-kpai gaa ná.