Azaya 30:2 - Yálá laawoo hɛɓɛ (dc)

² Da kɛ lii Eziptə lɔi hu, di hva di nwun dɔɔ a ɲą́ą́, diɛ li diɛ di loo Faraɔn nwɔ taa wala wala hu, diɛ li diɛ di mąąkilɛ Eziptə nįnįn mu.

Yálá laawoo hɛɓɛ

² Da kɛ lii Eziptə lɔi hu, di hva di nwun dɔɔ a ɲą́ą́, diɛ li diɛ di loo Faraɔn nwɔ taa wala wala hu, diɛ li diɛ di mąąkilɛ Eziptə nįnįn mu.

Bible

² Da lî Ize dímaa kɔ̃ɔ mɛ̂ni ma nyíi ŋ́gɔlɔŋ fé zui. Dífa ḿarê kɛ̀ dília-wôo ƃó mɛ̂ni ma. Dílâai a Ize kaloŋ a gɛ́ɛ a pɔ̂ri díŋuŋ ma ƃôi.

Azaya 30:2 ပူးပေါင်းရင်းမြစ်များ

Tɔɔɓɛlaa dɔlɔɔ 22:7

Ɉosafatə yɛ nwɔ̨nɔ̨ Israɛlə tɔɔmun ma: «Yai-Laa kwəi mɛ̨nį hukulɔ mun dakpɛli hvo ɓɛ, yii gwa pɛli Yai-Laa mąąnin gɛi bɔ pələ?»

Tɔɔɓɛlaa veelɛ 17:4

Kɛlaa, Asiri tɔɔmun aa kɛ gbaɠala kaa, yɛ Ose a nɔgilii kɛ mą. Mąąhɔlɔɓo, Ose ə nuą tɔɔ Eziptə tɔɔmun So pɔɔli, ɛlɛɛ, hvo kɛa kɛi nįįhɔ̨nwɔ̨ kulɔ Asiri tɔɔmun mą yɛ bələi a gɛ la a kwɛlan gəlee. Asiri tɔɔmun ə Ose hon, ə yɔwɔn doo gɔwɔ kwąną, ə doo gaho ŋą.

Tɔɔɓɛlaa veelɛ 18:21

Yáá ə́ kilitɔɔ hveen gbaɠa ɓa. Nui lɔpee a gilitɔɔ Eziptə lɔi ɓa, ə gɛ a dɔɔ bulu, a mąą nu haɠa ɲee ŋą, ə lɔ ɲee hu. Bələ ɓə Eziptə tɔɔmun a gɛ la a nuąi da di kilitɔɔ mą, di kəlee.

Azaya 16:3

Diɛ kɛ diɛ: «Ku liɛwoo ɓo, ku tɛnɛn dɔɔ, ka ka nwun dɔɔ, ka woo ta ɓo, a hvóló tɔɔ nwun ma; ə́ nįnįn bɛlɛ yɛ kpinį, nuąi daa too di hu, di di mąąkilɛ ə́ hvaŋąn mu, əgɛ, di hvo nəi pa nuąi pui di kaa.

Azaya 18:1

Kpalo ɓɛlaai yɛ́! Nubi yáɠaa kwɛlɛ lɔi, yá ɲą kələn ɉu tín a tɔɔ laa, yɛ kwɛlɛɛn goon ɉu tín.

Azaya 36:6

Ə́ kili hvo tii yáá dɔɔ Eziptə ɓai, a veen gbaɠa hu yali laa nɛ̨ɛ̨ tii! Nui lɔpee a tunwɔ̨n mą, a lɔ ɲee hu, yɛ ɉaɠa; bələ ɓə Faraɔn Eziptə tɔɔmun a gɛ la, a nui lɔpee a gilitɔɔmą.

Azaya 36:9

Yɛ́, yá pɛli gɛi nwɔ́ kilɛn-nąŋąlon daanɔ̨n gbən yɛ pu ə́ tɔwɔ, a námu nwɔ kɔ́ kuláa nogolo laamun da; yɛ́i ə́ kilitɔɔ Eziptə ɓa, ŋą kɔ́ kɔ́-wotoloɠaa, da ŋą hoo gilɛ həɠə nuą diɛ?

Azaya 8:19

Akɛtii da kɛ kaa: «'Ka ɲɔ̨muątaa tɔlukpɛnuą mąąni kɛ, 'ka tɔlukpɛnuą, ɲɛ̨ąkpɛnuą, da kpɛɛn bili nuą di mąąni kɛ, akɛ tii, mąą hvo nɛ̨ɛ̨li nuą diɛ di wɔ haliɠaa mąąni kɛ, ɛlɛɛ, diɛ ɲɔ̨muą hvɛli nu hulúɠaa mąą mɛ̨nį ɓa?»

Ɉeremi 2:18

Yii hu, akɛ tii, lə kpɔ ɓə ə́ ɲɛ̨i kwɛlii yɛ hvilɛn Eziptə pələɠaa mɛ̨i, yɛ́ li ə́ kpələi Nilə ɲa lee tii hu? Lə ɓə ə́ ɲɛ̨i kwɛlii, yɛ́ hvilɛn Asiri pələɠaa mɛ̨i, yɛ li ə́ kpələi Eufratə ya lee hu?

Ɉeremi 21:2

«Yai-Laa mąąni kɛ ku mąą mɛ̨nį ɓa, mąąhɔlɔɓo, Babilonə tɔɔmun Nabukodonosorə aa kɔ́ pɛlɛ kuɔ, gbəli hu Yai-Laa a pɛli ə kpalo mɛ̨nį ta kɛ, ə ku mąąkɔ̨nwɔ̨ Nabukodonosorə yəi.»

Ɉeremi 37:5

Nąąlɔwai Eziptə tɔɔmun nwɔ kɔlaɠai aa kɛ muhəɠə, yɛ pa. Kalde nuąi tii kɛ daa gɔ́ pɛlɛ Ɉerusalɛmə ɓa, bələ mɛ̨n di mo, diɛ gɔ́ aa həɠə Ɉerusalɛmə ɓa.

Ɉeremi 42:14

kaa kɛ diɛ; ku kaa lii Eziptə, ku hva kɛa pulu həɠə laa; nąą ɓə ku kaa bɔ kwəli ku hee laa;

Ɉeremi 42:2

diɛ Yálá kwəi mɛ̨nį hukulɔ mun Ɉeremi ɓa: «Kuɔ nɛ̨ɛ̨mąą hvə woo ə həli yɛ́. Yai-Laa ə́ wɔ Yálái hvɛli, ku kpəli woloi aa lɛɛ, ku mąą mɛ̨nį ɓa. Kwaa lɛɛ lɔ kɛa tɛitɛi; ya pa ku kpulu kɛnɛ̨ kɛ, gbaɠala kaa yɛ́.

Ɉeremi 42:20

Ka wɔ yɛnɛ̨ɛ̨ ka tii ka káá mąą mɛ̨nį kɛi, kaa kpinįi ɓə dɔ́ɔ́ Yai-Laa ka wɔ Yálái pɔ, kaa kɛ mą́ą́: Ku mąą nɛɛmąą hvə Yai-Laa ku wɔ Yálái ɓa, mɛ̨nį Yai-Laa ku wɔ Yálái a mo, ə́ pənə ə́ mo kuɔ kpɔlɔ ɲą́ą́lee, kwa gɛ.

Ɉeremi 43:7

di di həɠə, dəli a diɛ Eziptə lɔi hu, dəli di hee Dafne, mąąhɔlɔɓo, di hvo gɛ di hvo di wəli tɔɔ Yai-Laa woo ɓa.

Woolaa 4:20

Dɔɔmun Yai-Laa ə ku wɔ yɛnɛ̨ɛ̨ tɛɛ bɔ, yaamun ga ŋɛ̨i, ku yowoɠaa daa gɛ a di wɔɔ luwɔ, yɛ ɓo di yəi gaho ŋą; Yaai kɛ kwa ku kili kɛ mą, kuɔ kɛ diɛ: «Kwá kɛ yaa tii vaŋan mu, kwa pɛli yɛnɛ̨ɛ̨ kɛi hį́itakpɛliɠaa lɔwai!»

Osia 7:13

Kpalo ɓɛlaai diɛ, mąąhɔlɔɓo di kaa pui mą́ą́, di yee aa lɛɛ ɉu, mąąhɔlɔɓo di di nwun dɛ a ɲą́ą́; ɓɛlɔwai ŋį́ kɛi di nwun mąąɓo la, diɛi da kɛ lɛɛ pɛlɛi a náái.

Osia 8:10

Di mą hamą pilɛɠaa ɲąąkwɛlɛ nɔiɠaa hu, gáá kɛa pai di ɲąąkpɔn ɉii, ɛlɛɛ ɉu hvo pai kwɛai, di mąą kaa pai kɛi kpalin ɉii, tɔɔɓɛlaa di wɔ tɔɔmun nwiɛ mu.

Osia 8:9

Mąąhɔlɔɓo ə tɛ Asiri lɔi hu, yɛ hoohvaalən a lɛɛ gbɔwɔ ɓa, Ɛfraimə ə gbɔwɔ wɛliɠaa ya laa.

Lonon mo 27:21

Mąąnɛ̨ɛ̨ ə li ɉaláá laa həli mun Eleazarə pɔ, yili ə urimə mɛ̨nį mąąni kɛ, yɛ hvilɛn na mą Yai-Laa ɲɛ̨i ɓa. Bələi urimə kaa pai moi la, bələ ɓə di kaa pai gɛi la, diɛ lɔ, diɛ kulɔ, yaa da Israɛlə nuą kəlee.»

Dutɛrɔnome 28:68

«Ɛlɛɛ, Yai-Laa kaa pai ka pənəi ka pulu kaa li Eziptə lɔi hu kələn gbɛa-kpɛa hu, a ɓɛi ŋɛ̨i ŋį́ kɛ kaa: ‹Ka hva kɛa pənə ka hvo ka pulu pənə laa wɔi!› Ka pa lii nɔi tii hu, ka káá lii kɛi ka kpɔɔ lɔwɔ́tɔɔi kaa kɛ a ka yowoɠaa di wɔ luwɔ hinąą da luwɔ nɛ̨ąą. Kɛlaa, ə mą kɛ tii, nu ta hva hɔlɔɓo, hvo ka ya.»

Zasua 9:14

Israɛlə lonnii di di wɔ kɔnɔ̨nŋaai hon, kɛlaa di hvo Yai-Laa mąąni kɛ.

Nwun mąąɓo 9:15

«Ɲąąlən gbɔlɔ yɛ wuluɠaa diɛ: ‹Akɛ ka káá bɔ ka ɉéé a ka wɔ tɔɔmun, ka pa ka lɔ nínín mu; a wala kɛ tii, nwɔ̨n da kaa pai kulɔi ɲąąlən gbɔlɔ hu, yii gaa pai Liban kpitiliɠaa kələn ɉii.›