Azaya 30:19 - Yálá laawoo hɛɓɛ (dc)

¹⁹ A tɛ̨ą, kaai a Siɔn daa kwəi nuą, ka ɓo heeni Ɉerusalɛmə, ka hvo kɛa pai wɔlɔi. Ka tómąi, gaa pai ka mąąhvaa lɛɛi. Yaa lɔ ɓaa ka woo a too nwəlii, aa mąn mu hon.

Yálá laawoo hɛɓɛ

¹⁹ A tɛ̨ą, kaai a Siɔn daa kwəi nuą, ka ɓo heeni Ɉerusalɛmə, ka hvo kɛa pai wɔlɔi. Ka tómąi, gaa pai ka mąąhvaa lɛɛi. Yaa lɔ ɓaa ka woo a too nwəlii, aa mąn mu hon.

Bible

¹⁹ Káai a Zerusâlɛŋ-ƃelai, káfe pâi wɔ́lɔ ŋɔ́nɔ wɔ̂lɔi. Yâwɛɛ káa a maloŋ-kâa Ɣâla. Kà wɔ̀lɔ m̀a, a pâi káŋa nɛnɛ̂i.

Azaya 30:19 ပူးပေါင်းရင်းမြစ်များ

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Azaya 10:24

Yili mąą mɛ̨nį ɓa, mɛ̨nįi Nąmu Yai-Laa Mɛ̨nį Kəlee ŋą Hééɓomun kaa moi, ya ka, yɛ diɛ: Kaai a nwɔ́ nu huwui, ka heɛ Siɔn, 'ka hvo ɲɔw Asiri ɓa, yai ka kɛlɛi a gbɔn; yɛ nwɔ tunwɔ̨n pili ɲee mɛ̨i, yɛ bələi Eziptə ə kɛi gɛ la.

Azaya 25:8

Gaa pai haa nwun na pilii a yələ kəlee mɛ̨nį, Nąmu Yálá kaa pai nu kəlee ɲɛ̨iyá kələi ɲɛ̨i, yɛ nwɔ nuąi di wɔ laa nɔ̨nwɔ̨ mɛ̨nį həɠə di mɛ̨i, lɔi kəlee hu, Yai-Laa yaa kpinįi ɓə mo.

Azaya 33:2

Yai-Laa! 'Ku ɲɛ̨imąąwɛli kaa, yɛ́ ɓə ku kilitɔɔ yɛ́; ku hvaŋą lɔ a yələɓɔ pələ tɛi tɛi kəlee; yɛ́ ku nwun mąąɓo mɛ̨nį kpɔluɔ hu.

Azaya 35:10

Nuąi Yai-Laa ə di nwun mąąɓo, di kaa pənəi diɛ pa, di kaa pai kɛi lɔi Siɔn, diɛ tómą a kwəinɛ̨ɛ̨, diɛ yɛlɛ a kwəinɛ̨ɛ̨ huwu yii nu hva pɛli ɉukulɔi, nwun na nɛ̨ɛ̨ da kwəinɛ̨ɛ̨ di kaa pai di laa kwiɛn ɉii, liikələn gwəi da wɔlɔ woo diɛ pu a gilɛ.

Azaya 41:17

Nuąi daa di nwumɛ̨, da yee hvowolo nuą, da kɛ kpələ ya hvɛlii, Kɛlaa di hva da hɔlɔɓo, di nɛn ɲɛ kpala di la a kpələ wɛli, Ɲą́ą́ Yai-Laa, gáá pai ɲéé heei di woo mu, Ɲą́ą́i a Israɛlə nwɔ Yálá, və́ pai kulɔi di pulu.

Azaya 46:13

Gáá nwɔ́ tələnmolaai mąą lɛɠɛi kaa, mąą hvo kɛa kwɛa li kaa, ɛlɛɛ, ka ɓalo mɛ̨nį ɲə́i, ɉu hva kɛa kwɛa, gáá pai nwɔ́ nwun mąąɓo mɛ̨nįi heei Siɔn, ŋą́ nwɔ́ ɲɛ̨i pɔ̨nɔ̨ hee Israɛlə.

Azaya 58:9

Ya Yai-Laa təli nąąlɔwai, a ə́ woo muhon, ya tómą bɔ pələ, gaa pai kɛ́ yɛ́: «ɲą́ą́ ga.» Ya wɛa mɛ̨nį kulɔ ə́ yəi bɛlɛ́n, da nu mąą ɲɔw mɛ̨nį, da woo ɲɔ̨n ɉaa mɛ̨nį nu ɓa.

Azaya 60:20

Ə́ wɔ hvólói hva kɛa too, ə́ wɔ ɲąnin hva kɛa li gbinįi. Mąąhɔlɔɓo, Yai-Laa ɓə kɛa a ə́ wɔ kɛɛ pɔ̨nɔ̨, a yələ kəlee mɛ̨nį, ə́ wɔ mąąwɛli hvólóɠaai di ɓo kɛa a di kpɛɛ.

Azaya 65:18

Yaa mun, ka kaa pai kwəinɛ̨ɛ̨ kulɔi, kaa pili yələi a kwəinɛ̨ɛ̨, mąąhɔlɔɓo, gáá pai kwəinɛ̨ɛ̨ pɛlii, kpɛɛ hva kɛ mą, a neelee, gwəinɛ̨ɛ̨i tii gáá pai bɛlii, Ɉerusalɛmə ɓə, ɛlɛɛ, mąną kaa mɛ̨nį nwun mą, ya ɓaa a, nonnii mąą mɛ̨nį.

Azaya 65:19

A tɛ̨ą, gáá pai Ɉerusalɛmə mąą mɛ̨nį kɛi a nwɔ́ kwəinɛ̨ɛ̨, ɛlɛɛ, ŋį́ ɓo lɔ kwəinɛ̨ɛ̨ hu, nwɔ́ nu kan mąą mɛ̨nį ɓa! Di hvo kpɔ kɛa pai wɔlɔ woo, da gboo təli woo mąn ɉi laa, kpɔ kɔ́lɔ-kɔlɔ.

Azaya 65:24

Nąąlɔwai, gɛi di hvo pa kɛ də́lii, ŋį́ gbɛa di woo pulu pənə, Di woo a lɛɛ nii di lá, ɉɛn di vɛlii, ŋį́ dɛɛ di pɔ!

Azaya 65:9

Gáá pai nu huwu kulɔi Ɉakɔbə huwu hu, a neelee, nuąi pai nwɔ́ yeeɠaai hɔlɔɓoi a di gwɛlin, ŋą di kulɔ Ɉuda huwu hu, nííɓa nuą kaa pai di hɔlɔɓoi a di wɔɔ, nuąi da tí mą́ą́, diɛ hee laa.

Ɉeremi 30:12

Yai-Laa woo ka, yɛ diɛ: Ə́ kala mɛ̨nį hvo pai ɉəɠəi mą, di hvo pai pɛli ə́ mąą nwąną palaɠaa hali kɛi,

Ɉeremi 31:12

Diɛ ka tii pai; diɛ wələ too a kwəinɛ̨ɛ̨ Siɔn yee tona. Di kaa pai Yai-Laa nwɔ mɛ̨inɛ̨ɛ̨ɠaa pɔ. Di kaa pai kɔ̨nɔ̨n nɔi hu, lɔɔ pɔ, wulɔ da lɔɔ nįnɛ̨, ə mą kɛ, daatɛlɛɛ bɛlɛɛɠaa da gbɛa-kpɛaa. Di kaa pənəi di pu di nįnɛ̨ kɔ́lɔi, di tɛlin yɛ nɔw yɛai, da kɛ ya pui ma. Pulu hva kɛa too diɛ.

Ɉeremi 31:16

Yai-Laa woo ka, yɛ diɛ: Nwoolaa woo aa pɛli ɉu, ka ka laapilɛ, ka ka ɲɛ̨i kələ, ə́ wɔ mɔ̨nɔ̨i vɛla ka; di kaa həɠəi di yowoɠaa pɔɔli diɛ pa. Yai-Laa woo li!

Ɉeremi 31:6

Mąą yələ, daa mąąkpɛ nuą kaa pai tomąi la Ɛfraimə yee tona, diɛ kɛ mą: «'Ká ka muhəɠə, ka gu tɛ Siɔn daai, Yai-Laa gu wɔ Yálái pɔ, daa gbɛa gu hee.»

Ɉeremi 31:9

Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Ɉeremi 33:3

«Vɛ́li, ŋą́ ə́ woo mu hon, gáá pai mɛ̨nį kpɛa kpɛa kulɔi pɔ̨nɔ̨ŋa ə́ ɲɛ̨i ɓa, a mɛ̨nįɠaai di looɔ, yiiɠaai hvo gɔlɔn.

Ɉeremi 50:28

'Ka ka wəli tɔɔ! Pu nuą, da nu kpəlii aa lɛɛ, daa həɠə Babilonə lɔi hu pələ, Di kaa pai wɛlɛɛ ɓoi Siɔn ya ɓaa: Yai-Laa gu wɔ Yálái nwąną kulɔ mɛ̨nį, Yálá hee pɛlɛ́ nwąną kulɔ mɛ̨nį.

Ɉeremi 51:10

Yai-Laa aa gu nwun mąąɓo mɛ̨nį kulɔ pɔ̨nɔ̨ ɲą. 'Ka pa gu Yai-Laa gu wɔ Yálái kɛ mɛ̨nį hukulɔ Siɔn.

Izikiɛ 20:40

Mɛ̨nį kəlee ŋą Hééɓomun Yálá wo ka yɛ: Nwɔ́ yee mąąhəɠɛɛ, Israɛlə nwɔ yee tɔɔ mɛ̨i ɓə Israɛlə nwɔ pɛlɛ́i mu nuą kəlee kaa pai kɛi mą́ą́wiɛi laa. Di kəlee da kɛ kɛa heeni nɔi hu, nąą ɓə gáá pai ɲéé laa ka mu, gɛ́ ɲéé hee ka wɔ haláá hɛnŋaa lɛlɛɛɠaa mu; a yiiɠaai ka káá pai ɉəɠəi ka yəi hɛnŋaa lɔwai a nwɔ́ɔ́, a ɉɛnŋaai kpɔ ka káá pai kɛi gɔ́i la.

Izikiɛ 36:37

«Mɛ̨ni kəlee ŋą Hééɓomun Yálá woo ka; yɛ: Yii gáá pai gɛi, ya ka; Gáá pai gbɔ́ɔ́ lɛɛi laa, Israɛlə nwɔ pɛlɛ́i yɛ gwɛ́li, gɛ́ pɛli ɉon ɉii a wɛlikɛmąąlaa, gáá pai di tamąi, yɛ nu taatɛlɛɛ kpulu,

Mise 4:9

Lə ɓə kɛ yai ə́ kaa tómąi yiihu? Tɔɔmun və kɛa ə́ pɔɔli? Ə́ liɛwoo ɓomun aa pili? Yai ə́ kaa mɔ̨nɔ̨ mįi la? Yɛ nɛ̨ɛ̨nui kwəinwąną kɛi?

Lukə 6:21

«Nwun na nɛ̨ɛ̨ nuą ɓaa a kaa ŋɛ̨i pulu kaa kaa yiihu, mąąhɔlɔɓo, ka káá pai kɔ̨nɔ̨n gɛnɛ̨ hɔlɔɓoi. «Nwun na nɛ̨ɛ̨ nuą ɓaa a kaa yiiɠaai ka káá wɔlɔi yiihu, mąąhɔlɔɓo, ka káá pai yɛ́lɛ́i.

Lomaŋ 11:26

Bələ ɓə Israɛlə lonni kəlee nwun mąą kaa pai ɓoi la, yɛ pələi Yálá laa woo ə mo la yɛ kɛ: «Nwun mąąɓomun kaa pai kulɔi Siɔn daa, ə gɛ, Ɉakɔbə huwu hu nuą yiiɠaai kulɔ nwoo mu laa kɛ, di kulɔ laa.

Ifisiɛŋ 3:20

Yálái tii vaŋą kaa gɛ-mɛ̨nį kɛi gu hu, yai mɛ̨inɛ̨ɛ̨ kɛi guɔ, gɛnɛ̨i dɛɛ kpɔ kɛnɛ̨, kpɔ kɛnɛ̨, yii gwa vɛli mą, da yii gu kili a hvilɛn mą gəlee ɓa;

M̀ɛni-lɛɛi 5:4

Ya ɓə ŋą́ wɔlɔ kpɔ kɛnɛ̨, mąąhɔlɔɓo, və́ nu ta hvo kaa li, yɛ pɛli ɉɛɓɛ́ laaɓoi, gu hvo mun kɛ, yɛ ɲɛ̨i pili ɉu.

M̀ɛni-lɛɛi 7:17

Gbala ə tɔɔ, Mɛlaa Lon tii dɔɔkpəlin ɉu, ya ɓə pai kɛi a di mɛ̨i kaamun, a tɔɔ di tɔwɔ, ə li a diɛ yá ton gulɔi. Ɛlɛɛ, Yálá a di ɲɛ̨iyá kələ di ɲɛ̨i.»