Azaya 3:24 - Yálá laawoo hɛɓɛ (dc)

²⁴ Wulɔ kun nɛ̨ɛ̨, mąą a hvalin a hɛn nulɔ kun, hɛ̨ą yili kɔ́lɔ mąą a hvalin a gɔtɔ yɛli, nwun naa lɛlɛɛ mąą a hvalin a nwun gbəlaan, həɠə lɛlɛɛ mąą a hvalin a mąąwɛli həɠə di wɔ lɛlɛ mąą a pənə a kwɛli kələn bɔɔ.

Yálá laawoo hɛɓɛ

²⁴ Wulɔ kun nɛ̨ɛ̨, mąą a hvalin a hɛn nulɔ kun, hɛ̨ą yili kɔ́lɔ mąą a hvalin a gɔtɔ yɛli, nwun naa lɛlɛɛ mąą a hvalin a nwun gbəlaan, həɠə lɛlɛɛ mąą a hvalin a mąąwɛli həɠə di wɔ lɛlɛ mąą a pənə a kwɛli kələn bɔɔ.

Bible

²⁴ Díwulɔ kúŋ nɛ̃ɛ kpoo-ŋai da pâi penêi a sãa lula tee-tee. Dí bɛ̂ti lɛ́lɛɛ-ŋai da pâi penêi a ɣɛli-ŋa. Díŋuŋ lêɣa lɛ́lɛɛ-ŋai naa pâi a penêi a kpólaŋ. Dímaa ɣiri seɣe lɛ́lɛɛ-ŋai da pâi penêi a maloŋ-too maa seɣe-ŋa. Dílɛ́lɛɛ-laai a pâi pûi.

Azaya 3:24 ပူးပေါင်းရင်းမြစ်များ

Zôo 16:15

Ŋą́ą́ mąąwɛli həɠə too gwáną. Aa nwɔ́ huwalawala too pɔlɔ hu.

Hanwon 31:24

A həɠə pala, yɛ nɔwɔtɔɔ. Yɛ hąąyili kɔ́lɔ tɛɛ yɔwɠaa pɔ.

Hanwon 7:17

Ŋą́ą́ wulɔ kun nɛ̨ɛ̨ kpɛŋɛn ɲə́i gbin ŋą.

Azaya 15:2

Nuą kaa tɛi Divɔn haláá kulɔ pɛlɛ́ mu, diɛ wɔlɔ laa. Moabə kaa nwoo laai Nebo yee da Madaba yee nwuɔ̨; daa nwun gəlee kalaan, daa kpɛlɛ kəlee pu.

Azaya 15:3

Nuą daa di mąą yili a ɓíi haɠa gwəliɠaa pɔ, nu kəlee kaa nwoo laai bɛlɛ́ɠaa kwɛlɛ, da gwəli hąąiɠaa, di ɲɛ̨iyá yɛ pu wuuu.

Azaya 22:12

Mąą yələi tii, Nąmu Yai-Laa Mɛ̨nį Kəlee ŋą Hééɓomun, ə kɛ bɔ kɛ, ka wɔlɔ, ka ka woolaa, ka ka nwun gbəlaan mo, ɛlɛɛ, ka mąąwɛli hee ɓo.

Azaya 3:23

gaaɉu, həɠə mu həɠə kwɛlɛɛ pə-pə, nwuɔ̨ ɓɔlɔ, ə mą kɛ, həɠə ɓɛla hoolɛɛ.

Azaya 4:4

Ɓɛlɔwai Ną́mu kaa pai nɔ̨nwɔ̨ waai la Siɔn nɛ̨ɛ̨lɛa diɛ, ɲąmąi di bu Ɉerusalɛmə yɛ nwaa a kiti haŋąą da nwɔ̨n.

Azaya 57:9

Ə́ kɛi li a gilɛ tɔɔmun bɔ pələ, wulɔ lɔɔ yɛ́, yɛ́ ə́ wɔ mąąti wulɔ kunnɛ̨ɛ̨ɠaa lɔ yɛ́ pɔlɔɔ pɔlɔɔ, yɛ́ nuą tɔɔ kpɔ kwɛala, bələ ɓə ə́ ə́ kpɔwɔ mąą yɛɛ la, kpɔ yɛ́ həli la ɲąmuą taa pələ.

Ɉeremi 4:8

Yili mąą mɛ̨nį ɓa, ka ɓíi haɠa too ka kwąną, ka mąąwɛli heeɓo; ka ka woo laa! Ka gboo təli! Mąąhɔlɔɓo, Yai-Laa nwɔ liiholi kɛnɛ̨i hvo həɠə li gu pulu.

Ɉeremi 48:37

Yili mąą mɛ̨nį ɓa, daa di nwun gəlee kalaan, daa di kpɛlɛ kəlee pu, daa ɓɔwa pɔɔ kɛ di yee kəlee ɓa, ɓíi hɛlɛn ŋąą nu kəlee woɓə ɓa.

Ɉeremi 49:3

Hɛsbɔn! 'Toma yɛ́ kɛ mą: «Daa Ai taa pu!» 'Ka tomą, kaai a Raba yee mu taaɠaa! 'Ka ɓíi haɠa too ka kwąną, 'ka ká woo laa! 'Ka tɛɛ gumunŋaa lɔwai! Milkomə kaa lii kɔluwɔlaa hu, da nwɔ haláá laa həli nuą, da nwɔ nu kpɛa kpɛa kəlee, di kaa lii a gee.

Ɉeremi 6:26

Kaa ɓaa nwɔ́ nu huwui, ka mąąwɛli heeɓo! Ka too luwu hu ka kɔ́, yɛ nu non ɉulɔnu tɔ̨nɔ̨ gbən a haa. Ka ka woo laa a nwąnąą! A mąąwɛliɛ, mąąhɔlɔɓo, gɛɛ kala nuą tii, di kaa pai woloi lɔ kaa tanwɔn kpúlu, ka tɛɠii pələ.

Woolaa 2:10

Siɔn halakpɛla nwɔ kalanɉonŋaa di kaa heeni pɔ́lɔ hu, di mɛ̨i haa tin. Daa muluun gbala pu di nwuɔ̨, daa ɓíi haɠa too di kwąną. Ɉerusalɛmə nɛ̨ɛ̨lɛa daa di nwun vilɛn a nwumɛ̨.

Izikiɛ 27:31

Diɛ di nwun galaan ə́ ma mɛ̨nį ɓa, diɛ mąąwɛli həɠəɠaa too di kwąną, diɛ wɔlɔ ə́ mɛ̨i a di lii kələnŋaa di kwəi, diɛ di woola a nąą mąąwɛliɛ.

Izikiɛ 7:18

Di kaa pai ɓíiɠaa kɛi diɛ, diɛ kpɛlin, nwumɛ̨ yɛ di kəlee di ɲɛ̨i paa, Da di nwun gəlee kalaan.

Zooɛ 1:8

Ə́ woolaa yɛ́ nɛ̨ɛ̨gbɛla a hilɛ həɠə a nįnɛ̨ a haa ɲəi.

Levetekɔ 26:16

mɛ̨nįi gáá pai gɛi ya ka: Gáá pai kpolo ɲɔ̨n da kwɛlɛ ɲɔ̨n ɉee ka hu, diɛ ka kwəi pili kaa, diɛ ka ɲɛ̨i lon ɉu haa, diɛ ka wɔ yɛnɛ̨ɛ̨ hu kpuɔ. Ka káá lɔ pai kɛi tíi kɛi kpɛli kpɛli, ka yowoɠaa ɓə pai kɛi ma mįi.

Amɔsə 8:10

Ŋą́ ka wɔ hɛliɠaai kəlee mąą pənə a mąąwɛli hee ɓoɔ Ŋą́ ka wɔ wələɠaai mąąhvalin a wɔlɔ woo. Nu kəlee da mąąwɛli həɠə too di kwąną yɛ da haa too nu ɓa. Nu kəlee da di nwun gbəlaan mo, yɛ nu lon gɔw tɔ̨nɔ̨ a haa. Mɛ̨nįɠaa tii kəlee ŋąą a kpɛɛ a nwanąą.

Mise 1:16

'Ə́ nwun bu, 'ə́ nwun galaan, ə́ wɛlikɛmąą lonnii mąą mɛ̨nį ɓa. 'Ə nwun gbəlaan mo, mąąhɔlɔɓo, daa di kulɔ yɛ́, diɛ li a diɛ kwɛaala luwɔlaa hu.

Dutɛrɔnome 28:22

Yai-Laa kaa pai huhaa ɲɔ̨n, kwɛlɛ ɲɔ̨n, kɔ́lɔ kələn mąą, da kwəi kulɔ ɲɔ̨n bɛlɛi kaa, yɛ ka wɔ tíiɠaai kala, ɲɔ̨nŋąą tii da lɛɛ ka pulu, ə lɛɛ ɉu, di ka nwun na pili.

Dutɛrɔnome 32:24

Ɓɛlɔwai pulu a di kɛ la a nu lɛɠɛ, ɲɔ̨n ɲɔ̨nwɔ̨ɔ̨ɠaa diɛ di laanɔ̨nwɔ̨ ɓo, Ŋą́ hvɛnɛ̨ huwɔɠaa ɲąątɔɔ diɛ, ŋą́ kaalə ɲɔ̨nwɔ̨ɔ̨ɠaa tí diɛ.

Piɛrə dɔlɔɔ 3:3

Ká mąąyili hɛnŋaa hvo kɛ lɔ ká kɔlɔ ɓa, yɛ bələi: nwun-naala lɛlɛɛɠaa, hɛni kwɛliɠaa, da mąąyili hɛn yəki-yəkiɠaa;

M̀ɛni-lɛɛi 11:3

Ɛlɛɛ, yili pulu, gáá pai nwɔ́ kɛla hveelɛ tɛɛi di mąą yiliɛ a mąąwɛli həɠə, di gwə́i mɛ̨nį ɓo, hvóló waa tɔ̨nɔ̨ pulu nwun veelɛ ɲee mɛ̨ida yee mu.»

M̀ɛni-lɛɛi 16:9

Ɛlɛɛ, nu kanŋaa di kələn a wələən gɛnɛ̨; Yálái tii ɲee a pɛli mɔ̨nɔ̨ɠaa tii diɛ, diɛ naa ɓɛlɛ too, kɛlaa, di hvo gɛ di hvo di tuwɔ pələ mąąhvalin, di hvo mąąwiɛlaa tɛɛ bɔ.

M̀ɛni-lɛɛi 18:9

Nąąlɔwai, lɔi mɛ̨i tɔɔɓɛlaai kpɔ di kpɔwɔ tɛɛ bɔ, da diɛni diɛ wɛlikɛ, ɛlɛɛ, diɛ ɲąąnɛ̨ɛ̨ kulɔ, da pa gələn nwɔ̨n nului tii kaai, da wɔlɔ diɛ di woolaa a mąą mɛ̨nį.