Azaya 3:15 - Yálá laawoo hɛɓɛ (dc)

¹⁵ Lə mɛ̨nį ɓa ka hee nwɔ́ nu huwui mɛ̨i, kaa mąąwɛli nuą hon a di ɲɛ̨i paa pələ? Nąmu Yai-Laa Mɛ̨nį Kəlee ŋą Hééɓomun woo li!»

Yálá laawoo hɛɓɛ

¹⁵ Lə mɛ̨nį ɓa ka hee nwɔ́ nu huwui mɛ̨i, kaa mąąwɛli nuą hon a di ɲɛ̨i paa pələ? Nąmu Yai-Laa Mɛ̨nį Kəlee ŋą Hééɓomun woo li!»

Bible

¹⁵ Vé lɛ́lɛ ní kɛ̀ a gɛɛ ká ŋánûai páa, ká gôlo-ƃelai kɔ̃liŋ siɣe. Ńyãai a Ŋ̀wála-wâla kélee Yâwɛɛ, ńyãa ƃé mò tí.”

Azaya 3:15 ပူးပေါင်းရင်းမြစ်များ

Mąątɛ̨nɛ̨ 94:5

Yai-Laa, daa hee ə́ wɔ nu huwui mɛ̨i, diɛ ə́ kwɛlin ɲɛ̨i paa.

Lɛɛ gbɔwɔ ɓa 5:14

Israɛlə nuąi di di hee di ɓɛlaa nwun na, di yiliɠaa hukɛlɛ, diɛ kɛ diɛ: «Lə mɛ̨nį ɓa, voló hveelɛi ŋɛ̨i yee mu, pɔlɔ kɔ́wi kɛ mąąnɛ̨ɛ̨ ka gulɔ, ka hvo gulɔ li?»

Hanwon 30:14

Nu taɠaa kaa laa, di ɲin gaa yɛ ɓɔwa kwɛa, di kpaniɠaa di ɓo yɛ ɓɔwa lon, diɛ mąąwɛli nuą huwɔ wean na di hu, di kpɛɛ mɛ̨nį ɓa lɔi mɛ̨i, da yeehvowolo nuą.

Azaya 10:2

Di hva mąąwɛli nuą mąą mɛ̨nį ɓo, diɛ nwɔ́ lɔi hu yeehvowolo nuą di wɔ tɛ̨ą mɛ̨nį kpɛlaan, diɛ kalaninŋaa kɛ a di laa mįi hɛnŋąą, diɛ too təlilɛa mɛ̨i.

Azaya 14:30

Mąąwɛli nuą kaa pai di laa mįi hɔlɔɓoi, yeehowolo nuą diɛ yɛnɛ̨ɛ̨ kɛ liilaa hu. Kɛlaa ə́ wɛi, ŋą́ ə́ hamu paa a pulu, ə́ kpəlii a lɛɛ, ŋį́ yili paa.

Azaya 26:6

Nuą diɛ ɓɔlɔn mɛ̨i, nuąi kɔ́lɔn və diɛ, da nuąi hvaŋą hvo di yəi diɛ ɓɔlɔn mɛ̨i.

Azaya 29:19

Yili pulu, kpɔwɔ mąąyɛɛ nuą diɛ di kwəinɛ̨ɛ̨ Yai-Laa laa hu, ɛlɛɛ yeehowolo nuą diɛ ɓələn, Israɛlə nwɔ Mąąhəɠəmun mąą mɛ̨nį ɓa.

Azaya 30:12

Ɛlɛɛ yaan, mɛ̨nįi Israɛlə nwɔ Mąąhəɠə mun kaa moi ya ka: Yii yaan kaa nwooi ɲɛ̨i pili, ɛlɛɛ kaa ka kili lɛɛ wea mun nwoo ɓa, kaa ka kilitɔɔ ka ɓowo mun mą.

Azaya 32:6

Yaan, kilikpɛɛɲəimun nwɛi, ɓowo wooɠaa ɓə a mo, yɛ mɛ̨nį ɲɔ̨n gili tee gwəi, a túwɔ́ a nɛ̨ŋɛ̨n ɉəɠə mun dúwɔ́ pələ. Yɛ Yai-Laa laa mąątea woo ɓo, nui pulú aa gbɔlɔɔn, yɛ nɛɛ a gwəi howolo, nui kpələ wɛli kaa mą, yɛ nɛɛ a yá wɛli.

Azaya 5:7

Yai-Laa Mɛ̨nį Kəlee ŋą Hééɓomun nwɔ tíi ɓaa, a Israɛlə nwɔ pɛ́lɛ́i, hihɛn yii nwɛli ə kɛ mą kpɔ kɛnɛ̨, ya ɓaa a Ɉuda nu huwu, ɲɛ̨i ə kɛ təlimo laa tɔwɔ, kɛlaa wea mɛ̨nį ɓə aa gaa, ɲɛ̨i ə kɛ tɛ̨ą tɔwɔ, yiihu kɛa mąąwɛli nuą wɔlɔ woo ɓə tɔɔi.

Azaya 58:4

Ka kɛ hín nɔi hvaa da mɛ̨nį ɓo di ŋą, kaa kɛlɛ kɛ ɓo kɛ a wəa, ka hva hín nɔ yɛ bələi mąąnɛ̨ɛ̨ la hvóló tɔ̨nɔ̨ yeemu, a yələi ka káá bɔ di ka woo mɛ̨n na yələkɔlɔn ɉu.

Azaya 63:8

Ə kɛ diɛ: «A tɛ̨ą nwɔ́ nuą li, nónnii li, di hva nu ɓowo», ɛlɛɛ, ə kɛ a di nwun mąąɓomun.

Izikiɛ 18:2

«Lə ɓə kɛ yai ka kɛ lɔ ɉanwon ŋɛ̨i hɔɔi Israɛlə lɔi hu, kaa kɛ diɛ: ‹Lon gaa nuą di wulu ɓá kpəlee mįi, kɛlaa di lonnii ɓə di ɲin ŋą aa kpona?›

Zôna 1:6

Gələn ɉiɛ nuą nwun nąmu ə lɛɠɛ Ɉonasə ɓa, ə dəli, yɛ mą: «Lə mɛ̨nį ɓa ə́ kaa yii? Ə́ muhəɠə ə́ ə́ woo laa həli ə́ wɔ Yálái ɓa, ə kpɔnmąą tɛɛ gu pɔ! Gbəli hu, gaa pai gu ɲɛ̨imąąwɛli kaai, ə gu kulɔ ɉu gu hva haa.»