Azaya 3:11 - Yálá laawoo hɛɓɛ (dc)

¹¹ Kpalo ɓɛlaai mɛ̨nį ɲɔn gɛmun mą, hvó gaai mąąwɛli mɛ̨nį hɛlɛ ŋąąi nwun mɛ̨i, di kaa pai ɉon ɉii, yɛ bələi ə gwɛli la a dúwɔ́ pələ.

Yálá laawoo hɛɓɛ

¹¹ Kpalo ɓɛlaai mɛ̨nį ɲɔn gɛmun mą, hvó gaai mąąwɛli mɛ̨nį hɛlɛ ŋąąi nwun mɛ̨i, di kaa pai ɉon ɉii, yɛ bələi ə gwɛli la a dúwɔ́ pələ.

Bible

¹¹ Kɛ́lɛ kpalo ƃelâai ŋ̀wana-lɔ̂ɔ ƃelai dîa. Mó dîa a gɛɛ m̀ɛni nyɔ́mɔɔ-ŋai kélee dí gɛ̀ a díƃarâai, da a pâi kɛ̂i a dia.

Azaya 3:11 ပူးပေါင်းရင်းမြစ်များ

Zɛnɛse 18:25

Gílí kaa ɉu gɛ́ diɛ́, hvá pɛli mą. Hvá hvaa mą, nuąi hɔn və diɛ, da hɔn mąą nuą, hvə́ di nwun na pili a gee. Nui ŋɛ̨i a yɛnɛ̨ɛ̨ mɛ̨nįɠaa kəlee kitii tee, hva hvaa mą, hvo tələnmomun nwun na pili.»

Samia Veerɛi 3:39

Nwɛ́i, háákələi, hvaŋą hvo ɲə́i, pələi mąn di dɔɔlaa wulɔ hiɛ la mą́ą́, ə lɛɛ, nu huwui tii a Seruya lonnii, di kili walawalaai mą́ą́. Kɛlaa, Yai-Laa ə nu ɲɔ̨nwɔ̨ɔ̨ nwɔ mɛ̨nį ɲɔ̨n gwələ kulɔ ma.»

Tɔɔɓɛlaa dɔlɔɔ 21:21

Mɛ̨nį Yai-Laa ə mo ya ka; yɛ diɛ: Gáá pai kpalo ɓɛlai Akabə ɓa: gáá pai ə́ huwu kpɛɛi lɔi mɛ̨i, ə mą kɛ, yii ə́ laa kaa mą.

Kɔlɔnikɔ Veerɛi 6:23

'Lɛɛ yələ kɔ́lɔn ɉu, ə́ ə́ wəli tɔɔ, ə́ ə́ kɛ mɛ̨nį kɛ ɉu, ə́ di lɔwai woo ɓo, nui ɉɔn gɛ, ə́ ɉutɔɔ a nwɔ nɛ̨ŋɛ̨n yɛɛ yá mo a nwun; ɛlɛɛ, ə́ tələnmomun ŋą tələnmolaa too pɔ̨nɔ̨ ŋą, ə́ ɉon, yɛ bələi dələnmoɔ la.

Zôo 10:15

A nɛ̨ɛ̨ mą́ą́ ŋį́ ɉɔ́n gɛ, yili nwɛi gbɔ́ɔ́ mɛ̨nį li. Hɔn ə mą wala kɛ mą́ą́, va nwún muhəɠə, ŋą́ą́ pilɛ nwumɛ̨ hu, laanɔ̨nwɔ̨ aa gɛ́lɛ yɛ lɔɔ.

Mąątɛ̨nɛ̨ 28:4

'Di hon yɛ bələi di túwɔ́ pələ kaa lai, da di wɔ kɛɛ kala pələ; 'di hon yɛ bələi da mɛ̨nįɠaa kɛ lai, di kwəi kili gulɔmąą kɛ diɛ.

Mąątɛ̨nɛ̨ 62:12

Yálá ə hvaa lɔ tanɔ̨n, ŋą́ mɛ̨nį hveelɛ ɓə ŋį́ mɛ̨n, doloo ɓaa a: Yálá pɔɔ ɓaa a huwalawalalaa,

Hanwon 1:31

Yili ɓa, ka túwɔ́ pələi tii lɔ ɓə gbalo a ka káá, ka wɔ kili ɲɔ̨nwɔ̨ɔ̨ tii lɔ ɓə ka pilɛ ɉu.

Hanwon 11:31

Tələnmomun a lɛɛ lɔi mɛ̨i ə dɔlɔ ta hɔlɔɓo, gu hvomun kɛ nwąnąlɔ nuą da nɛ̨ŋɛ̨n ɉəɠə nuą!

Hanwon 12:14

Nu tɛitɛi a hɛn ɉɔlɔɓo vaa woo hu, nu kəlee yɛ gɛ koló mąą hvɛla hɔlɔɓo.

Hanwon 26:27

Nui a lɔwa tee a too ɉu. Nui a kwɛni kpuwulu kiliɠilin, a pənə ə pa mɛ̨i.

Ikilisiati 8:13

Nwąnąlɔmun nwɛi, hva pɛli kɛi a lúwɔ́ lon. Nwąnąlɔmun a tɛɛ yɛ nįnįn, a lɛɛ a nu nwunu, ə haa, mąąhɔlɔɓo, hva ɲɔw Yálá ɓa.»

Azaya 13:11

Gáá pai nwą́nąkulɔi yɛnɛ̨ɛ̨ ɓa, ɉɔn ɲɔ̨nwɔ̨ mɛ̨nį ɓa, gɛ́ nwą́nąkulɔ nwąnąlɔ nuą diɛ, di wɔ nɛ̨ŋɛ̨nŋąąi mąą mɛ̨nį ɓa, gɛ́ kpɔwɔ ɲąąkɛnɛ̨ kulɔ tɛɠɛɓo ɉu nuą yee pɔ, gɛ́ nu mɔ̨nɔ̨ɓo tɔɔɓɛlaa, di wɔ ɓələn mąą yɛɛ.

Azaya 48:22

Kɛlaa, Yai-Laa yɛ diɛ, nu ɲɔ̨nwɔ̨ɔ̨ɠaa di wɛi di hva liilaa hɔlɔɓo kpɔ tanɔ̨n gbən.

Azaya 65:20

Lon dala hvo kɛa pai haai laa, a yii kuu hveelɛ yee mu lon, ə mą kɛ hulɔgolo, yii hvo nwɔ yɛnɛ̨ɛ̨ laa hvɛɛ li, nui a haa a nwɔ kwɛlan nwundɔ̨nɔ̨, a kɛ tii, aa haa ɉilənon gɔlɔi, ɛlɛɛ, nɛ̨ŋɛ̨n mun a kwɛlan nwun dɔ̨nɔ̨ hɔlɔɓo, da gaa a nɛ̨ŋɛ̨n naa mun.

Azaya 65:6

Ka nɛɛ lɔ laa, mɛ̨nįɠaai tii kəlee pɛ̨ɛ̨ kaa ɲə́i ɲą, və́ pa nəi tɔɔ ɉu tin, hvo kɛi ŋį́ di kwələ kulɔ, ŋį́ gwələ kəlee kulɔ kpɔ ə kpɛɛ níí pɔ.

Azaya 65:7

Ka wɔ túwɔ́ pələ ɲɔ̨n, da ka nąnni di wɛiɠaai, ŋą́ gwələ kulɔ a gee, Yai-Laa woo li. Nuąi kɛi nwulɔ kun nɛ̨ɛ̨ɠaa kələn ɲeeɠaa nwuɔ̨, diɛ mɛ́lɛ too la tii, ɲee kpukpuɠaa mɛ̨i, gáá pai bɔɔ kulɔi diɛ, yɛ bələi wɛi di kɛi túwɔ́ la.

Ɉeremi 21:14

Gáá heei ka hu, yɛ bələi ka wɔ túwɔ́ pələ ɲɔ̨n gaa la. Yai-Laa woo ka, yɛ diɛ: Gáá nwɔ̨n bilii nwɔ wəlai hu, nwɔ̨n ə gwɛlɛ hɛnŋaa kəlee kələn.»

Ɉeremi 31:30

Hvo pai kɛi tii, nu kəlee kaa pai haai gbɔwɔ kɛ nɛ̨ŋɛ̨n mąą mɛ̨nį hu, ɛlɛɛ, nui a wulu ɓa kpəlee mįi, mąą nu ɓə ɲįn ŋą a kponą.

Izikiɛ 16:59

«Mąąhɔlɔɓo, mɛ̨nįi Mɛ̨nį kəlee ŋą Hééɓomun Yálá kaa moi ya ka: Gáá lɔ ə́ hon ɉii yɛ bələi ə́ túwɔ la, yɛ́i ŋɛ̨i tɛɠɛ ɓo nɛ̨ŋɛ̨n naa woo hu a mįnɛ̨ hukalai ə́ moi.

Izikiɛ 18:20

Nui a nɛ̨ŋɛ̨n ɉəɠə, mąą nu ɓə a haa; lon və pai nąn nwɔ nɛ̨ŋɛ̨n ɉu mɔ̨nɔ̨ mįi; lon ga nąn və pai non nwɔ nɛ̨ŋɛ̨n ɉu mɔ̨nɔ̨ mįi. Tələnmomun nwɔ tələnmolaa a lɛɛ nwuɔ̨, nu ɲɔ̨nwɔ̨ɔ̨ nwɔ kili ɲɔ̨nwɔ̨ɔ̨ wulu yɛ lɛɛ nwuɔ̨.

Izikiɛ 2:10

Ə volóon ɲɛ̨́i ɓa, hɛɓɛ́ pɛ̨ɛ̨i kɛ bələ kəlee hveelɛi, woolaa wooɠaa ɓə kɛ bɛ̨ɛ̨ ɉu, nu ɲiŋɛ̨ woo da tomą wooɠaa.

Izikiɛ 24:14

Ɲą́ą́ Yai-Laa váá woo li, ɛlɛɛ, gəlee kaa pai kɛi; gáá gɛi vá hviikpɛɛlaa too ɉu, və́ pai nu mąąwɛli kaai, və́ pai nwóó yalii bulu. Di kaa pai ə́ kiti teei ə́ túwɔ pələ ɓa, ə́ kɛ mɛ̨nįɠaa pɔ pələ, Mɛ̨nį kəlee ŋą Hééɓomun Yálá woo li.»

Izikiɛ 33:8

Ŋą́ kɛ nu ɲɔ̨nwɔ̨ɔ̨ ɓa, ə́ kaa pai haai, ɛlɛɛ yɛ́n, yá wala gilaa pono, hvo həɠə nwɔ túwɔ́ pələ ɲɔ̨n pulu, a haa a nwɔ túwɔ́ pələ ɲɔ̨n naa pɔɔ. Kɛlaa, yɛ́ ɓə ɲąmą wulu a lɛɛ ə́ nwuɔ̨.

Mise 3:4

Ɓɛlɔwai di kaa pai tómąi la Yai-Laa pɔ pələ, gaa pai ɲɛ̨ilaai looi diɛ, hvo pai di woo mu hon ɉii, nɛ̨ŋɛ̨nŋąąi di ɉəɠə mąą mɛ̨nį ɓa.

Mise 7:13

Lɔi kaa pai lɛɛi a vowolo, a ɉu nuą laa pɔɔ; mɛ̨nįi di gwɛli, yaa li.

Lonon mo 32:23

Kɛlaa ka wala gɛ, a kɛ tii kaa nɛ̨ŋɛ̨n ɉəɠə Yai-Laa ɓa; mąąnɛ̨ɛ̨ ka gɔlɔn kaa ka wɔ nɛ̨ŋɛ̨n tii a hvilɛn ka pulu.

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.

Nwun mąąɓo 9:57

Ɛlɛɛ, Yálá ə Sisɛmə nuą di wɔ túwɔ́ pələ ɲɔ̨n gwələ kulɔ diɛ. Yerubaalə lon Yotamə nwɔ nɛ̨ŋɛ̨n naai tii ə gɛ, pələ ɓə naa ə hon na.