Azaya 29:1 - Yálá laawoo hɛɓɛ (dc)

¹ Kpalo ɓɛlaai yɛ́ Ariɛlə! Ariɛlə! Daai Davidə ə kɔ́ pɛlɛ mą; kwɛlan dɔ̨nɔ̨ aa laa gwɛlan tii mɛ̨i, ka gwɛlan ɉu hɛliɠaa kəlee lɛɛ laa ɲələ ə həli.

Yálá laawoo hɛɓɛ

¹ Kpalo ɓɛlaai yɛ́ Ariɛlə! Ariɛlə! Daai Davidə ə kɔ́ pɛlɛ mą; kwɛlan dɔ̨nɔ̨ aa laa gwɛlan tii mɛ̨i, ka gwɛlan ɉu hɛliɠaa kəlee lɛɛ laa ɲələ ə həli.

Bible

¹ Kpalo-ƃêlai Ɣâla ŋɔtêbelei, Deeƃé ŋɔtaa-lêei Zerusâlɛŋ ma. Daa-lêei ŋí Deeƃé è wɔ́lɔ kɛ̀ seêni zu gɛ́ sama-sãa támaa tɛ̀ɛ, gɛ́ kúu kpaya-kpaya-ŋa kɛ̀ a kóraŋ kéleei, ǹaa su a pá karâi.

Azaya 29:1 ပူးပေါင်းရင်းမြစ်များ

Samia Veerɛi 5:9

Davidə ə hee gulaa kwəlii, ə nąą laa hee a «Davidə taa.» Yili pulu, Davidə ə pɛlɛ́ɠaa tɔɔ kpɔ nąą kwɛlɛ kəlee, ə həɠə gɛɛnąą laa hvɛɛ ɓa, yɛ li la daa kwəi pələ.

Azaya 29:13

Mɛ̨nįi Nąmu ə mo nu huwui ŋɛ̨i laa mɛ̨i ya ka, yɛ diɛ: Nu huwui ŋɛ̨i a mą́ą́wiɛ lɔ a naaləi, Kɛlaa, di nįį hu pələ mąąkwɛai mą́ą́; ɲɔw mąą laai gaa di hu mą́ą́ mɛ̨nį ɓa, gaa lɔ a nu mɛ̨nį, gaa a mɛ̨nįi daa di mąąkwɛli mą.

Azaya 29:9

Ka kwəi ə pili kaa, hvaa hvo kulɔ ka la, ka ɲɛ̨i ə pu, ka lɛɛ lɔ kɛa tii; ka kɛ tɔɔi takpa takpa, kɛlaa hva kɛ a lɔɔ laa pɔɔ, ka kɛ ka yee pɛlɛi ɓɛ-ɓɛ, Kɛlaa lɔɔ laa hva kɛ ɉu.

Azaya 31:9

Nwɔ kwɛni kpuwului kaa pai pui a ɲɔw, da kɛi nwɔ kɔ́ nwun nąmįnąąi təli, diɛ mun diɛ pu a gilɛ. Yai-Laa woo li, yai nwɔ nwɔ̨n kaa Siɔn, ɛlɛɛ nwɔ kpaɠa nwɔ̨n ə ɓo Ɉerusalɛmə daai.

Azaya 5:12

Bɛlɛgwəi gwɛnįn, gololon gwɛnįn, da damąn mə da kɛ dɔɔi di mɛ̨i nɔɔ kpələiɠaa ɓa, Kɛlaa, mɛ̨nįi Yai-Laa kaa gɛi, di ɲɛ̨i hva kɛ laa; mɛ̨nįi ɲee kaa mą, di hva nąą kaa,

Azaya 66:3

Da kɛ niŋɛ̨ kulɔi a haláá, ɛlɛɛ nwɔ̨nɔ̨, diɛ nu paa! Da kɛ ɓɛlaa haa kulɔi a haláá, ɛlɛɛ nwɔ̨nɔ̨, diɛ yilɛ lon baa a gbɔn! Diɛ ɓɛlaa laa həli, kɛlaa ɓoi ɲąmą ɓə da bu! Da lansan kələn, kɛlaa hali mąąwiɛ mɛ̨nį ɓə! Nuąi tii, daa di liiɓa pələ həɠə, ɛlɛɛ, gbɛli kpɛli mɛ̨nįɠaai tii, di ɓo a di kwəinɛ̨ɛ̨ mɛ̨nį,

Ɉeremi 7:21

Yai-Laa Mɛ̨nį Kəlee ŋą Hééɓomun, Israɛlə nwɔ Yálá, woo ka, yɛ diɛ: Ɉaláá hɛnŋaai da gəlee kələn, da ɉaláá takpɛliɠaa, ka gəlee pɛlɛ gee ɓa, ka di mį́i.

Osia 5:6

Di kaa pai, da di wɔ taatɛlɛɛɠaai, gbɛa kpɛa da bɛlɛɛ pɛlɛɛ, Yai-Laa kwɛli mɛ̨nį ɓa, ɛlɛɛ di hvo pai gaai, Aa di kpɛ nwəli pulu.

Osia 8:13

Yii di yəi a haláá ya ka; ɉuwɔi da gulɔ a haláá, da pənə di mįi; Kɛlaa, yili hva nɛ̨ɛ̨ Yai-Laa ɓa, yiihu, gaa giliŋąhiɛi di wɔ nɛ̨ŋɛ̨nŋąąi ɓa, yɛ di wɔ túwɔ́ pələ ɲɔ̨nŋąąi lonon. Hvo kɛli nwɔ̨nɔ̨ di pənə di li Eziptə lɔi hu.

Osia 9:4

Di hvo pai Yai-Laa kɔ́i a lɔɔ, di wɔ halááɠaa di hvo pai nii hon ɉi: gaa kpɔlɔ pai kɛi di yəi yɛ haa mɛ̨i kɔ̨nɔ̨n, nui lɔpee a da mį́i, mąą a luwu. Gɔ̨nɔ̨n tii a di laa hɔnmo yɛnɛ̨ɛ̨, Kɛlaa hva lɔ Yai-Laa yəi bɛlɛ́n.

Levetekɔ 23:4

«Yai-Laa nwɔ hɛli kpɛa-kpɛai yiiɠaai mąąnɛ̨ɛ̨ ka ka ɲąąkpɔn na, kaa mąąwiɛ, diɛ ka:

Hebreu 10:1

Dɔn va pɛli mą, mɛ̨nį lɛlɛɛɠaai gaa pai, mąą mɛ̨nį ɲɛ̨i kulɔi kpɔ a neelee, gaa lɔ kɛ a nįnįn ɉu lɛ hɛn; yii dɔn ə kɛli ɉuhvɛli, ya ɓaa, ɉaláá huwu tanɔ̨n tii kaa gulɔ lɔ a kwɛlan gəlee, a gɛ pələ huwu tanɔ̨n. Yili ɓə gɛ, hva pɛli mą kɛ, nuąi da bɔ yíiɓo, di mąą mɛ̨nį ɲɛ̨i kulɔi a nɛlɛɛ, hvo naa kulɔ.