Azaya 28:7 - Yálá laawoo hɛɓɛ (dc)

⁷ Ɉaláá laa həli nuą da Yálá kwəi mɛ̨nį hukulɔ nuą kəlee, lɔɔ aa di nwun ɉu lan, nɔɔ kpəɠiɛɠaai tii kaa di tɔɔi takpa takpa; lɔɔ aa di nwun ɉu lan ɲee aa tɛɛ diɛ, nɔɔ kpəɠiɛɠaa tii kaa di tɔɔi takpa takpa; di nwɔ hį́iɠaa kili yɛ kpɛɛ di ɲą, diɛ lan ɉukulɔi.

Yálá laawoo hɛɓɛ

⁷ Ɉaláá laa həli nuą da Yálá kwəi mɛ̨nį hukulɔ nuą kəlee, lɔɔ aa di nwun ɉu lan, nɔɔ kpəɠiɛɠaai tii kaa di tɔɔi takpa takpa; lɔɔ aa di nwun ɉu lan ɲee aa tɛɛ diɛ, nɔɔ kpəɠiɛɠaa tii kaa di tɔɔi takpa takpa; di nwɔ hį́iɠaa kili yɛ kpɛɛ di ɲą, diɛ lan ɉukulɔi.

Bible

⁷ Ɣâla ŋɔlóno kɛ́-ƃelai da zâla láa soŋ-ƃelai dia máŋ da díkpelêi nɔ́. Da lɔɔ kpânaŋ ŋánaa-ŋa kpelêi díkɛ kɛ̀ tàka-taka. Ǹɔɔi a díŋuŋ su kɛ́ wúlee yɛ̂ɛ ƃoo-ƃela. Ɣâla ŋɔlóno kɛ́-ƃelai dífe m̀ɛni-ŋai ŋá kâai nyii Ɣâla a ŋ̀á lɛ̀ dîa zĩ̂a sui. Dífa ŋɔ́nɔ pɔri da maa mɛ̂ni ŋá lɛ̂i núu da kélee ma. Lɔɔ kpeleɛ́ɛ a gɛ́ zâla láa soŋ-ƃelai dífe ŋɔ́nɔ pɔrîi mɛni-sâa da kélee ƃôi dí ŋ̀á tée a ǹɛ́lɛɛ.

Azaya 28:7 ပူးပေါင်းရင်းမြစ်များ

Mąątɛ̨nɛ̨ 107:27

Di nwun ɉu yɛ tínɛ̨n, diɛ tɔɔ tapi-tapi, yɛ lɔɔ hon, Gələn ɉiɛ yɛlɛ kpaɠala kəlee yɛ pili diɛ.

Hanwon 20:1

Lɔɔ a nu kɛ a yɛlɛkulɔɉumun, lɔɔ kpəɠiɛ yɛ hvaa too. Nui a gbɔwɔ lɛɛ a lɔɔ ŋą hon, hva pɛli kɛi a kilimąą mun.

Hanwon 23:30

Nuąi da di kpɔwɔ tɛɛ lɔɔ pɔ, di hvilɛn ŋąą diɛ lɔɔ kpəgiɛ kwɛli, diɛ ɓə.

Ikilisiati 10:17

Lɔi ɲąąwooɓomun ə kulɔ tɔɔmun kwəlii, ɉu ɲɛ̨itɔwɔ nuą diɛ di laa mį́i a mį́i lɔwai, ə gɛ lɔ di hvaŋą hɔlɔɓo, ɛlɛɛ, di hvo bɔ di hvo kɛ a lɔɔ honŋąą, nwun na nɛ̨ɛ̨ lɔi li.

Azaya 19:14

Yai-Laa aa nwun ɉu tinɛ̨n ɲɔ̨n bɛlɛ diɛ, diɛ Eziptə tɔɔ lɔ takpa takpa gɛ mɛ̨nįɠaa kəlee hu, yɛ bələi lɔɔ hon a kɛ tɔɔi la, yɛ ɓaɠi.

Azaya 22:13

Ya ɓə, ka tɔɔ kaa kwəinɛ̨ɛ̨ kulɔ, kaa hɛli pu! Diɛ nįŋɛ̨ɠaa paa, diɛ ɓɛlaaɠaa nwun dee, diɛ huwɔ mįi, diɛ lɔɔ kpələ, kaa kɛ diɛ: ka gu gu laa mįi, ka gu gu kpələ; mąąhɔlɔɓo, gwa tínąą haa.

Azaya 24:2

Ɉaláá laa həli nuą, da nɔi lonnii, luwɔ nąmu, da nwɔ luwɔi, luwɔ leenɛ̨ą, da nwɔ luwɔ nɛ̨ɛ̨nu, lɔwɔtɔɔmun, da lɔwɔtíɲɛ̨ yamun, hiɲɛ̨n gɛmun, da hɛn nąmu, kwələ tɔɔmun, da kwələ həɠəmun.

Azaya 24:20

Lɔi kaa tɔɔi takpa takpa yɛ lɔɔ hon, aa hviyɛn yɛ hə́lə́kpuwulu, nwɔ nɛ̨ŋɛ̨n aa wiɛ mą, a too, hva pɛli muhəɠəi.

Azaya 28:1

Kpalo ɓɛlaai Ɛfraimə lɔɔ honŋąą di wɔ kpɔwɔ ŋąąkɛnɛ̨ ɓɔlɔi ɓa, nwulu powaɠaai daa yohva, diɛi kɛ a Ɛfraimə mąąyili hɛn ɲɛ̨i tɔɔɠaa, diɛi ɲa ɓoloon nɛlɛɛ hui, kaai lɔɔ yee aa tɛɛ kaai.

Azaya 29:11

Mɛ̨nį hu pɔ̨nɔ̨ɔ̨ tii, hu kpinįɛi kaa ɲɛ̨i ɓa, yɛ hɛɓɛ́ laakpulɔɔ hu mɛ̨nį, yaai da dɛɛ hɛɓɛ́ kɔ́lɔnmun bɔ, diɛ mą: «ɉɛɓɛ́i ŋɛ̨i hu woo ɓo», yaan yɛ diɛ: «vá pɛli ɉu woo ɓoi mąąhɔlɔɓo, naa kpulɔɔi.»

Azaya 3:12

Éé kə́! Nwɔ́ nu huwui! Nwɔ́ nu huwui laanɔ̨nwɔ̨ ɓomun gaa a tunun, nɛ̨ąą ɓə mun nɔi ɲąąwoo kaa di la; Éé kə́! Nwɔ́ nu huwui! Nuąi ka ɲɛ̨́i tɔwɔ di kaa ka lan ɉi, di kaa pələ lɛi kaa a viənŋąą.

Azaya 43:27

Ə́ nąn dɔlɔɔ tɔlɔɔ ə ɉɔn gɛ, ə́ woo laa tɛɛ nuą di di kwɛli tee ɲə́i.

Azaya 5:11

Nuąi da humo diɛ lɔɔ kpəɠiɛɠaa mąą gilɛ həɠə, ɛlɛɛ, kpinį ə mąn pɛlɛ, di ɓo lɔ lɔɔ ɓa, kpalo ɓɛlaai diɛ, mąąhɔlɔɓo, lɔɔ aa di kili mɛ̨i kpulu.

Azaya 5:22

Kpalo ɓɛlaai diɛ, di kaa a lɔɔ kpələ kuláaɠaa, di yee tɛɛ nu kəlee ɓa lɔɔ kpəɠiɛɠaa humui.

Azaya 5:23

Nui aa ɉɔn gɛ, da kiti nɛ̨ɛ̨ mą, mąąhɔlɔɓo, aa di tuwɔ ɲąą, di hva tələnmo mun nwɔ tɛ̨ą ɓo.

Ɉeremi 14:14

Yili ɓə gɛ, Yai-Laa ə nwóó pulu pənə, yɛ mą: «Lɛɛ ka tii di gɛ a náá, ɲą́ą́ hvəi di tɔɔ la, və́ mɛ̨nį ta ɓo li diɛ. Di kɛ diɛ: daa kɛɛ kaa, daa mɛ̨nį mɛ̨n, lɛɛ ka tii di gɛ, di kwəi kiliŋąhiɛ lɔ li, diɛ mɛ̨nį kulɔ di nwun ɉu, diɛ mo. Bələ ɓə diɛ da kɛ gwə́i mɛ̨nį hukulɔi la a lɛɛ.

Ɉeremi 23:13

«Ŋą́ kili kpɛɛ gwəi mɛ̨nįɠaa kaa, Yálá kwəi mɛ̨nį hukulɔ nuąi Samari di yee pɔ, di kɛi mɛ̨nįɠaa ɓo Baalə laa hu. Diɛ Israɛlə nwɔ́ nu huwui nwun ɉu lan.

Ɉeremi 23:16

Mɛ̨nįi Yai-Laa Mɛ̨nį Kəlee ŋą Hééɓomun ə mo, ya ka, yɛ diɛ: «Nuą tii di kpɔɔ kɛi a Yálá kwəi mɛ̨nį hukulɔ nuą a lɛɛ, ka hvo ka wəli tɔɔ diɛ, di kaa ka ɓowoi. Mɛ̨nįi di kaa ka kalan ɉii la, di kaa lɔ gulɔi di nwun ɉu, hvo həɠə li Yai-Laa la.

Woolaa 2:4

Aa nwɔ kilɛn ɲala ɉu yɛ kɛ ə ɓo mą, yɛ nu a kɛi mɛ̨ni kɛ ɲowo ɓa. Yiiɠaa kpɔ kɛi ku ɲɛ̨i lɛlɛ aa yiliɠaa kəlee nwun dee yɛ nu a kɛi mɛ̨ni kɛ a gɔ́yɔwɔ. Aa nwɔ̨n bu Siɔn halakpɛla nwɔ pɛlɛ́i mɛ̨i a liiholi.

Izikiɛ 13:7

Kɛlɛi lɛɛ kɛɛ ɓə tii ka gaai, kɛlɛi nuą ɓowo woo ɓə tii ka moi; kaai tii ka kɛ kɛi diɛ, ‹Yai-Laa woo ka› yá pa, ɲą́ą́n və́ mɛ̨nį ta ɓo li.

Izikiɛ 44:21

Haláá laa həli mun lɔpee ta hvo lɔɔ kpələ, ɓɛlɔwai gaa pai lɔi la ɲįmąn mu bɛlɛ́n bələ.

Osia 7:5

Ku wɔ tɔɔmun nwɔ hvólói, nɔi ɲɛ̨itɔwɔ nuą, da di kpɔwɔ kɛ a ɲɔ̨n gɛ nuą, a lɔɔ laa pɔɔ, tɔɔmun aa ɲɛ̨i tinɛ̨n yɛlɛ kulɔɉu nuą pɔ pələ.

Mise 2:11

Ə li kɛ nu a pɛli hɔlɔɓoi, yɛ gilɛ həɠə hvaŋą pulu, lɔɔ pulu, yɛ kɛ diɛ: «'Ka lɔɔ tɛɛ bɔ́, a lɔɔ kpəɠiɛ ŋį́ Yálá kwəi mɛ̨nį ɓo yɛ́ a ə́ kwəinɛ̨ɛ̨ mɛ̨nį» mąą nu lɔ ɓə li kɛ a nu huwui ŋɛ̨i nwɔ kalan gɛmun.

Habakukə 2:15

Kpalo ɓɛlaai kaa! Kaai ka lɔɔ kpəɠiɛ tɔɔ ka ɓɛlaa la, yɛ pilimąą, yɛ di hon, diɛ di kpúwúlú lɛ.

Habakukə 2:16

Nwumɛ̨ ka tii, ka káá ka kpɔwɔ kwɛlii la, mąąwiɛ hvo li. Kaa kpɛli, ka nɔɔ tii ta kpələ, ka ka kpuwulu lɛ. Yai-Laa, kaa pai ka ɲee tɔɔi ka kwaną, Nwɔ liiholii yɛ ka kɛlɛ́ yɛ lɔɔ, ka wɔ mąąwiɛ mąą a pənə a ɓɛlɛkpɛɛmąą.

Maafîu 24:29

«Mɔ̨nɔ̨ kpɛa-kpɛa tii tɛɛ pulu, ɲąąɓa, hvóló a tɛɠi, ɲąnįn hva kɛa hvóló, pɛmɛ̨lɛ̨n-gɔw diɛ kulɔ yələi diɛ too. Huwalawalaɠaai yələ kwəi, da kpɛlin.

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Ifisiɛŋ 5:28

Bələ kpɔlɔɔ ɓə mąąnɛ̨ɛ̨ hulɔnu yaa kpɛlimąn, ə nɛ̨ą wɛlilakɛ la, yɛ gbɔwɔ kpinįlee. Nui nɛ̨ą wɛlikaa mą, gbɔwɔ kpinįlee wɛlikaa mą.