Azaya 28:22 - Yálá laawoo hɛɓɛ (dc)

²² Ka hvo kɛa tɔɔ yiihu, kaa kɛ ka káá yɛlɛmąą kɛi, di hvo pa ka yili yɛli hu yala kaa; mąąhɔlɔɓo, ŋąą mɛ̨n Nąmu Yai-Laa Mɛ̨nį Kəlee ŋą Hééɓomun la, yɛ a nɔi nąą kəlee kala mɛ̨nį gili tee gwəi.

Yálá laawoo hɛɓɛ

²² Ka hvo kɛa tɔɔ yiihu, kaa kɛ ka káá yɛlɛmąą kɛi, di hvo pa ka yili yɛli hu yala kaa; mąąhɔlɔɓo, ŋąą mɛ̨n Nąmu Yai-Laa Mɛ̨nį Kəlee ŋą Hééɓomun la, yɛ a nɔi nąą kəlee kala mɛ̨nį gili tee gwəi.

Bible

²² Káfe ǹia-woo ƃôi ŋí mɛni sìɣe a lɛ́ŋ. Ka zìɣe a lɛ́ŋ, m̀ɛni-kpɔ̂lui ŋí a pâi kɛ̂i a gbanaŋɔɔ a sɛŋ núu da fé pâi pɔrîi pûi é kúla ǹyée mu. Ŋ̀wála-wâla kélee Ɣalai a m̀ó ḿâ a gɛɛ a pâi Zuda lɔii gwaa kélee su-karâi.

Azaya 28:22 ပူးပေါင်းရင်းမြစ်များ

Kɔlɔnikɔ Veerɛi 30:10

Nwɛlɛɛɓo nuą di tɛɛ daaɠaa hu, Ɛfraimə lɔi hu da Manase lɔi hu, di həli kpɔ Zabulɔn. Kɛlaa, di kɛi yɛlɛ diɛ, diɛ di kaa yɛ ɓowonuą.

Kɔlɔnikɔ Veerɛi 33:11

Yai-Laa ə Asiri tɔɔmun nwɔ kɔlaɠa nwun nąmįną tɔɔ, di pa a kɔ́, di bɛlɛ diɛ. Di Manase hon kwɛli kpɛlɛmąąɠaa, di ɲili a ɓala kwɛli yɛli, di li la Babilonə.

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Mąątɛ̨nɛ̨ 107:16

Mąąhɔlɔɓo, ə kwɛli kponŋaa ɓɛla, ə di laakpulu kwɛliɠaa hu yali yali.

Lɛɛ gbɔwɔ ɓa 8:25

Moisə yɛ mą: «Gáá kpɔlɔɔ kulɔi ɓɛ ə́ yəi bɛlɛ́n, ŋį́ li, ŋį́ nwóó tɛ Yai-Laa ɓa. Tinąą vɔnŋąą mąą kaa kwɛai yɛ́, ká ə́ wɔ nu kpɛa-kpɛai, da nɔi nuą kaa. Kɛlaa, hvo yɛlɛ kulɔ ku hu, yɛ lənə nwɔ̨nɔ̨ Israɛlə lonnii li mɛ̨nį ɓa ɉaláái ti kulɔi Yai-Laa ɓa.»

Hanwon 19:29

Hutɔɔ hvaɠa kaa a yɛlɛ mąą kɛ nuą di wɔɔ, ɛlɛɛ, gbɔn ə ɓo kilikpɛɛgwəi nuą hąą.

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Azaya 10:12

Kɛlaa, ɲələi Yai-Laa kaa pai ɲee laa kulɔi la nwɔ koloi kəlee ɓa Siɔn yee nwuɔ̨ da Ɉerusalɛmə daai, gaa pai kɛi diɛ: «Gáá kɛa nwɔ́ nąą kɛi Asiri tɔɔmun ŋą kpɔwɔ ɲąą kɛnɛ̨ mɛ̨nįi ŋɛ̨i hu, da ŋą tɛɠɛɓoɉulaa.

Azaya 28:23

'Ka ka wəli tɔɔ, ka nwóó mɛ̨n, 'ka ka wəli tɔɔ a nɛlɛɛ, ka váá woo mɛ̨n;

Ɉeremi 15:17

Və́ kɛ gwə́inɛɛ mɛ̨nį kwɛli li ɓowo pələ kɛ nuą pɔ. Ə́ yee huwalawala, ə dɔ́ɔ́ a déé. Hvo gaai, ə́ nwɔ liikələn gwəi aa hee ɉú kpɔ kɛnɛ̨.

Ɉeremi 20:7

Yai-Laa, yáá ɲą́ą́nɛnɛn, yáá ɉón a gbanalaa, Ɛlɛɛ, ɲą́ą́n, ŋą́ą́ gbɔ́ɔ́ lɛɛ laa yáá ɉón, wea mɛ̨nį kpɔ ɓə ə́ gɛ mą́ą́ mɛ̨nį hu; Ɛlɛɛ, mɛ̨nįi ə kɛ bɔ, ə́ yee aa pɛli mą. Da túwɔ́ lɔ yɛlɛ kulɔi ɉú, nu kəlee diɛ di laa pu ɉú.

Ɉeremi 25:11

Nɔi ŋɛ̨i naa kəlee kaa pai lɛɛi a kpomó, da lɔi pun. Ɛlɛɛ, ɉu nuą kəlee da kɛ Babilonə tɔɔmun ɲee mu əlɛɛɉu, kwɛlan bow mɛ̨ihveelɛ.

Ɉeremi 36:23

Yehudi a kpɛɛ lɔ kɛ a ɉɛɓɛ́ ɲɛli haaɓa a wala kɛ ti nąąn ną ɓoɔ, tɔɔmun ə yili nąą tee mą a ɓɔwa lon, ɛlɛɛ, ə bili nwɔ̨n ŋą; ə lɛɛ ɉu ə ɉɛɓɛ́ yili kəlee kələn ə gbɛɛ.

Ɉeremi 39:7

Yili pulu, ə Sedesiasə ɲɛ̨i wolo, ə ɲili a yɔwɔn veelɛ, yɛ li la Babilonə.

Woolaa 1:14

Aa nwɔ́ túwɔ́ pələ ɲɔ̨n gəlee kili lɛɛ ŋą, aa gəlee laa ɲee kpala. Aa kwɛli pili ɉúnwɛ̨i, aa hvaŋą kpɛɛ ɲə́i, aa dɛ́ɛ́ ɲówóɠaa pɔ. Vá pɛli mą́ą́kɔ̨nwɔ̨i.

Izikiɛ 22:14

Ə́ kaa pai mɔ̨ɔ̨ ə́ lii kpələi, ə́ yee kɔ̨nwɔ̨n ɉu kaa pai wala walai; a ɲələi mɛ̨nį kaa pai kulɔi la gwa yɛ́ gu lɔwai? Ɲą́ą́ Yai-Laa, ɲá mo, gɛ́ bɔ mɛ̨nį kɛ.

Nahumə 1:9

Lə kiliŋąhiɛ ɓə kaa yɛ hvilɛn na Yai-Laa ɓa? Nwɛi a hɛn gəlee kulɔ a nwun, mɔ̨nɔ̨ hva kɛa pənə hvo həli kaa.

Maafîu 27:39

Nuą tii kɛi tɛɛ bələi, da di ɲɛ̨i hee Jesus ɓa, diɛ di nwun gbɛŋɛ̨n diɛ nalan diɛ kɛ mą:

Maafîu 27:44

Ə mą kɛ nuą ɉɔi kɛ di kpanwoɔ kolɔwa ɓa gwɛlɛ, diɛ kpɛli di kɛi nalan nɔ tii.

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Gɛlaɠaa 17:32

Yii lɔ Polə ə nu nwun mɛ̨nį yɛ kulɔ haaɓɛlaa lɔwai mɛ̨nį ɓo, di taɠaa di kɛli yɛlɛ mą; daɠaa diɛ kɛ: «Ku kaa pai ku wəli tɔɔi ə́ woo ɓa a yələ takpɛli.»