Azaya 28:19 - Yálá laawoo hɛɓɛ (dc)

¹⁹ Dɛɛ pələ kəlee, gaa pai kɛi ka hon ɉii. Mąąhɔlɔɓo, gaa pai kɛi tɛɛi a yələwala kəlee, yɛ tɛɛ a hvóló da kpinį, ɛlɛɛ, mɛ̨nįi tii nu a gili kɔ́lɔn, a kɛ a ɲɔw kɛnɛ̨ɛ̨.

Yálá laawoo hɛɓɛ

¹⁹ Dɛɛ pələ kəlee, gaa pai kɛi ka hon ɉii. Mąąhɔlɔɓo, gaa pai kɛi tɛɛi a yələwala kəlee, yɛ tɛɛ a hvóló da kpinį, ɛlɛɛ, mɛ̨nįi tii nu a gili kɔ́lɔn, a kɛ a ɲɔw kɛnɛ̨ɛ̨.

Bible

¹⁹ A pâi kɛ̂i pâi a ɣele kélee da kpíni kélee. A pâi kámɔ̃lɛ̂i a fólo da kpíni. Ɣâla ŋɔtuŋ lɛ́lɛɛi maa worɛ-wooi maa tûŋ a pâi kɛ̂i káwôlii yɛ̂ɛ ŋɔŋ.

Azaya 28:19 ပူးပေါင်းရင်းမြစ်များ

Tɔɔɓɛlaa veelɛ 17:6

Ose nwɔ tɔɔlaa gwɛlan mɛ̨inąąn nɔwai, Asiri tɔɔmun ə Samari hon a kɔ́, ə Israɛlə nuą damąą həɠə, ə li a diɛ Asiri lɔi hu, ə di hee Hala da Habɔrə ya kwɛlɛ, yai kɛ a Gozan nwɔ ya lee kɛnɛ̨, ə daɠaa hee Medi taa kpɛa kpɛaa hu.

Tɔɔɓɛlaa veelɛ 18:13

Ezekiasə nwɔ tɔɔlaa gwɛlan bow nąąn nɔwai, Asiri tɔɔmun Senakeribə ə pa ə kɔ́ pɛlɛ Ɉuda nwɔ kɔ́ taaɠaa kəlee ɓa, ə di hon.

Tɔɔɓɛlaa veelɛ 21:12

Yili mąą mɛ̨nį ɓa, mɛ̨nįi Yai-Laa Israɛlə nwɔ Yálá ə mo ya ka, yɛ diɛ: ‹Gáá mawɛli mɛ̨nį ta laai Ɉuda da Ɉerusalɛmə diɛ, nui lɔpee a bələ mɛ̨n, hvo kɛ li nwəli hveelɛi a hvaa nwun mą wéé!

Tɔɔɓɛlaa veelɛ 24:2

Nąąlɔwai, Yai-Laa ə Kalde nuą, Aramə nuą, Moabə nuą da Amɔn lonnii di ɲąątɔɔ Yoyakimə ɓa. Yai-Laa ə di tɛɛ Ɉuda lɔi hu pələ, ə gɛ, di nɔi nuą huwu pu, yɛ bələi Yai-Laa ə bu laŋɔ tínuą la, diɛi kɛ a gwəi məni hukulɔ nuą.

Zôo 18:11

Mąąɲɔw mɛ̨nįɠaa kaa pai həlii mą pələ kəlee, diɛ hvilɛn bulu gɔwɔ hvilɛn ɉii tɛi tɛi kəlee.

Zôo 24:17

Di wɛi, yələ a kɛi ɓɔ, gaa yɛ haa a kɛi too, too mɛ̨i kɛ mun niiɓa ɓaa kpinį pɛlɛɛ.

Zôo 41:9

Gəlee diɛ kanąn di kee ɓa, hɛn da hva pɛli di taɠai di kee ɓa.

Zôo 6:4

Mąąhɔlɔɓo, Huwalawala Kəlee Nąmu Yálá aa ɓɔ ɉú a nwɔ mɛ̨ɛ̨ kɔ́w, nɔ̨́ɔ̨ pələ tɛitɛi, yɛ nwąną lɔ ɉú. Yálá nwɔ ɲɔw mąą laa a muhəɠə mɛ̨́i.

Mąątɛ̨nɛ̨ 55:4

Ɲówo tomą woo kɛ pələ, da nu ɲɔ̨nwɔ̨ɔ̨ɠaa huluun bələ mɛ̨́i, mą́ą́ kaa kpɛlin ɉii, di kaa mɛ̨nį ɲɔ̨n gbɛa kpɛa heei nwúɔ̨; diɛ pɛlɛ mą́ą́ a liiholi.

Mąątɛ̨nɛ̨ 88:15

Yai-Laa, yá lənə mą́ą́ lə mɛ̨nį ɓa? Yɛ́ ə́ ɲɛ̨i lɛlɛɛ loo mą́ą́ lə mɛ̨nį ɓa?

Azaya 33:7

Ka káá gaai; Ariɛlə nuą kaa tómąi gwəli hɛ̨ąɠaa, niilaa-wɛlɛɛ ɓo nuą kaa wɔlɔi kpɔ a di nwąnąi.

Azaya 36:22

Dɔɔ-pɛlɛ́ ɲąąwooɓomun Ɛliakimə yai kɛ a Hilkiyahu lon, da ɉɛɓɛ́ kɛmun Sɛvna, da Asafə lon Yoa, yai kɛ a noloɓomun, di pənə di pa tɔɔmun Ezekiasə pɔ di mąą həɠəɠaa huɓɛlaa, di gɔ́kuláái tii wooɠaa kəlee hu kulɔ mą.

Azaya 37:3

Ə gɛ də li diɛ mą: Ezekiasə woo ka, yɛ: «Haa kəlee hvólói kaa a lii kələn gwəi hvóló, hutɔɔ hvóló, da nwumɛ̨ hvóló, lon ɉinąą daa di nwun gulɔ di lee kwəi, kɛlaa lon-gaa hvąŋą hvo di lee yəi.

Azaya 50:4

Nąmu Yai-Laa ə woo lɔ ná, yɛ nui da mąą kwɛli nwoo, ə woo ta ɓo mą́ą́, nui vii kpɛɛ, gɛ́ pɛli vąŋą lɔi. Yələ wala pɔ həli pələ tɛi tɛi, a nwə́li tɔɔ, gɛ́ nwoo mąn, yɛ bələi nui di kaa mąą kwɛlii, a mɛ̨nį mąn na.

Ɉeremi 19:3

Ə́ kaa pai kɛi diɛ: Ka ka wəli tɔɔ Yai-Laa woo ɓa, Ɉuda tɔɔɓɛlaa, da Ɉerusalɛmə hee ɓo nuą; Yai-Laa Mɛ̨nį Kəlee ŋą Hééɓomun, Israɛlə nwɔ Yálá yɛ, gáá pai mɛ̨nį ɲąąnwąnąą laai gɛɛnąą ŋɛ̨i ɓa! Nui lɔpee pai bələ mɛ̨n ɉii, hvo kɛ li nwəli a hvaa nwun ma wee.

Ɉeremi 4:5

Ka noloɓo Ɉuda lɔi hu! Ka Ɉerusalɛmə nuą kilaa pɔ̨nɔ̨! «Ka dulu hvɛɛ nɔi nąą kəlee ka tomą a ka woo kɛnɛ̨, kaa diɛ: ‹Ka pa-o! Ka ka ɲąąkpɔn daaɠaai hįi kaa diɛ ɉu!›

Ɉeremi 4:9

Yai-Laa woo ka, yɛ diɛ: Ɲələi tii a həli! Tɔɔmun da nwɔ kalanɉonŋaai, liikpələ hva kɛ di yəi. Ɉaláá laa həli nuą hu a pu diɛ, Yálá kwəi mɛ̨nį hukulɔ nuą kwəi a pili diɛ.

Ɉeremi 6:24

Bələ aa too ku wəlii, ku yee kɔ̨nwɔ̨nŋaa hu aa haa, liihɛlɛn aa too kuɔ, kuɔ mɔ̨nɔ̨ mį́i la, yɛ kwəi nwąną a naa tɛ Nɛ̨ɛ̨nu mu.

Woolaa 2:22

Yáá liiholi kəlee təli mą́ą́ yɛ́ nu aa kɛi mɛlaa təli hɛli ɓa. Yai-Laa nwɔ liiholi yələ nu ta hvo pu, nu tɔ̨nɔ̨ kpɛli nwun və kulɔ ɉu. Nuąi kpɔ ŋą́ ɲįnį tɔɔ di la, ɲówo aa gəlee huwu pu.

Danîa 7:28

Yili ɓə kɛ a nwɛlɛɛ tii kpɛlai. Ɲą́ą́ Daniɛlə, gwə́i ə pili mą́ą́, mą́ą́ yɛ kpɛlin, ɲɛ̨́i lai maa ə hvalin gáá nwooɠaai tii kəlee naa kili lɛɛi ŋą́.

Danîa 8:27

Ɲą́ą́ Daniɛlə, ŋą́ Yələ tamąą kɛ, ɲɔ̨n yɛ ɓo mą́ą́, ə lɛɛ vįikpɛɛ. Vili tɛɛ pulu, ŋą́ pənə ŋą́ li gɛ́ kóló ɓa, yii tɔɔmun ə dɔ́ɔ́ ma. Ɉiin tii ŋą́ gaa, nwɔ kwəi pili maa ə kɛ mą́ą́, və́ kpɔ kɛi mukulaa kɔ́lɔn.

Habakukə 3:16

Ŋą́ din tii mɛ̨n, ɉú ə pu mą́ą́ kpɔ kɛnɛ̨; nááwuluun yɛ kɛlɛ gee ɓa a ɲɔw, gɔ́lɔi kəlee ə haa, gɔ́wɔ́ɠaa diɛ kɛlɛ di kee hu. Ŋą́ hee lɔ tin, və́ hvaa, gɛ́ mąąwɛli hvólói tii mąą kpɔn, ə gɛ, nɔi ŋɛ̨i aa hee ku mɛ̨i, diɛ li pɛlɛi mą.

Samuɛlə dɔlɔɔ 3:11

Yai-Laa yɛ Samuɛlə ɓa: «Gáá pai mɛ̨nį ta laai Israɛlə lɔi ɓa, nui lɔpee pai bələ mɛ̨n ɉii, hvo kɛ li nii a ɓɛla ma.