Azaya 26:7 - Yálá laawoo hɛɓɛ (dc)

⁷ tələnmomun nwɔ pələi haŋąą dədən, ɛlɛɛ, Yá tələnmomun gbaalə hu lala.

Yálá laawoo hɛɓɛ

⁷ tələnmomun nwɔ pələi haŋąą dədən, ɛlɛɛ, Yá tələnmomun gbaalə hu lala.

Bible

⁷ Yâwɛɛ, ya lûwa làa ǹaa-laa-ƃelai kɛ́-mɛni kélee ma. Ya díteniŋ tɔ̀ɔ dísia-pêre kélee su.

Azaya 26:7 ပူးပေါင်းရင်းမြစ်များ

Kɔlɔnikɔ Maa-ŋuŋ 29:17

Ną́mu Yálá, gbaɠala kaa mą́ą́, gɛ́: Yá nu kwəi kaa, kwəi kwələlaa yɛ Ə́ lii hon, nwɛ́i, ŋą́ą́ ɉɛnŋąąi tii kəlee tɛɛ kpɔ Ə́ pɔ gbɔ́wɔ́ ɓa, ɛlɛɛ a gwə́inɛ̨ɛ̨. Ya ka nwɔ̨nɔ̨, gáá ə́ nwɔ nuąi ŋɛ̨i ɓɛ di kaai, diɛ pa Ə́ pɔ di kpɔwɔ ɓa a mɛ̨inɛ̨ɛ̨ɠaa.

Zôo 31:6

Yálá ə dúwɔ́ pələ kɔ́ɔn tələnmo kilə ŋą, gaa pai nwɔ́ tɛ̨ą kaai.

Mąątɛ̨nɛ̨ 1:6

Mąąhɔlɔɓo, Yai-Laa ə tələnmo nuą kpaalə kɔ́lɔn, Kɛlaa, nu ɲɔ̨nwɔ̨ɔ̨ɠaa kpaalə hu a kala.

Mąątɛ̨nɛ̨ 11:4

Yai-Laa kaa nwɔ tɔɔ pɛlɛ́ mąąhəɠɛɛi mu, Yai-Laa kaa nwɔ tɔɔ kpəlin hu, yələ kɔ́lɔnɉu, ɲɛ̨i həɛ yɛnɛ̨ɛ̨ ɓa. Ɲɛ̨i kwəleen yɛ nu kan nonnii túwɔ pələ hu kaa.

Mąątɛ̨nɛ̨ 11:7

Mąąhɔlɔɓo, Yai-Laa tələnmoɔi, tələnmolaa wɛli kaa mą, ɛlɛɛ, tələnmo nuą diɛ ɲɛ̨ilai gaa.

Mąątɛ̨nɛ̨ 25:4

Yai-Laa, yɛ́ pələɠaai lɛ mą́ą́, mą́ą́ kwɛli, ɉu hiɛ ɓo pələ ɓa.

Mąątɛ̨nɛ̨ 25:5

'Dɛ̨́nɛ̨n dɔɔ yɛ́ tɛ̨ą pələi mɛ̨i, 'Ə́ mą́ą́ kwɛli ɉu yíiɓo pələ ɓa, mąąhɔlɔɓo, málo Yálá ɓaa a yɛ́. Gílitɔɔi lɔ yɛ́ a yələ kəlee.

Mąątɛ̨nɛ̨ 27:11

Yai-Laa ə́ wɔ pələi lɛ mą́ą́, ə́ vílɛn pələ lɛlɛɛ mɛ̨i; bələi mąn nuą kaa la heeni dɔ́wɔ.

Mąątɛ̨nɛ̨ 5:9

Yai-Laa, 'dɛ̨́nɛ̨n dɔɔ a yɛ́ tələnmolaai; bələi mąn mą́ą́hɛnɉi nuą tamąą la, Ə́ nwɔ pələi hąŋąn ɲɛ̨́i tɔwɔ.

Hanwon 11:5

ya yili kɛ tii, pələi mąą nɛɛ ə́ ɲɔw la Yai-Laa ɓa, ya kɔ́lɔn, ya pɛli ma ə́ Yálá kɔ́lɔn,

Hanwon 20:7

Tələnmomun a nwɔ yɛnɛ̨ɛ̨ kɛ a ɉaŋąą, nonnii da lɛɛ bulu, di kaa a nwun na nɛ̨ɛ̨ nuą.

Hanwon 21:8

Lɔi kalamun ɉiɛ pələ kpəlaan ŋąąi, Kɛlaa, kwəi kwələmun gɛ mɛ̨nįɠaa haŋąą lɔ.

Hanwon 3:6

Mɛ̨nį lɔpee ə́ kaa gɛi, ə́ kilitɔɔ mą, a ə́ tɔwɔ pɔ̨nɔ̨

Hanwon 4:18

Tələnmomun dúwɔ́ pələ kaa yɛ yələ ɓɔi kɛɛ pɔ̨nɔ̨, yii da a kɛ lɔ pɛlɛi mą.

Azaya 30:18

Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

Azaya 35:8

Di kaa pai pələ laai laa, diɛ kɛ mą pələ mąąhəɠɛɛ, nui mąąliɓiɛ, hvo pai tɛɛ laa, mąąhɔlɔɓo, Yai-Laa yaa kpinįi ɓə pai tɛɛ laa tɔlɔɔ; kilikpɛɛgwəi nuą di hva lan di hvo kɔ́wɔ hvilɛn bələi tii mɛ̨i.

Azaya 42:16

Gáá pai ɲɛ̨ipu nuą hvilɛn ɉii pələi di hvo gɔlɔn mɛ̨i, lɔwɔ mu pələɠaai di hvo di kɔ́lɔn, diɛ ɓə da kɛ hiɛi mɛ̨i, gɛ́ kpinį mąąpənə di ɲɛ̨i tɔwɔ a kɛɛ pɔ̨nɔ̨, gɛ́ pələ hu heɛɠaa mąąpənə a ɉaŋąą, gáá pai mɛ̨nįɠaai tii kəlee kɛi, vá dɔ̨nɔ̨ kpɛli lɛɛ laa.

Azaya 52:12

Ka hvo pai kulɔi laa a gilɛ, hvo nwɔ̨nɔ̨ pai kɛi yɛ ka ki pu, mąąhɔlɔɓo, Yai-Laa kaa pai kɛi ka tɔwɔ, ɛlɛɛ, Israɛlə nwɔ Yálái ɓə pai kɛi a tɔɔ bulu.

Azaya 57:2

Kɛlaa, liilaa yələ kaa pai, nuąi da hiɛ a ɉąŋąą, di kaa pai kɛi laai di yəi gbin ɲą a di wəli pulu laɠiɛ.

Ɉeremi 10:23

Yai-Laa! Gíli kaa ɉu, gɛ́: Nu kanŋaa di hva pɛli di kpɔɔ tənən dɔɔi, yɛ bələi mąąnɛ̨ɛ̨ la. Di hvo kpɛli pɛli li di kpɔɔ kɔ́wɔ hvilɛn ɉi kili ɓoi.

Osia 14:9

Ɛfraimə! Nwɔ́ lə mɛ̨nį ɓə hali mɛ̨nį hu? Ɲą́ą́ ɓə ŋą́ nwoo mu hon, gɛ́ ɲɛ̨́i kɛ mą, nwɛ́i gáá lɔ yɛ wului naa ka ŋą a yələ kəlee, ɲą́ą́ ɓə ə́ ɓa a kulɔ váŋą hu.

Sofoni 3:5

Bələi mąn gaa la tii, Yai-Laa kaa daa kwəi, dəlimoɔ, yələwala kəlee, a nwɔ kiti wooi ɓo, yələɓɔi lɔwai, hva ɉəɠə mą. Kɛlaa, nui hvo Yálá kɔ́lɔn, nwumɛ̨ hvo mą.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Ifisiɛŋ 2:10

Gbala ə tɔɔ, Ya ɓə gu pɛli, ə gu pɛli Jesus Kristə hu, kóló lɛlɛɛɠaa kɛ mɛ̨nį ɓa, a gólóɠaa tii Yálá ə di hee gu tɔwɔ, guɔ pɛli gɛ mɛ̨nį laai gu nwuɔ̨.

Zɔ̂ŋ Maa-ŋuŋ 3:10

Mɛ̨nįi a Yálá lonnii da nąnį lonnii di lowai tɔɔ, ya ka: Nui lɔpee hva tələnmo laa kɛ Yálá nwɛi ta hvə li, ə mą kɛ, nui nwɔ̨nɔ̨, nąn non nwɛli hvo mą.

Zɔ̂ŋ Maa-ŋuŋ 3:7

Nónnii pɛlɛɛɠaa, nui lɔpee ta hvo ká lan. Nui a tələnmo tuwɔ ɓo, dələnmoɔi, yɛ bələi yaa tii a Jesus dələnmoɔi la.