Azaya 26:4 - Yálá laawoo hɛɓɛ (dc)

⁴ 'Ka ka kilitɔɔ Yai-laa ɓa a yələ kəlee da nwɔɔ, Yai-Laa ɓə gaa a gu mąąkɔ̨nwɔ̨ kwɛni a yələ kəlee.

Yálá laawoo hɛɓɛ

⁴ 'Ka ka kilitɔɔ Yai-laa ɓa a yələ kəlee da nwɔɔ, Yai-Laa ɓə gaa a gu mąąkɔ̨nwɔ̨ kwɛni a yələ kəlee.

Bible

⁴ Ka láa a Yâwɛɛ wɔ́lɔ-wɔlɔ da wɔ́lɔ-wɔlɔ. Ǹyaa ƃa kúmaa kɔ̃ɔ-nuu wɔ́lɔ-wɔlɔ da wɔ́lɔ.

Azaya 26:4 ပူးပေါင်းရင်းမြစ်များ

Kɔlɔnikɔ Veerɛi 20:20

Yələ wala pɔ, nuą di humo kpɔ, di di muhəɠə, diɛ li Tekoa nɔi pun ɉu pələ. Nuą lii lɔwai, Ɉosafatə ə haŋą ə tɔɔ, yɛ diɛ: «'Ka ká wəli tɔɔ Ɉuda nuą da Ɉerusalɛmə heeɓo nuą! 'Ka ká kilitɔɔ Yai-Laa ka wɔɔ Yálái ɓa, di yee hva lɔ kaa! 'Ka ká kilitɔɔ gwəi mɛ̨nį hukulɔ nuą woo ɓa, ka yee kaa lii lɔi!»

Kɔlɔnikɔ Veerɛi 32:8

Asiri tɔɔmun nwɛi, nu kanŋaa ɓə ɲəi, kɛlaa gu wɛi, gu wɔɔ Yálái Yai-Laa kaa gu pɔ. Yaa ɓə a kpɔnmąą tɛɛ gu pɔ, yɛ gu wɔɔ kɔ́i kɔ́.» Ɉuda tɔɔmun Ezekiasə woo tii ə nɔi lonnii liilaa ə di hvaŋąlɔ.

Zôo 9:19

ŋį́ pɛli mɔ̨ɔ̨ huwalawala laa kulɔi la? Gaa a Huwalawala Nąmu. Ŋą́ tələnmolaa hu hvɛli, gbɛɛ ɓə a dɛɛ bɔ́?

Mąątɛ̨nɛ̨ 125:1

Ɲee mąąhəɠɛɛ tɛ wələ. Nuąi di kilitɔɔi Yai-Laa ɓa, di kaa yɛ Siɔn yee, yai hɛn da hva ɉəɠə dɔɔi, gaa lɔ laa a yələ kəlee.

Mąątɛ̨nɛ̨ 18:2

Yɛ diɛ: Ə́ wɛli kaa mą́ą́ Yai-Laa, yɛ́i a nwɔ́ huwalawala.

Mąątɛ̨nɛ̨ 46:1

Nwələ ɲɛ̨itɔwɔmun Kore lonnii di wɔ wələ.

Mąątɛ̨nɛ̨ 55:22

Naa nɛ̨ɛ̨i mą yɛ kwɛ̨in nwulɔ, Kɛlaa, nii yɛ kɔ́ kɔ́. Vaa wooɠaa nɛ̨ɛ̨i na yɛ wulɔ, Kɛlaa ɓɔwa kwɛaɠaa ka tii.

Mąątɛ̨nɛ̨ 62:11

'Ka hvo ka kili lɛɛ nwąnąlɔ ɓa, 'ka hvo kɛ lɔ gilɛ ŋą, toomɛ̨i kɛ mɛ̨nį ɓa. Hɛn ə mą kɛ̨nɛ̨ ka yəi, 'ka hvo ka kili lɛɛ mą.

Mąątɛ̨nɛ̨ 62:8

Málo mɛ̨nį, da ɲɛ̨́i pɔ̨nɔ̨ mɛ̨nį, gəlee kaa Yálá yəi. Yálá ɓə a mą́ą́kɔ̨nwɔ̨ kwɛni walawala, a mą́ą́kilɛi.

Mąątɛ̨nɛ̨ 62:9

'Ka ka kilitɔɔ mą, a yələ kəlee, kaai a nɔi lonnii! 'Ka ka kwəi mɛ̨nį kəlee hukulɔ mą. Yálá kaa gu yəi, a gu mąąkilɛi!

Mąątɛ̨nɛ̨ 66:7

Vąŋą kɛnɛ̨ pələ, Heeɓolaa kaa ɲəi a yələ kəlee mɛ̨nį, ɲɛ̨i ə ɓo lɔiɠaa diɛ, nuąi diɛ di tɔɔ nai, da too, di hvo di muhəɠə, kpɔ kɔlɔ-kɔlɔ.

Mąątɛ̨nɛ̨ 93:1

Yai-Laa ɓə a Heeɓomun, mąąɲįnɛ̨n mə a mąąhəɠə! Yai-Laa aa mąąyili, aa ɉuyili a huwalawalalaa. A tɛ̨ą lɔi tɔɔi kpɔ tin tumun və mą.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Azaya 17:10

Mąąhɔlɔɓo, yaa lɛ̨ą ə́ ɓalo Yálá ɓa, ə́ mąąkilɛ kwɛni kili hvo lɛɛli ə́ ɲą, ə́ lííɓa wuluɠaa ɓə ə́ kaa ɉin ɉii, yɛ́ nwɛ̨ą wuluɠaa hin.

Azaya 30:29

Ka wɛi, ka káá pai kɛi wələ tooi, yɛ da kɛi hɛli pu kwii hɛ̨ą, ka ɓo la kwəinɛ̨ɛ̨ hu, yɛ nui di kaa ɓɔɔ hvɛɛi bulu, yɛ li la Yai-Laa nwɔ yeei pɔ pələ, Israɛlə mąą kɔ́nwɔ̨ kwɛni pɔ pələ.

Azaya 32:2

Di tɛi tɛi kaa pai kɛi a nu mąąkilɛi, hvaŋą tɔwɔ; di ɓo a tulɔ teen ɉii. Di kaa pai kɛi yɛ tɛɛyáɠaa gbáli kələn ɉu; yɛ kwɛni kɛnɛ̨ɛ̨ nįnį́n lɔi hukpalaa hu.

Azaya 44:8

'Ka mąą hvo kpɛlin, 'ka hvo ɲɔw! Kɛlɛi ɉu aa kwɛa, ŋą́ą́ mo kaa, gɛ́ ɉu pɔ̨nɔ̨ a kaa, Ka hvo mɔ̨ɔ̨ kɛa a nwɔ́ kɛlaɠaa? Yálá takpɛli kaa mɔ̨ɔ̨ laa, ə kulɔ Ɲą́ą́ búlú? Gíli kaa kpɔ ɉu, gɛ́ Kwɛni takpɛli hvo laa, Və́ dakpɛli kɔlɔn.

Azaya 45:17

Israɛlə aa ɓalo Yai-Laa haalai, ɛlɛɛ aa ɓalo a yələ kəlee mɛ̨nį, ka wɛi, nwumɛ̨ hvo pai heei kaa, kpɛli a yələi lɔpee ta, ə mą kɛ lalan, ɛlɛɛ, yələ kəlee mɛ̨nį li, gbɛlai hvo mą.

Azaya 45:24

Yɛ kɛ diɛ: Yai-Laa, yaa tanɔ̨n gbən, ɲəi ɲą lɔ ɓə, tələnmolaa, da huwalawalalaa, da kulɔ laa.» Nuąi kpɔ da di kwɛli tee mą, di kaa pai pɛ̨nɛ̨i diɛ pa bɔ.

Azaya 50:10

Gbɛɛ ɓə ka lɔwai yɛ ɲɔw Yai-Laa ɓa? Mąą nu ə Yai-Laa nwɔ tímun woo mąn, ɛlɛɛ nui hiɛi kpinįi, yai kɛɛ pɔ̨nɔ̨ hvo ɲəi, Mąą nu ə gilitɔɔ lɔ Yai-Laa láá ɓa, ə kąnąn nɔ nwɔ Yálái ɓa!

Azaya 51:5

Nwɔ́ kiti mɛ̨nį aa lɛɠɛ, nuą ɓalo mɛ̨nį pa hiɛ ka, ɛlɛɛ ɲéé kaa pai huwu kəlee kiti teei, ɲą́ą́ ɓə gboloyá hu lɔiɠaa kaa pai di kilitɔɔi mą́ą́, di ɲɛ̨i kaa pai kɛi dɔ́ɠɔ.

Azaya 63:1

Gbɛɛ ɓə tii kulɔi Edɔmə pələ, yɛ həɠə Bɔsra pələ, yɛ pai? Hɛn gbɔlu pɔɔ ə ɓo mąą həɠə hui? Ganąnŋąą nwɔ həɠəi hu, ɉaŋąą dədən, vaŋą kɛnɛ̨ pələ ɓai? Ɲą́ą́ li, ɲą́ą́i ŋą́ hvaa a tələnmolaa, gɛ́ vą́ŋą́ lɛ nu ɓalo mɛ̨nį ɓa.

Danîa 3:17

Akɛ mąąnɛ̨ɛ̨ ə́ ku pili vuulu nwɔ̨n tii hui, Yálái ŋɛ̨i ku kaa tiɓo kɛi ma, a pɛli ə ku kulɔ laa, ə ku kulɔ nwɔ̨nɔ̨ ə́ yee mu.

Danîa 3:28

Nabukodonosorə ə mo, yɛ diɛ: «Mąąwiɛ kaa Sadrakə, Mesakə da Abɛdə-Nego ni di wɔ Yálái ɓa, yaai nwɔ malaka tɔɔ, yɛ pa nwɔ kɛlaɠaai nwun mąąɓoi. Di wɔ Yálái tii ɓə di di kilitɔɔ mą, dɔ́n ŋɛ̨i tɔɔmun ə dɔɔ, di gala, di hvaa mą, di kɔ́lɔ laanɔ̨nwɔ̨ ə ɓo, yili hviɛlaɓoɔi di ɲɛ̨i ɓa, ə tɛɛ, kwɛli hvilɛn ŋąą ala takpɛli ɓa, akɛ di wɔ Yálái hvəi.

Maafîu 28:18

Jesus ə lɛɠɛ diɛ yɛ diɛ: «Daa hééɓolaa kəlee tɛɛ bɔ́ yələkɔlɔn ɉu ə mą kɛ lɔi mɛ̨i.

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Dutɛrɔnome 32:15

Bələ ɓə Yesurun ə kɔ̨nɔ̨n mįi la ə pilɛ ɉu, goo ə hee, ə kulɔ nwoo mu laa kɛ, ə kɛnɛ̨ tɛɓɛlɛ-tɛɓɛlɛ, goo ə hee. Ə gili kulɔ bɛli Yálá hu, ə nɛɛ laa. Ə mąąkɔ̨nwɔ̨ kwɛni ɓɛlɛkpɛɛ ma, yaai gaa a nwun mąąɓomun.

Dutɛrɔnome 32:4

Yaa ɓə gaa a gu mąą kɔ́nwɔ̨ kwɛni kpuwulu. Mąą kulɔ hvo gɛ mɛ̨nį ta ɓa, nwɔ pələɠaa kəlee haŋąąi. Gaa a Yálái a kulɔ nwoo ɓa. Hvulu mɛ̨nį hvo ɲee pɔ. Dələnmoɔ, ɉaŋąą.

Dutɛrɔnome 33:27

Yálái gaa a tɔwɔ-tɔwɔ Yálá, ya ɓə gaa a ə́ mąąkilɛi, ya ɓə ə́ yowoɠaa kpɛ ə́ tɔwɔ, yɛ kɛ yɛ́: di hu kala.

Filipə 4:13

Kristə háálai, ŋą́ pɛli ŋį́ nííkpələ mɛ̨nįɠaai ti kəlee hu.

Samuɛlə dɔlɔɔ 2:2

Gbɛɛ ɓə nwɔ mąąhəɠə laa kaa yɛ Yai-Laa? Da hvo laa, ə kulɔ Yɛ́ tanɔ̨n gbən ə́ pulu. Nu mąąkɔ̨nwɔ̨ kwɛni ta hvo laa, nwalawala yɛ həli ku wɔ Yálái pɔ.