Azaya 26:3 - Yálá laawoo hɛɓɛ (dc)

³ Gilitɔɔi mɔ̨ɔ̨ Yɛ́, Yáá liilaa yɛnɛ̨ɛ̨ kpɔkpɔɔ tɛɛ bɔ.

Yálá laawoo hɛɓɛ

³ Gilitɔɔi mɔ̨ɔ̨ Yɛ́, Yáá liilaa yɛnɛ̨ɛ̨ kpɔkpɔɔ tɛɛ bɔ.

Bible

³ Yâwɛɛ, yâ lii-see tɛ̀ɛ diai pɔ́ dí lâai a yá, díkili tɔɔ yâi.

Azaya 26:3 ပူးပေါင်းရင်းမြစ်များ

Kɔlɔnikɔ Maa-ŋuŋ 5:20

Gɔi tii mɛ̨i ɓə di wɔlɔ laa Yálá ɓa, ə kpɔnmąą tɛɛ di pɔ, di yee ə tɛɛ di yowoɠaa diɛ, hvó gaai di kilitɔɔi kɛ Yálá ɓa. Di Hagri hon a kɔ́, da di yee pɔwaa kəlee.

Kɔlɔnikɔ Veerɛi 13:18

Israɛlə nuą di nwumɛ̨ a ɲələi tii, Ɉuda nuą di yee tɛɛmąą kɛ, di ɲɛ̨i ə pɔ̨nɔ̨. Mąąhɔlɔɓo, di di kilitɔɔ Yai-Laa ɓa, yai a di nąnni di wɔɔ Yálá.

Kɔlɔnikɔ Veerɛi 16:8

Kɛlɛi Nubi nuą da Libi nuą, gɔlaɠai kɛ di yəi ɉu kɛnɛ̨i kɛ-e! Kɔ-kɔ wotolo kpulu, da hoo mɛ̨i nuą kpulu kɛnɛ̨ɛ̨-e! Kɛlaa, yii kpɔ ə́ ə́ kilitɔɔ Yai-Laa ɓa, ə di lɔ ə́ yee ŋą.

Mąątɛ̨nɛ̨ 119:165

Nuąi ə́ wɔ tɔn nwooi wɛli kaa diɛi, di kaa liilaa hu, di wɛi, di kalin ɉɛn və kɛa di tɔwɔ.

Mąątɛ̨nɛ̨ 125:1

Ɲee mąąhəɠɛɛ tɛ wələ. Nuąi di kilitɔɔi Yai-Laa ɓa, di kaa yɛ Siɔn yee, yai hɛn da hva ɉəɠə dɔɔi, gaa lɔ laa a yələ kəlee.

Mąątɛ̨nɛ̨ 9:10

Nuąi di kaa di mɔ̨nɔ̨ɓoi, Yai-Laa, kɛ a di mąą kɔ̨nwɔ̨ taa, a di mąą kɔ̨nwɔ̨ taa, a mąąwɛli yələɠaa.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Azaya 26:12

Yai-Laa! Yáá ku kɔ́ a liilaa yɛnɛ̨ɛ̨, mɛ̨nįi lɔpee ku kaa gɛi, Yɛ́ lɔ ɓə gɛi kuɔ.

Azaya 27:5

Kɛlaa nui a gɛ́ a mąąkpɛmun, kwa yaa kwa liilaa mįnɛ̨ həɠə, kuɔ yɛnɛ̨ɛ̨ kɛ liilaa hu.

Azaya 31:1

Nuąi yɛɛi Eziptə, kpalo ɓɛlaai diɛ, di kaa lii kpɔn mąą kwɛlii laa, di kaa di kilitɔɔi hooɠaa diɛ; diɛ di kili lɛɛ kɔ́ kɔ́ wotoloɠaa diɛ, mąąhɔlɔɓo, di kpulu kɛnɛ̨ɛ̨i. Diɛ di kilitɔɔ ɉoo gilɛ həɠə nuą diɛ, mąąhɔlɔɓo, di tamąąi. Kɛlaa, di kili lɔpee ta hvo tɔɔ li Israɛlə nwɔ mąąhəɠə mun ɓa, di hvo Yai-Laa kwɛlii.

Azaya 32:17

Tɛ̨ą kaa pai ɓai a liilaa; tələnmolaa yɛ pa yɛnɛ̨ɛ̨ wəli pulu laɠi, a yələ kəlee mɛ̨nį.

Azaya 32:18

Nwɔ́ nu huwui kaa pai heei liilaa lɔi hu, di wəli pulu laɠiɛ di wɔ pɛlɛ́ɠaai mu, hvįįtɔɔ ɲąąlaɠiɛ hu.

Azaya 42:19

Gbɛɛ ɓə kɛ ɲɛ̨i puɔɔ, kɛlɛi nwɔ́ tímun lɔ ɓə kɛ? Gbɛɛ ɓə kɛ nwəli wolɔɔ yɛ nui gáá pai dɔɔi? Gbɛɛ ɓə kɛ ɲɛ̨i puɔɔ ə həli nui aa liilaa hɔlɔɓo bɔ? Gbɛɛ ɓə kɛ nwəli wolɔɔ yɛ Yai-Laa nwɔ tímun?

Azaya 42:6

Ɲą́ą́i a Yai-Laa, ŋį́ ə́ təli tələnmolaa hu, ŋį́ ə́ hon a ə́ yee, ŋį́ ə́ tɔɔ a dee, gɛ́ ə́ kɛ a ɲą́ą́ kwa nu huwuɠaa ku lɔwai pɔnnaa kpɛɛmun, a huwu takpɛliɠaa di wɔ kɛɛpnon.

Azaya 48:2

Ya pa, da kɛ kɛi kaa: «Daa mąąhəɠɛɛ hu nuą», kaa ka kilitɔɔ Israɛlə nwɔ Yálái ɓa, yai naa ɓaa; Yai-Laa Mɛ̨nį Kəlee ŋą Hééɓomun.

Azaya 49:8

Yai-Laa woo ka, yɛ yɛ́: ŋį́ ə́ woo mu hon, a mɛ̨inɛ̨ɛ̨ yələ, ŋį́ ə́ mąąkpɔnmąąɓo, a nwun mąąɓo yələ, ŋį́ ə́ tɔɔ a dee, ə́ kɛ a kwa nuą ku lɔwai mįnɛ̨, yɛ́ nɔi tɔɔ, ka kwɛlin nɔiɠaai daa ɉu kala, yɛ́ pɛ̨nɛ̨, yɛ́ dɔɔ.

Azaya 50:1

Yai-Laa woo ka: Vulú taɠa hɛɓɛ́ wɔɔ? Yai ŋį́ ka lee kulɔ la lɔwɔi? Awala kɛtii, gbɛɛ ɓə ŋą kwələ kaa mą́ą́? Yai ŋį́ ka lɔwɔ́tɔɔ mą? Deąi laa ya ka: Ka wɔ nɛ̨ŋɛ̨nŋaa ɓə gɛ, diɛ ka lɔwɔ́tɔɔ, ka wɔ kulɔ nwoo mu laa ɓə gɛ, diɛ ka lee kulɔ lɔwɔi.

Azaya 50:10

Gbɛɛ ɓə ka lɔwai yɛ ɲɔw Yai-Laa ɓa? Mąą nu ə Yai-Laa nwɔ tímun woo mąn, ɛlɛɛ nui hiɛi kpinįi, yai kɛɛ pɔ̨nɔ̨ hvo ɲəi, Mąą nu ə gilitɔɔ lɔ Yai-Laa láá ɓa, ə kąnąn nɔ nwɔ Yálái ɓa!

Azaya 66:12

Mąąhɔlɔɓo, mɛ̨nįi Yai-Laa kaa moi, ya ka: Gáá pai liilaa yɛɛi mɛ̨i yɛ tɛɛ ya. Ɛlɛɛ, gɛ́ hįįɠaa di wɔ mąąwiɛ tɛɛ bɔ, yɛ ya a kɛi kulɔ yee hu a vąŋą kɛnɛ̨. Di kaa pai kɛi ɲįnį tɔɔi ka la, diɛ ka pomo, diɛ ka hee di kɔ́wɔ mɛ̨i.

Ɉeremi 39:18

Hɛa hvo ɉu, gáá pai ə́ nwun mąąɓoi, ɓɔwa kwɛa hvo pai ə paai, ya ə́ kilitɔɔ mą́ą́, ə́ nwun gaa pai kulɔi ɉu. Yai-Laa woo li.›»

Danîa 3:17

Akɛ mąąnɛ̨ɛ̨ ə́ ku pili vuulu nwɔ̨n tii hui, Yálái ŋɛ̨i ku kaa tiɓo kɛi ma, a pɛli ə ku kulɔ laa, ə ku kulɔ nwɔ̨nɔ̨ ə́ yee mu.

Danîa 3:28

Nabukodonosorə ə mo, yɛ diɛ: «Mąąwiɛ kaa Sadrakə, Mesakə da Abɛdə-Nego ni di wɔ Yálái ɓa, yaai nwɔ malaka tɔɔ, yɛ pa nwɔ kɛlaɠaai nwun mąąɓoi. Di wɔ Yálái tii ɓə di di kilitɔɔ mą, dɔ́n ŋɛ̨i tɔɔmun ə dɔɔ, di gala, di hvaa mą, di kɔ́lɔ laanɔ̨nwɔ̨ ə ɓo, yili hviɛlaɓoɔi di ɲɛ̨i ɓa, ə tɛɛ, kwɛli hvilɛn ŋąą ala takpɛli ɓa, akɛ di wɔ Yálái hvəi.

Danîa 6:23

Ee! Nwɔ́ Yálái ə nwɔ malaka tɔɔ, ə pa ə ɲalaɠaa laaləi hon, di hvo mɛ̨nį lɔpee ta kɛ a ɲą́ą́. Mąąhɔlɔɓo, hvo kɛ ɉɔn gaa li mɛ̨nįi ŋɛ̨i hu, ə lɛɛ, və́ nwɔ̨nɔ̨ a hɔn maa mun ə́ ɲɛ̨i ɓa. Oo nwɔ́ Tɔɔmun, və́ kɛ mɛ̨nį ɲɔ̨n gɛ li.»

Mise 5:5

Di kaa pai Asiri ɲąąkɔn ɉii a kɔ́ kɔ́ ɓɔwa, diɛ Nɛmrɔdə nwɔ lɔi ɲąąkɔn a ɓɔwa kwɛa, kɛlaa nwɛi, gaa pai ku kulɔi Asiri yəi; yili a tɔɔ yɛ pili ku wɔ lɔi hu, yɛ gɔwɔ ɓɔlɔn ku ɲɛ̨n ɉu.

Ɉaan 14:27

«Ɲą́ą́ ɉaalai ɓə liilaa kaa la ka yəi, nwɔ́ liilaai tii ɓə gaa dɛɛi ka pɔ. Pələi yɛnɛ̨ɛ̨ a liilaa tɛɛ la nuą pɔ, bələ hvəə gáá dɛɛi la ka pɔ, ka lii hvo hɛlɛn, ka hvo ɲɔw.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Lomaŋ 5:1

Laa na laa háálai, gwaa kɛ a tələnmo nuą Yálá ɲɛ̨i ɓa. Liilaa aa kɛ gwa diɛ ni gu lɔwai gu Nąmu Jesus Kristə laa hu.

Filipə 4:7

Yálá nwɔ liilaa gɛnɛ̨ɛ̨, ɲee tɛɛ, mɛ̨nį kɔ́lɔn mɛ̨nį kəlee ɓa, ə ɲee kɛ ka niiɓa da ka wɔ kiliŋąhiɛɠaa Kristə laa hu.