Azaya 26:20 - Yálá laawoo hɛɓɛ (dc)

²⁰ Nwɔ́ nuą! 'Ka li, 'ka lɔ ka yəi bɛlɛ́n, 'Ka gbon gəlee hveelɛ laa kpulu kaa. 'Ka ka loo lɔ, ka nąą mąą kpɔn woloɓo, ə lɛɛ ɉu niiholi ə tɛɛ,

Yálá laawoo hɛɓɛ

²⁰ Nwɔ́ nuą! 'Ka li, 'ka lɔ ka yəi bɛlɛ́n, 'Ka gbon gəlee hveelɛ laa kpulu kaa. 'Ka ka loo lɔ, ka nąą mąą kpɔn woloɓo, ə lɛɛ ɉu niiholi ə tɛɛ,

Bible

²⁰ Ŋánûa, ka lɔ́ kápɛrɛ-ŋai mu ká ǹá-tɛ. Ka káloo a da-loŋ é lɛ́ɛ la zu Ɣâla líi ŋá é yéŋ.

Azaya 26:20 ပူးပေါင်းရင်းမြစ်များ

Zɛnɛse 7:1

Yai-Laa ə mo Noe ɓa yɛ mą: «'Lɔ gələn ɉu, yɛ́ ka ə́ yəi bɛlɛ́n nuą kəlee. Hvo gaai, ŋą́ą́ ə́ kaa ə́ ɓɛlaa lɔwai, ə́ tələnmoɔi ɲɛ̨́i ɓa.

Zɛnɛse 7:16

Ɉɛnŋaa tii, ɉuwu kəlee tɛitɛi ɉilɛ da ɉaa ɓə kɛi lɔ gələn ɉu, yɛ bələi Yálá ə Noe tí la. Yili pulu, Yai-Laa ə gələn naa kpulu Noe ɓa.

Zôo 14:13

Akɛ yá pɛli kɛ nówii lɔi mu, Yá pɛli kɛ mą́ą́kilɛi, ə lɛɛ ɉu ə́ wɔ liiholii ə tɛɛ, akɛ yá pɛli kɛ kuu tɔɔi mą́ą́, ɓɛlɔwai gíli a too la ə́ ŋą.

Mąątɛ̨nɛ̨ 143:9

Yai-Laa, 'gúlɔ ɲówoɠaa yəi, ə́ pɔ pələ ɓə a mą́ą́kilɛi.

Mąątɛ̨nɛ̨ 17:8

Ə́ ɲɛ̨i kɛ mą́ą́, ə́ mą́ą́ kpɛ yɛ nu ɲɛ̨i lon, nóo ə́ hvaŋąn mu.

Mąątɛ̨nɛ̨ 27:5

Mąąhɔlɔɓo a nóó nwɔ pɛ́lɛ́i mu, ɓɛlɔwai mɛ̨nį ɲąąnwąnąą a həli mą́ą́; a nóó nwɔ pɛ́lɛ́i ɉɔ̨nwɔ̨n ɉu, a gɔ́wɔ́ tɔɔ kwɛni mɛ̨i.

Mąątɛ̨nɛ̨ 30:5

Kaai a Yai-Laa yee pɔ nuą, 'ka naa tɛ wələ too, 'ka mąątɛ̨nɛ̨, kaa nwɔ mąąhəɠəlaa hukulɔ pɔ̨nɔ̨ ŋą.

Mąątɛ̨nɛ̨ 31:20

Mɛ̨inɛ̨ɛ̨ɠaai yáá ɉee ə́ ɲɔw nuą tɔwɔ, gɛnɛ̨i nuąi da di mąąkilɛ ə́ pɔ pələ, diɛ ɓə yá gɛ diɛ, nu kəlee ɲɛ̨i ɓa.

Mąątɛ̨nɛ̨ 32:7

Ə́ kaa ɲə́i a mą́ą́kilɛi, yá kpɛąn gwə́i pilimąą mɛ̨nįɠaa tɔwɔ; yɛ́ mą́ą́tínɛ̨n a nwun mąąɓo wələɠaa.

Mąątɛ̨nɛ̨ 57:1

Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ; a ɓɛlɔwai ə kɛi pu la Saulə tɔwɔ.

Mąątɛ̨nɛ̨ 57:2

'Mą́ą́wɛli kaa! Yálá, mą́ą́wɛli kaa! Mąąhɔlɔɓo, ŋą́ą́ ə́ kɛ a mą́ą́ kilɛi, gɛ́ nóó ə́ koon mu, ə lɛɛ kpɔ ɉu mąąwɛli yələ ə tɛɛ.

Mąątɛ̨nɛ̨ 91:1

Ɓɛi Hɛn Gəlee Mɛ̨imun Yálá a noo laa, nui a hee laa, mąą nu a yíi Huwalawala Kəlee Nąmu hvaŋą mu.

Mąątɛ̨nɛ̨ 91:4

Goon ɉu hvoloonŋąąi ə́ mɛ̨i, yɛ́ ə́ loo laa, vaŋąn mu ɓə yá ə́ mąąkilɛ laa. Nwɔ kulɔwooɓalaa kaa a kuláá-hə́ɠə́, da nu mąąkpɛ kwɛli hɛn.

Mąątɛ̨nɛ̨ 94:13

Yɛ́ hvįįtɔɔ tɛɛ bɔ a hvóló ɲɔ̨nwɔ̨ɔ̨ɠaa; a ɓɛlɔwai da kɛ lɔwa teei la nu ɲɔ̨nwɔ̨ɔ̨ɠaa tɔwɔi.

Hanwon 18:10

Yai-Laa laa kaa a nu mąąkpɛɛ hįi. Nu haŋąą a noo ɉu, mɛ̨nį ta hva ɉɔlɔɓo.

Hanwon 22:3

Nui daa gilaa pɔ̨nɔ̨, a mɛ̨nį ɲɔ̨n gaa yɛ pa, a mąą kilɛ. Nuąi di hva di kiliŋąhiɛ, da lɛɛ a di nwun vilɛn ŋąą, mɛ̨nį ə laa diɛ.

Azaya 10:25

Mąąhɔlɔɓo, ɉu hvo kɛa kwɛa li, nąą aa lɛɛ kpɔlɔɔ tiikpə, vá kɛa níí holi ka pɔ; Kɛlaa, gáá nwɔ́ liiholii ɲɛ̨i heei diɛ, di nwun na pili mɛ̨nį ɓa.

Azaya 10:5

Asiri nwun na ɲɔ̨nwɔ̨ɔ̨ ɓə, yai a nwą́ną́kulɔ gbɔn, ə ɓo ɲə́i ɲą, ŋį́ líiholii ka tii.

Azaya 13:5

Di kaa həɠəi kwɛala lɔi hu, yələkɔlɔn gbɛlai pələ, Yai-Laa da nwɔ liiholii nwąnąkulɔ hɛnŋąąi, di kaa pai nɔi kəlee huwoloi,

Azaya 34:2

Yai-Laa nwɔ liiholii aa muhəɠə lɔi kəlee laa ɓa, nwɔ kɛɛ kala liiholii aa muhəɠə di wɔ kɔlaɠa kəlee pɔ, aa ɲee lɛ diɛ di hukala mɛ̨nį ɓa; aa ɲee ɓo diɛ, di hukala.

Azaya 51:16

Ŋą́ nwóóɠaa pu ə́ la, ŋį́ ə́ mąąkɔ̨nwɔ̨ ɲéé nįnįn mu, gɛ́ yələkɔlɔn naa, gɛ́ lɔi hvilɛn, ɛlɛɛ, gɛ́ kɛ Siɔn ɓai: «Nwɔ́ nu huwu ɓaa yɛ́.»

Azaya 51:4

'Ka ka ɲɛ̨i hee mą́ą́, kaai a ŋi nu kanŋaa, ŋi taai hu nu kan, ə́ wəli tínɛ̨n nɔ bɔ pələ: Mąąhɔlɔɓo, ɲą́ą́ ɓə pai tɔ́n naai, nwɔ́ kitii kaa pai kɛi a yɛnɛ̨ɛ̨ nuą di wɔ kɛɛ pɔ̨nɔ̨!

Azaya 66:14

Ka káá pai nąą kaai, ka lii yɛ nɛ̨ɛ̨ ka kwəinɛ̨ɛ̨, ka kɔ́wɠaa diɛ pu di ninɛ̨ kɔ́lɔi, yɛ kala tiliin. Yai-Laa kaa pai ɲee hvąŋą lɛi nwɔ tínuąi diɛ, Kɛlaa, gaa pai nii hvolii ɲowoɠaa pɔ.

Ɉeremi 31:14

Gáá pai ɉaláá laa həli nuą pilɛi a huwɔ wulɔɔɠaa. Nwɔ́ nuą da pilɛ a ɲə́i mɛ̨inɛ̨ɛ̨. Ɲą́ą́ Yai-Laa nwóó li!

Ɉeremi 7:23

Kɛlaa, mɛ̨nįi ŋį́ vɛli diɛ, ya ka; ŋį́ kɛ diɛ: Akɛ, ka ka wəli tɔɔ nwóó ɓa ka ɉon, ŋį́ kɛ a ka wɔ Yálá, kaa ɓo a nwɔ́ nu Huwuɠaa. Bələi ŋį́ nɛ kaa, ka hiɛ ɉu a nɛlɛɛ, ka káá pai kɛi ka nɛ̨ɛ̨ hu.

Izikiɛ 11:16

Nwooi ŋɛ̨i ɓo diɛ, ɲą́ą́ Yai-laa Yálá nwóó ka: ‹Ə mą kɛ, ŋą́ą́ tɛɛ kwɛaa la, ɛlɛɛ ŋą́ di taɠa-taɠa nuą lɔwai, ŋą́ kɛ laa di pɔ woloɓo yɛ kɛɛnąą mąąhəɠɛɛ.›

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Sofoni 2:3

Kaai kpɔwɔmąą yɛɛ laa kaa ka yəi nɔi, kaa Yai-Laa woo hon, 'ka Yai-Laa ɲɛ̨ilaa kwɛli, gbəli hu kiɛ, gaa pai ka ɲɛ̨imąąwɛli kaai, a Yai-Laa nwɔ liiɲąnwąną hvólói.

Maafîu 23:37

«Ɉerusalɛmə taa! Oo Ɉerusalɛmə, yɛ́i yá Yálá kwəi mɛ̨nį hukulɔ nuą paa, yiiɠaai Yálá a di tɔɔ ə́ pɔ, yɛ́ di hɔɔ a kwɛni diɛ. Ŋą́ kɛ bɔ ŋį́ ə́ lonnii kəlee ŋąąkpɔn yɛ pələi tɛ́ɛ́ kɔ́nwɔ̨lee a nonnii kəlee ŋąąkpɔn na goon mu.

Maafîu 6:6

Kɛlaa, yɛ́ ə́ wɛi, yá kɛi Yálá hvɛli, lɔ ə́ yəi bɛlɛ́n, ə́ naa kpulu; ə́ Ną́n Yálái gaa laa ə́ pɔ loo hu, vɛli. Yaa tii a loo mɛ̨nį hu kaai, ya ɓə pai ə́ hvɛla kulɔi.

Korɛntə veelɛ 4:17

Hvo gaai, mɔ̨nɔ̨ logolo tiikpɛi ŋɛ̨i pai kpɛɛi, gaa a ɲɛ̨i pono kɛnɛ̨ɛ̨i kpɛɛ hvo mą, heɛ nuą tɔwɔ.