Azaya 26:2 - Yálá laawoo hɛɓɛ (dc)

² Ka gbonŋąą laaɓo, dəlimo lɔi hu nuą di lɔ, nɔi tii a kulɔ nwoo ɓai.

Yálá laawoo hɛɓɛ

² Ka gbonŋąą laaɓo, dəlimo lɔi hu nuą di lɔ, nɔi tii a kulɔ nwoo ɓai.

Bible

² Ka ziɣãŋ-ŋai díkpôŋ-ŋai lá-ƃo, ǹɔii-ŋuŋ ŋí zu-ƃela teniŋ-ƃoɔɔ̂i dí lɔ́ naa.

Azaya 26:2 ပူးပေါင်းရင်းမြစ်များ

Mąątɛ̨nɛ̨ 106:5

Gɛ́ pɛli ə́ liiɓa nuą di wɔ nwun na nɛ̨ɛ̨i kaai, Ə́ gwə́inɛ̨ɛ̨ nwɔ́ nu huwui nwɔ kwəinɛ̨ɛ̨ hu, gɛ́ nwɔ́ɔ́ hɔlɔɓo ə́ kwɛlin nwɔ ɲɛ̨i ponoi hu.

Mąątɛ̨nɛ̨ 118:19

'Ka tələnmo kponŋaa laa ɓo dɔ́wɔ, ŋį́ lɔ laa, ŋį́ Yai-Laa laa mąąwiɛ.

Mąątɛ̨nɛ̨ 118:20

Yai-Laa nwɔ pɛ́lɛi laaləi pələ ɓə, tələnmo nuą da lɔ la.

Mąątɛ̨nɛ̨ 24:7

Pɛlɛ́ɠaa, 'ka ka laaɓo! Tɔwɔ-tɔwɔ pɛlɛ́ɠaa 'ka ka laaɓo kpɔ gbagan! Mɛ̨nį kəlee ŋą Heeɓo-Yálá ə lɔ!

Lɛɛ gbɔwɔ ɓa 19:6

Ka wɛi, gáá pai ka kɛi a nwɔ tɔɔlaa hu haláá laa həli nuą, a nu huwu mąąhəɠɛɛ.› Nwooɠaai mąąnɛ̨ɛ̨ ə́ mo Israɛlə lonnii diɛ, diɛ ka ti.»

Azaya 45:25

Yai-Laa haalai, Israɛlə huwu kəlee mąąhvaa kaa pai lɛɛi, di kaa pai di kwəinɛ̨ɛ̨i.

Azaya 54:14

Ə́ hamu a kɛ a vilɛn ŋąą tələnmolaa mɛ̨i, di hva kɛa too ə́ mɛ̨i, hva kɛa ɲɔw, ə́ mąą hva kɛa kpɛlin, ə́ mąąɲɔw mɛ̨nį ta hva kɛa lɛɠɛ yɛ́.

Azaya 54:17

Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.

Azaya 58:8

Ya gɛ tii, ə́ wɔ kɛɛ pɔ̨nɔ̨i a ɓɛla yɛ yələ ɓɔɔ nįnɛ̨, ɛlɛɛ, yɛ́ pu ə́ nįnɛ̨ kɔ́lɔi a mąą hulaa, ə́ wɔ tələnmolaa kaa pai kɛ hiɛi ə́ ɲɛ̨i tɔwɔ, Yai-Laa nwɔ mąąwiɛ yɛ ə́ mąą kpɛ ə́ pulu pələ.

Azaya 60:11

Ə́ wɔ kponŋaai laa kaa pai kɛi a moɔ a yələ kəlee, di hva di laa kpulu, ə kɛ a hvóló ə kɛ a kpinį, nuą diɛ pɛli pai ə́ pɔ a hįį lɔi takpɛliɠaa hu hɛngɔwɠaa, di wɔ tɔɔɓɛlaa ɓə pai kɛi pai a ɉɛnŋąąi tii, di ɓo yɛli ɓa.

Azaya 60:18

Di hvo kɛa pai wəa mɛ̨nį mɛ̨n ɉii ə́ wɔ lɔi hu, da kɛɛ kala mɛ̨nį, da lɔi hu wolo mɛ̨nį. Ə́ kaa pai ə́ mąą kpɛ hį́iɠaa laa heei a ɓalo mɛ̨nį, yɛ́ ə́ wɔ kponŋąąi laa hee a Mąą tɛ̨nɛ̨.

Azaya 60:21

Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.

Azaya 61:3

Nuąi haa aa too diɛ Siɔn daai, ə gɛ: ŋį́ di wɔ mąąwɛli mąąhvalin a mąąwiɛ, ŋį́ di wɔ háá wɔlɔ ɓoɔ mąąhvalin a kwəinɛ̨ɛ̨ wulɔ, kwəinɛ̨ɛ̨ kulɔ həɠə tɛɛ mɛ̨nį ɓa di pɔ, a mɔ̨nɔ̨ mįi həɠə mąąhvalin. Di kaa pai di laa heei a, tələnmo wulu, Nwuluɠaai Yai-Laa ə di hin a ɲɛ̨i ponɔ̨ mɛ̨nį.»

Azaya 62:1

Siɔn taa mąą mɛ̨nį ɓa, vá pɛli náá pilɛi, Ɉerusalɛmə taa mąą mɛ̨nį ɓa, vá pɛli vįi tɔɔi, ə lɛɛ ɉu nwɔ tələnmo mɛ̨nį ə too pɔ̨nɔ̨ ɲą, ɛlɛɛ malo mɛ̨nį yɛ kɛ yɛ da kpalan dɔɔ.

Azaya 62:10

'Ka tɛɛ, 'ka tɛɛ, ka həɠə bɛlɛ́ɠaa laaləi, 'ka həɠə nuą tɛɛ pələ hu. 'Ka pɔlɔ pu bələ mɛ̨i, 'ka pɔlɔ pu laa, 'ka kwɛni pu mɛ̨i, 'ka húú pili nɔi hu nuą diɛ.

Azaya 62:2

Hįį kəlee kaa pai ə́ wɔ tələnmo mɛ̨nį kaa, tɔɔɓɛlaa kəlee diɛ ə́ wɔ mąąwiɛ kaa. Di kaa pai laa ninɛ̨ heei yɛ́, yai pai kulɔi Yai-Laa lá.

Zakari 8:20

Yai-Laa Mɛ̨nį Kəlee ŋą Hééɓomun ə mo, ya ka, yɛ: Di kaa nwɔ̨nɔ̨ pai nu kpulu kaai diɛ pa, da taa kpɛa-kpɛa hu nuą.

Gɛlaɠaa 2:47

Di kɛi Yálá hɛɠɛɛɓo di wɛli yɛ ɓo nu kəlee ɓa. Hvóló kəlee, Ną́mu Yálá ə kɛi laa na nuą ta pɛlɛ ma.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Piɛrə veelɛ 3:13

Kɛlaa, gu wɛi, yɛ pələi ə mįnɛ̨ həɠə la, yɛ diɛ: Yələkɔlɔn nįnɛ̨ da lɔi nįnɛ̨ kaa pai, ɓɛi tələnmolaa kaa tɔɔlaa kɛi laa. Yili ɓə gu kaa mąąkpɔn ɉi.

Zûu 1:3

Nwɛ́likɛmąą nuą, ŋą́ gɛ pələ kwɛli mą, ə gɛ, ŋą́ ɲąąwala ŋą́ hɛɓɛ́ tɛɛ kaa; ə gɛ, nwun mąąɓoi ŋɛ̨i gaa a gu kəlee gu kpɔnmąą, ŋą́ mąą mɛ̨nį ta hukulɔ kaa. Kɛlaa, ŋą́ą́ gaa gɛ diɛ, gɛ pələ takpɛli hvo mą hvo kɛ li ŋą́ ɉɛɓɛ́i ŋɛ̨i kɛ ŋą́ dɛɛ kaa. Ə gɛ, ŋą́ ka hvaŋąlɔ naa na laa ŋɛ̨i Yálá ə dɛɛ nwɔ nuą pɔ, gu mąąkɔ̨nwɔ̨.

M̀ɛni-lɛɛi 21:24

Hįi lɔiɠaa di kɛli hiɛ ŋą kɛɛpono hu, ɛlɛɛ, lɔi mɛ̨i tɔɔɓɛlaa di pa bɔ a di wɔɔ mąąwiɛlaa.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą