Azaya 26:19 - Yálá laawoo hɛɓɛ (dc)

¹⁹ Ə́ wɔ nuąi daa haa di kaa pai pənəi di yɛnɛ̨ɛ̨ kɛ, di pɔwaɠaa kaa pai pənəi di nwun. 'Ka ka muhəɠə! 'Ka tómą a kwəinɛ̨ɛ̨! Kaai ŋɛ̨i munuun ɉu puunii! Mąąhɔlɔɓo, yɛ́ nɛ̨n-ɲái kaa a kɛɛpono nɛ̨nɲá, ɛlɛɛ, lɔi kaa pai yɛnɛ̨ɛ̨ tɛɛi haa nuą pɔ.

Yálá laawoo hɛɓɛ

¹⁹ Ə́ wɔ nuąi daa haa di kaa pai pənəi di yɛnɛ̨ɛ̨ kɛ, di pɔwaɠaa kaa pai pənəi di nwun. 'Ka ka muhəɠə! 'Ka tómą a kwəinɛ̨ɛ̨! Kaai ŋɛ̨i munuun ɉu puunii! Mąąhɔlɔɓo, yɛ́ nɛ̨n-ɲái kaa a kɛɛpono nɛ̨nɲá, ɛlɛɛ, lɔi kaa pai yɛnɛ̨ɛ̨ tɛɛi haa nuą pɔ.

Bible

¹⁹ Kúnûai nyii-ŋai da saai, da pâi dímu-siɣei saa yêei. Da pâi ŋɔ́nɔ kɛ̂i pôlu yɛ̂ɛ berei díkɛ̀ la a bɔlɔɔi. Da pâi dímu-siɣêi dí kúla m̀olôŋ su. Da kùla m̀oloŋ su, da pâi kɛ̂i lii-nɛ̃ɛ wule-ŋa toôi. Yâwɛɛ ŋɔkwaa ponoɔɔi a pâi dímaa ponôi yɛ̂ɛ nɛ̀ŋ a pù kala ŋûnu ŋá a ɣele-wala pɛpɛ.

Azaya 26:19 ပူးပေါင်းရင်းမြစ်များ

Zôo 14:8

Ə mą kɛ, ɉamu aa lamun lɔi mu, ə mą kɛ nwungbə mɛ̨i aa kpala,

Zôo 29:19

Ɉámu ə hvilɛn yai, nɛn ɲa yɛ nááɠaa yɔwɔ kpinįi.

Mąątɛ̨nɛ̨ 110:3

Heeɓolaa ə lɛɛ ə́ yəi, a ɲələi ə́ kɛi yɛ́ kɔlaɠai ɲąąkpɔn na. Mąąwiɛ ə kɛ yɛ́ a Yálá-taa mąąwiɛ, ə́ ɓo nį ə́ lee kwəi, ə́ nwunų kɔ́lɔi.

Mąątɛ̨nɛ̨ 22:15

Vą́ŋą aa həɠeen, yɛ wulɔyíi, Dɔ́ɔ́tɔɔnŋaa kəlee daa kulɔ di gee la. Níí kaa gwə́i yɛ kwɛ̨ingban, ɲɛ́lɛ kəlee aa həɠeen ɉú.

Mąątɛ̨nɛ̨ 22:29

Heeɓolaa kaa a Yai-Laa nwɔɔ! Gaa heeni lɔi kəlee nwun mɛ̨i.

Mąątɛ̨nɛ̨ 71:20

A Yɛ́i, yáá ku ɲɛ̨ikɔw kpɔlu a mɔ̨nɔ̨ da kwəi pili mąą, ə́ kaa pai nwɔ̨nɔ̨ pənəi, ə́ hvaŋą nįnɛ̨ pu kuɔ; ə́ kaa nwɔ̨nɔ̨ pai gúlɔi ɲąmuątaa yəi lɔi mu.

Mąątɛ̨nɛ̨ 88:11

Akɛtii, Yá pɛli kwɛlɛɛn mɛ̨nį ta kɛi haa nuą mąą mɛ̨nį hu? Haa nuą da mɔ̨ɔ̨ pɛli nwun ɉii, diɛ ə́ Laa mąąwiyɛ?

Azaya 18:4

Mąąhɔlɔɓo, Yai-Laa ə kɛ mą́ą́: «Gáá pai lɛɛi heeni ɉééi, gɛ́ kɛɛ kaa, ɉéɛ kpɔ kpɛ, yɛ bələi hvóló tɛɛ nwun mą wəleen gɛnɛ̨i la, gbaalən ə ɓo mą; yɛ bələi lɔ luwu luwu a pɛlɛ la mɔ̨nun deei lɔwai.»

Azaya 25:8

Gaa pai haa nwun na pilii a yələ kəlee mɛ̨nį, Nąmu Yálá kaa pai nu kəlee ɲɛ̨iyá kələi ɲɛ̨i, yɛ nwɔ nuąi di wɔ laa nɔ̨nwɔ̨ mɛ̨nį həɠə di mɛ̨i, lɔi kəlee hu, Yai-Laa yaa kpinįi ɓə mo.

Azaya 51:17

'Ə́ muhəɠə, 'ə́ muhəɠə, 'haŋą ə́ tɔɔ Ɉerusalɛmə, yɛ́i ŋɛ̨i Yai-Laa yee ə nwɔ liiholi ya tɔɔ ə́ lai, ə nwun ɉu tínɛ̨n gbama tɛɛ ə́ pɔ, ə́ ɉu lɔɔ kpələ, ə́ ɉu ɓo.

Danîa 12:2

Nuą tamąą daa haa, di kaa laani di kámą hu, di kaa pai di muhəɠəi, di kɛ a di hvulú. Daɠaa da di muhəɠə də li yɛnɛ̨ɛ̨ kpɛɛ hvo mą ɉu; daɠaa də li nwun napili hu, nwumɛ̨ hu yii hva kpɛɛ.

Osia 13:14

A kɛ tii, hvo kɛli mɔ̨ɔ̨ ŋį́ pa nwun mąąɓo ɲąmuątaa yəi? Hvo kɛi ŋį́ pa gulɔ haa yəi? Haa, ə́ wɔ nu paa ɲɔ̨nŋąąi kaa mį? Ɲąmuątaa, ə́ wɔ nu kɛlɛ gbɔn kaa mį? Nu ɲɛ̨imąąwɛli kaa kilii lɔpee hvo ɲɛ̨i pɔ.

Osia 14:5

Gáá pai di ɓaloi di wɔ pulu kulɔ mɛ̨nįi tii yəi, gɛ́ di wɛlilakɛ gwə́i tɔ̨nɔ̨ mɛ̨i, ŋą́ą́ nwɔ́ lííholii həɠə di mɛ̨i.

Osia 6:2

Gaa pai a gu kɛi a gu hvulú hvóló hveelɛ yeemu. Voló haaɓa yələ, a kɛ a gbɛɛ a gu muhəɠɛɛ; ɛlɛɛ gu kaa pai kɛi a gu hvulú níila.

Zakari 8:12

Yili ɓa, gáá pai liilaa hį́n ɉi lɔi mɛ̨i, viɲə yɛ ɓa, híhɛn yɛ lɛlɛ nɔi hu, yələkɔ́lɔn yɛ tulɔ pu; Ŋą́ ɉɛnŋąąi tii kəlee tɛɛ, nɔi lonnii gbəliɠaai da lɛɛ, di pɔ a di wɔɔ.

Maafîu 27:52

Kámą tamąą laa yɛ ɓo, Yálá nwɔ nuą mąąhəɠɛɛɠaa tamąą di nwun di kulɔ haa yəi

Maafîu 27:58

Ə li ə mo Pilatə ɓa yɛ mą: «Jesus powa tɛɛ bɔ́.» Pilatə ə mo nuą diɛ, ə gɛ, di Jesus powa tɛɛ bɔ.

Gɛlaɠaa 24:15

Gílitɔɔi ɓə Yálá ɓa, diɛ kpɛlimąn gili tɔ̨nɔ̨i tii kaa lɔ di kwəi, ya ɓaa tələnmo nuą-o, wɛa nuą, di kaa pai pənəi di nwun.

Korɛntə dɔlɔɔ 15:20

Kɛlaa, kpaa-o! Hvo tii, Kristə ə nwun gbɔ haa yəi a tɛ̨ą leelee, yaa ɓə a nu dɔlɔɔ, yɛ kulɔ haa yəi.

Ifisiɛŋ 5:14

gbala ə tɔɔ, mɛ̨nįi aa doo pono ɲą, kɛɛ pono li. Yili ɓə gɛ, da kɛ mą: «Yɛ́i ŋɛ̨i yįi, 'nwún, ə́ muhəɠə 'ə́ kulɔ haa nuą lɔwai, ɛlɛɛ, Kristə kaa pai ə́ mąą ponoi.»

Dutɛrɔnome 32:2

Nwooɠaai gáá ka kalan ɉii la, ə hala lɔi mɛ̨i yɛ tulɔ ya, nwóó ə pɛlɛ yɛ náláán, yɛ weewaa tulɔ kala tiliinŋąą mɛ̨i, yɛ hvóló laa ɓoɔ tulɔ kala tiliinŋąą mɛ̨i.

Dutɛrɔnome 33:13

Yɛ Ɉosɛfə nwɛi ɓa: «Yai-Laa aa lúwɔ́ tɔɔ di hee lɔi ɓa, a tulɔ yii a pu mą, da yáɠaai da kulɔ lɔi liiɓa.

Dutɛrɔnome 33:28

Ə́ hvįįtɔɔ a ə́ wəli pulu laɠiɛ, Ɉakɔbə nwɔ yá nwun gulɔi kaa laai a dee; yɛ li ɓɛi mɔ̨nun da lɔɔ nįnɛ̨ di kaa laa nɔi; yələkɔlɔn yɛ tulɔ pu mą.

Filipə 3:10

Mɛ̨nįi kpɔ gaa laa, ya ɓaa: Yaa gɔlɔn mɛ̨nį, ɛlɛɛ, ɉuwalawalai gulɔ haa yəi, da nwɔ mɔ̨nɔ̨i ta mįi mɛ̨nį, yɛ́ kɛi yɛ, yaa, ɉaa mɛ̨nį hu;

Filipə 3:21

yai pai, gɔlɔ mąąwɛliɛ ŋɛ̨i guɔ, mąą hvalin ɉii a kɔ́lɔ mąąwiai gɛ pələ ə ɓo yɛ nwɛi. A yili kɛ a nwɔ huwalawalai gaa pai heei la hɛn gəlee mɛ̨i.

Samuɛlə dɔlɔɔ 2:6

Yai-Laa ɓə a nu paa, Yaa lɔ ɓə a nu ɓalo, nu a yɛɛ ɲąmuątaa, nu ə kulɔ laa.