Azaya 26:15 - Yálá laawoo hɛɓɛ (dc)

¹⁵ Yai-Laa, Yáá nɔi hu kɛnɛ̨, Yáá nɔi kɛnɛ̨, Yɛ́ Ə́ wɔ mąąwiɛ lɛ la tii, Yáá nɔi ɲɛ̨n gəlee kulɔ bulu.

Yálá laawoo hɛɓɛ

¹⁵ Yai-Laa, Yáá nɔi hu kɛnɛ̨, Yáá nɔi kɛnɛ̨, Yɛ́ Ə́ wɔ mąąwiɛ lɛ la tii, Yáá nɔi ɲɛ̨n gəlee kulɔ bulu.

Bible

¹⁵ Óo Yâwɛɛ, ya ǹɔii-ŋuŋ su-kɛtɛ. Ya gɛ́ zu a kɛ̂tɛ m̀éla kélee ma. M̀ɛnii ŋí a gɛ́ ƃaa kɛ́-maa támaa a kɛ́ yâ.

Azaya 26:15 ပူးပေါင်းရင်းမြစ်များ

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Zɛnɛse 13:16

Gáá ə́ huwuhu ɓɛlɛi, nu lɔpee ta hva pɛli nonoi, yɛ pələi nu hva pɛli ɲɛ̨ąkɔw lonoi la lɔi ɓa.

Tɔɔɓɛlaa dɔlɔɔ 8:46

«Ɲələi Israɛlə a nɛ̨ŋɛ̨n ɉəɠə la yɛ́, mąąhɔlɔɓo, nu ta hvo laa yii hva nɛ̨ŋɛ̨n ɉəɠə, yá ə́ liiholi di pɔ, ə́ di lɔ di yowoɠaa yee ŋą, ɛlɛɛ, nuą da di hon, di li a diɛ nwɛ̨ą lɔi hu, luwɔlaa hu, ə kɛ kwɛa la, ə kɛ kpuwɔ la,

Tɔɔɓɛlaa veelɛ 17:23

Yili ɓə gɛ, Yai-Laa yɛ di kpɛ ɲɛ̨i mu, yɛ bələi ə bu la nwɔ tínuą kəlee la, diɛi kɛ a gwəi mɛ̨nį hukulɔ nuą, diɛ mo. Di Israɛlə kulɔ nwɔ lɔi hu, di li la kwɛaa la Asiri lɔi hu, gaa ni laa.

Tɔɔɓɛlaa veelɛ 17:6

Ose nwɔ tɔɔlaa gwɛlan mɛ̨inąąn nɔwai, Asiri tɔɔmun ə Samari hon a kɔ́, ə Israɛlə nuą damąą həɠə, ə li a diɛ Asiri lɔi hu, ə di hee Hala da Habɔrə ya kwɛlɛ, yai kɛ a Gozan nwɔ ya lee kɛnɛ̨, ə daɠaa hee Medi taa kpɛa kpɛaa hu.

Tɔɔɓɛlaa veelɛ 23:27

Yili ɓə gɛ Yai-Laa yɛ kɛ diɛ: «Ə mą kɛ Ɉuda lɔi ɓə, gaa pai di kulɔi ɲɛ̨i mu yɛ bələi ŋą́ gɛ la a Israɛlə lɔi. Ɉerusalɛmə taa kɛnɛ̨i ŋɛ̨i ŋą́ ɉəɠə ɉu a niiɓa taa, ŋą́ mąą kwɛa mą́ą́, ə mą kɛ bɛlɛ́i ŋɛ̨i ŋą́ náá hee mai.»

Nehemi 9:23

Ə́ lɔiɠaa tɛɛ di pɔ, yɛ́ yələkɔlɔn ɉu pɛmɛ̨lɛ̨n gɔwɠaa, nɔi ə́ kɛ di nąnni diɛ də li di hee ɉu, də li di hee mąą lɔi hu.

Zôo 12:23

A lɔi ɲąąnɛ̨ɛ̨, ə pənə ə nɛɛ a gboloon, a lɔi nuą tamąą, yili ə di kɛ a luwɔɠaa.

Azaya 10:22

Israɛlə, ə mą kɛ, ə́ wɔ nuąi tamąąi yɛ gboloyá hu ɲɛ̨ą kɔ́w, gbəli wolo lɔ ɓə a pənə ə pa; daa ka hukala mɛ̨nį mąą kili tee di kwəi, yili ɓə pai giti mɛ̨nį ɲɛ̨i kulɔi, yɛ pɛli ɉu.

Azaya 33:17

Ə́ ɲɛ̨i kaa pai tɔɔi tɔɔmun nɛlɛ pələ ɓa, ə́ ɲɛ̨i kaa pai hiɛi nɔi nąą kəlee mɛ̨i.

Azaya 40:5

Nąąlɔwai, Yai-Laa nwɔ mąąwiɛ kaa pai kulɔi pɔ̨nɔ̨ŋą, nɔ̨ɔ̨nɔ̨ɔ̨-hɛnŋąąi kpɔ di kaa lɔi mɛ̨i, gəlee kaa pai gaai, diɛ kɛ Yai-Laa ka tii aa hvaa!

Azaya 44:23

Yələ kɔ́lɔn, 'tomą a kwəinɛ̨ɛ̨, mąąhɔlɔɓo, Yai-Laa aa gɛ mɛ̨nį kɛ, 'ka ɓələn a kwəinɛ̨ɛ̨, lɔi mu pələ lɔiɠaa, yeeɠaa, 'ka tómą a kwəinɛ̨ɛ̨, ə mą kɛ wɛla, da ɉu wuluɠaa, mąąhɔlɔɓo, Yai-Laa aa Ɉakɔbə nwun mąąɓo, ɛlɛɛ aa nwɔ mąąwiɛ lɛ Israɛlə lɔi hu!

Azaya 6:12

Yai-Laa kaa pai nuą tɛɛi kwɛala, nɔi hu yɛɛ kɔwɔɠaa diɛ lɛɛ di kpɔɔ ɓa.

Azaya 60:21

Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.

Azaya 9:3

Mąąhɔlɔɓo, nuwɔ laai di kɛ ɉu, gbɔn kɛ di mɔ̨nɔ̨ɓomun ɲəi, yɛ di kɛlɛ la di pulu, Yáá yiliɠaai kəlee hu yali, yɛ bələi wɔlɔ Ə́ gɛ la a Madian nuą.

Ɉeremi 30:19

Hɛɠɛɛ ɓo wooɠaa diɛ kulɔ laa, kwəinɛ̨ɛ̨ wooɠaa. Gáá di ɓuwu ɓoi, di ta hva kɛa kulɔ ɉu, gáá di mąąwiɛi, di hva kɛa kɛ a nu huwu hviikpɛɛ.

Ɉeremi 32:37

Gáá pai di ɲąą kpɔn ɉii, gɛ di kulɔ nɔiɠaai kpɔ ŋą di taɠa taɠa ɉu, níí holi pələ ɓa, níí kələn bələ ɓa gwə́i da nwą́ną lɔ pələ ɓa, ŋą́ pənə ŋą́ pa a diɛ gɛɛnąąi ŋɛ̨i ɓa, gɛ́ di hee laa liilaa hu.

Izikiɛ 36:24

«Gáá pai ka həɠəi lɔiɠaa hu, gɛ́ ka ɲąąkpɔn a ka kulɔi ŋą́ mo lɔi kəlee hu, gɛ́ pənə gɛ́ pa a kaa, ka wɔ lɔi mɛ̨i.

Izikiɛ 5:12

Gáá yɛ́ nuąi hee kpəlina kɛi haaɓa; ɉeei tɔ̨nɔ̨ kaa pai haai a nu paa ɲɔ̨n, awala kɛ ti nwun na a pili a pulu, daa kwəi; ɉeei veelɛnąn gaa pai tooi a kɔ́ kɔ́ ɓɔwa laa pɔɔ, ə́ kwɛlɛ kəlee; ɉeei ɉaaɓanąn nwɛi, ŋą́ ɉu taɠa taɠa pələ kəlee; ɛlɛɛ, ŋą́ hvilɛn di pulu a kɔ́ kɔ́ ɓɔwa.

Lonon mo 23:10

Gbɛɛ ɓə a pɛli Ɉakɔbə nwɔ muluun gbalai nonon ɉii? Da Israɛlə nwɔ nu kpului tii líi lɔ daną danąi? Yálá ə gɛ ŋį́ haa a dələnmo nuąi ŋɛ̨i haa pələ. Nwɔ́ yɛnɛ̨ɛ̨ laa kulɔi ə kɛ yɛ di wɛi.»

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Ɉaan 15:8

Yii a Ną́n mąąwiɛ ya ɓaa: ka ɓa a damąą, kaa ɓo a nwɔ kalan nɛa.

Ɉaan 17:1

Jesus ə kpɛɛ lɔ a nwooɠaai tii ɓoɔ, ə ɲɛ̨i tɛ yələi, yɛ diɛ: «Ną́n! Nąąlɔwai aa həli, Ə́ lon mąąwiɛ, Ə́ lon Ə́i mąąwiɛ.

Dutɛrɔnome 10:22

Ɛlɛɛ, ya pa, ka nąnni di hvo kɛ tɛɛ li nu pow mɛ̨ihveelɛ hu, ɓɛlɔwai di kɛi li la Eziptə lɔi hu; ya ka ŋɛ̨i Yai-Laa aa ka kpulu hu kɛnɛ̨, yɛ yələkɔlɔn ɉu pɛmɛ̨lɛ̨n-gɔwɠaa.

Dutɛrɔnome 28:25

Yai-Laa kaa pai ka yowoɠaa yee tɛɛi kaa, ka kulɔ a pələ tɔ̨nɔ̨ kaa li pɛlɛi diɛ, kɛlaa da pu ka hu, kaa pu di tɔwɔ a pələ mɛ̨ihveelɛ a dee tee. Ka káá pai yɛnɛ̨ɛ̨ lɔiɠaa kəlee kwəi pili diɛ.

Dutɛrɔnome 28:64

Yai-Laa kaa pai ka taɠa taɠai nu huwu kəlee lɔwai, yɛnɛ̨ɛ̨ nąą kəlee. Ka káá pai kɛi tíi kɛi haliɠaa diɛ, diɛi di kaa a: kwɛniɠaa da wuluɠaa, diɛi, kaa-o ka nąnni-o ka hvo ta di kɔ́lɔn ni.