Azaya 26:1 - Yálá laawoo hɛɓɛ (dc)

¹ Mąą yələ, di kaa pai kɛi nwələi ŋɛ̨i tooi Ɉuda lɔi hu, diɛ kɛ diɛ: Kɔtaa wala wala kaa ku yəi, ɓalo mɛ̨nį ɓə a mąąkɔ̨nwɔ̨ hįį.

Yálá laawoo hɛɓɛ

¹ Mąą yələ, di kaa pai kɛi nwələi ŋɛ̨i tooi Ɉuda lɔi hu, diɛ kɛ diɛ: Kɔtaa wala wala kaa ku yəi, ɓalo mɛ̨nį ɓə a mąąkɔ̨nwɔ̨ hįį.

Bible

¹ Ɣele da a pâi pâi nûa da pâi kɛ̂i ŋ̀ulei ŋí toôi Zuda lɔii su: Kútaa-lêei wála-wâlai! Ɣâla ǹyaa kpîŋ ƃa ŋɔsiɣãŋ maa kɔ̃̂ɔ.

Azaya 26:1 ပူးပေါင်းရင်းမြစ်များ

Ɛsdrasə 3:11

Di kɛi nwələ too, diɛ di kee woo mu hon, diɛ kɛ mą: mąąwiɛ da kɛnɛ̨ laa kaa Yai-Laa ɓa; Mąąhɔlɔɓo, nwɔ mɛ̨inɛ̨ɛ̨, da nwɔ lii nɛɛ gwəi laa kpon ɉu kwɛaai Israɛlə ɓa. Di kɛi yili ɓo tii, mąąhɔlɔɓo, di kɛi Yai-Laa hee pɛlɛ́ tɔɔ.

Mąątɛ̨nɛ̨ 31:21

Yáá di loo, ɓɛi ə́ ɲɛ̨i lɛlɛɛ heɛ lai, mąą kwɛaa nuą di wɔ gbąnąlaa mɛ̨nįɠaa diɛ, yáá di loo, nu nɛ̨n nwɔ kɔɠaai tɔwɔ.

Mąątɛ̨nɛ̨ 48:12

Siɔn yee kaa kwəinɛ̨ɛ̨ kulɔi, Ɉuda taaɠaa diɛ mąną, ə́ wɔ kiti wooɠaai mąą mɛ̨nį ɓa.

Mąątɛ̨nɛ̨ 48:4

Siɔn kwəlii nwɛi, Yálá ɓə di kɔ́lɔn a nɔi mąą kɔ̨nwɔ̨ taa.

Azaya 12:1

Mąą yələi tii, yá kɛ diɛ: Yai-Laa! Gáá ə́ hɛɠɛɛɓoi! Ə́ líí holiɛ kɛ bɔ́, Kɛlaa, ə́ wɔ líiholii kɔ́lɔ aa haa mą. Ə́ kaa kɛa níí laai.

Azaya 14:31

Kponŋąą, ka ka woo laa, taaɠaa, ka tómą, Filisti lɔi kəlee aa too, nwɔ̨n nulu kaa həɠəi ɲánwuɔ̨ pələ, nu ta hvo gɔwɔ kulɔ mɛlaa kɔ́wɔ pɔ.

Azaya 2:11

Kpɔwɔɲąą kɛnɛ̨ nuą, mąą a yɛɛ, ɲɛ̨itɛ nuą di kwɛli hvilɛn, a mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 2:20

Ɲələi tii a həli, ɉaliɠaai di bɛli a wali da hɛni, diɛ kwɛli hvilɛn mą, da nɛɛ kpəɠəiɠaa da lɔwɠaa di yəi.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Azaya 31:5

Bələi lɔ nwɛ̨niɠaa da di koon naa ɓo la, bələ lɔ ɓə Yai-Laa Mɛ̨nį Kəlee ŋą Hééɓomun kaa pai Ɉerusalɛmə mąąkɔ̨nwɔ̨i la; gaa pai mąąkɔ̨nwɔ̨i yɛ gulɔ mɛ̨nįi, gaa pai mąąhvaalɛɛi, yɛ nwun mąąɓo.

Azaya 31:9

Nwɔ kwɛni kpuwului kaa pai pui a ɲɔw, da kɛi nwɔ kɔ́ nwun nąmįnąąi təli, diɛ mun diɛ pu a gilɛ. Yai-Laa woo li, yai nwɔ nwɔ̨n kaa Siɔn, ɛlɛɛ nwɔ kpaɠa nwɔ̨n ə ɓo Ɉerusalɛmə daai.

Azaya 33:5

Mąąwiɛ kaa Yai-Laa ɓa, mąąhɔlɔɓo, gaa heeni yələi pələ; aa Siɔn laahvɛɛ a tɛ̨ą mɛ̨nį da tələnmolaa.

Azaya 33:6

Ə́ wɔ yɛnɛ̨ɛ̨ laa hɔn mo hɛn ɓa pai kɛi, a ɓalo mɛ̨nį nwɔ hɛn gɔw, kili mɛ̨nį, mɛ̨nį kɔ́lɔn ŋąą, da nu ɲɔwuɔ Yai-Laa ɓa, yili ɓə pai kɛi a gwɛlin.

Azaya 4:2

Mąą yələ, Yai-Laa kaa pai Israɛlə mąąpoo nwun ɉii, gaa pai kɛi a ɲɛ̨i pɔ̨nɔ̨ da mąąwiɛ; ɛlɛɛ, ɉɛn pai ɓai nɔi hu, gaa pai kɛi a Israɛlə nu huwu gbəlii ɲɛ̨i pɔ̨nɔ̨ mɛ̨nį da mąąwiɛ mɛ̨nį.

Azaya 5:1

Ka nɛ́ɛ́ laa ŋį́ mɛ́lan mąątɛ̨nɛ̨ wələ too, yaa da nwɔ viɲə di wɔ wələ li. Viɲə yɛa ə kɛ mɛ́lan ɲəi yee ta ɓa, lɔi lɛlɛɛ hu,

Azaya 56:5

gáá pai ɉələŋąn dɔɔi di mąą mɛ̨nį ɓa, gɛ́ laa tɛɛ di pɔ ɲə́i bɛlɛ́n, bɔ́ɔ́li; yili hviɛlaɓoɔi lon ɉinąą da lon nɛ̨ąą diɛ, gáá laa ta pɛ̨ɛ̨i diɛ a yələ kəlee da nwɔɔ, di hva gulɔ laa a yələi lɔpee ta.

Azaya 60:18

Di hvo kɛa pai wəa mɛ̨nį mɛ̨n ɉii ə́ wɔ lɔi hu, da kɛɛ kala mɛ̨nį, da lɔi hu wolo mɛ̨nį. Ə́ kaa pai ə́ mąą kpɛ hį́iɠaa laa heei a ɓalo mɛ̨nį, yɛ́ ə́ wɔ kponŋąąi laa hee a Mąą tɛ̨nɛ̨.

Azaya 62:10

'Ka tɛɛ, 'ka tɛɛ, ka həɠə bɛlɛ́ɠaa laaləi, 'ka həɠə nuą tɛɛ pələ hu. 'Ka pɔlɔ pu bələ mɛ̨i, 'ka pɔlɔ pu laa, 'ka kwɛni pu mɛ̨i, 'ka húú pili nɔi hu nuą diɛ.

Azaya 62:11

Mɛ̨nįi Yai-Laa kaa moi, yɛ həli kpɔ lɔi kpon ɉeei, ya ka: 'ka mo Siɔn nɛ̨ɛ̨gbɛla ɓa, kaa mą: Ə́ ɓalo mun ga ɲɛ̨i pai, vɛla kaa ɲəi, ɲąą kɛlɛ hɛnŋąą di ɓo ɲɛ̨itɔwɔ.

Ɉeremi 33:11

kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Izikiɛ 40:5

Ŋą́ bɛlɛ́ nwąną ɲɛnɛ̨ɛ̨ pələ kaa, ə Yálá hee pɛlɛ́ mąątínɛ̨n ə doo gee hu. Wulu kpiɛn ə kɛ nui tii yəi hɛn gɔɔn mɛ̨nį ɓa; gwɛa kɛ a yee tɔɔɉu mɛ̨ida, da nu yee ɓa ŋą tɔ̨nɔ̨. Ə bɛlɛ́ kɔ́ɔn a nwulu kpiɛn dɔ̨nɔ̨, ə gwɛa pələ kɔ́ɔn a nwulu kpiɛn dɔ̨nɔ̨.

Zakari 2:5

Ŋą́ nwun muhəɠə nwɔ̨nɔ̨, ŋį́ kɛɛ takpɛli kaa, ŋį́ hulɔnu ta kaa, lɔi kɔ́ɔn ɲɛli ə ɓo ɲəi.

Zakari 2:9

Ɛlɛɛ, ɲą́ą́n Gáá pai kɛi laa, ŋą́ ɓo a nwɔ̨n, gɛ́ daa mąąkpɛ. Yai-Laa woo li; ɛlɛɛ gɛ́ kɛ a Ɉerusalɛmə nįį.›»

Lonon mo 21:17

Nąąlɔwai ɓə Israɛlə ə nwələi ŋɛ̨i too la; yɛ kɛ mą: «Yá ə tɛ ɲálɔwa hu, ka ka yee lɔwa!

Maafîu 16:18

Gáá tɛ̨ą ɓoi yɛ́, ə́ laa ɓaa a Piɛrə. Gwɛnii tii mɛ̨i ɓə gáá pai nwɔ́ nu kpului ŋąąkpɔn ɉii laa. Haa yee hvə pai pɛli mą.