Azaya 25:9 - Yálá laawoo hɛɓɛ (dc)

⁹ Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Yálá laawoo hɛɓɛ

⁹ Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Bible

⁹ M̀aa ɣêlei tí, núu-kpune kélee da pâi m̀ôi dîyɛɛi, “Kúɣâlai ká ŋí. Ǹyaa ƃe kwa wɔ́lɔ m̀aa kpɛ̂nii a gɛɛ é kúŋuŋ ma ƃó. Ǹyaa ƃa Yâwɛɛ nyii kúkili tɔɔ̂i mai. Kwaa lii-nɛ̃ɛ kula, kpɛ́ni fêi, a kúŋuŋ ma ƃó.”

Azaya 25:9 ပူးပေါင်းရင်းမြစ်များ

Zɛnɛse 49:18

Gílitɔɔi yɛ́ Yai-Laa málomun!

Mąątɛ̨nɛ̨ 100:1

Yálá hɛɠɛɛɓo wələ. Yɛnɛ̨ɛ̨ nąą kəlee, 'ka ka yee lɔwa Yai-Laa ɓa.

Mąątɛ̨nɛ̨ 20:5

Hɛn kpɔ ə́ kaa bɔ, ə dɛɛ ə́ pɔ, ə ə́ kɛ mɛ̨nįɠaa kəlee hu nɛ̨ɛ̨.

Mąątɛ̨nɛ̨ 21:1

Nwələ ɲɛ̨i tɔwɔmun. Davidə nwɔ wələ.

Mąątɛ̨nɛ̨ 27:14

Yai-Laa mąąkpɔn, 'ə́i hvaŋąlɔ, ə́ ə́ liikpələ, 'Yai-Laa mąąkpɔn.

Mąątɛ̨nɛ̨ 33:20

Ku wɛi, ku ɲɛ̨i kaa Yai-Laa tɔwɔ, yai a ku mąąkpɔn mąąɓo, yɛ ku mąąkpɛ.

Mąątɛ̨nɛ̨ 33:21

Ya ɓə gaa a ku wɔ kwəinɛ̨ɛ̨ nwun, Naa mąąhəɠɛɛ ɓə ku kilitɔɔi mą.

Mąątɛ̨nɛ̨ 40:17

Yiiɠaai kpɔ di kaa ə́ kwɛlii, yiliɠaai di pili yələi a kwəinɛ̨ɛ̨. Yiiɠaai ə́ wɔ ɓalo mɛ̨nįi wɛli kaa diɛ, diɛ mo a yələ kəlee diɛ kɛ diɛ: «Yai-Laa kɛnɛ̨ɛ̨i.»

Mąątɛ̨nɛ̨ 9:14

'Mą́ą́wɛli kaa, Yai-Laa! Nwɔ́ mɔ̨nɔ̨i kaa! Yai ɲówóɠaa daa naa mą́ą́! Yɛ́i ya gúlɔ haa wolo la.

Mąątɛ̨nɛ̨ 95:1

'Ka pa, 'ka gu tómą a kwəinɛ̨ɛ̨ Yai-Laa pɔ pələ. 'Ka gu gu yee lɔwa gu ɓalo kwɛni ɓa.

Azaya 33:2

Yai-Laa! 'Ku ɲɛ̨imąąwɛli kaa, yɛ́ ɓə ku kilitɔɔ yɛ́; ku hvaŋą lɔ a yələɓɔ pələ tɛi tɛi kəlee; yɛ́ ku nwun mąąɓo mɛ̨nį kpɔluɔ hu.

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Azaya 35:1

Lɔi pun da gbali lɔi kələn ŋąą di kɛ kwəinɛ̨ɛ̨ hu! Kpomó, 'ə pili yələi a kwəinɛ̨ɛ̨, ə powa nąą kəlee.

Azaya 35:10

Nuąi Yai-Laa ə di nwun mąąɓo, di kaa pənəi diɛ pa, di kaa pai kɛi lɔi Siɔn, diɛ tómą a kwəinɛ̨ɛ̨, diɛ yɛlɛ a kwəinɛ̨ɛ̨ huwu yii nu hva pɛli ɉukulɔi, nwun na nɛ̨ɛ̨ da kwəinɛ̨ɛ̨ di kaa pai di laa kwiɛn ɉii, liikələn gwəi da wɔlɔ woo diɛ pu a gilɛ.

Azaya 35:2

Kpomó hu wuluɠaa kəlee 'di powa! Kpomó, 'ə pili yələi yɛ mąną! Yɛ pili yələi a kwəinɛ̨ɛ̨! Liban nwɔ mąąwiɛi aa həli mą, Karmɛlə da Sarɔn yee di wɔ lɛlɛi aa pənə aa pa di pɔ, ɛlɛɛ, nuą kaa pai Yai-Laa nwɔ mąąwiɛ kaai, a guɔ Yálái nwɔ lɛlɛ laa kɛnɛ̨ɛi.

Azaya 35:4

Nuąi ɲɔw kaa di hu pui diɛ, ka kɛ diɛ: 'Ka ka liikpələ, ka hvo ɲɔw. Ka wɔ Yálái ka: Nwą́nąkulɔ ka tii! Pɔɔkulɔ li! Yaa kpinįi ɓə pai ka ɓaloi.

Azaya 37:20

Kɛlaa, Ə́ wɛi, Yai-Laa, ku wɔ Yálá, ku kulɔ ɲəi, ə gɛ yɛnɛ̨ɛ̨ tɔɔlɔiɠaa kəlee di pɛli ɉu kɔ́lɔn ɉi diɛ kɛ, yɛ́ tɔ̨nɔ̨ lɔ ɓaa a Yai-Laa.»

Azaya 40:9

Ə́ wɛi, 'tɛ yee tɔɔ ta nwuɔ̨, ə́ woo kulɔ kpɔ a hɔ̨ɔ̨, Siɔn, wɛlɛɛ lɛlɛɛ ɓomun, 'ə́ woo kulɔ, hvo ɲɔw, Ɉerusalɛmə, wɛlɛɛ lɛlɛɛ ɓomun; 'mo Ɉuda taaɠaa diɛ, yɛ diɛ: «Ka gu wɔ Yálái ka!»

Azaya 41:16

ə́ kaa pai di hvɛɛi, hvaŋą yɛ li a diɛ, tulɔ hvaŋą yɛ di taɠa taɠa. Ə́ wɛi, ə́ kaa pai kɛi kwəinɛ̨ɛ̨ hu, Yai-Laa laa hu, ə́ hvaŋą kaa pai lɔi, Israɛlə nwɔ Mąąhəɠəmun haalai.

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.

Azaya 51:3

Gaa tii, Yai-Laa aa Siɔn mąą wɛli kaa, Aa nwɔ taa kpoloonŋąąi mąą wɛli kaa; gaa nwɔ ɲɛą lɔi mąą pɛ̨nɛ̨i a Yálá-taa lon ma, ə nwɔ kpomóɠaai mąą pɛ̨nɛ̨ a, Yai-Laa nwɔ nɔw yɛa; kwəinɛ̨ɛ̨ da mąną ɓə nu a di kaa laa, hɛɠɛɛɓo da hvɛ́li woo lɔ ɓə nu a di mąn naa.

Azaya 52:10

Yai-Laa kaa nwɔ huwalawala mąąhəɠɛɛi kulɔi pɔ̨nɔ̨ ŋą lɔi kəlee ɲɛ̨i ɓa, lɔi wəlin na kəlee kaa pai Yálá nwɔ ɓalo mɛ̨nį kaai.

Azaya 60:16

Ə́ kaa pai hįį lɔi kəlee ɲįnįyá kpələi, yɛ́ pilɛ tɔɔɓɛlaa di wɔ hɛn gɔwii hu, yɛ́ gbaɠala kaa la yɛ, ɲą́ą́ Yai-Laa, ɲą́ą́ ɓə ə́ ɓalo, yɛ́ kɛ, Ɉakɔbə nwɔ Kpakoloi ɓə ə́ nwun mąąɓo.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Azaya 64:4

Nui gwəinɛ̨ɛ̨ mɛ̨nį ɓaa a təlimo yii ɓoɔ, da nuąi ə́ wɔ pələɠaai mɛ̨i, diɛ di kilitɔɔ yɛ́, da ka diɛni ka kwiɛn a Yɛ́. Ɓɛ kaa, Yáá ə́ líiholi, mąąhɔlɔɓo, kwaa həɠə bələ mɛ̨i, tɔwɔ tɔwɔ pələɠaai tii mɛ̨i ɓə, ku kaa pai ɓalo hɔlɔɓoi laa.

Azaya 65:18

Yaa mun, ka kaa pai kwəinɛ̨ɛ̨ kulɔi, kaa pili yələi a kwəinɛ̨ɛ̨, mąąhɔlɔɓo, gáá pai kwəinɛ̨ɛ̨ pɛlii, kpɛɛ hva kɛ mą, a neelee, gwəinɛ̨ɛ̨i tii gáá pai bɛlii, Ɉerusalɛmə ɓə, ɛlɛɛ, mąną kaa mɛ̨nį nwun mą, ya ɓaa a, nonnii mąą mɛ̨nį.

Azaya 8:17

Gáá Yai-Laa mąąkpɔn ɉii, yai aa ɲɛ̨i loo Ɉakɔbə nwɔ pɛlɛ́i ɓa, gílitɔɔi mą.

Mise 7:7

Kɛlaa nwɛ́i, ɲɛ̨́i kaa Yai-Laa tɔwɔ, gílitɔɔi ɓə Yálá ɓa, málomun ni. Nwɔ́ Yálá kaa pai nwóó mu hon ɉii.

Habakukə 3:18

Kɛlaa, nwɛ́i, ŋą gwə́inɛ̨ɛ̨ mɛ̨nį hɔlɔɓo Yai-Laa yəi. Ŋą́ pili yələi a kwəinɛ̨ɛ̨ nwun mąąɓo Yálái mąą mɛ̨nį ɓa.

Zakari 10:7

Ɛfraimə hvaŋą a kɛ yɛ kuláá kpəɠiɛɠaa, da kɛ kwəinɛ̨ɛ̨ hu, yɛ da lɔɔ kpələ. Di lonnii da nąą kaa, diɛ mąą kwəinɛ̨ɛ̨ kulɔ. Di kaa pai kɛi kwəinɛ̨ɛ̨ hu, Yai-Laa mąą mɛ̨nį ɓa.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Lukə 2:25

Nąąlɔwai hulɔnu ta ə kɛ Ɉerusalɛmə daai, diɛ kɛ naa ɓa Simeɔn. Ɉulɔnui tii ə kɛ a nu yii ɉɔn nɛlɛɛ, ə lɛɛ, yɛ ɲɔ̨w Yálá ɓa, ə kɛi Israɛlə nwun mąąɓomun mąąkpɔn; Kili-Mąąhəɠɛɛ ə kɛ mɛ̨i.

Filipə 3:1

Yili ɓa, nąn nonnii, 'ká kwəinɛ̨ɛ̨ kulɔ gu Ną́mu hu. Nwoo tɔ̨nɔ̨i ŋɛ̨i pɛ̨ɛ̨ mɛ̨nį hva vįi kpɛɛ, yili ɓə viɛlaɓoɔ ka mąą mɛ̨nį ɓa.

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Taitɔ 2:13

guɔ gu wɔɔ Yálá kɛnɛ̨i da gu Nąmu Jesus Kristə, gu ɓalomun ŋą hvoló mąąwia mąąkpɔn na a kilitɔɔmąą laa.

Piɛrə dɔlɔɔ 1:6

Ɛlɛɛ nwɔ̨nɔ̨, 'ká pili yələi a kwəinɛ̨ɛ̨, ə mą kɛ, di kaa ká mɔ̨nɔ̨ɓoi lɔwai logolo yee mu, a hukɔɔn mɛ̨nįɠaa,

Piɛrə dɔlɔɔ 1:8

a yaa tii káá nwɛli la kɛ, ká ɲɛ̨i hvo mąi ɛlɛɛ, káá laa na, ká hvo nwɔ̨nɔ̨ gaai; 'ká pili kani yələi a kwəinɛ̨ɛ̨i ɲɛ̨n deei hvo mą, a mąąwia,

M̀ɛni-lɛɛi 1:7

'Ká ká ɲɛ̨i hee, ya ka tii pai tulɔ-kpinįn ɉu! Ɛlɛɛ, ɲɛ̨i kɔw kəlee kaa pai gaai, ɛlɛɛ, ə mą kɛ, nuąi ɉɔɔ a kpala. Huwu kəlee kaa pai ɉaa wɔlɔ ɓoi. A tɛ̨ą gaa tii! Amįįną!

M̀ɛni-lɛɛi 22:20

Nui mɛ̨nįi tii ɓoi, yɛ diɛ: «A tɛ̨ą, gáá pai ɉu hvo kwɛa li.» Amįįną! 'Pá, ku Nąmu Jesus!