Azaya 25:4 - Yálá laawoo hɛɓɛ (dc)

⁴ Mąąhɔlɔɓo, nui ɲee hva lɔ, mąą kɔ́nwɔ̨mun maa a Yɛ́, Yɛ́ mąąwɛlimun mąą kɔ́nwɔ̨ nwɔ mɔ̨nɔ̨i hu, Ə́ ɓo a nu mąąkilɛi, tulɔ hvaŋą tɔwɔ, Ə́ kaa a nįnįn, wəleen dɔwɔ; mąąhɔlɔɓo, wea-tɔɔɓɛlaa nɔ̨ɔ̨ kaa yɛ, tulɔ hvaŋą a kɛi kɛlɛ bɛlɛ́ nwąną hu.

Yálá laawoo hɛɓɛ

⁴ Mąąhɔlɔɓo, nui ɲee hva lɔ, mąą kɔ́nwɔ̨mun maa a Yɛ́, Yɛ́ mąąwɛlimun mąą kɔ́nwɔ̨ nwɔ mɔ̨nɔ̨i hu, Ə́ ɓo a nu mąąkilɛi, tulɔ hvaŋą tɔwɔ, Ə́ kaa a nįnįn, wəleen dɔwɔ; mąąhɔlɔɓo, wea-tɔɔɓɛlaa nɔ̨ɔ̨ kaa yɛ, tulɔ hvaŋą a kɛi kɛlɛ bɛlɛ́ nwąną hu.

Bible

⁴ Yá nɔ́ ƃé diai pɔ̂ri mâa fé dîɛi da pâ ípɔ díŋuŋ ma ƃô mɛni ma. Ǹyaŋ ya díkùla dímɛni kpɔ̂lu-ŋai su. Ya dímaa kɔ̃̂ɔ fãa kɛ́tɛ yêei, í ninîŋ tɛɛ dípɔ vóloi ŋɔzizi fé dí kerêŋ. Díkpɔara-ƃela da pɛ̂lɛ dîa yɛ̂ɛ fãa kɛ́tɛ,

Azaya 25:4 ပူးပေါင်းရင်းမြစ်များ

Mąątɛ̨nɛ̨ 107:41

Kɛlaa yɛ mąąwɛli nuą mąą kɔ̨nwɔ̨, yɛ di huwu hu kɛ̨nɛ̨, yɛ taatɛlɛɛ kpulu.

Mąątɛ̨nɛ̨ 119:31

Gáną́nŋąąi ə́ laawoo ɓa, Yai-Laa! 'Hvó ɲą́ą́ kolon.

Mąątɛ̨nɛ̨ 12:5

A nuą tii da kɛ kɛi diɛ: «Ku laaləi a mɛ̨nį nɛ̨ɛ̨ kuɔ, ku nɛ̨n dɔɔi ku pulu, gbɛɛ ɓə ɲee a pɛli kuɔ, ə hee ku mɛ̨i?»

Mąątɛ̨nɛ̨ 121:5

Yai-Laa ɓə a ɲɛ̨i kɛ yɛ́, Yai-Laa ɓə a nįnįn bɛlɛ ə́ mɛ̨i, gaa tɔɔni ə́ ɓa-mįi-yee hu pələ.

Mąątɛ̨nɛ̨ 35:10

Ną́ą́ kəlee yɛ kɛ diɛ: «Gbɛɛ ɓə gaa yɛ, yɛ́, Yai-Laa? Yá kpɔwɔ mąąyɛɛmun gulɔ ɲee tɛɛmąąmun ɲəi, yɛ́ mąąwɛlimun, da yeehvowolomun gulɔ, di laanɔ̨nwɔ̨ɓomun ɲəi.»

Mąątɛ̨nɛ̨ 55:8

A tɛ̨ą ŋą́li li kpɔ kwɛa la; gɛ́ yíi lɔi pun ɉu.

Mąątɛ̨nɛ̨ 72:13

Yeehowolo mun da nui hvaŋą hvo ɲəi, di mąąwɛli kaa pai tooi mą, yɛ yeehowolo nuą di wɔ yɛnɛ̨ɛ̨ mąąkɔ̨nwɔ̨.

Mąątɛ̨nɛ̨ 72:4

Nɔi lonnii yiiɠaai kɔ́lɔn və diɛ, di mąą tɛ̨ą ɓo, ə kɛ a yeehowolo nuą ɓalomun; yɛ toomɛ̨i kɛ nuą huwolo.

Mąątɛ̨nɛ̨ 9:10

Nuąi di kaa di mɔ̨nɔ̨ɓoi, Yai-Laa, kɛ a di mąą kɔ̨nwɔ̨ taa, a di mąą kɔ̨nwɔ̨ taa, a mąąwɛli yələɠaa.

Mąątɛ̨nɛ̨ 91:1

Ɓɛi Hɛn Gəlee Mɛ̨imun Yálá a noo laa, nui a hee laa, mąą nu a yíi Huwalawala Kəlee Nąmu hvaŋą mu.

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Azaya 14:32

Gɛlaɠaai nɔi tii ə di tɔɔ, lə ɓə da pɛli moi diɛ? Yai-Laa aa Siɔn taa tɔɔ, nwɔ lɔi hu lonnii, a mąąwɛli nuą, di kɛ laa di nɛ̨ɛ̨ hu.

Azaya 16:3

Diɛ kɛ diɛ: «Ku liɛwoo ɓo, ku tɛnɛn dɔɔ, ka ka nwun dɔɔ, ka woo ta ɓo, a hvóló tɔɔ nwun ma; ə́ nįnįn bɛlɛ yɛ kpinį, nuąi daa too di hu, di di mąąkilɛ ə́ hvaŋąn mu, əgɛ, di hvo nəi pa nuąi pui di kaa.

Azaya 17:10

Mąąhɔlɔɓo, yaa lɛ̨ą ə́ ɓalo Yálá ɓa, ə́ mąąkilɛ kwɛni kili hvo lɛɛli ə́ ɲą, ə́ lííɓa wuluɠaa ɓə ə́ kaa ɉin ɉii, yɛ́ nwɛ̨ą wuluɠaa hin.

Azaya 27:5

Kɛlaa nui a gɛ́ a mąąkpɛmun, kwa yaa kwa liilaa mįnɛ̨ həɠə, kuɔ yɛnɛ̨ɛ̨ kɛ liilaa hu.

Azaya 28:6

Yálá kaa pai kɛi a dələnmo kiti teemun kili, ə ɓo a nuąi gɔ́ kpɛi daa ɓa, di wɔ hu walawala.

Azaya 29:19

Yili pulu, kpɔwɔ mąąyɛɛ nuą diɛ di kwəinɛ̨ɛ̨ Yai-Laa laa hu, ɛlɛɛ yeehowolo nuą diɛ ɓələn, Israɛlə nwɔ Mąąhəɠəmun mąą mɛ̨nį ɓa.

Azaya 29:20

Mąąhɔlɔɓo, nɔi mɔ̨nɔ̨ɓo-tɔɔɓɛlaa di wɔ yələi kpɛɛi lɔwai li, yɛlɛkulɔ ɉu kɛ nuą nwun na yɛ pili; ɛlɛɛ, nuąi kpɔ mɛ̨nį ɲɔ̨n gɛ kili kaa di kwəi, di kəlee di kaa pai haai:

Azaya 29:5

Ə yowoɠaa kpulu kaa pai kɛi yɛ lɛɠɛ hunwɔ̨, Ə́ mɔ̨nɔ̨ɓo tɔɔɓɛlaa kpulu a kɛ yɛ mɔ̨nun galai hvaŋą kaa líila. Ɛlɛɛ kpɔlɔ ɲąą ɓa,

Azaya 32:2

Di tɛi tɛi kaa pai kɛi a nu mąąkilɛi, hvaŋą tɔwɔ; di ɓo a tulɔ teen ɉii. Di kaa pai kɛi yɛ tɛɛyáɠaa gbáli kələn ɉu; yɛ kwɛni kɛnɛ̨ɛ̨ nįnį́n lɔi hukpalaa hu.

Azaya 33:16

Mąą nu ɓə pai ɉeei hɔlɔɓoi yələi pələ, gaa pai mąąkilɛi kwɛni kpuwuluɠaa mɛ̨i, yiiɠaai di mąą tínɛ̨n ŋąą a hį́i; di kaa pai kɔ̨nɔ̨n dɛɛi bɔ, yá hvo pai kpɛɛi ɲəi.

Azaya 33:2

Yai-Laa! 'Ku ɲɛ̨imąąwɛli kaa, yɛ́ ɓə ku kilitɔɔ yɛ́; ku hvaŋą lɔ a yələɓɔ pələ tɛi tɛi kəlee; yɛ́ ku nwun mąąɓo mɛ̨nį kpɔluɔ hu.

Azaya 37:36

Yai-Laa nwɔ malaka ə pa Asiri nuą di wɔ kɔlaɠai hu, ə nu waa nwundɔ̨nɔ̨ yeemɛ́ihaaɓa kɔ́w lɔɔli paa. Yələ wala pɔ, nuą nwun ɉii lɔwai, gəlee di kɛ a di pɔwa.

Azaya 49:25

Yai-Laa yɛ diɛ, gaa pai kɛi tii: di kaa pai kɔ́ kuláa nwɔ kɔ-hon kulɔi ɲəi, di kɛɛ kalamun ə ɉon, da nwun mąąɓo! Nui a hvaa pɛlɛ yɛ́, ɲą́ą́ ɓə pai vaa kɛi, ə́ lonnii di wɛi, ɲą́ą́ ɓə pai di ɓaloi.

Azaya 57:13

Ya kɛi wɔlɔ, 'mo ə́ wɔ háli kpulu tamąąi tii diɛ, di ə́ ɓalo! Hvaŋą kaa pai lii a gəlee, hvaŋą hvolɛɛ kaa pai di kulɔi laa. Kɛlaa, nui a gilitɔɔ mą́ą́, gaa pai lɔi hɔlɔɓoi a gwɛlin, yɛ ŋį́ Yee mąąhəɠɛɛi hɔlɔɓo a nwɔɔ.

Azaya 66:2

Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Azaya 8:14

Gaa a pɛlɛ mąąhəɠɛɛ Kɛlaa gaa a kwɛnii da kalin mą; gaa a nuą kɔ́wɔ tuwɔ kwɛni kpuɠulu Israsrɛlə nwɔ pɛ́lɛ́i, da Ɉuda nwɔ pɛ́lɛ́i diɛ, ə ɓo a tumɔ̨ da ɓaalə Ɉerusalɛmə nuą diɛ.

Ɉeremi 16:19

Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Izikiɛ 38:9

Ə kaa pai lii, yɛ́ pənə yɛ́ pa, a ə́ hvąŋą kɛnɛ̨; ə́ kaa pai kɛi yɛ tulɔ kpinįn, a pɛlɛ lɔi mɛ̨i; yɛ́ ka ə́ wɔ kɔ́kuláá kpuluɠaai kəlee, ka nu huwu tamąąi tii pai kɛi ə́ pulu.

Sofoni 3:12

Gáá pai ɲéé kanąn ɉii nu huwu logolo tiikpə ɓa, ə́ wɔ lɔi hu. A nuąi di kaa a yeehvowolo nuą, di ɓɛlɛɛ, Yai-Laa laa hu ɓə di kaa pai kɛi di mąą kilɛi laa.

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?