Azaya 25:10 - Yálá laawoo hɛɓɛ (dc)

¹⁰ Yai-Laa kaa pai ɲee pɛlɛi ɲeei ŋɛ̨i mɛ̨i, Kɛlaa, di kaa pai Moabə hu woloi ɲąą ɓa, yɛ bələi mɔ̨nun-danmun a mɔ̨nun dan na.

Yálá laawoo hɛɓɛ

¹⁰ Yai-Laa kaa pai ɲee pɛlɛi ɲeei ŋɛ̨i mɛ̨i, Kɛlaa, di kaa pai Moabə hu woloi ɲąą ɓa, yɛ bələi mɔ̨nun-danmun a mɔ̨nun dan na.

Bible

¹⁰ Yâwɛɛ a pâi Zãiyɔŋ Yeei maa kɔ̃ɔ̂i, kɛ́lɛ a pâi Môa lɔii su-ƃelai su-karâi, nûa díkɛ sia dímɛi yɛ̂ɛ túluŋ ŋá.

Azaya 25:10 ပူးပေါင်းရင်းမြစ်များ

Mąątɛ̨nɛ̨ 83:10

'Di hon yɛ bələi ə́ Madian hon na, yɛ Sisera da Yavin, Kisɔn yá huluun ɉii.

Azaya 10:31

Kpalo aa Anatotə kaa, Madmena kaa nwun mąą kilɛi. Gevimə nuą diɛ tɛɛ a gilɛ.

Azaya 10:6

Gáá ɲąątɔɔi lɔi ɲɔ̨nwɔ̨ɔ̨ ɓa, gáá dɔɔi nu huwui niiholii bɔ́, yɛ di wɔ hɛn gɔwɠaai həɠə, yɛ too di mɛ̨i, yɛ di kiin giin, gɔwɔ mu yɛ da kɛli pɔlɔ tan.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Azaya 11:14

Ɛfraimə huwu da Ɉuda huwu, da pɛlɛ di kee ɓa di yee lɔɔ geei, di hee Filisti nuą pumún ŋą, di too voló həɠəi pələ nuą mɛ̨i, diɛi a: Edɔmə nuą da Moabə nuą, ɛlɛɛ, di hee Amɔn nuą mɛ̨i.

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Azaya 14:19

Kɛlaa ə́ wɛi, daa ə́ pili kwɛaa la, hvó ə́ wɔ kámąi kwɛlɛ, yɛ yəikalalon a nu lii muhəɠə, yɛ nui di baa a ɓɔwa kwɛaa, diɛ ɓɔ di hu, diɛ di pili kwɛni woloɠaa hu, gəlee daa pu ə́ mɛ̨i, yɛ nu powai di kaa dan ɉii a di kɔ́wɔ.

Azaya 16:14

Yiihu kɛa, Yai-Laa yɛ: «Gɛɛ kwɛlan ɉaaɓa hvo tɛɛ, Moabə nu kpɛa-kpɛaa, da nɔi lonnii kəlee di ɓɛlɛ a kpɛɛ diɛ, da lɛɛ lɔ tɛi tɛi, nu kpəli hva lɛɛ a hɛn ɲąą mąą.»

Azaya 16:6

Kwaa Moabə nwɔ kpɔwɔ ɲąą kɛnɛ̨ ɲɔ̨nwɔ̨ɔ̨ bələ mɛ̨n, nwɔ ɲɛ̨i tɛ mɛ̨nį, nwɔ kpɔwɔ ɲąą kɛnɛ̨i, nwɔ ɓələn, vilɛn ŋąą la kpɛli kpɛli mɛ̨nį pulu.

Azaya 18:4

Mąąhɔlɔɓo, Yai-Laa ə kɛ mą́ą́: «Gáá pai lɛɛi heeni ɉééi, gɛ́ kɛɛ kaa, ɉéɛ kpɔ kpɛ, yɛ bələi hvóló tɛɛ nwun mą wəleen gɛnɛ̨i la, gbaalən ə ɓo mą; yɛ bələi lɔ luwu luwu a pɛlɛ la mɔ̨nun deei lɔwai.»

Azaya 25:6

Yai-Laa Mɛ̨nį Kəlee ŋą Hééɓomun, gaa pai hɛli kɔ̨nɔ̨n bɛlii nu kəlee ɓa ɲee ŋɛ̨i nwuɔ̨, a huwɔ wulaa kɔ̨nɔ̨n, da lɔɔ nɛ̨ɛ̨ɠaa, huwɔ wulɔɠaa, da lɔɔ nɛ̨ɛ̨.

Azaya 26:6

Nuą diɛ ɓɔlɔn mɛ̨i, nuąi kɔ́lɔn və diɛ, da nuąi hvaŋą hvo di yəi diɛ ɓɔlɔn mɛ̨i.

Azaya 5:25

Yili mąą mɛ̨nį ɓa, Yai-Laa lii aa holi nwɔ nuąi pɔ, aa ɲee tɛ mɛ̨i di kɛlɛ mɛ̨nį ɓa, yeeɠaa diɛ kpɛlin, di powaɠaa di ɓo gwəli hɛ̨ąiɠaa yɛ tulun ŋą, kɛlaa ə mą kɛ tii, nii hvo nii laa li, ɲee tɛɛ lɔ ni mɛ̨i.

Ɉeremi 48:1

Mɛ̨nįi Yai-Laa Mɛ̨nį Kəlee ŋą Hééɓomun, Israɛlə nwɔ Yálá kaa moi yɛ hvilɛn na Moabə ɓa, ya ka, yɛ diɛ: Mąąwɛli mɛ̨nį aa laa Nebo taa ɓa, daa nwolo, daa Kiriataimə hon, daa nwumɛ̨ tɛ la. Gbakolo taai aa too, nwumɛ̨ aa ɲɛ̨i paa.

Ɉeremi 48:2

Moabə hva kɛa nwun dɛ, di kaa mąą nwun dɔɔ ɲɔ̨nwɔ̨ɔ̨ kɛi Hɛsbɔn, ə mą kɛ yɛ́ Madmen, daa laa lɔ ə́ la, ɓɔwa kwɛaa hvilɛn ŋąą ə́ pulu.

Woolaa 1:15

Yai-Laa aa nwɔ́ kulááɠaa kəlee kulɔ ɲə́i; aa kɔlaɠa ɲąątɔɔ mą́ą́, aa nwɔ́ hilɛlɛa kəlee huwu pu, ɲą́ą́ ŋɛ̨i a Ɉuda nɛ̨ɛ̨gbɛla lɛlɛɛ. Yai-Laa aa nɛ́ɛ́ gɔwɔ lúwɔ́ yái.

Izikiɛ 25:8

«Mɛ̨ni kəlee ŋą Hééɓomun Yálá woo ka, yɛ: Moabə da Seirə di kɛ diɛ, Ɉuda nwɔ pɛlɛ́i aa kɛ yɛ lɔi takpɛliɠaa.

Izikiɛ 48:35

Mąą tinɛ̨n ŋąą doɔ gee hu, yee tɔɔɉu waa pow kɔ́w mɛ̨ihaaɓa. Ə həɠə háákəlee ɓa, daa laa ɓaa kɛa: ‹Yai-Laa kaa ɓɛ.›»

Mise 4:13

'Ə́ muhəɠə, 'mɔ̨nun dan Siɔn nɛ̨ɛ̨gbɛla, gáá pai ə́ mįnɛ̨ɠaa kɛi a kwɛli, gɛ́ ə́ kɔ́wɔɠaa kɛ yɛ kwɛli kpɔlu, ə́ kaa pai lɔi tamąą kiin-giin ɉii, ɉɛn ə́ pai ɉon ɉii a kɔ́, yɛ́ gulɔ Yai-Laa ɓa a haláá, yɛ́ di yəi hɛngɔwɠaa kɛ a Yai-Laa kɔ́ hɛn.

Sofoni 2:9

Yili ɓə gaa mą, Ɲą́ą́ Yai-Laa Mɛ̨nį Kəlee ŋą Hééɓomun, Israɛlə nwɔ Yálá, nwóó li, yii kpɔ gáá a vúlú, Moabə lɔi kaa kɛi yɛ bələi Sodomə ə kɛ la, ɛlɛɛ, Amɔn lonnii di kɛ yɛ bələi Gomorə ə kɛ la. Nąą ə kɛ a ɲąąlən gbɔlɔ, da kpolo kulɔi, a lɔi pun a yələ kəlee mɛ̨nį. Nwɔ́ nu huwui kpəlii a lɛɛ, a di mąąkpoloon. Nwɔ́ nuąi kulɔ gɔ hu da kwɛlin ɲąąkwɛlɛ.

Lonon mo 24:17

«Gáá mɛ̨nį kaai, Kɛlaa yiihu mɛ̨nį hvə li, gáá mąąkpɛɛi, kɛlaa ɲɛ̨́i mu mɛ̨nį hvə li. Pɛmɛ̨lɛ̨n-gɔw ta kaa kulɔi Ɉakɔbə huwu hu. Yɛ kɛ a tɔɔmun; tɔɔ hvili kaa muhəɠəi Israɛlə hu. Yɛ Moabə laa kpaɠa yali. Yɛ Sɛtə lonnii kəlee paa.