Azaya 25:1 - Yálá laawoo hɛɓɛ (dc)

¹ Yai-Laa! Yɛ́ ɓə a nwɔ́ Yálá, gáá Ə́ laa mąąwiɛi, gɛ́ Ə́ laa too a wələ, mąąhɔlɔɓo, mɛ̨nįɠaai kpɔ wɔlɔ, Ə́ gili tee Ə́ kwəi, Yáá gəlee pɔ mɛ̨nį kɛ, dai lɔpee mąą hvo hvalin ni.

Yálá laawoo hɛɓɛ

¹ Yai-Laa! Yɛ́ ɓə a nwɔ́ Yálá, gáá Ə́ laa mąąwiɛi, gɛ́ Ə́ laa too a wələ, mąąhɔlɔɓo, mɛ̨nįɠaai kpɔ wɔlɔ, Ə́ gili tee Ə́ kwəi, Yáá gəlee pɔ mɛ̨nį kɛ, dai lɔpee mąą hvo hvalin ni.

Bible

¹ Yâwɛɛ, yá ƃa Ŋáɣâlai. Ŋa pâi ƃaa kɛ́-maa tɛɛ̂i ípɔ, ŋá ílaa maa tɛ́. Ya mɛni kpaya-kpayaa mĩli-miliɛɛ támaa kɛ́. M̀ɛni kpaya-kpayaa mĩli-miliɛ-ŋai ŋí káa a m̀ɛnii í gbɛ̀tɛ tãi su-kôyaa tɛɛ pôlu ma.

Azaya 25:1 ပူးပေါင်းရင်းမြစ်များ

Mąątɛ̨nɛ̨ 111:4

Ə gɛ mɛ̨nį lɛlɛɛɠaa kili lɛɛ nuą ɲą, Yai-Laa nwɔ mɛ̨nį lɛlɛɛi, ɛlɛɛ nii nɛ̨ɛ̨ gwəi.

Mąątɛ̨nɛ̨ 118:28

Yɛ́ ɓə ə́ kaa a nwɔ́ Yálá, ŋą́ ə́ laa mąąwiɛ, nwɔ́ Yálá, ŋą́ ə́ laa tɛ.

Mąątɛ̨nɛ̨ 145:1

Davidə nwɔ Yálá mąątɛ̨nɛ̨ wələ. Nwɔ́ Yálá, nwɔ́ Tɔɔmun, gáá ə́ laa tɛi, gɛ́ ə́ laa mąąwiɛ, və́ ɲɛ̨n dee li.

Mąątɛ̨nɛ̨ 146:2

Gáá lɔ pai kɛi Yai-Laa mąątɛnɛ̨ mɛ̨nį hu, nwɔ́ yɛnɛ̨ɛ̨ kəlee yee mu, nwɔ́ yɛnɛ̨ɛ̨ kpəlii woloi aa lɛɛ, gáá lɔ pai hvɛli kɛi nwɔ́ Yálái ɓa a yələ kəlee.

Mąątɛ̨nɛ̨ 31:15

Kɛlɛɛi Yai-Laa, gílitɔɔi yɛ́, ŋą́ kɛ diɛ: «Yɛ́ ɓə a nwɔ́ Yálá.»

Mąątɛ̨nɛ̨ 40:5

Nwun nąnɛ̨ɛ̨mun maa nui a gilitɔɔ Yai-Laa ɓa, yai hva too huɲąŋą kɛnɛ̨ nuą pɔ; da nuąi lɛɛ mɛ̨nį aa di nwun ɉu lan.

Mąątɛ̨nɛ̨ 40:6

Yai-Laa nwɔ́ Yálá, mɛ̨nįɠaai yáá giliŋąhiɛ kɛ yɛ hvilɛn na kuɔ, da gwɛlɛɛn mɛ̨nįɠaa, gbɛa kpɛai! Ə́ pɛli hva hɔlɔɓo. Gáá bɔ ŋą́ yili hukulɔ, gɛ́ mo lɔ a yələ kəlee; Kɛlaa, gəlee hva pɛli ɓoi, di tamą pələ ɓa.

Mąątɛ̨nɛ̨ 46:10

A kɔ́ɠaa kpɛɛ lɔi nąą kəlee, yɛ kilɛn ɉu yali, yɛ kpala hu yali; a kɔ́ kɔ́ wotoloɠaa kələn.

Mąątɛ̨nɛ̨ 75:2

Yálá, ku kaa ə́ laa tɛi, ku kaa ə́ laa tɛi, mąąhɔlɔɓo, Ə́ mąą lɛɠɛɛi kuɔ, kuɔ Ə́ kɛ mɛ̨nį kpɛa-kpɛaɠaa hu kulɔ

Mąątɛ̨nɛ̨ 78:4

Ku hvo pai di looi di lonnii diɛ, Kɛlaa, kwa nɛi háákələi nuą diɛ, da yiiɠaa pa lɛɛi di pulu, Yai-Laa laa tɛ mɛ̨nįɠaa da vaŋą kɛnɛ̨ pələ, da gbalo mɛ̨nįɠaai ə di kɛi, ku kaa pai di hukulɔi.

Mąątɛ̨nɛ̨ 89:1

Ɛzra mun Etan nwɔ nu mąąkwɛli woo.

Mąątɛ̨nɛ̨ 98:1

Mąątɛ̨nɛ̨ wələ 'Ka wələ ninɛ̨ too Yai-Laa ɓa, mąąhɔlɔɓo aa mɛ̨nį ɲąąnɛ̨ɛ̨ kpɛa-kpɛa kɛ, mamįiyeei, a ɲee mąąhəɠɛɛ tii, ya ɓə a nu ɓalo.

Mąątɛ̨nɛ̨ 99:5

'Ka Yai-Laa, gu wɔ Yálái laa tɛ. 'Ka kwɛli hvilɛn mą, nwɔ kpəlin liila. Mąąhəɠɛɛi

Lɛɛ gbɔwɔ ɓa 15:2

Yai-Laa ɓə gaa a nwɔ́ huwalawala da nwɔ́ wələ, gaa a málomun, gaa a nwɔ́ Yálá, Ya ɓə ŋą́ Naa tɛ. Ną́n nwɔ Yálá li, gáá mąą wələ tooi.

Azaya 11:5

Tələnmolaa da tɛ̨ą, diɛ ɓə pai kɛi a, ɉąą yili hɛn.

Azaya 12:1

Mąą yələi tii, yá kɛ diɛ: Yai-Laa! Gáá ə́ hɛɠɛɛɓoi! Ə́ líí holiɛ kɛ bɔ́, Kɛlaa, ə́ wɔ líiholii kɔ́lɔ aa haa mą. Ə́ kaa kɛa níí laai.

Azaya 26:13

Yai-Laa ku wɔ Yálá, ku ɲąąwooɓo nuą takpɛliɠaa daa hee ku mɛ̨i, Kɛlaa, Ə́ laa tɛ mɛ̨nį lɔ ɓə ku kaa pənəi kuɔ mo.

Azaya 26:8

Bələi ə́ woo a nɛ kuɔ, ya ɓə kwa hiɛ mɛ̨i, ku kili ə ɓo a dɔɔ Yɛ́, Yai-Laa, mɛ̨nįi niihɛlɛn gaa kuɔ, ya ɓaa, ku kɛ lɔ ə́ laa ɓo mɛ̨nį hu.

Azaya 28:29

Mɛ̨nįɠaai tii kəlee di həɠə Yai-Laa Mɛ̨nį Kəlee ŋą Hééɓomun pɔ, yai gaa a liɛwoo kɛmunn nɛlɛɛ, mɛ̨nį kəlee kɛ kpaɠala ə ɓo mą.

Azaya 40:27

Lə mɛ̨nį ɓə tii ya kɛ moi Ɉakɔbə, Israɛlə, yá tɔɔ pələ kɛ ləi yɛ́ kɛ diɛ: «Nwɔ́ pələi loɔi Yai-Laa ɓa, mą́ą́ mɛ̨nį ɲɛ̨i kulɔ mɛ̨nį hvo nwɔ́ Yálái ɓa.»

Azaya 46:10

Mɛ̨nį ta kaa lɔ gbalatɔɔi, gɛ́ naa kulɔ pələ lɛ, ŋą́ mɛ̨nį lɛɛ kpɔ tɔwɔ, kwɛala, ŋį́ ɉu kulɔ. Gáá kpɔ kɛi kaa: «Mɛ̨nii gwə́i hva ɉəɠə mą, gaa mą a yələ kəlee, ɛlɛɛ, mɛ̨nįi a nɛ̨ɛ̨ mą́ą́, ya ɓə ŋą́ gɛ.»

Azaya 46:11

Ɲą́ą́ ɓə ŋą́ kuwɔ́ təli, yɛ həɠə hvóló ɓɛlai bələ, yɛ pa, ŋą́ gwə́i mɛ̨nįɠaa ɲɛ̨i kulɔmun dəli, yɛ həɠə kpɔ kwɛala, mɛ̨nįi ŋį́ mo, gaa pai kɛi, mɛ̨nįi ŋą́ kili tee gwə́i, ŋį́ ɲąą yili, gáá pai ɲɛ̨i kulɔi.

Azaya 49:4

Kɛlaa, nwɛ́i, ŋį́ kɛi kɛ diɛ: «ŋą́ą́ gbɔ́wɔ́ hviikpɛɛ lɔ kpɛi kpɛli, ŋą́ą́ vą́ŋą́ kəlee hu kala lɔ hvąŋą pulu, dɔlɔ hvo mą, ya pa nwɔ́ tɛ̨ą mɛ̨nį ə kɛi lɔ mą́ą́ kpɔn, Yai-Laa kwɛlɛ!» Vɛ́la ə ɓo nwɔ́ Yálái yəi.

Azaya 49:5

Kɛlaa, yiihu, Yai-Laa aa hvaa, yai nɛ́ɛ́ néé kwəi, ə bɛ́li a nwɔ tímun, gɛ́ pɛli pənəi gɛ́ pa a Ɉakɔbə bɔ pələ, Israɛlə yɛ pənə yɛ ɲąąkpɔn gwɛlɛ. Ə həɠə nąąlɔwai ɓa, dɔ́lɔ́ kaa mą́ą́ Yai-Laa ɲɛ̨i ɓa, mąąhɔlɔɓo, vą́ŋą́ ɓaa a nwɔ́ Yálá.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Azaya 7:13

Nąąlɔwai, Esai yɛ mą: «Davidə yəi bɛlɛ́n nuą, ka ka wəli tɔɔ; bələi ka tɛɠɛɓoɔi la nu kanŋaa hvaa woo hu, yili hva ka líí laa, hvo kɛli nwɔ̨nɔ̨ ka gɛ tii a nwɔ́ Yálái?

Zooɛ 2:26

Ka káá pai kɔ̨nɔ̨n mį́i, kaa pilɛ ɉu, kaa Yai-Laa ka wɔ Yálái tɛ̨́nɛ̨́. Yaai mɛ̨nį kpɛa-kpɛa tii kɛ, nwumɛ̨ hva kɛa tɛ a nwɔ́ nuąi a yələ ta.

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Ifisiɛŋ 1:11

Yaa ti ɉu lɔ ɓə, gu gu wɔɔ nąą kɔlɔɓo laa, a nui a mɛ̨nį kəlee hee kpəlin na kɛ, a niiɓa, yɛ bələi ə gbɛa gu həɠə la ɉu.

M̀ɛni-lɛɛi 15:3

Diɛ Yálá ŋą tímun Moisə ŋą wələi too, ɛlɛɛ, da mɛlaa lon ŋą wələi; diɛ kɛ mą: «Ku Nąmu Hééɓolaa kəlee Nąmu Yálá, gɛmɛ̨nįɠaa kɛnɛ̨i nɛlɛɛ. Ŋą pələɠaa kəlee haŋąąi a tɛ̨ą, yai a huwu kəlee nwɔ Hééɓomun

M̀ɛni-lɛɛi 19:11

Yili pulu, ŋį́ yələkɔlɔn gaa naa ɓoɔ, hoo kwɛlɛɛ ta ə kulɔ laa, nui kɛ heeni mɛ̨i, naa ɓaa a: Tələnmo, da Tɛ̨ą. A kiti tee, ɛlɛɛ, yɛ kɔ́ kɔ́ a ɉaŋąą.

M̀ɛni-lɛɛi 7:12

Diɛ kɛ mą: «Amįįną! Mąątɛ̨nɛ̨, mąąwiɛlaa, kilikɛɲəilaa, mąmąɓo, ɓɛlɛ laa hvaŋą laa, ɛlɛɛ da huwalawalalaa, di kaa a ku wɔɔ Yálái nwɔɔ, ɲɛ̨n deei hvo mą! Amįįną!»