Azaya 24:16 - Yálá laawoo hɛɓɛ (dc)

¹⁶ Ku kaa wələ woo mɛ̨n ɉi, yɛ həɠə lɔi kpɛlai pələ, yɛ kɛ diɛ: «Ɓáá ə lɔ təlinmo Yálá ɓa.» Ya ɓə ŋą́ kɛ diɛ: Ŋą́ą́ kpɔlɔɔn! Ŋą́ą́ kpɔlɔɔn! Nwún na ɲɔ̨nwɔ̨ɔ̨i, ɲaba lɔ nuą daa ɲaba lɔ mą́ą́. Ɲaba ka, ɲaba lɔ nuą daa ɲaba lɔ kɛnɛ̨.

Yálá laawoo hɛɓɛ

¹⁶ Ku kaa wələ woo mɛ̨n ɉi, yɛ həɠə lɔi kpɛlai pələ, yɛ kɛ diɛ: «Ɓáá ə lɔ təlinmo Yálá ɓa.» Ya ɓə ŋą́ kɛ diɛ: Ŋą́ą́ kpɔlɔɔn! Ŋą́ą́ kpɔlɔɔn! Nwún na ɲɔ̨nwɔ̨ɔ̨i, ɲaba lɔ nuą daa ɲaba lɔ mą́ą́. Ɲaba ka, ɲaba lɔ nuą daa ɲaba lɔ kɛnɛ̨.

Bible

¹⁶ Kwa pâi díwule-woo-ŋai mɛnîi gɛ́ kùla ŋ̀éniɛi m̀éla kélee ma gɛ́ laa maa tɛ̂ tɛ̀ɛ Yâwɛɛ pɔ́ nyii diniŋ ƃôɔɔi. Kɛ́lɛ kíli kɛ zu fé ńyêei. Ŋ́zu a karâi. Wôya-ƃela díkaa nɔ́ ḿbɛlɛ̂i, díwôya tuai su kɛ́ kɛ̀tɛ nɔ́ a tãi kélee.

Azaya 24:16 ပူးပေါင်းရင်းမြစ်များ

Mąątɛ̨nɛ̨ 106:15

Mɛ̨nįi di vɛli mą, Ə dɛɛ di pɔ, Ə dɛɛ di pɔ, di pilɛ ɉu.

Mąątɛ̨nɛ̨ 119:158

Ŋą́ hvulunuą kaa, da ɓaɠi lii tɛ a ɲą́ą́, mąąhɔlɔɓo, mɛ̨nįɠaai ə́ mo di hvo bɔ mɛ̨nį kɛi.

Mąątɛ̨nɛ̨ 2:8

Ɉu hvɛli mą́ą́, ŋą́ lɔi kəlee tɛɛ ə́ pɔ a ə́ kwɛlin, ŋą́ yɛnɛ̨ɛ̨ kəlee tɛɛ ə́ pɔ a ə́ wɔɔ.

Mąątɛ̨nɛ̨ 58:10

Gɛɛ ka wɔ ləɠiɠaa di hvo nwɔ̨n nən daŋą, ka kɛ nii a ka nwunu, ka pɔlɔ, líiholi kɛnɛ̨ɛ̨ a ka hu kala!

Mąątɛ̨nɛ̨ 65:8

Yɛ́ gboloyá tin gɛnɛ̨ kɔ́lɔ haa mą, ɲá a kɛi muhəɠə tii a din gɛnɛ̨, da nukanŋaa hvuluun nwoo.

Mąątɛ̨nɛ̨ 67:7

Lɔi aa hihɛnŋaa ɲąąnɛ̨ɛ̨, daa ɓa, Yálá, a ku wɔ Yálái aa lúwɔ́ too kuɔ.

Mąątɛ̨nɛ̨ 98:3

Bələi a Israɛlə nwɔ pɛlɛ́i hon na, a wɛlikɛmąąlaa, da lɛɛ nwoo pululaa, aa gili too ɲą, ə mą kɛ kwɛala lɔiɠaa daa gu wɔ Yálái nwɔ ɓalo mɛ̨nį kaa.

Lɛɛ gbɔwɔ ɓa 15:11

Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

Azaya 10:16

Yili mąą mɛ̨nį ɓa, Nąmu Yai-Laa Mɛ̨nį Kəlee ŋą Hééɓomun, kaa pai nuą koohaɠa kpɛa-kpɛaɠaai tii kpalai, nwɔ̨n ɲɛ too di wɔ hɛn gɔwii hu, yɛ kpaɠa nwɔ̨n a muhəɠə.

Azaya 11:12

Gaa pai ɉilɛyili tɛi, ə nɔiɠaai tii kili ɲąpono, yɛ kɛ diɛ: Israɛlə nu huwui luwɔ pələi, gaa pai gəlee ŋąąkpɔn ɉii, Ɉuda nu huwui daɠataɠaa, ə nɛɠɛ gee ɓa, ə di kulɔ yɛnɛ̨ɛ̨ lɔi kəlee hu.

Azaya 17:4

Mąą yələi tii, Ɉakɔbə hvaŋą ta a kulɔ mą, goo haɠa a wolo, kəŋə la ə tee.

Azaya 21:2

Mɛ̨nį kponąą ta ka ŋɛ̨i, di nɛ mą́ą́ hįi pələ. Pulu kulɔmun, yɛ pulu kulɔ mɛ̨nį kɛ, kɛɛ kalamun yɛ kɛɛ kala. Elamə nuą, 'ka tɛ! Medi nuą, 'ka ka wɔ kɔlaɠai pɛlɛ! Gáá woo laa wooɠaa kəlee kpɛɛi.

Azaya 26:15

Yai-Laa, Yáá nɔi hu kɛnɛ̨, Yáá nɔi kɛnɛ̨, Yɛ́ Ə́ wɔ mąąwiɛ lɛ la tii, Yáá nɔi ɲɛ̨n gəlee kulɔ bulu.

Azaya 28:5

Mąą yələi tii, Yai-Laa Mɛ̨nį Kəlee ŋą Hééɓomun, a kɛ a ɓɔlɔ ɲɛ̨i tɔɔ, ya ɓə a kɛ a nwɔ nu huwui gbəli nwɔ tɔɔ ɓɔlɔ, da mąąyili hɛn;

Azaya 33:1

Kpalo ɓɛlaai yɛ́, yɛ́i kɛɛ kalai ə́ ɓɛlaa diɛ, yaan, da hvo ta kala li yɛ́, yɛ́ ə́ ɓɛlaa ɓowo, yaan di hvo ta ə́ ɓowo li. Ya pa kpɛɛi gɛɛ kalaai tii ɓa, di kaa pai da kalai lɔ yɛ́, yá pa kpɛɛi a mowo ɓoi tii kɛɛ a ə́ ɓɛlaa, di kaa pai ə́ ɓowoi.

Azaya 42:10

'Ka wələ nįnɛ̨ too Yai-Laa ɓa, 'ka mąątɛ̨nɛ̨ wələ too ə həɠə kpɔ lɔi kpɛlai pələ, ə mą kɛ gboloyá da ɉu hɛnŋąą kəlee, gboloyá hɛ̨ąi lɔiɠaa, da di hu nuą.

Azaya 48:8

Hvo nii ta kɛ bələ mɛ̨nį ni, hvo kɛ di kɔ́lɔn, və́ ni kɛ ə́ wəli lon doo li ɉu nąąlɔwai tɔwɔ, mąąhɔlɔɓo, gbaɠala ə kɛ mą́ą́, gɛ kɛ ya kulɔ nu pulu, ə́ kɛ ni ə́ lee kwəi, diɛ kɛ yɛ́: «Kulɔ nwoo mun lon.»

Azaya 52:10

Yai-Laa kaa nwɔ huwalawala mąąhəɠɛɛi kulɔi pɔ̨nɔ̨ ŋą lɔi kəlee ɲɛ̨i ɓa, lɔi wəlin na kəlee kaa pai Yálá nwɔ ɓalo mɛ̨nį kaai.

Azaya 6:5

Nąąlɔwai, gɛ́ diɛ: «Kpalo aa ɓɛla mą́ą́, nwún aa lɛɛ ɉu, hvó gaai, ɲą́ą́ ŋɛ̨i nááwulun mąą liɓiɛ a nɛ̨ŋɛ̨n, ŋį́ ɓo nwɔ̨nɔ̨ nu huwu lɔwai yiiɠaai di laawulun mąą liɓiɛ a nɛ̨ŋɛ̨n; ɛlɛɛ, ya ka ŋɛ̨i ŋą́ą́ Yai-Laa Mɛ̨nį Kəlee ŋą Hééɓomun kaa a ɲɛ̨́ikɔw.»

Azaya 60:21

Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.

Ɉeremi 12:1

Yai-Laa! Ə́ haŋąąi! Gwa yɛ́ gu hva pɛli kiti kɛi. Kɛlaa, mɛ̨nį ta kaa laa, gɛ́ gu mo; lə ɓə kɛ yaai, nɛ̨ŋɛ̨n ɉəɠə nuą kɛ mɛ̨nį hu a nɛɛ? Lə ɓə kɛ yaai nuą da di woo kala, di kəlee di kaa di nɛɛ hu?

Ɉeremi 12:6

Yaan, ə mą kɛ, ə́ nąn nonnii, a ə́ yəi bɛlɛ́n nuą kpɔ-kpɔɔ daa kulɔ ə́ pulu. A tɛ̨ą, di kaa nu kpulu ɲąą tɛi yɛ́ ə́ tɛɠii, hvó ə́ kili lɛɛ diɛ, ə mą kɛ di kaa pələ nɛɛ ɓoi yɛ́.

Ɉeremi 3:20

Kɛlaa, a tɛ̨ą, bələi lɔ wɛlikɛ nɛ̨ɛ̨nu a nwoo kala la mąą mun ma, bələ kpɔlɔɔ ɓə kaa ka woo kala la mą́ą́; kaai ɓaa Israɛlə lonni. Ɲą́ą́ Yai-Laa nwóó li!

Ɉeremi 5:11

A tɛ̨ą leelee, Israɛlə nuą, da Ɉuda nuą, daa mówó. Ɲą́ą́ Yai-Laa nwóóli.

Woolaa 1:2

A yíi lɔ wɔlɔi. Ɲɛ̨iyá hva kpɛɛ ɲɛ̨i. Nwɔ wɛliɠaa lɔwai naapilɛ mun və laa. Mɛlaa kəlee daa mowo, daa kɛ a ɲowoɠaa.

Osia 5:7

Daa kulɔ Yai-Laa pulu, mąąhɔlɔɓo, daa wɛlin nonnii kaa; Yiihu, aa lɛɛ a ɲąnin dɔ̨nɔ̨, da di kwɛlinŋąą di hu yɛ kala.

Osia 6:7

Kɛlaa di wɛi, yɛ nu kanŋaa, daa mįnɛ̨ həɠɛɛ hu kala, bələi di mówo la bələ li.

Levetekɔ 26:39

Nuąi pai kulɔi ɉu ka lɔwai, di kaa pai kulɔi di wului, di yowoɠaa di wɔ lɔi hu, di wɔ nɛ̨ŋɛ̨nŋąąi mąą mɛ̨nį ɓa, kɛlaa di nąnni di wɔ nɛ̨ŋɛ̨nŋąąi da di kpɔwɔ nɛ̨ŋɛ̨nŋąą ɓə pai di kulɔi di wului.

Mise 5:4

Yaa kpinįi tii, gaa pai kɛi a liilaa, Ɲələi lɔpee Asiri a həɠə yɛ kɛ gaa pilii la ku wɔ lɔi hu, yɛ gɔwɔ hvilɛn ku wɔ tɔɔ pɛlɛ́ɠaai mu, kwa taatɛlɛɛ pulu nuą mɛ̨ihveelɛ ɲąątɔɔi mą, da ɲąąwooɓo kɛ nuą mɛ̨ihaaɓa.

Habakukə 1:13

Kɛlaa, ə́ wɔ Yálá ɲɛ̨ikɔw hva pɛli mɛ̨nį ɲɔ̨n gɛi kaai, hvá pɛli hvaai mą, hvo kɛ a mɛ̨nį ɲɔ̨n gɛi kaa mun. Akɛtii, lə mɛ̨nį ɓa, ə́ ɲɛ̨i kaa nu ɲɔ̨nŋąą ŋɛ̨i diɛ, hvó da ɓoi? Lə mɛ̨nį ɓa, ə́ ə́ laa pilɛ, nuąi di haŋąą, diɛ mɔ̨nɔ̨ mįi nwąnąlɔ nuą yəi?

Habakukə 1:3

Lə mɛ̨nį ɓa, mɛ̨nį kpəlaan ŋąą ɓə ə́ kaa gaai? Ɛlɛɛ, yɛ́ hvaa mą, yɛ́ mɛ̨nį ɲɔ̨n gɛ nuą kɛi kaa? Ŋą́ ɲɛ̨́i hee gwɛ́lɛ, nwąnąlɔ da mɛ̨nį ɲɔ̨n nɔ ɓə ŋą́ gaa; hvaa kɛɛ, da kiti mɛ̨nį lɔ ɓə gaa kɛɛnąą kəlee.

Markə 13:27

Nąąlɔwai kɛa, a nwɔ malakaɠaai tɔɔ yɛnɛ̨ɛ̨ ɉonwo-ɉonwon ɉu nąąn kəlee hu, di nwɔ nu həɠɛɛ ɉuɠaa ɲąąkpɔn.»

Gɛlaɠaa 13:47

Ɛlɛɛ yaan, mɛ̨nįi kpɔ gu Ną́mu Yálá ə ku tí la, yaa li yɛ kɛ diɛ: «‹Ŋą́ą́ ə́ hee a huwu takpɛliɠaa di wɔ kɛɛpono yɛ́, ɲɛ̨nɛ̨ɛ̨i kpɛɛ hvo mą laa həli kpɔ lɔi kpon ɉeei.›»

M̀ɛni-lɛɛi 15:3

Diɛ Yálá ŋą tímun Moisə ŋą wələi too, ɛlɛɛ, da mɛlaa lon ŋą wələi; diɛ kɛ mą: «Ku Nąmu Hééɓolaa kəlee Nąmu Yálá, gɛmɛ̨nįɠaa kɛnɛ̨i nɛlɛɛ. Ŋą pələɠaa kəlee haŋąąi a tɛ̨ą, yai a huwu kəlee nwɔ Hééɓomun