Azaya 23:9 - Yálá laawoo hɛɓɛ (dc)

⁹ Yai-Laa Mɛ̨nį Kəlee ŋą Hééɓomun ɓə, yili mąą kili tee gwəi, ɉɛnŋąąi diɛi tii da di mąąwiɛ, yɛ di wɔ kpɔwɔ ɲąą kɛnɛ̨ ɲɛ̨i paa yɛ ɓɛlɛkpɛɛ lɔi mɛ̨i nu kpɛa-kpɛaɠaa diɛ.

Yálá laawoo hɛɓɛ

⁹ Yai-Laa Mɛ̨nį Kəlee ŋą Hééɓomun ɓə, yili mąą kili tee gwəi, ɉɛnŋąąi diɛi tii da di mąąwiɛ, yɛ di wɔ kpɔwɔ ɲąą kɛnɛ̨ ɲɛ̨i paa yɛ ɓɛlɛkpɛɛ lɔi mɛ̨i nu kpɛa-kpɛaɠaa diɛ.

Bible

⁹ Yâwɛɛ, Ŋ̀wála-wâla kélee Ɣalai ƃé mɛni kpɛtɛ́ɛi ŋí kɛ̀. È gɛ̀ tí a gɛɛ é ǹyoka-ƃelai díyoŋka tuai kpéra, é ƃâa kula dîa.

Azaya 23:9 ပူးပေါင်းရင်းမြစ်များ

Zôo 12:21

Yɛ nwumɛ̨ tɛ a kalanɉonŋąą, yɛ kulaaɠaa di wɔ kulaa laa kulɔ di yəi.

Mąątɛ̨nɛ̨ 107:40

Yili pulu, Yálá ə wɛlikpɛɛmąą laa lɔ nu kpɛa kpɛa kili pɔ, ə di lɛɛ laa diɛ li di nwun na pili pələ mɛ̨i.

Lɛɛ gbɔwɔ ɓa 8:4

Eziptə tɔɔmun ə li ə Moisə da Aarɔn di təli, yɛ diɛ: «Ka nɛ̨ɛ̨mą hvə Yai-Laa ɓa, ə gbəŋəɠaa ŋɛ̨i mąą kwɛa mą́ą́ kwa nwɔ lɔi hu nuą. A kɛ tii gáá pai ɓoi nwɔ nu huwui ɓa, di li di haláá kulɔ Yai-Laa ɓa.»

Azaya 10:33

'Ka Nąmu Yai-Laa Mɛ̨nį Kəlee ŋą Hééɓomun kaa! Gaa nwulu hulɛ kɛnɛ̨i woŋoɠaa pui nɔi ɓa a vaŋą kɛnɛ̨; yiiɠaai di tɔɔ nwun ɲą kwɛa, da yiliɠaai pɔn, yiiɠaai di yee muhəɠɛɛ di ɓɛlaa diɛ, da yiliɠaai pɛlɛ.

Azaya 13:11

Gáá pai nwą́nąkulɔi yɛnɛ̨ɛ̨ ɓa, ɉɔn ɲɔ̨nwɔ̨ mɛ̨nį ɓa, gɛ́ nwą́nąkulɔ nwąnąlɔ nuą diɛ, di wɔ nɛ̨ŋɛ̨nŋąąi mąą mɛ̨nį ɓa, gɛ́ kpɔwɔ ɲąąkɛnɛ̨ kulɔ tɛɠɛɓo ɉu nuą yee pɔ, gɛ́ nu mɔ̨nɔ̨ɓo tɔɔɓɛlaa, di wɔ ɓələn mąą yɛɛ.

Azaya 14:24

Yai-Laa Mɛ̨nį Kəlee ŋą Hééɓomun ə gwɛla, yɛ diɛ: «Mɛ̨nii ŋą́ naa gwə́i, ɲələ kaa pai həlii, mɛ̨nįi ŋą́ą́ mąą kili tee gwə́i, ɲɛ̨i kaa pai kulɔi.

Azaya 14:26

Mɛ̨nįi ŋį́ mąą kili tee gwə́i yɛ hvilɛn na lɔi kəlee ɓa, ya ka tii; ɲééi ŋį́ bili lɔi kəlee hu, ya ka tii.

Azaya 14:27

Yai-Laa Mɛ̨nį Kəlee ŋą Hééɓomun, a mɛ̨nį mąą kili tee gwəi, gbɛɛ ɓə a pɛli ɉəɠəi mą? A ɲee tɛ yələi, gbɛɛ ɓə a pɛli ɲɛɛi?

Azaya 2:11

Kpɔwɔɲąą kɛnɛ̨ nuą, mąą a yɛɛ, ɲɛ̨itɛ nuą di kwɛli hvilɛn, a mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 2:12

Yai-Laa Mɛ̨nį Kəlee ŋą Hééɓomun, aa hvóló ta həɠə ɉu, ə gɛ, ə kiti tee, nuąi da di kpɔwɔ kaa a nu kpɛa-kpɛa, di hunɛ̨ɛ̨, a di mąą yɛɛ.

Azaya 2:17

Nuą di wɔ kpɔwɔŋąą kɛnɛ̨ mąą a yɛɛ, nuąi di huɲąŋą kɛnɛ̨, da di laa pɛlɛi pɔlɔ ɓa. Mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 23:10

Tarsisə nɛ̨ɛ̨gbɛla, yɛ́ lɔi dɔlɔ kulɔ, a ɲəi kwɛaa, yɛ bələi Nilə kaa la, mąąhɔlɔɓo, yá ɲą kələnŋaa tɔɔi hvo kɛa laa.

Azaya 32:13

Ɲąąlən gbɔlɔ kaa tɛi, nwɔ́ nu huwui nwɔ lɔi hu, yɛ tɛ gwəinɛ̨ɛ̨ kulɔ pɛlɛ́ɠaa kəlee mɛ̨i, yɛ tɛ ɉɛli pu taa hu.

Azaya 5:13

Yili mąą mɛ̨nį ɓa, «di kaa pai lii a nwɔ́ nu huwui kɔluwɔlaa hu, mąąhɔlɔɓo, kili hvo kɛ li mą, nɔi kalanɉonŋąą, kaa pai haai a pulu, nɔi lonnii, diɛ haa a kpələ wɛli.»

Azaya 9:15

Di ɲɛ̨itɔwɔ nuą daa di lan, nuą diɛ kpɛli daa ɉon a pələ ɲɔ̨nwɔ̨ɔ̨, di nwun na aa pili.

Ɉeremi 13:9

«Ɲą́ą́ Yai-Laa nwóó ka; gɛ́ diɛ: Bələ ɓə gáá pai Ɉuda nwɔ kpɔɔ ɲąą kɛnɛ̨i hu kalai la, da Ɉerusalɛmə nwɔ kpɔɔ ɲąą kɛnɛ̨ mɛ̨nį.

Ɉeremi 51:62

Yili pulu, yɛ́ diɛ: «Yai-Laa yɛ́ ɓə mɛ̨nįi ŋɛ̨i laa ə́ kwəi, yɛ hvilɛn na gɛɛnąą ŋɛ̨i ɓa, yɛ́ kɛ diɛ, ə́ kaa pai nąą woloi hvá hɛn da lɛɛ laa a vulú, yɛi kɛ a nu, a wala kɛ tii, huwɔ. Ə́ mo, yɛ́ ə́ kaa nąą kɛi a lɔi pun a yələ kəlee.»

Abdiasə 1:2

Yai-Laa yɛ diɛ: Edɔmə lɔi, ŋą́ą́ ə́ tiikpə lɔiɠaa lɔwai, di ɲɛ̨i tɛɠɛ aa ɓo ə́ hu kpɔ kɛnɛ̨.

Gɛlaɠaa 4:28

Yii kpɔ wɔlɔ ə́ mąą kili tee ə́ kwəi, ya ka tii daa bɔ mɛ̨nį ə kɛ.

Ifisiɛŋ 1:11

Yaa ti ɉu lɔ ɓə, gu gu wɔɔ nąą kɔlɔɓo laa, a nui a mɛ̨nį kəlee hee kpəlin na kɛ, a niiɓa, yɛ bələi ə gbɛa gu həɠə la ɉu.

Ifisiɛŋ 3:11

Mɛ̨nįi ə mąą kili tee gwəi ə həɠə wɔlɔ-wɔlɔ ɓa, ə bɔ mɛ̨nį kɛ gu Nąmu Jesus Kristə hu.

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»