Azaya 23:3 - Yálá laawoo hɛɓɛ (dc)

³ Ɲá kpɛa kpɛaɠaa, Nilə kwɛlɛ tíiɠaai, ɲá kɛnɛ̨i kwɛlɛ mɔ̨nunŋaa, diɛ ɓə kɛ a ɉɔlɔɓo hɛnŋąą; Lɔiɠaa di wɔ lɔ́wɔ́-taa kɛnɛ̨ li kɛ.

Yálá laawoo hɛɓɛ

³ Ɲá kpɛa kpɛaɠaa, Nilə kwɛlɛ tíiɠaai, ɲá kɛnɛ̨i kwɛlɛ mɔ̨nunŋaa, diɛ ɓə kɛ a ɉɔlɔɓo hɛnŋąą; Lɔiɠaa di wɔ lɔ́wɔ́-taa kɛnɛ̨ li kɛ.

Bible

³ Ize a gɛɛ dí mii-sãa yá kâa a gɛɛ ká gɔlɛ ǹɔii-ŋûŋ-ŋai kélee su-ƃelai dîa.

Azaya 23:3 ပူးပေါင်းရင်းမြစ်များ

Kɔlɔnikɔ Maa-ŋuŋ 13:5

Davidə ə Israɛlə lonnii kəlee ɲąąkpɔn, ə həɠə ɲai Eziptə lɔi ɓa, ə həli la Hamatə bələ nwun na; əgɛ, di pa, Yálá nwɔ mįnɛ̨ kəhi həɠə mɛ̨nį ɓa Kiriatə-Yearimə.

Azaya 19:7

Nilə kwɛlɛ kalatiliinŋąą, da ɓɛi a pu laa Gboloyá ɓa nąą kala tiliinŋąą, hɛn kpɔ a tiliin ɲá kwɛlɛ gəlee a kpala, di hu a kala, hɛn da hva kɛa kɛ laa.

Azaya 23:8

Gbɛɛ ɓə mɛ̨nįi tii mąą nwun dɔɔ kɛ a Tirə laa? A Tirə ŋɛ̨i kɛi tɔɔɓɔ́lɔ́ɠaa ɲąąkwɛlɛ? Tirə nwɔ yɔwɓɛlaa di kɛ a lɔi ɲąąwooɓo nuą, nwɔ lɔwɔtɔɔ nuą di ɓo a lɔi mɛ̨i nu kpɛa kpɛaɠaa

Azaya 32:20

Ka nwun na kaa pai nɛ̨ɛ̨i, ka káá pai ka wɔ tíiɠaa kɛi tɛɛyáɠaa kwɛlɛ, kaa ka wɔ nįŋɛ̨ɠaa, da ka wɔ ɓɛlaaɠaa lɛɛ laa di kpɔwɔ ɓa, ka hva di kpulɔn.

Ɉeremi 2:18

Yii hu, akɛ tii, lə kpɔ ɓə ə́ ɲɛ̨i kwɛlii yɛ hvilɛn Eziptə pələɠaa mɛ̨i, yɛ́ li ə́ kpələi Nilə ɲa lee tii hu? Lə ɓə ə́ ɲɛ̨i kwɛlii, yɛ́ hvilɛn Asiri pələɠaa mɛ̨i, yɛ li ə́ kpələi Eufratə ya lee hu?

Izikiɛ 27:33

Lii ə́ kɛi mo a ə́ wɔ lɔwɔ tiɛ̨ɠaai gboloyá ɲa, ə́ lɔi tamąą pilɛ, ə́ yɛnɛ̨ɛ̨ tɔɔɓɛlaa kɛ a hɛn gɔw nąmįną, ə́ yəi hɛnŋaa da ə́ wɔ lɔwɔ tiɛ̨ɠaai tamą pələ ɓa.

Izikiɛ 28:4

ə́ kili ɲa laa pələ, da ə́ kili kɛnɛ̨ pələ, yáá hɛn ɉɔlɔɓo; yáá wali da hɛni di tiɛ̨ gee mɛ̨i.

Zooɛ 3:5

Nuą kpɔ pai di woo tɛi Yai-Laa ɓa, a di nwun mąąɓo. Mąąhɔlɔɓo, nu kpəli wolo kaa pai lɛɛi, Ɉerusalɛmə, Siɔn yee nwuɔ̨ yɛ bələi ə naakwɛlanmo la diɛ. Nuąi Yái-Laa kaa pai di təli, di kaa pai lɛɛ nu húlumąąɠaa lɔwai.

Dutɛrɔnome 11:10

A tɛ̨ą! Nɔi tii ka káá lii ɉɔlɔɓoi a ka wɔɔ, hvo yɛ bələi Eziptə lɔi ka kulɔ ɉu, gaa la. Ka kɛɛ Eziptə lɔi hu, ka kɛi tíi kɛ kaa yá pu mą yɛ a kɛ lɔ a nɔwu yɛa.

Zasua 13:3

Ə həɠə Sihɔrə yá ɓa Eziptə lɔi tənən ma, ə həli la Ɛkrɔn lɔi ɓa ɲánwuɔ̨ pələ; yili kpɛli mąn, Kanaan lɔi ta li. Filisti tɔɔɓɛlaa lɔɔlii laa ka: Gaza nwɛi, Asdɔdə nwɛi, Askelɔn nwɛi, Gatə nwɛi, da Ɛkrɔn nwɛi; yili pulu, Avi nuą kaa laa ɉɛɠɛɛ pələ;