Azaya 23:18 - Yálá laawoo hɛɓɛ (dc)

¹⁸ Kɛlaa ɉɛn a ɉɔlɔɓo, da dɔlɔɠaa, da gəlee laakwɛlanmo Yai-Laa ɓa; di hva di ɲąąkpɔn gee ɓa, di hva di pu gee mɛ̨i. Ɉɛn gɔwi tii kəlee da kɛ a, nuąi heeni Yai-Laa lííla, di kɔ̨nɔ̨n, diɛ pilə ɉu, diɛ həɠə lɛlɛɛɠaa hɔlɔɓo ɉu a lamun ɉəɠəɠaa.

Yálá laawoo hɛɓɛ

¹⁸ Kɛlaa ɉɛn a ɉɔlɔɓo, da dɔlɔɠaa, da gəlee laakwɛlanmo Yai-Laa ɓa; di hva di ɲąąkpɔn gee ɓa, di hva di pu gee mɛ̨i. Ɉɛn gɔwi tii kəlee da kɛ a, nuąi heeni Yai-Laa lííla, di kɔ̨nɔ̨n, diɛ pilə ɉu, diɛ həɠə lɛlɛɛɠaa hɔlɔɓo ɉu a lamun ɉəɠəɠaa.

Bible

¹⁸ Ŋ̀uŋ fela-fei kélee bɔni tɔɔ-ƃelai da pâi kɛ̂i gbɛɛ̂i ǹɔii ŋí sui, da pâi ǹâai kɛ̂i Yâwɛɛ ŋɔtíi mɛni ma. Zu ƃé diai da Yâwɛɛ fɛlii, díkɔnɔ̃ŋ da dímaa ɣiri-sãai da pâi kɛ̂i kulâi naa.

Azaya 23:18 ပူးပေါင်းရင်းမြစ်များ

Mąątɛ̨nɛ̨ 45:12

Əgɛ, ə́ wɛli ə too tɔɔmun ma, ə́ nwun nąmu li, 'kwɛli hvilɛn mą níila.

Mąątɛ̨nɛ̨ 72:10

Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.

Mąątɛ̨nɛ̨ 72:11

Tɔɔɓɛlaa kəlee kaa pai kwɛli hvilɛn ɉii mą, lɔiɠaa kəlee diɛ tí mą.

Lɛɛ gbɔwɔ ɓa 28:36

«Yili pulu, ə́ hɛni pu, ə́ bɛli a mɛla ŋą kɛnɛ̨ yɛ wulu powa mąąnįnįn, ə́ bɛ̨ɛ̨ yɛ da kɛi hɛn ɉaɠa, yɛ ɓo a Yai-Laa nwɔɔ.

Hanwon 13:22

Nu lɛlɛɛ hɔlɔɓo hɛn, a həli nonnii di wɔ lonnii diɛ. Kɛlaa, nɛ̨ŋɛ̨n ɉəɠəmun ɲəi hɛn gɔw, yɛ lɛɛ a tələnmomun nwɔɔ.

Hanwon 28:8

Nui a nwɔ hɛn gɔw ta pɛlɛ mą a hvulu, gaa ɉɛn gɔwi tii tɛi gee mɛ̨i a mąąwɛli nuą mąąkpɔnmąą ɓomun nwɔɔ.

Ikilisiati 2:26

Yaan, nui nwɛli kaa Yálá ɓa, a gɔ́ a kili, mɛ̨nį kɔ́lɔn ŋąą, nwun gɛ ɉu laa da yíi la nɛ̨ɛ̨. Kɛlaa, a kóló laa nɛ̨ŋɛ̨n ɉəɠəmun nwuɔ̨, yili yɛ hɛn gwɛli a nui nwɛli kaa Yálá ɓa, nwɔɔ. Yili yaa kpɛli gaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Izikiɛ 26:12

Di kaa pai ə́ wɔ hɛngɔwɠaai həɠəi a kɔ-hon, diɛ too ə́ wɔ lɔwɔtiɛ́ɠaai hu; diɛ ə́ wɔ pɛlɛ nwąnąɠaai pu, diɛ ə́ wɔ ɲąŋą kulɔ pɛlɛ́ɠaai wolo. Ə́ hu kwɛniɠaa, nwuluɠaa, da nąą munuunŋaa, gaa pai gəlee pui yai.

Mise 4:13

'Ə́ muhəɠə, 'mɔ̨nun dan Siɔn nɛ̨ɛ̨gbɛla, gáá pai ə́ mįnɛ̨ɠaa kɛi a kwɛli, gɛ́ ə́ kɔ́wɔɠaa kɛ yɛ kwɛli kpɔlu, ə́ kaa pai lɔi tamąą kiin-giin ɉii, ɉɛn ə́ pai ɉon ɉii a kɔ́, yɛ́ gulɔ Yai-Laa ɓa a haláá, yɛ́ di yəi hɛngɔwɠaa kɛ a Yai-Laa kɔ́ hɛn.

Zakari 14:14

Ɉuda kaa pai Ɉerusalɛmə mąą kɔ́nwɔ̨i gɔ́ hu, di kaa pai di kwɛlɛ lɔiɠaa di wɔ hɛn gɔwɠaai kulɔi di yəi, hɛni, wali, da həɠə, yii lono hva kɛ mą.

Malasi 3:10

'Ká pa a ká hɔlɔɓo hɛnŋąą kəlee bow nąą ɉéé pɛlɛ́ mu, ə gɛ, kɔ̨nɔ̨n ə kɛ ɲə́i bɛlɛ́n. Ká yili kɛ tii, ka ɉúkɔɔn; ɲą́ą́ Yai-Laa Mɛ̨nį Kəlee ŋą Hééɓomun, akɛ vá yələkɔlɔn naa ɓo, və́ lúwɔ́ yɛɛ ka mɛ̨i a gbulu kɛnɛ̨.

Maafîu 25:16

Nui ŋɛ̨i di nwali kwələ lɔɔli tɛɛ bɔ, ə li ə nɔɔli kwɛli ə bɛlɛ ma.

Markə 3:8

daɠaa di həɠə Ɉerusalɛmə daai, daɠaa di həɠə Idume lɔi hu, da Ɉurdɛn yá pulu lɔi hu taa kpɛa-kpɛaɠaa hu, yɛ pələi Tirə da Sidɔn. Nu kpulu kɛnɛ̨i tii di pa Jesus pɔ, mąąhɔlɔɓo, mɛ̨nįɠaai ə kɛi gɛ di bələ mɛ̨n.

Lukə 12:33

Ka ka yəi hɛnŋąą lɔwɔ́tɔɔ, ka nwali ŋąąkwɛlɛ yee hvowolo nuą diɛ. Ka hɛn gɔw pu ɓíi kwɛli yii nwolo hva tee mą. Ka ka wɔ hɛn gɔw laaikɛ yələkɔlɔn ɉu, ɓɛi hɛn da hva pili laa; nwuɔ̨mun hva həli mą, ɛlɛɛ, kolo hva pu ɉu.

Lukə 8:3

Nɛa tii tɔ̨nɔ̨ ɓaa kɛ a: Ɉanə, yai kɛ a Herodə nwɔ hɛn gɔw mɛ̨i kaa mun gɛnɛ̨ nɛ̨ą, ɉulɔnui tii laa ɓa kɛ a Kuza. Da ɓaa kɛ a Suzanə, da nɛ̨ą takpɛliɠaa, yiiɠaai kɛi di yəi hɛnŋąa tɛɛ Jesus pɔ da nwɔ kalan nɛai, di mąą kpɔnmąą ɓo mɛ̨nį ɓa.

Gɛlaɠaa 9:39

Ɲąąɓa, Piɛrə ə muhəɠə da diɛni diɛ li. Ɓɛlɔwai di həli la, di tɛ ɲələi pɛlɛ́ hu, galanin nɛ̨ąą diɛ ɓo laa diɛ wɔlɔ, diɛ doogwąną həɠəɠaa da yíi-həɠəɠaai Dɔrkasə ə kɛi bala, ɓɛlɔwai ə kɛ la vulú kɔ́wɔ ŋą, diɛ nɛ Piɛrə ɓa.

Galatə 6:6

Nui di kaa mąąkwɛli Yálá laa woo ɓa, mąąnɛ̨ɛ̨i, ə kpɔnmąą tɛɛ mąąkwɛlimun bɔ a ɲəi hɛn nɛlɛɛmun.