Azaya 23:13 - Yálá laawoo hɛɓɛ (dc)

¹³ Ə́ ɲɛ̨i hee Kalde lɔi ɓa: nu huwu tii hvo kɛa yɛnɛ̨ɛ̨. Asiri aa nąą kɛ a lɔwɔɲąąleeɠaa taa ŋą, daa kɛ daaɠaa mąąkpɛ pɛlɛ́ɠaa tɔɔ, daa hįįɠaa tɔɔ diɛ; Asiri aa nąą lɛɛ a huwɔ hu.

Yálá laawoo hɛɓɛ

¹³ Ə́ ɲɛ̨i hee Kalde lɔi ɓa: nu huwu tii hvo kɛa yɛnɛ̨ɛ̨. Asiri aa nąą kɛ a lɔwɔɲąąleeɠaa taa ŋą, daa kɛ daaɠaa mąąkpɛ pɛlɛ́ɠaa tɔɔ, daa hįįɠaa tɔɔ diɛ; Asiri aa nąą lɛɛ a huwɔ hu.

Bible

¹³ Babelɔŋ-ƃelai ƃe Taya su-kara dí gɛ́ ǹaa é kɛ́ a fɛnɛ-sãa kɛ̂i. Asiria-ŋai fêi. Dí yeŋkêŋ-ŋa tɔ̀ɔ dí tɛ́ ŋ̀á dí Taya taa-leei wólo, ǹaa é lɛ́ɛ a pilêŋ ŋá.

Azaya 23:13 ပူးပေါင်းရင်းမြစ်များ

Zɛnɛse 11:28

Haran ə haa nąn Tɛra tɔwɔ ɓɛi ŋɛ̨i di gaa laa Urə daai Kalde nuą pɔ lɔi.

Zɛnɛse 11:31

Tela ə non Abramə həɠə da Haran lon Lɔtə yai kɛ a mąnįn, ə bɛlɛ non nɛ̨ą Sarai ɓa, yai kɛ a Abramə nɛ̨ą, da diɛni di həɠə Urə daai Kalde nuą pɔ lɔi, diɛ li Kanaan lɔi hu, di li ɓɛi ŋɛ̨i da kɛ mą Haran, di hee laa.

Zɛnɛse 11:9

Yili ɓə gɛ diɛ kɛ nąą laa ɓaa: Babɛlə. Mąąhɔlɔɓo, nąą ɓə Yai-Laa ə hį́i woo tamąą yɛɛ laa nuą lɔwai, di taɠa taɠa lɔi mɛ̨i.

Zɛnɛse 2:14

Ɲá ɉaaɓanąą laa ɓaa a: Tigrə. Yili ka tii a kɛ tɛɛi Asurə taa voló həɠəi pələ. Ɲa nąąn gɛɛnąą laa ɓaa a: Eufratə.

Tɔɔɓɛlaa veelɛ 17:24

Asiri tɔɔmun ə nuą həɠə Babilonə, Kutə, Awa, Hamatə, ɛlɛɛ, Sefarwaimə, ə di hee Samari taaɠaa hu a Israɛlə lonnii mąąhvalin. Samari ə kɛ kɛa a di wɔ lɔi, di hee nąą taaɠaa hu.

Tɔɔɓɛlaa veelɛ 20:12

Nąąlɔwai, Merodakə-Baladan, yai kɛ a Baladan lon, ə kɛ a Babilonə tɔɔmun. Ə kɛla tɔɔ da kɔ́ɓo hɛnŋąą Ezekiasə ɓa. Mąąhɔlɔɓo, Ezekiasə nwɔ ɲɔ̨n mɛ̨nį bələ aa kɛ həli mą.

Kɔlɔnikɔ Veerɛi 33:11

Yai-Laa ə Asiri tɔɔmun nwɔ kɔlaɠa nwun nąmįną tɔɔ, di pa a kɔ́, di bɛlɛ diɛ. Di Manase hon kwɛli kpɛlɛmąąɠaa, di ɲili a ɓala kwɛli yɛli, di li la Babilonə.

Zôo 1:17

Yili ə lɛɛ lɔ nwɔ̨nɔ̨ nwoo hukulɔi, da kpɛli ə pa, yɛ diɛ: «Kalde nuą kpulu heei haaɓa, di wolo ə́ wɔ ɲɔ̨nwɔmɛ̨ɛ̨ɠaai diɛ, di ə́ wɔ tínuąi paa, di ɲɔ̨nwɔmɛ̨ɛ̨ɠaa həɠə; Ɲą́ą́ dɔ̨nɔ̨ lɔ ɓə kulɔ ɉu, gɛ́ pa nwɛlɛɛ ɓoi.»

Mąątɛ̨nɛ̨ 72:9

Gbali lɔi hu nuą kaa pai kɛi kwɛli hvilɛn ɉii mą, ɲowoɠaa diɛ muluun gɔ̨mɔ̨.

Azaya 10:5

Asiri nwun na ɲɔ̨nwɔ̨ɔ̨ ɓə, yai a nwą́ną́kulɔ gbɔn, ə ɓo ɲə́i ɲą, ŋį́ líiholii ka tii.

Azaya 10:7

Kɛlaa nwɛi, hvo mɛ̨nįi tii kpaɠala kaai, gili hvo mɛ̨nįi tii kɔ́lɔn ni tii, yii lɔ gwəi, ya ɓaa nu paa, da lɔiɠaa hu kalaa lɔ poto poto.

Azaya 13:19

Babilonə, lɔi ɲɛ̨ilon! Yai a Kalde nuą ɲɛ̨i pɔ̨nɔ̨ hɛn, gaa pai kɛi yɛ Sodomə da Gomorə, diɛi tii Yálá ə di hukala.

Azaya 13:21

Lɔwɔ ɲąąleeɠaa ɓə pai kɛi tɔɔi laa, muúɠaa diɛ bɛlɛ́ɠaa laahvɛɛ, nwɛ̨niɠaa diɛ di taa tɔɔ laa, ɛlɛɛ, haaɲąmuąą diɛ mąną laa.

Azaya 18:6

Kɛlaa, di kaa pai gəlee lɛɛi a ɲee hu nwɛ̨niɠaa, da lɔwɔ huwɔɠaa di wɔɔ, nwɛ̨niɠaa kaa pai pai diɛ hvóló laa teɛɛ kɛ laa, nɔwɔ huwɔɠaa diɛ hąmą lɔɔ kɛ laa.

Azaya 43:14

Yai-Laa woo ka, yai a ka nwun mąąɓo, Israɛlə nwɔ Mąąhəɠəmun, yɛ diɛ: Gáá kɔ́ pɛlɛi Babilonə ɓa, ka mąą mɛ̨nį ɓa, gɛ́ nąą nuą kəlee kɛ a nuąi da pu kɔ́ tɔwɔ, a tɛ̨ą, Kalde nuą kaa pai kɛi pui; kələnŋąą hu, ɓɛi di yee looa wooɠaa ə kɛi tɔɔ laa a kwəinɛ̨ɛ̨.

Izikiɛ 23:23

Babilonə lon ɉinąą, da Kalde nuą kəlee Pekɔdə, Soa, da Koa; Asiri lon ɉinąą kəlee. Gəlee di ɓo a nu nwunu, di ɲɛ̨́i mąąhəɠɛɛ; lɔi ɲąąwooɓo nuą, taa ɲąąwooɓo nuą, tɔɔ kwəlii nuą; nu kpɛa kpɛaɠaa; di kəlee di ɓo hoo mɛ̨i.

Izikiɛ 29:18

«Hulɔnu lon, Babilonə tɔɔmun Nabukodonosorə aa naa tɛ kóló kɛnɛ̨ mu; a kɔ́ pɛlɛi ə mo Tirə ɓa: nu kəlee nwun galaanŋąąi, di ɓonwon gəlee hu ɓɛlaa; kɛlaa hvo vɛla hɔlɔɓo li Tirə, ə mą kɛ ŋą kɔ́kulááɠaai hvɛla; gɔ́ kɛnɛ̨i ti di gɔ́ da Tirə taa, ə kɛ kpɔlɔ mąa kpɛli.

Danîa 4:30

Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.

Habakukə 1:6

Kalde nuą nwąnąlɔɔ tii, ɲɛ̨imąąwɛli kaa hvo di hui, gáá pai moi diɛ, di pa. Di kaa lɔi mɛ̨i diɛ tɛɛ, da di ɓɛlaa di wɔ lɔi kaa, di ɉəɠə di yəi.

Gɛlaɠaa 7:4

Nąąlɔwai, Abrahamə ə həɠə Kalde nuą pɔ lɔi ə li ə hee Haran daai. Nąą ɓə ə lɛɛ laa nąn ə haa, Yálá ə gulɔ laa ə pa ə ɉee ɓɛi ŋɛ̨i háákələi ka heɛi laa.