Azaya 22:5 - Yálá laawoo hɛɓɛ (dc)

⁵ Mąąhɔlɔɓo, Nąmu Yai-Laa Mɛ̨nį Kəlee ŋą Hééɓomun aa yələ ɲɔwɔ̨ɔ̨ laa ɓɔ ku mɛ̨i, a ɲɔw kɛnɛ̨ nwɔ yələ, a nuą pu yələ, nu hu yɛ pu mą, Ɉį́į kaa ɓoloon ŋą hįį kpoloon ta aa pu, tómą woo yɛ tɔɔ ɲee nwuɔ̨.

Yálá laawoo hɛɓɛ

⁵ Mąąhɔlɔɓo, Nąmu Yai-Laa Mɛ̨nį Kəlee ŋą Hééɓomun aa yələ ɲɔwɔ̨ɔ̨ laa ɓɔ ku mɛ̨i, a ɲɔw kɛnɛ̨ nwɔ yələ, a nuą pu yələ, nu hu yɛ pu mą, Ɉį́į kaa ɓoloon ŋą hįį kpoloon ta aa pu, tómą woo yɛ tɔɔ ɲee nwuɔ̨.

Bible

⁵ Mɛni-kpɔ̂lu ká ŋí Ǹuu-namui Ŋ̀wála-wâla kélee Yâwɛɛ a ǹáa kûai. Yao támaa káa kúkponôi, kúyee fa ŋɔ́nɔ pɔri núu da ma, kúlii toɔɔ pôlu a ŋ̀ánaa zĩ̂a tiŋ-tiŋ su. Kútaa-lêei ma siɣãŋ kélee su a kara. Kúwɔlɔ-woo a kɛ́ nɔ́ yɛ̂ɛ ŋɔni-ŋa fáa woo wolâ sáma. Ŋ̀wála-wâla kélee Yâwɛɛ ƃé m̀ɛnii ŋí kɛ̀ a kúa.

Azaya 22:5 ပူးပေါင်းရင်းမြစ်များ

Tɔɔɓɛlaa veelɛ 19:3

Di mo mą, diɛ mą: «Nwooi Ezekiasə ə mo, ya ka: ‹Háákələi kaa a mąąwɛli hvóló, da liihɛlɛn voló, ə lɛɛ, da nwumɛ̨ hvóló. Yɛ bələ da mo la diɛ mą: «Nokoloi ŋɛ̨i kaai lɔwai aa həli, kɛlaa, hvaŋą hvo nee yəi, hvo gaa.»

Tɔɔɓɛlaa veelɛ 25:10

Kalde kɔ́kulááɠaai lɛɛ tɔɔmun mąąkpɛ nuą nwun nąmu pɔ, di kəlee di Ɉerusalɛmə mąąkpɛ hįi pu.

Azaya 10:6

Gáá ɲąątɔɔi lɔi ɲɔ̨nwɔ̨ɔ̨ ɓa, gáá dɔɔi nu huwui niiholii bɔ́, yɛ di wɔ hɛn gɔwɠaai həɠə, yɛ too di mɛ̨i, yɛ di kiin giin, gɔwɔ mu yɛ da kɛli pɔlɔ tan.

Azaya 22:1

Mɛ̨nį kponąąi di mo yɛ hvilɛn ɉíįn kaa ɓoloon ma ya ka: Lə ɓə kɛ yai, ká ə́ wɔɔ nuąi kəlee ka káá ka ɲąą kpɔn ɉi ɲələi pɛ́lɛ́ ɲįmąn mu?

Azaya 25:10

Yai-Laa kaa pai ɲee pɛlɛi ɲeei ŋɛ̨i mɛ̨i, Kɛlaa, di kaa pai Moabə hu woloi ɲąą ɓa, yɛ bələi mɔ̨nun-danmun a mɔ̨nun dan na.

Azaya 37:3

Ə gɛ də li diɛ mą: Ezekiasə woo ka, yɛ: «Haa kəlee hvólói kaa a lii kələn gwəi hvóló, hutɔɔ hvóló, da nwumɛ̨ hvóló, lon ɉinąą daa di nwun gulɔ di lee kwəi, kɛlaa lon-gaa hvąŋą hvo di lee yəi.

Azaya 5:5

Mɛ̨nįi gáá pai gɛi, nwɔ́ viɲə yɛai ɓa, gáá nɛi kaa: galai tii dinɛ̨n ŋąą mą, gáá nwolo teei mą, taatɛlɛɛɠaa di di laa mįi laa, ŋą́ daɠa nuą di hiɛ ɉu.

Azaya 63:3

Ɲą́ą́ dɔ̨nɔ̨ ɓə doo gɔwɔ hu, nu kanŋaa lɔwai, nu ta lɔpee hvo kɛ bɔ́. Níí holi pələ, ŋį́ di hiɠɛ, gɛ́ ɓɔlɔn di mɛ̨i, níí holi pələ ɓa, di ɲąmą ə taɠa mą́ą́ həɠəɠaa ɓa, ŋį́ mą́ą́ həɠə kəlee kpɔlu.

Azaya 63:6

Ŋą́ lɔiɠaa kiin nííholi pələ ɓa, nwɔ́ líiholii ə di kɛlɛ, di kɛ tupɛ-tupɛ, gɛ́ di wɔ mąąwiɛ pənə a pɔlɔ.

Ɉeremi 30:7

Lə mąąwɛli mɛ̨nį ɓəi! A tɛ̨ą hvóló kɛnɛ̨ ka, yii hvo kɔ́ɔn ni yələ ta ɓa. Liihɛlɛn ɲələ li Ɉakɔbə ɓa, kɛlaa, gaa pai kulɔi ɉu.

Woolaa 1:5

Mɔ̨nɔ̨ ɓo nuą yee aa tɛɛ mą, ɲowoɠaa kwəi aa nɛ̨ɛ̨. Yai-Laa aa mɔ̨nɔ̨ laa mɛ̨i, nwɔ túwɔ́ pələ ɲɔ̨n damąą mąą mɛ̨ni ɓa. Ɲowoɠaa daa li a nonnii kəlee luwɔlaa hu.

Woolaa 2:2

Yai-Laa aa Ɉakɔbə heei kəlee wolo hvo kpɛli mąąwɛli kaa li nwɔ liiholi hu, aa Ɉuda halakpɛla mąąkpɛ hįi wolo aa dɔɔlaa da dɔɔɓɛlaa ɓɛlɛkpɛɛ diɛ, aa di too nɔi ɓa.

Woolaa 2:8

Yai-Laa aa Siɔn lɛlɛɛ mąąkpɛ hįi pu kili tee gwəi; yɛ gaa nąą kəlee kalan ɉi, ə ɉee tin-tin, yɛ hva pɛli ɲee yalii bulu, hvo kɛli a nąą kəlee wolo; aa bɛlɛ́ nwąną hveelɛi kəlee kɛlɛ, aa woolaa too gəlee la.

Izikiɛ 7:7

Pulu kaa pai ə́ mɛ̨i nɔi lon, ɲələ kaa pai; voló aa lɛɠɛ. Ɲɔw ɓə ɲeeɠaa nwuɔ̨, kwəinɛ̨ɛ̨ hvəi.

Osia 10:8

Di kaa pai ɉali kɔ́iɠaa kalai, di di kulɔ laa, yii gaa a Israɛlə nwɔ nɛ̨ŋɛ̨n tii; ɲąąlən da ɓówolaaɠaa di kaa pai kulɔi ɉali kɔ́iɠaai tii diɛ, di kaa pai kɛi yeeɠaa diɛ: 'Ka ku mɛ̨i kpulu! Diɛ kɛ yee kpukpuɠaa diɛ: 'Ka too ku mɛ̨i.

Mise 7:4

Nui ɉɔn nɛlɛɛ di lɔwai, gaa yɛ ɲąąlən, dələnmomun di lɔwai, ɲɔ̨nwɔ̨ɔ̨ dɛɛ ɓomodiliin ma. Ɲələi ə́ wɔ kɔ́ nɛ̨lɛ̨ɛ̨n naa nuą di vaa ɓo, ə́ ə́ kɛ mɛ̨nį kɛ a ɲələ; daa nwumɛ̨.

Sofoni 1:15

Volói tii kaa a liihvoli hvóló, a liiɲąnwąną hvóló, gaa a kɛɛ kala hvóló, a lii too pulu hvóló, gaa a tɛɛhilɛ kpinį, ɉu tɛɠiɛɛ, a hvólói tulɔ aa ɉu kpinį, luwuluwu aa hiɛ ɲələ ɲɛ̨i.

Maafîu 24:16

A kɛ tii nuąi da kɛ Ɉude lɔi hu di pu di tɛ ɲeeɠaa nwuɔ̨.

Lukə 23:30

Nąąlɔwai, nuą kaa pai kɛi yeeɠaa diɛ: ‹Ka pu ku mɛ̨i!›, diɛ kɛ yee kpu-kpuɠaa diɛ: ‹Ka ku loo!›