Azaya 22:13 - Yálá laawoo hɛɓɛ (dc)

¹³ Ya ɓə, ka tɔɔ kaa kwəinɛ̨ɛ̨ kulɔ, kaa hɛli pu! Diɛ nįŋɛ̨ɠaa paa, diɛ ɓɛlaaɠaa nwun dee, diɛ huwɔ mįi, diɛ lɔɔ kpələ, kaa kɛ diɛ: ka gu gu laa mįi, ka gu gu kpələ; mąąhɔlɔɓo, gwa tínąą haa.

Yálá laawoo hɛɓɛ

¹³ Ya ɓə, ka tɔɔ kaa kwəinɛ̨ɛ̨ kulɔ, kaa hɛli pu! Diɛ nįŋɛ̨ɠaa paa, diɛ ɓɛlaaɠaa nwun dee, diɛ huwɔ mįi, diɛ lɔɔ kpələ, kaa kɛ diɛ: ka gu gu laa mįi, ka gu gu kpələ; mąąhɔlɔɓo, gwa tínąą haa.

Bible

¹³ Kɛ́lɛ káfe káwoli tɔ̀ɔ ní m̀a. Ká kɛ̀ kániŋa naɣa-ŋai paâi da káƃala-ŋai kákɛ mìi, kákɛ kpele-sãa kpele kákɛ lii-nɛ̃ɛ kùla. Ká m̀o kákîe-ni dîa kâai, “Kwaa kúlaa míi kú kpele-sãa kpele a kúnîa pere. Saa mɛni káa kûa tínaa.”

Azaya 22:13 ပူးပေါင်းရင်းမြစ်များ

Azaya 26:10

Kɛlaa, da kɛi nu ɲɔ̨nwɔ̨ɔ̨ mąąwɛli kaa, hva tələnmo yíi mąąkwɛli; ə mą kɛ, tɛ̨ą lɔi hu ɓə, a mɛ̨nį ɲɔ̨n gɛ lɔ laa, ɛlɛɛ, hva Yai-Laa nwɔ mąąwiɛ kaa.

Azaya 29:1

Kpalo ɓɛlaai yɛ́ Ariɛlə! Ariɛlə! Daai Davidə ə kɔ́ pɛlɛ mą; kwɛlan dɔ̨nɔ̨ aa laa gwɛlan tii mɛ̨i, ka gwɛlan ɉu hɛliɠaa kəlee lɛɛ laa ɲələ ə həli.

Azaya 47:8

'Ə́ wəli tɔɔ kɛa yɛnɛ̨ɛ̨ wɛli la kɛmun, yɛ́i tɔɔlaa kɛi a ə́ wəli pulu laɠiɛ, yɛ́i yá kɛ kɛi diɛ ə́ kwəi pələ: «Ɲą́ą́ lɔ ɓə laa, akɛ ɲą́ą́ hvəi, nu takpɛli hvo laa, nwɛ́i və́ pai kalaninnaa kɛi a yələ lɔpee ta, və́ pai hvɛɠɛi a nónnii.»

Azaya 5:11

Nuąi da humo diɛ lɔɔ kpəɠiɛɠaa mąą gilɛ həɠə, ɛlɛɛ, kpinį ə mąn pɛlɛ, di ɓo lɔ lɔɔ ɓa, kpalo ɓɛlaai diɛ, mąąhɔlɔɓo, lɔɔ aa di kili mɛ̨i kpulu.

Azaya 5:12

Bɛlɛgwəi gwɛnįn, gololon gwɛnįn, da damąn mə da kɛ dɔɔi di mɛ̨i nɔɔ kpələiɠaa ɓa, Kɛlaa, mɛ̨nįi Yai-Laa kaa gɛi, di ɲɛ̨i hva kɛ laa; mɛ̨nįi ɲee kaa mą, di hva nąą kaa,

Azaya 5:22

Kpalo ɓɛlaai diɛ, di kaa a lɔɔ kpələ kuláaɠaa, di yee tɛɛ nu kəlee ɓa lɔɔ kpəɠiɛɠaa humui.

Azaya 56:12

Di woo laa diɛ, 'ka pa, ku kaa lii pai a lɔɔ, lɔɔ kpəɠiɛɠaa ɓə gu kaa pai pilɛi ɉu, gwa tinąą gɛ lɔ yɛ háákəlee; gbəli kaa pai lɛɛi kpɔ kɛnɛ̨.

Azaya 58:3

«Kuɔ hín nɔɔ nwun mąą lə, akɛ ə́ ɲɛ̨i hvo laa, kuɔ ku kpɔwɔ mąąyɛɛ lə mɛ̨nį ɓa, akɛ hvo gili kɔ́lɔn ɉii?» Ka wɔ hín nɔ yələɠaai, ka kɛ tɔ̨nɔ̨ kwɛlii, ɛlɛɛ kaa ka wɔ kóló kɛ nuąi mɔ̨nɔ̨ ɓo.

Izikiɛ 16:49

Ə́ ləɠə Sodomə nwɔ nɛ̨ŋɛ̨n ka: Ɓələn da bilaa kɛ hɛn gəlee hu, liihɛlɛn və kɛ mą da non nɛ̨ąą; di hvo kɛi mąąwɛli mun da yeehvowolomun di mąąkpɔn mąąɓo,

Osia 9:1

Israɛlə, 'hvo kwəinɛ̨ɛ̨ kulɔ! 'Hvo mąną, yɛ lɔi ta kpɛliɠaa, mąąhɔlɔɓo, ə́ kaa wɛli hon ɉii a ə́ mąą kwɛai ə́ kaa moi ə wɔ Yálái ɓa, yɛ́ yili mąą hvɛla wɛlila kɛ, mɔ̨nun danɉii kəlee ɓa.

Korɛntə dɔlɔɔ 15:32

Kɔ́ pɛlɛ mɛ̨nį huwɔ hvulúɠaa diɛ Efɛsə, lə kpɔ ɓə yili a ɉəli mą́ą́, akɛ ŋą́ mąn nɔ kɛ nu kanŋaa di wɔɔ kiliŋąhiɛ ɓa? Akɛ haaɓɛlaa di hva nwun, gu gu laa mįi, gu gu kpələ, hvo gaai, gwa tínąą haa.

Zĩi 5:5

Ká kɛ ká nɛ̨ɛ̨ hu yɛnɛ̨ɛ̨, káá ká liiɓa kɛ, káá ká laa nɛ̨ɛ̨ mįi, a hɛli ɲələɠaa.