Azaya 22:12 - Yálá laawoo hɛɓɛ (dc)

¹² Mąą yələi tii, Nąmu Yai-Laa Mɛ̨nį Kəlee ŋą Hééɓomun, ə kɛ bɔ kɛ, ka wɔlɔ, ka ka woolaa, ka ka nwun gbəlaan mo, ɛlɛɛ, ka mąąwɛli hee ɓo.

Yálá laawoo hɛɓɛ

¹² Mąą yələi tii, Nąmu Yai-Laa Mɛ̨nį Kəlee ŋą Hééɓomun, ə kɛ bɔ kɛ, ka wɔlɔ, ka ka woolaa, ka ka nwun gbəlaan mo, ɛlɛɛ, ka mąąwɛli hee ɓo.

Bible

¹² Maa ɣêlei tí Ǹuu-namui Ŋ̀wála-wâla kélee Yâwɛɛ kátòli a gɛɛ ká káŋuŋ kálaŋ ma, ká maloŋ too-maa-seɣe too kâa, ká maloŋ-see ƃó, ká gbeɣêi tóo kásɔnyɔ̂ŋ-ŋai mɛni ma.

Azaya 22:12 ပူးပေါင်းရင်းမြစ်များ

Kɔlɔnikɔ Veerɛi 35:25

Ɉeremi ə wələ ta pɛli, ə doo Ɉosiasə mɛ̨i. Nwələ too hinąą da nwələ too nɛ̨ąą di Ɉosiasə laa too a wələ di wɔɔ wələ woo hu, háá ɓaa háá, yili ə lɔ Israɛlə nuą yii pələ hu. Di nwələɠaa tii too mąąwɛli wələɠaa lɔwai.

Ɛsdrasə 9:3

Yili mɛ̨n ŋį́ mo, ŋį́ nwɔ́ həɠəɠaai huɓɛla, ŋį́ nwún nəɠa da gbɛ́lɛ kulɔ a nwun, ŋį́ hee, níí kələn ŋąą gwə́i.

Nehemi 9:9

«Ə́ ku nąnni di wɔ laanɔ̨nwɔ̨ kaa Eziptə lɔi hu, ə́ di wɔlɔ woo mɛ̨n gboloyá kpɔlu kwɛlɛ.

Zôo 1:20

Nąąlɔwai, Ɉobə ə nɛɛmą ə muhəɠə ə tɔɔ, ə nwɔ biliɉui huɓɛla, di nwun gbəlaan mo, ə too nɔi ɓa, ə kwɛli hvilɛn Yálá ɓa.

Ikilisiati 3:11

Yálá ə mɛ̨nį kəlee lɛlɛ ə bɛli nwɔ yələ ɓa. Mɛ̨nįɠaai Yálá ə gɛ, di lɛlɛɛi lɔ a di wɔ yələ. Ɛlɛɛ, Yálá ə Yálá-taa kili too nu hu. Kɛlaa, ə mą kɛ tii, nu hva pɛli Yálá kɛ mɛ̨nįɠaa kɔ́lɔn ɉi, ə həɠə kpɔ gɔwɔ tɔɔi yələ ɓa, ə həli la naa kulɔi ɓa.

Ikilisiati 3:4

Nu wɔlɔ yələ kaa mą, nu yɛlɛ yələ yɛ ɓo mą. Woolaa kɛi yələ kaa mą, mąnąkaa yələ yɛ ɓo mą.

Azaya 15:2

Nuą kaa tɛi Divɔn haláá kulɔ pɛlɛ́ mu, diɛ wɔlɔ laa. Moabə kaa nwoo laai Nebo yee da Madaba yee nwuɔ̨; daa nwun gəlee kalaan, daa kpɛlɛ kəlee pu.

Azaya 26:10

Kɛlaa, da kɛi nu ɲɔ̨nwɔ̨ɔ̨ mąąwɛli kaa, hva tələnmo yíi mąąkwɛli; ə mą kɛ, tɛ̨ą lɔi hu ɓə, a mɛ̨nį ɲɔ̨n gɛ lɔ laa, ɛlɛɛ, hva Yai-Laa nwɔ mąąwiɛ kaa.

Azaya 29:1

Kpalo ɓɛlaai yɛ́ Ariɛlə! Ariɛlə! Daai Davidə ə kɔ́ pɛlɛ mą; kwɛlan dɔ̨nɔ̨ aa laa gwɛlan tii mɛ̨i, ka gwɛlan ɉu hɛliɠaa kəlee lɛɛ laa ɲələ ə həli.

Azaya 3:24

Wulɔ kun nɛ̨ɛ̨, mąą a hvalin a hɛn nulɔ kun, hɛ̨ą yili kɔ́lɔ mąą a hvalin a gɔtɔ yɛli, nwun naa lɛlɛɛ mąą a hvalin a nwun gbəlaan, həɠə lɛlɛɛ mąą a hvalin a mąąwɛli həɠə di wɔ lɛlɛ mąą a pənə a kwɛli kələn bɔɔ.

Azaya 32:11

Ka mąą kaa pai kpɛlin, kaai ɲɛ̨i mɛ̨nį ta hva ka lii kulɔ kaa, ka nwun mini-mini ə yɛɛ a kaa, a kaa ŋɛ̨i kiliŋąhiɛ hvo kaai, ka ɉəɠəɠaa kulɔ kaa, ka ka kpuwuluɓo, ka həɠə kpulon ka niŋəi.

Azaya 37:1

Di woo mąn tɔɔmun Ezekiasə ə mo, ə mąąhəɠəɠaa hu ɓɛla, ə mąąwɛli həɠə too gwąną, ə li Yai-Laa hvɛli pɛlɛ́ mu.

Azaya 37:2

Yili pulu ə dɔɔ pɛlɛ́ ɲąąwooɓomun Ɛliakimə, da ɉɛɓɛ́ pɛ̨ɛ̨mun Sɛvna, ɛlɛɛ nu pɔlɔ pɔlɔɠaai kpɔ di kaa ɉaláá laa həli nuą lɔwai, ə di tɔɔ Yálá kwəi mɛ̨nį hu kulɔmun Esai pɔɔli, yai a Amɔsə lon, mąąwɛli həɠə toɔ di kəlee di kwąną.

Azaya 58:3

«Kuɔ hín nɔɔ nwun mąą lə, akɛ ə́ ɲɛ̨i hvo laa, kuɔ ku kpɔwɔ mąąyɛɛ lə mɛ̨nį ɓa, akɛ hvo gili kɔ́lɔn ɉii?» Ka wɔ hín nɔ yələɠaai, ka kɛ tɔ̨nɔ̨ kwɛlii, ɛlɛɛ kaa ka wɔ kóló kɛ nuąi mɔ̨nɔ̨ ɓo.

Ɉeremi 16:6

Nɔi ŋɛ̨i hu nu kpɛa kpɛaa, da bɛlɛɛɠaa di kaa pai haai, di powa loo mun hva hɔlɔɓo, wɔlɔ woo hva tɔɔ di mɛ̨i; nu ta hva gbɔwɔ mąą ɓɛla, nu ta hva nwun gbəlaan mo.

Ɉeremi 16:8

Pɛlɛi nwɔ̨nɔ̨ di kaa hɛli pui mu, 'hvó li laa. Ka diɛni ka hvo ka yee lɔ kɔ́wɔ tɔ̨nɔ̨ hu, ka hvo lɔɔ kpələ gee ɓa.

Ɉeremi 4:8

Yili mąą mɛ̨nį ɓa, ka ɓíi haɠa too ka kwąną, ka mąąwɛli heeɓo; ka ka woo laa! Ka gboo təli! Mąąhɔlɔɓo, Yai-Laa nwɔ liiholi kɛnɛ̨i hvo həɠə li gu pulu.

Ɉeremi 7:29

Ə́ wɔ mɛ̨nį laakwɛlanmoɔ nwun nəɠai mɛ̨i tee! Ə́ bili! Mąąwɛli wələɠaa too bələɠaa pɔ. Mąąhɔlɔɓo, ə́ kaa a nui gaa Yai-Laa nwɔ liiholi laai kwɛlii, ɓɛlɛ aa kpɛɛ Yai-Laa kwəi.

Izikiɛ 27:31

Diɛ di nwun galaan ə́ ma mɛ̨nį ɓa, diɛ mąąwɛli həɠəɠaa too di kwąną, diɛ wɔlɔ ə́ mɛ̨i a di lii kələnŋaa di kwəi, diɛ di woola a nąą mąąwɛliɛ.

Danîa 5:1

Yələ ta, tɔɔmun Bɛlsasarə ə laa mįi kɛnɛ̨ kɛ pələ pɛli, nwɔ nu kpɛa-kpɛaɠaai mąą mɛ̨nį ɓa, di kɛ a nu waa tɔ̨nɔ̨. Tɔɔmun ə pɛlɛ yɛ lɔɔ kɛnɛ̨ kpələ nuąi tii ɲɛ̨i ɓa.

Osia 9:1

Israɛlə, 'hvo kwəinɛ̨ɛ̨ kulɔ! 'Hvo mąną, yɛ lɔi ta kpɛliɠaa, mąąhɔlɔɓo, ə́ kaa wɛli hon ɉii a ə́ mąą kwɛai ə́ kaa moi ə wɔ Yálái ɓa, yɛ́ yili mąą hvɛla wɛlila kɛ, mɔ̨nun danɉii kəlee ɓa.

Zooɛ 1:13

haláá laa həli nuą, ka ka hąą yili, ka ka woolaa. Kaai ka kɛ tíɓo kɛi ɉaláá kulɔi, ka ɲiŋɛ̨, ka pa ka mąąwɛli həɠə too ka kwaną, ka yii ɉu. Kaai ɓaa nwɔ́ Yálá nwɔ tínuą, Yálá kɔ́ lɛɠɛ da gɔ́ lɔɔ hvo kɛa hɔlɔɓoi, ka wɔ Yálái yəi bɛlɛ́n.

Zooɛ 1:8

Ə́ woolaa yɛ́ nɛ̨ɛ̨gbɛla a hilɛ həɠə a nįnɛ̨ a haa ɲəi.

Zooɛ 2:12

Yii hu kɛa! Yai-Laa woo li: Ka pənə ka pa bɔ́ ka kwəi tɔ̨nɔ̨ mɛ̨i. Ka hín nɔ, ka wɔlɔ, ka ka woolaa.

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Amɔsə 8:10

Ŋą́ ka wɔ hɛliɠaai kəlee mąą pənə a mąąwɛli hee ɓoɔ Ŋą́ ka wɔ wələɠaai mąąhvalin a wɔlɔ woo. Nu kəlee da mąąwɛli həɠə too di kwąną yɛ da haa too nu ɓa. Nu kəlee da di nwun gbəlaan mo, yɛ nu lon gɔw tɔ̨nɔ̨ a haa. Mɛ̨nįɠaa tii kəlee ŋąą a kpɛɛ a nwanąą.

Zôna 3:6

Ɓɛlɔwai Ninivə tɔɔmun ə bələ mɛ̨n na, ə həɠə ɲəi dɔɔ kpəlin ɉu, ə nwɔ tɔɔ həɠəi kulɔ gwaną, di kəlee di mąąwɛli hee ɓo.

Mise 1:16

'Ə́ nwun bu, 'ə́ nwun galaan, ə́ wɛlikɛmąą lonnii mąą mɛ̨nį ɓa. 'Ə nwun gbəlaan mo, mąąhɔlɔɓo, daa di kulɔ yɛ́, diɛ li a diɛ kwɛaala luwɔlaa hu.

Zĩi 5:1

Káá ɓaa, hɛn gɔw nąmįną, ká wɔlɔ, ká ká woolaa mɛ̨nį ɲɔ̨n pai həli káá, mąą mɛ̨nį ɓa!