Azaya 22:11 - Yálá laawoo hɛɓɛ (dc)

¹¹ Kaa yá pui takpɛli pɛli ɉį́i hveelɛi lɔwai, a ɲa pui pɔlɔ pɔlɔ mąą hvalin. Kɛlaa nui a mɛ̨nį kəlee ɲɛ̨i kulɔ, ka hvo ka ɲɛ̨i hee li bɔ pələ, nui wɔlɔ aa pɛlɛ mɛ̨nįɠaai tii kəlee kɛɛ ɓa, ɉu aa kwɛa, ka hvo gaai.

Yálá laawoo hɛɓɛ

¹¹ Kaa yá pui takpɛli pɛli ɉį́i hveelɛi lɔwai, a ɲa pui pɔlɔ pɔlɔ mąą hvalin. Kɛlaa nui a mɛ̨nį kəlee ɲɛ̨i kulɔ, ka hvo ka ɲɛ̨i hee li bɔ pələ, nui wɔlɔ aa pɛlɛ mɛ̨nįɠaai tii kəlee kɛɛ ɓa, ɉu aa kwɛa, ka hvo gaai.

Bible

¹¹ Ká yá-seei kpɛ̀tɛ daa-lêei su a gɛɛ yá à kɛ̀ kulâi ǹyá-see kwaai ma pɔlɔi ma gɛ́ yèŋ zu daa-lêei su. Kɛ́lɛ Ɣâla maa mɛni kíli fé tòo ní íkili ŋá nyíi a wɔ́lɔ m̀ɛni-ŋai ŋí kpɛtɛ tãi su kôya tɛɛ pôlu mai.

Azaya 22:11 ပူးပေါင်းရင်းမြစ်များ

Tɔɔɓɛlaa veelɛ 20:20

Ezekiasə kɛ mɛ̨nįɠaa gbəli, nwɔ mɛ̨nį hee kpəlin na kɛ pələ, nwɔ mɛ̨nįɠaa kɛ pələ, nwɔ ya kpaaləi ə nąą, ɲa pɛlɛ́ tɔɔ mɛ̨nį daai, gəlee di hvo mɔ̨ɔ̨ pɛɛ li Ɉuda tɔɔɓɛlaa kɛ mɛ̨nį hɛɓɛ́ hu?

Tɔɔɓɛlaa veelɛ 25:4

Kalde nuą di nɛɛ mą, di wolo tee daa mąąkpɛ hį́i ɓa. Kwii hąą, Ɉuda kɔkulaaɠaa di pu. Bələi mąn Kalde kɔkulaaɠaa daa kɛ Ɉerusalɛmə taa mąątinɛn na, ɉį́i naaləi ɲii ŋɛ̨i kɛ a tɔɔmun yəi nɔw yɛa pələ, nąą bələ ɓə di tɛɛ la, ɉį́i hveelɛi ti lɔwai. Da tɔɔmun ni di ɉaŋą a Ɉurdɛn ɲa-ɓoloon bɔ pələ.

Kɔlɔnikɔ Veerɛi 6:6

Kɛlaa, Ɉerusalɛmə ɓə ŋį́ ɉəɠə ɉu, náá yɛ kɛ laa, ɛlɛɛ, Davidə ɓə ŋį́ ɉu, a nwɔ́ nu huwui Israɛlə ɲąąwooɓomun.›

Nehemi 3:16

Yili pulu, Azbukə lon Nehemia, yai kɛ a Bɛtə-Surə kwəli bələ tɔ̨nɔ̨ nwun nąmu ya ɓə nąą tɔɔ, ə həɠə Davidə nwɔ kámąɠaai tənən ma, ə həli la bowa yai ŋɛ̨i di naa kulɔ mą, ə lɛɛ ɉu ə həli gulááɠaa di wɔ pɛ́lɛ́i ɓa.

Azaya 17:7

Mąą yələi tii, nu a ɲɛ̨i tinɛ̨n gɛa ə ɉee bɛli mun bɔ pələ, yɛ Israɛlə nwɔ Mą́ą́həɠə mun gaa.

Azaya 22:10

Kaa Ɉerusalɛmə pɛlɛ́ɠaa lonon, kaa pɛlɛ́ɠaa pu, kaa daa mąąkpɛ hįį huwiɛ a bɔlɔ kɔ́w.

Azaya 31:1

Nuąi yɛɛi Eziptə, kpalo ɓɛlaai diɛ, di kaa lii kpɔn mąą kwɛlii laa, di kaa di kilitɔɔi hooɠaa diɛ; diɛ di kili lɛɛ kɔ́ kɔ́ wotoloɠaa diɛ, mąąhɔlɔɓo, di kpulu kɛnɛ̨ɛ̨i. Diɛ di kilitɔɔ ɉoo gilɛ həɠə nuą diɛ, mąąhɔlɔɓo, di tamąąi. Kɛlaa, di kili lɔpee ta hvo tɔɔ li Israɛlə nwɔ mąąhəɠə mun ɓa, di hvo Yai-Laa kwɛlii.

Azaya 37:26

Ə́ kili hvo mɔ̨ɔ̨ ɉu yɛ́ kɛ ŋą́ą́ mɛ̨nįi ɲɛ̨́i mąą kili tee gwə́i, ɉu aa kwɛa? Ɛlɛɛ, ŋą́ą́ gíliŋąhiɛ mą, ə həɠə kpɔ tɔwɔ tɔwɔ yələ ɓa, Gáá kɛa gɛi yiihu: Yá pɛli mą ə́ taa kpɛa kpɛa mąą pənə a kwɛni hį́iɠaa.

Azaya 7:3

Yai-Laa yɛ Esai ɓa: «Yɛ́ ka ə́ lon Searə-Yasuvə, ka li ka həli Akazə ɓa bowa ya kɛnɛ̨ kwɛlɛ, ɲánwuɔ̨ pələ, ɉəɠə waa yɛɛ kɔwɔi pələi pɔ pələ,

Azaya 8:17

Gáá Yai-Laa mąąkpɔn ɉii, yai aa ɲɛ̨i loo Ɉakɔbə nwɔ pɛlɛ́i ɓa, gílitɔɔi mą.

Ɉeremi 39:4

Di kaai Ɉuda tɔɔmun Sedesiasə da gɔ́ kɔ́ nuą kəlee di mo, di pu di kulɔ daai kwii hąą, di tɛɛ a tɔɔmun yəi nɔw yɛa pələ, ɓɛi tii bɛlɛ́ nwąnąɠaa da di kee kaa laa gbon gwɛlɛ, di ɉaŋa a Ɉurdɛn ɲa-ɓoloon bɔ pələ.

Mise 7:7

Kɛlaa nwɛ́i, ɲɛ̨́i kaa Yai-Laa tɔwɔ, gílitɔɔi ɓə Yálá ɓa, málomun ni. Nwɔ́ Yálá kaa pai nwóó mu hon ɉii.