Azaya 22:1 - Yálá laawoo hɛɓɛ (dc)

¹ Mɛ̨nį kponąąi di mo yɛ hvilɛn ɉíįn kaa ɓoloon ma ya ka: Lə ɓə kɛ yai, ká ə́ wɔɔ nuąi kəlee ka káá ka ɲąą kpɔn ɉi ɲələi pɛ́lɛ́ ɲįmąn mu?

Yálá laawoo hɛɓɛ

¹ Mɛ̨nį kponąąi di mo yɛ hvilɛn ɉíįn kaa ɓoloon ma ya ka: Lə ɓə kɛ yai, ká ə́ wɔɔ nuąi kəlee ka káá ka ɲąą kpɔn ɉi ɲələi pɛ́lɛ́ ɲįmąn mu?

Bible

¹ M̀ɛnii ŋí ƃé ŋá ǹaa kàa ǹyeei loai zĩ̂a su. Lé ƃé kɛ̂i? Ka liî mí? Gáa léŋ kákelee ká kaa tɛ̂i kápɛrɛ-ŋai tôŋ su ká kɛ́ lii-nɛ̃ɛ kulai?

Azaya 22:1 ပူးပေါင်းရင်းမြစ်များ

Zɛnɛse 21:17

Yálá ə lɛɛ yələi ə nokoloi tii wɔlɔ woo mɛ̨n ə nwɔ malaka tɔ̨nɔ̨ tɔɔ, yili ə Hagarə təli, yɛ mą: «Hagarə, lə ɓə kɛ yɛ́? Hvo ɲɔw, Yálá aa nokoloi ŋɛ̨i wɔlɔ woo mɛ̨n.

Samia Veerɛi 14:5

Tɔɔmun yɛ mą: «Lə bə kɛ yɛ́?» Yɛ tɔɔmun ma: «Gáá a kalanin, ɉílɛ aa haa.

Tɔɔɓɛlaa veelɛ 6:28

Tɔɔmun yɛ nwɔ̨nɔ̨ nɛ̨ɛ̨nui tii ɓa: «Lə ɓə ə́ kaa bɔ?» Nɛ̨ɛ̨nui yɛ mą: «Mɛ́lan ŋɛ̨i ə́ kaa gaai, ə kɛ mą́ą́: ‹Ə́ lon və gu mįi háákələi, tínąą, gu pa nwɛ́i mįi.›

Mąątɛ̨nɛ̨ 114:5

Gboloyá, lə pu ɓə ə́ kaa moi? Ɉurdɛn, lə ɓə kɛ, yai ə́ kaa yalii ə́ kələn ma?

Mąątɛ̨nɛ̨ 125:2

Ɉerusalɛmə mąątinɛ̨nŋąąi a yeeɠaa; bələ ɓə Yai-Laa a ɲee koloon dee la nwɔ nuą diɛ, ə həɠə yiihu ɓa, ə lɛɛ ɉu ɲɛ̨n deei hvo mą.

Hanwon 29:18

Kwɛaa la kaamun a wala kɛ lɔi, lɔi lonnii da di yɛli tee. Kɛlaa, nwun na nɛ̨ɛ̨ lon maa nui aa tɔ́n ɉon.

Azaya 13:1

Mɛ̨nįi kponąąi Amɔsə lon Esai ə gaa, yɛ hvilɛn na Babilonə ɓa, 'ka mo mą, kaa mą:

Azaya 15:3

Nuą daa di mąą yili a ɓíi haɠa gwəliɠaa pɔ, nu kəlee kaa nwoo laai bɛlɛ́ɠaa kwɛlɛ, da gwəli hąąiɠaa, di ɲɛ̨iyá yɛ pu wuuu.

Azaya 22:5

Mąąhɔlɔɓo, Nąmu Yai-Laa Mɛ̨nį Kəlee ŋą Hééɓomun aa yələ ɲɔwɔ̨ɔ̨ laa ɓɔ ku mɛ̨i, a ɲɔw kɛnɛ̨ nwɔ yələ, a nuą pu yələ, nu hu yɛ pu mą, Ɉį́į kaa ɓoloon ŋą hįį kpoloon ta aa pu, tómą woo yɛ tɔɔ ɲee nwuɔ̨.

Ɉeremi 19:13

Ɉerusalɛmə taa da Ɉuda lɔi hutɔɔɓɛlaa kaa pai kɛi yɛ Tafetə, mąąliɓiɛ, a bɛlɛ́ɠaa kpɔ tii da kɛ halááɠaa kələn ɉii di laaləi yələkɔlɔn ɉu hɛnŋaa diɛ, diɛ lɔɔ pu laa haliɠaa diɛ.

Ɉeremi 21:13

Yai-Laa yɛ: Yɛ́ kpɔ ɓə gáá yɛ́, yɛ́i tii gwɛni yee koo mu. Kaai ka kɛ diɛ: Gbɛɛ kpɔ ɓə pai yɛɛi ɓɛ, yɛ kɔ́ pɛlɛ kuɔ, gbɛɛ ɓə pai lɔi kuɔ nwoloi ŋɛ̨i hu?

Ɉeremi 32:29

Kalde nuąi tii pai gɔ́ pɛlɛi daai ŋɛ̨i ɓa, di kaa pai nwɔ̨n bilii daai, ɛlɛɛ, bɛlɛ́ɠaai di kɛi Baalə kɔ́ halááɠaa kulɔ mui, diɛ haliɠaa kɔ́ mui, di gəlee kələn.

Ɉeremi 32:32

Mɛ̨nį ɲɔ̨nwɔ̨ɔ̨ɠaai Israɛlə nuą da Ɉuda nuą di gɛ, mąą mɛ̨nį ɓa, di nwą́nąlɔ, diɛ-oo, di wɔ tɔɔɓɛlaai-oo, di wɔ kalanɉonŋaai-oo, di wɔ haláá laahəli nuąi-yoo, di wɔ Yálá kwəi mɛ̨nį hukulɔ nuąi-yoo; Ɉuda lɔi hu nuą kəlee, ɛlɛɛ, da Ɉerusalɛmə hee ɓo nuą.

Ɉeremi 48:38

Moabə pɛlɛ́ kəlee mu, gwəli kəlee hu, wɔlɔ woo lɔ ɓə laa, diɛ kɛ mą: «Daa Moabə wolo yɛ kɔ́wɔ haɠa. Ɲą́ą́ Yai-Laa nwóó li!»

Mise 3:6

Yili mąą mɛ̨nį ɓa, kpinį aa pɛlɛ ka mɛ̨i, ka hva kɛa kɛɛ kaa, tɛɛ́-hilɛ kpinį a pɛlɛ ka mɛ̨i, ka hva kɛa Yálá kwəi mɛ̨nį mɛ̨n, tulɔ kpinį kaa pai pɛlɛi Yálá kwə́i mɛ̨nį hukulɔ nuą mɛ̨i, da lɛɛ kpinį yəi.

Sofoni 1:5

Nuąi da tɛ gbɛan ŋą, diɛ kwɛli hvilɛn yələ kwəi hɛnŋąą diɛ, nuąi da kwɛli hvilɛn Yai-Laa ɓa, diɛ di kwɛla a di wɔ hali Melɛkə laa, gáá gəlee nwun napilii.

Maafîu 10:27

Yii ŋą mo kpinįi, ka mo hvóló ŋą. Yii da mo kaa a ɲįį-ɲįį woo, ka mo a lolo.

Lomaŋ 3:2

Dɔlɔ kaa mą nąą kəlee. Hvo gaai, Ɉuifəɠaa ɓə tɔlɔɔ Yálá ə naa woo tɛɛ di pɔ.

Dutɛrɔnome 22:8

Yá pɛlɛ́ tɔɔ a nįnɛ̨, gala tɔɔ mɛ̨i nwəli la, ə gɛ nu ta hvo pa kulɔ laa hvo too ɲąmą wulu hvo lɛɛ ə́ wɔ pɛ́lɛ́i nwuɔ̨.

Nwun mąąɓo 18:23

Di tomą wooi tii kɛ Dan nuą pulu, yiliɠaai di tínɛ̨n di Mika mąąni kɛ, diɛ mą: «Lə ɓə kɛ yɛ́, yai ə́ nuą ŋąąkpɔn, yɛ́ di hvilɛn ku pulu?»

Samuɛlə dɔlɔɔ 11:5

Nąąlɔwai kpɔlɔɔ ɓə Saulə ə kɛi həɠə la ɲəi ɲɛa, ə ɓo nwɔ nįŋɛ̨ɠaa pulu. Saulə yɛ diɛ: «Lə ɓə kɛ nuą diɛ, yaai di kaa wɔlɔi?» Di Yavɛsə nuą woo hu kulɔ ma,

Samuɛlə dɔlɔɔ 3:1

Nokolo Samuɛlə yee ə kɛ Yai-Laa nwɔ kólói ɓa, Eli yee mu. Yai-Laa hvo kɛi hvaa kɛlɛ-kɛlɛ nuą pɔ, ə lɛɛ hvo kɛi gbɔwɔ lɛ nuą diɛ nąąlɔwai.