Azaya 21:12 - Yálá laawoo hɛɓɛ (dc)

¹² Daa mąąkpɛmun yɛ mą: «Yələ kaa ɓɔi, kpinį yɛ nwɔ̨nɔ̨ pɛlɛ. Ka kɛ nwɔ̨nɔ̨ bɔ ka kɛɛ mąąnin gɛ, 'ka pənə ka pa.»

Yálá laawoo hɛɓɛ

¹² Daa mąąkpɛmun yɛ mą: «Yələ kaa ɓɔi, kpinį yɛ nwɔ̨nɔ̨ pɛlɛ. Ka kɛ nwɔ̨nɔ̨ bɔ ka kɛɛ mąąnin gɛ, 'ka pənə ka pa.»

Bible

¹² Ŋá m̀o m̀a ńyɛ̃ɛi, “Ɣele a pâi ƃɔ̂i, kpíni é ŋɔ́nɔ pɛ́lɛ. À kɛ̀ ya ŋ̀wɛ̂lii í gɔ́lɔŋ ŋɔ́nɔ à kɛ̀ kpíni a pâi pɛlɛ̂i, pá ŋɔ́nɔ pôlu í m̀aa mare-kɛ̂ɛ kɛ́.”

Azaya 21:12 ပူးပေါင်းရင်းမြစ်များ

Azaya 17:14

Yələ a kɛi wulu, ɲɔw kɛnɛ̨ yɛ nu hu pu mą, gɛɛ yələ hvo ɓɔ, hɛn da hva kɛa kɛ laa, nuąi da too ku mɛ̨i, di kɛ pələ kaa pai kɛi tii, nuąi da too ku yəi hɛnŋąą hu bələ ɓə di kɛ pələ kaa pai kɛi la.

Azaya 21:11

Mɛ̨nįi kponąąi di mo a Duma laa, Woo kɛnɛ̨ ta kaa tɔɔi nwə́lii, yɛ həɠə Seirə pələ, yɛ kɛ mą: «Taa mąąkpɛmun! Kpini aa həli mį? Taa mąąkpɛmun! Kpini aa həli mį?»

Azaya 21:13

Mɛ̨nį kponąąi di mo a Arabə lɔi laa. Ka káá líi yíi Arabə nwɛla hu, Dedan hiɛ kulɔ nuą.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Ɉeremi 50:27

'Ka Nįŋɛ̨ gbɔnŋaa kəlee paa, 'ka li a diɛ Nįŋɛ̨ paai. Aa kɛ a mɔ̨nɔ̨ aa laa diɛ, di wɛi ɲələ aa həli. Ɲələi da di nwąną kulɔ la diɛ, ɲələ li.

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Izikiɛ 7:10

«Ɲələ ka, pulu ka ŋɛ̨i pai; gaa bələ pɔ, wea mɛ̨nį nwɛi ɓə a nɛ̨ɛ̨mą. Kpɔwɔ ɲąą kɛnɛ̨ laa yɛ tɔɔ.

Izikiɛ 7:12

Nąąlɔwai kaa pai, ɲələ aa lɛɠɛ, hɛn ɲamun və kwəinɛ̨ɛ̨ kulɔ; hɛn nɔwɔtɔɔmun və kɛ liiɲąnwąną hu. Mąąhɔlɔɓo, kɛɛ kala liiholi kaa pai heei nɔi hu hɛn gɔw kəlee diɛ.

Abdiasə 1:1

Mɛ̨nįi Abdiasə ə gaa. Mɛ̨nįi Nąmu Yai-Laa ə mo yɛ hvilɛn na Edɔmə lɔi ɓa, ya ka, yɛ mą: Kwaa wɛlɛɛ ta mɛ̨n yɛ həɠə Yai-Laa pɔɔli, daa wɛlɛɛ ɓomun da tɔɔ hį́i takpɛliɠaa pɔ, nwɛlɛɛ ɓomun tii, ku nwoo mɛ̨n, yɛ kɛ mą: «Yai-Laa yɛ diɛ: ‹Ka ka muhəɠə! Ka gu gu muhəɠə! Ka gu kɔ́ pɛlɛ Edɔmə lɔi ɓa.›»