Azaya 21:10 - Yálá laawoo hɛɓɛ (dc)

¹⁰ Yɛ́i ŋɛ̨i Ną́mu aa ə́ tan, yɛ bələi da mɔ̨nun dan na, mɛ̨nįi ŋį́ mɛ̨n, yɛ kulɔ Yai-Laa Mɛ̨nį Kəlee ŋą Hééɓomun la, yai a Israɛlə nwɔ Yálá, ya ka ŋɛ̨i gáá ɉukulɔi yɛ́.

Yálá laawoo hɛɓɛ

¹⁰ Yɛ́i ŋɛ̨i Ną́mu aa ə́ tan, yɛ bələi da mɔ̨nun dan na, mɛ̨nįi ŋį́ mɛ̨n, yɛ kulɔ Yai-Laa Mɛ̨nį Kəlee ŋą Hééɓomun la, yai a Israɛlə nwɔ Yálá, ya ka ŋɛ̨i gáá ɉukulɔi yɛ́.

Bible

¹⁰ Ŋánûai Eezuɛ-ŋai, nûa dí kátâŋ yɛ̂ɛ mɔlɔŋ. Kɛ́lɛ duŋ lɛ́lɛɛi Ŋ̀wála-wâla kélee Yâwɛɛ Eezuɛ Ŋɔɣâlai è mò ḿâi, ŋá mò kâa.

Azaya 21:10 ပူးပေါင်းရင်းမြစ်များ

Tɔɔɓɛlaa dɔlɔɔ 22:14

Mise yɛ mą: «Yii kpɔ Yai-Laa kaa a vulú, mɛ̨nįi Yai-Laa kaa lii kɛi mą́ą́: ‹Mo!› ya ɓə gáá lii moi.»

Tɔɔɓɛlaa veelɛ 13:7

Nuą lɔ lɛɛ Yoakazə yəi a kɔ́ kɔ́ nuą, di kɛ a hoo mɛ̨i nuą, nu pow lɔɔli, kɔ́ wotolo pow, ɛlɛɛ, kɔ́kuláá waa pow. Aramə tɔɔmun aa kɛ gbəliɠaa tii kəlee paa, ə kɛi hiɛ di hu yɛ nu aa kɛi hiɛ muluun gbala hu.

Azaya 28:28

Da mɔ̨ɔ̨ kpai lɛɛ gbaɠa ɓa diɛ ɉiɠɛ? Kpaa-o! Da gbɛa nwɔlɔ mą a di yee, yili pulu, diɛ ɉiɠɛ.

Ɉeremi 23:28

Yálá kwəi mɛ̨nį hukulɔ mun yii a hįį kaa, ə nwɔ hįį woo hukulɔ. Kɛlaa, yii ŋį́ mɛ̨nį ɓo mą, ə nwóó hukulɔ a ɉaŋąą. Yai-Laa woo ka, yɛ diɛ: «Akɛti, mɔ̨nun gɔw da gala di pɛliɛ mɔ̨ɔ̨?

Ɉeremi 51:33

Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ diɛ: Babilonə lɛlɛɛ kaa yɛ mɔ̨nun gbala gbaha, ɓɛlɔwai di kaa pai bɛlɛi la, ɉu hvo kɛa kwɛa li diɛ pa mɔ̨nun bui mɛ̨i,

Izikiɛ 40:4

Ɉulɔnui tii yɛ mą́ą́: Hulɔnu lon, ə́ ɲɛ̨i hee kpɔ laa a nɛlɛɛ; ə́ ə́ wəli tɔɔ kpɔ a nɛlɛɛ, mɛ̨nįɠaai kpɔ gáá pai nɛi yɛ́, ə́ kili lɛɛ gəlee hu. Maahɔlɔɓo, di lɛ yɛ́ mɛ̨nį ɓə gɛ diɛ pa a yɛ́ ɓɛ. Mɛ̨nįɠaai kpɔ ə́ kaa pai gaai, a kɛ ə́ gəlee hukulɔ Israɛlə nwɔ pɛlɛ́i mu nuą diɛ.

Amɔsə 3:8

Yala a kɛi huluun, gbɛɛ ɓə hva ɲɔw? Akɛ Nąmu Yai-Laa a gwəi mɛ̨nį ɓo, gbɛɛ ɓə a lənə naa həlii?

Mise 4:13

'Ə́ muhəɠə, 'mɔ̨nun dan Siɔn nɛ̨ɛ̨gbɛla, gáá pai ə́ mįnɛ̨ɠaa kɛi a kwɛli, gɛ́ ə́ kɔ́wɔɠaa kɛ yɛ kwɛli kpɔlu, ə́ kaa pai lɔi tamąą kiin-giin ɉii, ɉɛn ə́ pai ɉon ɉii a kɔ́, yɛ́ gulɔ Yai-Laa ɓa a haláá, yɛ́ di yəi hɛngɔwɠaa kɛ a Yai-Laa kɔ́ hɛn.

Habakukə 3:12

Ya tɛɛ lɔi mɛ̨i a liiholi, Yɛ́ lɔiɠaa wolo, ə́ wɔ liiholi hu.

Maafîu 3:12

Nwɔ laɠai kaa ɲəi, yɛ pa nwɔ mɔ̨nun mąąhvɛɛila. Ə mɔ̨nun gɔw pu ɲəi gələi, ə gala kpɔn gee ɓa, nwɔ̨n ɲii hva liin ə doo ɉu.»