Azaya 2:8 - Yálá laawoo hɛɓɛ (dc)

⁸ Nɔi laahvɛɛi a haliɠaa, ɉɛnŋaa tii diɛ kpinįi di bɛli a di yee, diɛ kwɛli hvilɛn mą.

Yálá laawoo hɛɓɛ

⁸ Nɔi laahvɛɛi a haliɠaa, ɉɛnŋaa tii diɛ kpinįi di bɛli a di yee, diɛ kwɛli hvilɛn mą.

Bible

⁸ Dílɔii láa fɛ̂ɛi a ɣâla-pɔkɔɔŋ támaa. Da zãai fɛ̂li nyii-ŋai dia kpîŋ dí díkpɛ̀tɛ a díyeei.

Azaya 2:8 ပူးပေါင်းရင်းမြစ်များ

Tɔɔɓɛlaa dɔlɔɔ 16:7

Hanani lon Ɉehu, yai kɛ a Yálá kwəi mɛ̨nį hukulɔ mun, ya ɓə nwɔ̨nɔ̨ Yai-Laa ə hvaa bɔ, yɛ naa həli Baesa ɓa, da nwɔ pɛ́lɛ́i, yɛ hvilɛn na mɛ̨nį ɲɔ̨n kpɔ ə gɛ Yai-Laa ɲɛ̨i ɓa, mąą mɛ̨nį ɓa. Yii kpɔ tii Yai-Laa liikələn gwəi, yaai ə hvilɛn na Ɉeroboamə túwɔ́ pələ pulu, ɛlɛɛ, yili yəi bɛlɛ́n nuą paai ə mo.

Tɔɔɓɛlaa veelɛ 17:10

Diɛ hali kɔ́iɠaa tɔɔ, diɛ wuluɠaa tɔɔ, diɛ haláá kulɔ mą, ɲeeɠaa kəlee nwuɔ̨, da wuluɠaai nąą ŋąąnɛ̨ɛ̨ mą di mu.

Tɔɔɓɛlaa veelɛ 17:16

Di Yai-Laa di wɔ Yálái nwɔ tíɓoɠaa kəlee lɛɛ laa, di nįŋɛ̨ lon mąąnįnįn veelɛ pɛli, di wulu tɔɔ, diɛ haláá kulɔ mą. Diɛ kwɛli hvilɛn yələ kwəi hɛnŋąą kəlee diɛ, diɛ tí Baalə ɓa.

Kɔlɔnikɔ Veerɛi 27:2

Yotamə ə túwɔ́ a nɛlɛɛ Yai-Laa ɲɛ̨i ɓa, yɛ bələi nąn Oziasə ə gɛ la. Kɛlaa, hvo lɔ Yai-Laa nwɔ pɛlɛ́i mu. Ə mą kɛ tii, nɔi lonnii di hvo di túwɔ́ pələ mąąhvalin.

Azaya 17:8

Hva kɛa ɲɛ̨i hee ɉali kɔ́iɠaa diɛ, ɓɛi ə bɛli a ɲee; ɉɛnŋąąi ɲee kpiɛ ə di kɛ, hva ɲɛ̨i hee di pɔ pələ, ɉali mąą nįnįnŋąą da voló mąąwiɛ hɛnŋąą.

Azaya 26:13

Yai-Laa ku wɔ Yálá, ku ɲąąwooɓo nuą takpɛliɠaa daa hee ku mɛ̨i, Kɛlaa, Ə́ laa tɛ mɛ̨nį lɔ ɓə ku kaa pənəi kuɔ mo.

Azaya 37:19

Di di wɔ haliɠaai kələn, kɛlaa ɉaliɠaai tii di hvo kɛ a Yálá. Di kɛ lɔ a nu yee kɛ kolóɠaa, a wulu, a wala kɛti a kwɛni; ɛlɛɛ Asiri tɔɔɓɛlaa di di hu kala.

Azaya 40:19

Akɛ ti Hali ɓə, yai yɛlɛkɛmun mə bɛli, diɛ hɛni yá ɓo diɛ bu mą, diɛ wali yá ɓo diɛ bu mą.

Azaya 41:29

Kɛlaa, di kəlee di kɛ pələ ka: Di kaa lɔ a mɛ̨nį ɲɔ̨n dee dee di kɛ kóló hvo a hɛn da, di mąąnįnįn gaa lɔ a hvaŋą kpɛli kpɛli.

Azaya 57:5

Ka ka lii muhəɠə lɔwɔ ɲɔ̨n gəlee mu, ɓɛi lɔpee wulu kpɛa-kpɛa laa mąą kaa laa, kaa lɛapɛlɛɛ paa ɓoloonŋąą hu, da kwɛni woloɠaa hu.

Ɉeremi 1:16

«Mɛ̨nįɠaai ŋį́ mąą kili tee gwə́i di wɔ túwɔ́ pələ ɲɔ̨nŋąą mąą mɛ̨nį ɓa; gáá gəlee hukulɔi diɛ; ya baa: Daa ɓo mą́ą́, daa dóó, diɛ haláá kulɔ haliɠaa diɛ; a hɛnŋaai di bɛli a di yee, diɛ pɛlɛ di lííla.

Ɉeremi 11:13

Ɉuda lɔi! Ə́ wɔ haliɠaa daa tamą lɔ, yɛ bələi ə́ wɔ taaɠaa tamąą la. Ɉerusalɛmə taa yɛ kpɛli, ɉaláá kulɔiɠaai gaa gwəliɠaa lɔwai, damąąi dɛɛ bələɠaa diɛ, ɓɛi da kɛ haláá hɛnŋaa kələn ɉii laa Baalə-Nwumɛ-Hali ɓa.

Ɉeremi 2:28

Israɛlə! Ɉaliɠaai ə́ di pɛli, di kaa mį? Mo diɛ, di di muhəɠə, akɛ da pɛli ə́ kulɔi ə́ wɔ mąąwɛli laa hu. Ékə́ Ɉuda! Hvo gaai, ə́ wɔ haliɠaa daa tamą lɔ yɛ Ɉuda taaɠaa.

Osia 12:11

Gɛ́ pələ ɓo gwəi mɛ̨nį hu kulɔ nuą diɛ, gɛ́ mɛ̨nį tamąą lɛ diɛ a hįį pələ, gɛ́ hanwonŋaa pu gwə́i mɛ̨nį hu kulɔ nuą la diɛ mo.

Osia 13:2

Ɛlɛɛ, ə mą kɛ yiihu, di yee kaa lɔ nɛ̨ŋɛ̨n ɉu, da di yəi wali həɠeen, diɛ haliɠaa pɛli la, a yɛlɛ; yɛlɛ kɛ nuą kɛ kólo lɔ li. Di mąą mɛ̨nį ɓə da kɛ kɛi la diɛ: «Da nu kanŋaa kulɔ a haláá, diɛ kwɛli hvilɛn nįŋɛ̨ lon ɉaliɠaa diɛ.»

Osia 14:3

'Ka woo lɔ ka la, 'ka pənə ka pa Yai-Laa pɔ, 'ka kɛ mą: «Ku ɲɛ̨imąąwɛli kaa, ə́ ə́ yee hee ku mu, nɛ̨ŋɛ̨n gəlee kulɔ kuɔ; nįŋɛ̨ hilɛɠaa hvə ku kaa pai gulɔi yɛ a haláá, Kɛlaa nwooɠaai lɔ da kulɔ ku la diɛ lɔ ɓə.

Osia 8:6

Mąąhɔlɔɓo, ə həɠə Israɛlə pələ, yɛlɛ mun da ɓə bɛli, Yálá hvo li; a tɛ̨ą Samari nwɔ nįŋɛ̨ lon hu kaa ɓuwɔi a gbuɔ kpuɔ.

Mise 5:12

ɉali mąą nįnįnŋaa da ɉali kɔ́iɠaa, ŋą́ di kpɛɛ nɔi hu, ɉɛn ə́ bɛli a ə́ yee, hvá kɛa pənə yɛ́ pɛlɛ nií la.

Gɛlaɠaa 17:16

Ɓɛlɔwai Polə ə kɛi Silasə da Timote di mąąkpɔn na Atɛnə daai, nii ə kələn gwəi, daai tii kaa ə mo naahvɛɛ a haliɠaa.

Dutɛrɔnome 4:28

Ka kɛ laa haliɠaa yee mu yii nuą di bɛli a di yee, di ɓo a wulu, a kwɛni; di hva pɛli kɛɛ kaai, di hva pɛli mɛ̨nį mɛ̨n ɉii, di hva pɛli kɔ̨nɔ̨n mįi, di hva pɛli hɛn gun mɛ̨n ɉii.

M̀ɛni-lɛɛi 9:20

Yii ɓaa nu kan gbəli, a diɛi di hvo haa li mɛ̨nį ɲąąnwąnąąɠaa tii hu, di hvo gɛ di hvo di yee kulɔ di wɔɔ tuwɔ pələ ɲɔ̨nŋaa hu, di kɛli lɔ kwɛli hvilɛn ɲįnɛ̨nŋaa diɛ, haliɠaa diɛ, diɛi a hɛni, a wali-kwɛli, a ɓala-kwɛli, a kwɛnį, awala kɛ tii, a wulu; diɛi di hva kɛɛ kaa, di hva mɛ̨nį mɛ̨n, di hva hiɛ.