Azaya 2:2 - Yálá laawoo hɛɓɛ (dc)

² Gaa pai kɛi a yələ ta, gbukpui ɲɛ̨i Yai-Laa hee pɛlɛ́ kaa mɛ̨i, gaa pai kɛnɛ̨i, ə tɛɛ ɲeeɠaa diɛ, nąąlɔwai, hį́i kəlee kaa pai pai bɔ.

Yálá laawoo hɛɓɛ

² Gaa pai kɛi a yələ ta, gbukpui ɲɛ̨i Yai-Laa hee pɛlɛ́ kaa mɛ̨i, gaa pai kɛnɛ̨i, ə tɛɛ ɲeeɠaa diɛ, nąąlɔwai, hį́i kəlee kaa pai pai bɔ.

Bible

² Ɣele-ŋa da pâi, maa tãi tí, ǹyéei Yâwɛɛ Ŋɔpɛ́rɛ Kɛ́tɛi káa tɔɔ-ni mai, a pâi kɛ̂i ŋ̀éniɛi su yee kpaya-kpayai kélee mɛi. A pâi kɛ̂i a dɔɔ́ dɛɛ́ ǹyée-ŋai kélee dîa. Lɔii-ŋuŋ-ŋa su-ƃela da pâi kɛ̂i kɔ̂i a gɛ́ɛ dí tɛ́ naa.

Azaya 2:2 ပူးပေါင်းရင်းမြစ်များ

Zɛnɛse 49:1

Ɉakɔbə ə nonnii kəlee təli, yɛ dɛ: 'Ka kəlee ka lɛɠɛ mą́ą́, mɛ̨nįi tinąą pai kɛi ŋą́ ɉu kulɔ kaa.

Zôo 19:25

Nwɛ́i, gíli kaa ɉu gɛ́ nwún mąąɓomun gaa a vulú, ya ɓə pai kɛi a nu gbəli, ə həɠə lɔi mɛ̨i.

Mąątɛ̨nɛ̨ 102:23

A ɲələi nu huwuɠaa kaa pai di ɲąą kpɔn ɉii la, diɛ kwɛli hvilɛn Yai-Laa ɓa.

Mąątɛ̨nɛ̨ 2:8

Ɉu hvɛli mą́ą́, ŋą́ lɔi kəlee tɛɛ ə́ pɔ a ə́ kwɛlin, ŋą́ yɛnɛ̨ɛ̨ kəlee tɛɛ ə́ pɔ a ə́ wɔɔ.

Mąątɛ̨nɛ̨ 22:27

Kpɔwɔ mąąyɛɛ nuą da kɔ̨nɔ̨n mįi, di pilɛ ɉu. Diɛi da Yai-Laa kwɛlii, da Yai-Laa laa mąątɛ̨nɛ̨. «Yíipoo, da yɛnɛ̨ɛ̨ ɲąąnɛ̨ɛ̨, 'di kɛ kaa!»

Mąątɛ̨nɛ̨ 22:28

Yɛnɛ̨ɛ̨ pilɛɛ gee mɛ̨i kaa pai gili lɛɛi Yai-Laa hu, diɛ pənə, diɛ pa bɔ pələ. Nu huwui kpɔ lɔi mɛ̨i, di kaa pai kwɛli hvilɛn ɉi Yai-Laa kɔwɔ mu.

Mąątɛ̨nɛ̨ 48:2

Yai-Laa kɛnɛ̨i, mąąwiai lɔ a yələ kəlee, gu wɔ Yálái nwɔ taaleei hu, nwɔ yee mąąhəɠɛɛi nwuɔ̨.

Mąątɛ̨nɛ̨ 68:17

Yee nwun damąą ɲąɠaa, lə mɛ̨nį ɓa ka tɛɠɛɓo, Yálá nwɔ yeei hu, a ɲeei tii Yálá kaa bɔ ə hee mɛ̨i? A tɛ̨ą, Yai-Laa kaa pai heei laa, a yələ kəlee mɛ̨nį.

Mąątɛ̨nɛ̨ 72:8

Nwɔ tɔɔlaai a həɠə gboloyá ɓa, ə həli la dakpɛli ɓa; ə həɠə ɲá kɛnɛ̨ ɓa, ə həli lɔi kpɛlai.

Mąątɛ̨nɛ̨ 86:9

Nu huwuɠaai kpɔ ə́ di pɛli, di kəlee di kaa pai pai, diɛ kwɛli hvilɛn yɛ́, nwɔ́ mɛ̨nį Nąmu, diɛ ə́ laa mąąwiɛ.

Mąątɛ̨nɛ̨ 87:1

Kore lonnii di wɔ hvɛli woo, wɛlikɛmąą wələ. Yái-Laa ə Siɔn tɔɔ yee mąąhəɠɛɛ nwuɔ̨.

Mąątɛ̨nɛ̨ 87:2

A nwɛlila kɛ, dɛɛ Ɉakɔbə nwɔ pɛlɛ́ɠaai kəlee diɛ.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Azaya 25:6

Yai-Laa Mɛ̨nį Kəlee ŋą Hééɓomun, gaa pai hɛli kɔ̨nɔ̨n bɛlii nu kəlee ɓa ɲee ŋɛ̨i nwuɔ̨, a huwɔ wulaa kɔ̨nɔ̨n, da lɔɔ nɛ̨ɛ̨ɠaa, huwɔ wulɔɠaa, da lɔɔ nɛ̨ɛ̨.

Azaya 27:13

Mąą hvólói, túlu kɛnɛ̨ woo kaa pai tɔɔi, nuąi kɛ daa pili, di kaa pai həɠəi Asiri lɔi hu diɛ pa; da nuąi ta di di kpɛ Eziptə lɔi hu, di kaa pai pɛlɛi Yai-Laa lííla, ɲee mąąhəɠɛɛ nwuɔ̨ Ɉerusalɛmə.

Azaya 30:29

Ka wɛi, ka káá pai kɛi wələ tooi, yɛ da kɛi hɛli pu kwii hɛ̨ą, ka ɓo la kwəinɛ̨ɛ̨ hu, yɛ nui di kaa ɓɔɔ hvɛɛi bulu, yɛ li la Yai-Laa nwɔ yeei pɔ pələ, Israɛlə mąą kɔ́nwɔ̨ kwɛni pɔ pələ.

Azaya 49:6

Yɛ mą́ą́: «Ə́ kɛ mɛ̨nį ɲə́i a nwɔ́ tímun, yɛ́ Ɉakɔbə huwu muhəɠə, yɛ́ pənə, yɛ́ pa a Israɛlə huwu kpəli, yili kolɔɔ ɓə, Ŋą́ą́ nwɔ̨nɔ̨ ə́ kɛ a huwu takpɛliɠaa di wɔ kɛɛ pɔ̨nɔ̨, lɔi kpɛlai kəlee yɛ nwɔ́ ɓalo mɛ̨nįi hɔlɔɓo ə́ yə́i.»

Azaya 56:5

gáá pai ɉələŋąn dɔɔi di mąą mɛ̨nį ɓa, gɛ́ laa tɛɛ di pɔ ɲə́i bɛlɛ́n, bɔ́ɔ́li; yili hviɛlaɓoɔi lon ɉinąą da lon nɛ̨ąą diɛ, gáá laa ta pɛ̨ɛ̨i diɛ a yələ kəlee da nwɔɔ, di hva gulɔ laa a yələi lɔpee ta.

Azaya 56:7

gáá pai pai a diɛ nwɔ́ yee mąąhəɠɛɛi nwuɔ̨, gɛ́ di hee nwun na nɛ̨ɛ̨ hu, ɲə́i bɛlɛ́n; ɓɛi da vɛ́li laa, diɛ mą́ą́wiɛ halááɠaa da di wɔ kɔ́ɓo hɛnŋąą tɛɛ laa, ŋį́ ɲéé lɛlɛɛ hee di mu, ɉaláá kulɔi ɓa, mąąhɔlɔɓo, di kaa pai nwɔ́ pɛlɛ́i laa heei a: «Pɛlɛi huwu kəlee a Yálá hvɛli mu.»

Azaya 60:3

Hįį takpɛliɠaa kaa pai kɛi pai ə́ wɔ kɛɛ pɔ̨nɔ̨i pɔ pələ, tɔɔɓɛlaa diɛ pa, ə́ wɔ hvólói tii aa muhəɠə bɔ pələ.

Azaya 65:11

Kɛlaa, kaai kpɔ ɲɛ̨i lənə Yai-Laa ɓa, kaa lɛa nwɔ́ yee mąąhəɠɛɛi ɓa, kaa kɔ̨nɔ̨n bɛli Gadə laa hu, kaa lɔɔ humɔ̨ɔ̨ɠaa hee a Meni nwɔɔ.

Azaya 66:20

Nuą di kaa pai pai a ka kaayɔwɔɠaa diɛ həɠə lɔi takpɛliɠaa hu, diɛ gɛ a Yai-Laa kɔ́ hɛn, di ɓo hoo mɛ̨i, da wotoloɠaa, da luwu hu, di ɓo hoohvaalənŋąą mɛ̨i, da ɲɔɔmɛ̨ɛ̨ɠaa. Diɛ li nwɔ́ yee mąąhəɠɛɛi mɛ̨i, yii gaa a Ɉerusalɛmə; Yai-Laa woo li. Yɛ bələi lɔ Israɛlə lonnii diɛ kpɛli, da kɛ pai a kɔ́ɓo hɛnŋąą, hɛnɲąŋą mąąhəɠɛɛɠaa hu Yai-Laa yəi bɛlɛ́n.

Azaya 66:23

Yai-Laa woo ka, yɛ diɛ: Nu huwu kəlee kaa pai pai ɓɛ, diɛ di woo tɛ bɔ́ pələ, a ɲąnin dɔɔ pələ tɛitɛi, da túwɔ́ hvoló tɛitɛi, ɛlɛɛ, yili kaa pai kɛi, hva ɉəɠə mą.

Ɉeremi 16:19

Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Ɉeremi 23:20

Yai-Laa nwɔ liiholi kɔ́lɔ hvo pai haai mą. Hvo kɛli mɛ̨nįɠaa ə naa gwəi a di kɛ. Ɲee laa kulaa pulu, ka káá pai mukulaa kaai.

Ɉeremi 26:18

«Morɛsɛtə hulɔnui ŋɛ̨i kɛ a Mise, ə kɛi Yálá kwəi mɛ̨nį hukulɔ, a Ɉuda tɔɔmun Ezekiasə nwɔ yələi. Ə ta mo Ɉuda lɔi hu nuą kəlee diɛ, yɛ diɛ: Mɛ̨nį Kəlee ŋą Hééɓomun Yai-Laa woo ka, yɛ diɛ: «‹Di kaa pai Siɔn hin ɉii yɛ tíi, Ɉerusalɛmə kaa pai kɛi a pɛlɛ́ kpoloon buɔ pɛlɛ́ kpoloon mɛ̨i, ɛlɛɛ, ɲee ŋɛ̨i Yálá hee pɛlɛ́ tɔɔ nwuɔ̨, a lɛɛ a kpomo.›

Ɉeremi 3:17

Mąą yələi tii a pa həlii; da Ɉerusalɛmə taa laa hee, diɛ kɛ mą: «Yai-Laa nwɔ tɔɔkpəlin.» Nąąlɔwai, lɔi kəlee kaa pai pai Ɉerusalɛmə pɔ, Yai-Laa laa tii di ɉee mą, mąą mɛ̨nį ɓa; ə lɛɛ, di hva kɛa di pulu pənə, di hva kɛa kanąn di wɔ nwąnąlɔɔ túwɔ́ɠaa diɛ.

Ɉeremi 30:24

Yai-Laa nwɔ liiholi kɛnɛ̨i kɔ́lɔ hvo pai haai mą. Hvo kɛli, mɛ̨nįi aa gbɛa ŋaayili, a gɛ, ə naa kulɔ. Ka káá pai mukulaa kaai a yələ takpɛli.

Ɉeremi 31:12

Diɛ ka tii pai; diɛ wələ too a kwəinɛ̨ɛ̨ Siɔn yee tona. Di kaa pai Yai-Laa nwɔ mɛ̨inɛ̨ɛ̨ɠaa pɔ. Di kaa pai kɔ̨nɔ̨n nɔi hu, lɔɔ pɔ, wulɔ da lɔɔ nįnɛ̨, ə mą kɛ, daatɛlɛɛ bɛlɛɛɠaa da gbɛa-kpɛaa. Di kaa pənəi di pu di nįnɛ̨ kɔ́lɔi, di tɛlin yɛ nɔw yɛai, da kɛ ya pui ma. Pulu hva kɛa too diɛ.

Ɉeremi 48:47

Kɛlaa, ɲɛnɛ̨ɛ̨ tɔwɔ pələ, gáá pai Moabə tɔɔi Ɲą́ą́ Yai-Laa nwóó li! Moabə nwɔ kiti kpɛlai ka.

Ɉeremi 49:39

«Kɛlɛɛ tinąą tɔwɔ pələ, ŋą́ pənə ŋą́ Elamə tɔɔ. Yai-Laa woo li.»

Ɉeremi 51:44

Babilonə halii tii a Bɛlə, gáá hee ɉu, ɉɛn ə mį́i, gáá gulɔi gwəi. Yɛnɛ̨ɛ̨ nuą di hva kɛa pa bɔ a di kpulu, Babilonə mąąkpɛ hįį kəlee kaa pui.

Izikiɛ 38:16

Ə́ kaa pai pai, yɛ́ wolo nwɔ nu huwui a Israɛlə ɓa; yɛ́ pɛlɛ nɔi kəlee mɛ̨i yɛ nąnąąn. Mɛ̨nįi tii kaa pai həlii a yɛnɛ̨ɛ̨ ɲąą kpɛɛ yələ; gáá pai gɛi yɛ́ wolo nwɔ́ lɔi ɓa, lɔiɠaa diɛ pɛli gɔ́lɔn ɉi, ɓɛlɔwai gáá pai nwɔ mąąhəɠəlaa tooi la pɔ̨nɔ̨ ɲą, di ɲɛ̨i ɓa, a ə́ pulu kulɔ pələ, yɛ́i a Gɔgə.

Izikiɛ 40:2

Ə kɛ yɛ hį́i pələ, Yálá ə li a ɲą́ą́ Israɛlə lɔi hu, ə vílɛn yee tɔɔ ta ton na, ɲeei tii mɛ̨i ɉɛɠɛɛ pələ, ə kɛ yɛ pɛlɛ́ɠaa da kɛ laa a taa kɛ pələ.

Danîa 10:14

Yii hu kɛa, ŋą́ pa, ə gɛ, mɛ̨nį pai həlii ə́ huwu ɓa, ŋą́ ɉukulɔ yɛ́, mąąhɔlɔɓo, ɉįi ŋɛ̨i yaa gaa, vilɛn ŋąą nɔwai tii mąą mɛ̨nį ɓa.»

Danîa 2:28

Kɛlaa, Yálá yii gaa yələkɔlɔn ɉu, ya ɓə aa hvaa mą, mɛ̨nįi pai kɛi, yii noɔ, aa nɛ tɔɔmun Nabukodonosorə ɓa. Tɔɔmun, ɓɛlɔwai ə́ kɛ la laani ə́ yəi gbin ŋą, ɉįi tii ə́ gaa, ya ka:

Danîa 2:35

Nąąlɔwai, gwɛli da nəɠipɔlɔ, mala kwɛli da nwali kwɛli, ə lɛɛ, da ɉɛni tii, di taɠa-taɠa di kee ɓa yɛ hvóló laa ɓoɔ hvana a hee mɔ̨nun gala hu. Hvaŋą ə li a ɉɛn tii kəlee, pɔɔ tɔ̨nɔ̨ kpɛli hvo lɛɛ laa. Kɛlaa, gwɛnii tii kɛlɛ mąąnįnįn ɉaɠaa hu, ə mąą pənə a yee kɛnɛ̨, ə lɔi mɛ̨i kəlee laahvɛɛ.

Danîa 2:45

Gwɛni ŋɛ̨i həɠə ɲee ɓa yɛ yɛɛ nu ta yee hvo kɛ mą, ə pa ə gwɛli tii wolo da mala kwɛli, nəɠipɔlɔ da nwali kwɛli ə mą kɛ ɉɛni tii, gwɛni tii kaa a dɔɔlaai tii maa pɔɔ kɔ́ɔn. Yálá yii gaa hɛn gəlee nwun mɛ̨i, mɛ̨nį pai kɛi, ya ka tii aa nɛ tɔɔmun ma. Ɉiin tii ə́ gaa, gaa a tɛ̨ą, mąąnɛ̨ɛ̨ nu ə laa mukulaa la.»

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Zakari 14:10

Nɔi kəlee mąą a pənə a nɛ̨ŋɛ̨ hu, ə həɠə Gɛva, ə həli la Rimɔn Ɉerusalɛmə kɔ́wɔla pələ. A kɛ tii, Ɉerusalɛmə a lɛɛ di nwun mɛ̨i pələ, ə həɠə Bɛnɉamɛn nwɔ kpon ɓa, ə həli la gbon bɔlɔ pɔlɔ kɛɛnąą, gbon tii bɛlɛ́ nwąną hveelɛi a gee kaa mɛ̨i, ə həɠə Hananeɛlə nwɔ pələ́i-kaa-pɛlɛ́i ɓa, ə həli la tɔɔmun ɲəi gɔwɔla.

Zakari 14:9

Mąą yələi tii, Yai-Laa a gbɔwɔ lɛ a yɛnɛ̨ɛ̨ kəlee nwɔ tɔɔmun, a kɛ tii, Yai-Laa yaa tanɔ̨n mə a kɛ laa, naa ə ɓo tanɔ̨n.

Zakari 8:22

Nu huwu tamąą, da lɔi kpɛa-kpɛaɠaa, di kaa pai pai Ɉerusalɛmə, diɛ Yai-Laa Mɛ̨nį Kəlee ŋą Hééɓomun kwɛli, diɛ Yai-Laa líi laa.

Zakari 8:3

Yai-Laa yɛ diɛ: Gáá pai pənəi ŋį́ pa Siɔn pɔ pələ, gɛ́ hee Ɉerusalɛmə daa kwəi. Di kaa pai Ɉerusalɛmə laa heei, a «Kulɔ nwoo ɓa taa.» Ɛlɛɛ, diɛ Yai-Laa nwɔ yeei laa hee a, «Yee Mąąhəɠɛɛ.»

Malasi 3:12

Lɔi takpɛliɠaa kaa pai kɛi káá: Ká wɔ lɔi kaa a lúwɔ́ lɔi, mąąhɔlɔɓo, ka káá ka nɛ̨ɛ̨ hu ka pɔ lɔi. Ɲą́ą́ Yai-Laa Mɛ̨nį Kəlee ŋą Hééɓomun, wóó li.

Lonon mo 24:14

Yii gaa tii, ní hiɛ ka tii nwɔ́ nuą pɔ; kɛlaa, 'pá, mɛ̨nįi nu huwui ŋɛ̨i kaa pai naai ə́ wɔ lɔi ɓa tɔwɔ pələ, ŋį́ ɉukulɔ yɛ́.»

Gɛlaɠaa 2:17

«‹Yálá ə mo yɛ diɛ: Yɛnɛ̨ɛ̨ ɲąą kpɛɛi lɔwai aa kɛi həli, gáá pai nwɔ́ Kilii tɛɛi nu kəlee pɔ, ka lon ɉinąą da ka lon nɛ̨ąą da Yálá nwɔ wɛlɛɛ laa həli, ka wɔ hilɛlɛai diɛ mɛ̨nįɠaa kaa, ɉulɔgoloɠaa diɛ hįi kaa.

Timote veelɛ 3:1

Ə́ kili ə pu kani ɉu, yɛ́ kɛ: yɛnɛ̨ɛ̨ ɲąąkpɛɛ yələɠaa da pa kɛi lɛɠɛi, mɛ̨nį ɲąąnwąnąą ŋą yələɠaa kaa pai ɉəlii.

Hebreu 1:2

ya ka, yiihui ŋɛ̨i, gu kaa kɛa la vóló gbɛlamąąɠaa hu, aa pələ ɓo guɔ, Non ɉu pələ, yai ə ɉee a gwɛlin gəlee həɠəmun, a yai ə yɛnɛ̨ɛ̨ kəlee pɛli la.

Piɛrə veelɛ 3:3

Ka ka kili lɛɛ ɉu kaa diɛ: Yɛnɛ̨ɛ̨ ɲąąkpɛɛi lɔwai, nu tamąą kaa pai kɛi túwɔ́i yɛ pələi di kpɔɔ kiliŋąhiɛ kaa la. Ə lɛɛ, diɛ yɛlɛ kulɔ ka hu.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

M̀ɛni-lɛɛi 20:4

Ɛlɛɛ, yili pulu, ŋį́ tɔɔkpəlinŋaa kaa, nuąi kɛli pa heei ɉui, di mąąlaa tɛɛ di pɔ, diɛ pɛli, kiti teei. Ŋą́ pənə nwɔ̨nɔ̨, nuąi di di nwun dee Jesus ŋą kɛla woo mąą mɛ̨nį ɓa, ɛlɛɛ, Yálá laawoo mąą mɛ̨nį ɓa, ɛlɛɛ, da nuąi di hvo gɛ di hvo kwɛli hvilɛn ɉuwɔi tii mąą nįnįn ma, naa hvo nwɔ̨nɔ̨ kɛ di dɔwɔla, ə mą kɛ, di yee ɓa, ŋą́ di nįiɠaa kaa, daa pənə daa nwun, ɛlɛɛ, da Kristə ni, di tɔɔlaa kɛ kwɛlan nwaa tɔ̨nɔ̨ yee mu.