Azaya 2:12 - Yálá laawoo hɛɓɛ (dc)

¹² Yai-Laa Mɛ̨nį Kəlee ŋą Hééɓomun, aa hvóló ta həɠə ɉu, ə gɛ, ə kiti tee, nuąi da di kpɔwɔ kaa a nu kpɛa-kpɛa, di hunɛ̨ɛ̨, a di mąą yɛɛ.

Yálá laawoo hɛɓɛ

¹² Yai-Laa Mɛ̨nį Kəlee ŋą Hééɓomun, aa hvóló ta həɠə ɉu, ə gɛ, ə kiti tee, nuąi da di kpɔwɔ kaa a nu kpɛa-kpɛa, di hunɛ̨ɛ̨, a di mąą yɛɛ.

Bible

¹² Ŋ̀elei tí ƃé Ŋ̀wála-wâla kélee Yâwɛɛi a pâi ŋ̀wála-wala-ƃelai kélee yée mɛi ɣâlei la, é ǹyoŋka-ƃelai da ŋ̀ɛi-tɛ-ƃelai ŋáa yéŋ.

Azaya 2:12 ပူးပေါင်းရင်းမြစ်များ

Samia Veerɛi 22:28

Nuąi da di kpɔɔ mąą yɛɛ, ya yee tɛɛ mąą tɛɛ di pɔ, Ya huɲąŋą kɛnɛ̨ nuą kaa a tɛɠɛɓo ɉu

Zôo 24:1

Lə mɛ̨nį ɓa, Huwalawala Kəlee Nąmu hvo kɛ hvóló taɠaa lɛɛ li ɲee pulu, yɛ nwɔ mɛ̨nįɠaa kiti tee la; ɛlɛɛ, nwɛlikɛmąą nuą di kɛ a volóɠaa ti kɔ́lɔn ŋąą?

Mąątɛ̨nɛ̨ 131:1

Ɲee mąąhəɠɛɛ tɛ wələ. Davidə nwɔ wələ. Yai-Laa! Kpɔwɔ ɲąąkɛnɛ̨ kili hvo gwə́i, Vá ɲɛ̨́i kulɔ mɛ̨nįi gɛnɛ̨ɛ̨ dɛɛ mą́ą́, bɔ. Vá hvilɛn mɛ̨nį kpɛa-kpɛaɠaa pulu, a mɛ̨nį kpɛa-kpɛaɠaa tii di tɛɛ mą́ą́i.

Mąątɛ̨nɛ̨ 18:28

Nuąi daa di ɓɛlɛ kpɛɛ diɛ, yɛ́ ɓə ya yeetɛɛmąąlaa tɛɛ di pɔ, yɛ́ kpɔwɔ ɲąąkɛnɛ̨ nuą nwun ɲɛɛ.

Mąątɛ̨nɛ̨ 37:13

Kɛlaa, Yai-Laa a kɛ yɛ́lɛ́i mą, mąąhɔlɔɓo, gaa nwɔ kuui kaa yɛ pa.

Mąątɛ̨nɛ̨ 94:2

'Ə́ muhəɠə ə́ tɔɔ! Lɔi kiti tee mun! Ɉɛn kpɔwɔ ɲąąkɛnɛ̨ nuą di gwɛlii, 'dɛɛ di pɔ!

Hanwon 16:5

Kpɔwɔ ŋąą kɛnɛ̨ nuą kəlee wɛli kpɛɛi Yai-Laa ɓa, di hvo pai lɛɛi lɔ tii, di hutɔɔ mɛ̨nį hva ɉəɠə mą.

Azaya 10:12

Kɛlaa, ɲələi Yai-Laa kaa pai ɲee laa kulɔi la nwɔ koloi kəlee ɓa Siɔn yee nwuɔ̨ da Ɉerusalɛmə daai, gaa pai kɛi diɛ: «Gáá kɛa nwɔ́ nąą kɛi Asiri tɔɔmun ŋą kpɔwɔ ɲąą kɛnɛ̨ mɛ̨nįi ŋɛ̨i hu, da ŋą tɛɠɛɓoɉulaa.

Azaya 10:33

'Ka Nąmu Yai-Laa Mɛ̨nį Kəlee ŋą Hééɓomun kaa! Gaa nwulu hulɛ kɛnɛ̨i woŋoɠaa pui nɔi ɓa a vaŋą kɛnɛ̨; yiiɠaai di tɔɔ nwun ɲą kwɛa, da yiliɠaai pɔn, yiiɠaai di yee muhəɠɛɛ di ɓɛlaa diɛ, da yiliɠaai pɛlɛ.

Azaya 13:11

Gáá pai nwą́nąkulɔi yɛnɛ̨ɛ̨ ɓa, ɉɔn ɲɔ̨nwɔ̨ mɛ̨nį ɓa, gɛ́ nwą́nąkulɔ nwąnąlɔ nuą diɛ, di wɔ nɛ̨ŋɛ̨nŋąąi mąą mɛ̨nį ɓa, gɛ́ kpɔwɔ ɲąąkɛnɛ̨ kulɔ tɛɠɛɓo ɉu nuą yee pɔ, gɛ́ nu mɔ̨nɔ̨ɓo tɔɔɓɛlaa, di wɔ ɓələn mąą yɛɛ.

Azaya 13:6

'Ka haa wɔlɔ ɓo, a gboo təliɛ, Yai-Laa nwɔ hvólói həli hiɛ ka, a kɛɛ kala hvóló, yɛ həɠə kɛɛ kaamun bɔ.

Azaya 13:9

Yai-Laa nwɔ hvólói ka pai, a liiholi kɛnɛ̨ da lii kələn gwəi, nu mąąhvaalɛɛ mɛ̨nį hvo ɉu, yɛ nɛ̨ŋɛ̨n ɉəɠə nuą ɲąąyíi, nɔi yɛ lɛɛ a mąąwɛli lɔi.

Azaya 14:15

Gɛ pələ kaa ləi yai, yáá yɛɛ lɔi mu pələ, yáá yɛɛ kpɔ ɲɔ̨muątaa kpon ɉu.

Azaya 23:9

Yai-Laa Mɛ̨nį Kəlee ŋą Hééɓomun ɓə, yili mąą kili tee gwəi, ɉɛnŋąąi diɛi tii da di mąąwiɛ, yɛ di wɔ kpɔwɔ ɲąą kɛnɛ̨ ɲɛ̨i paa yɛ ɓɛlɛkpɛɛ lɔi mɛ̨i nu kpɛa-kpɛaɠaa diɛ.

Azaya 24:21

Mąą yələi tii, Yai-Laa kaa pai nwoo tooi ɉu, yɛ tɔɔ yələkwəi kɔlaɠaɠaa la yələ, ɛlɛɛ, lɔi mɛ̨i pələ, yɛ tɔɔ lɔi mɛ̨i tɔɔɓɛlaa la.

Azaya 24:4

Lɔi kaa wɔlɔi, ɉu yɛ kala, yɛnɛ̨ɛ̨ kəlee kaa kulɔi nwului, ɉu yɛ kala, lɔi mɛ̨i hee ɓo nuą lɔwai, nu kpɛa kpɛa kaa kulɔi di wului.

Azaya 40:23

A lɔi ɲąąwooɓo nuą lɛɛ kpɔlɔ kpɛli kpɛli, ə lɔi kiti tee nuą kɛ a nuąi tɔlɔi lɔpee hvo di hu;

Azaya 42:15

Gáá kɛa pai yeeɠaa da yee kpukpuɠaa di hu taɠai, gɛ́ di mɛ̨i kalaɠaa kəlee laa kpala di ɲą, gɛ́ tɛɛyá kpɛa-kpɛa hu tee a gbįnįn-gbįnįn, gɛ́ powaɠaa hu kpala.

Azaya 5:15

Nu kanŋaa kaa pai di mąą pɛlɛi, hvo kɛli a kɛ tii, nu kan nwun mąą kaa pai yɛɛi, kpɔwɔ ɲąąkɛnɛ̨ nuą di kaa pai di nwun vilɛn ɉii lɔi ɓa.

Azaya 61:2

Yai-Laa nwɔ mɛ̨inɛ̨ɛ̨ kɛ kwɛlan noloɓo mɛ̨nį ɓa, da gu wɔ Yálái nwąną kulɔ yələ, nuąi mɔ̨nɔ̨ hu, di lii laa mɛ̨nį ɓa.

Ɉeremi 12:9

Gwɛ́lin nɔi aa kɛ mɔ̨ɔ̨ yɛ nwɛ̨nįi nəɠa ɲɛ̨i tɔɔ, yaai, kɛɛ kala nwɛ̨nįɠaa daa tinɛ̨n mą nąą kəlee? «Ka lɔwɔ huwɔɠaa kəlee ɲąąkpɔn, di pa di ɓɛlɛhee kɔ̨nɔ̨n mį́i!»

Ɉeremi 13:9

«Ɲą́ą́ Yai-Laa nwóó ka; gɛ́ diɛ: Bələ ɓə gáá pai Ɉuda nwɔ kpɔɔ ɲąą kɛnɛ̨i hu kalai la, da Ɉerusalɛmə nwɔ kpɔɔ ɲąą kɛnɛ̨ mɛ̨nį.

Ɉeremi 30:7

Lə mąąwɛli mɛ̨nį ɓəi! A tɛ̨ą hvóló kɛnɛ̨ ka, yii hvo kɔ́ɔn ni yələ ta ɓa. Liihɛlɛn ɲələ li Ɉakɔbə ɓa, kɛlaa, gaa pai kulɔi ɉu.

Ɉeremi 46:10

Kɛlaa volói tii, gaa a Nąmu Yai-Laa Mɛ̨nį Kəlee ŋą Hééɓomun nwąną kulɔ hvóló, yɛ nwąną kulɔ ɲowoɠaa diɛ. Kɔ kɔ́ ɓɔwa kaa paa ɓo kɛi, yɛ pilɛ, yɛ pilɛ ɲąmą hu. A tɛ̨ą Nąmu Yai-Laa Mɛ̨nį Kəlee ŋą Hééɓomun, gaa paa ɓo kɛnɛ̨ kɛi ɲánwuɔ̨ pələ Eufratə kwɛlɛ.

Ɉeremi 50:31

Yɛ́ ɓə vílɛn ŋąą ə́ pulu, tɛɠɛɓoɉu mun. Ə́ wɔɔ yələi aa həli, a nwą́ną kulɔ yələ. Ɲą́ą́ Nąmu Yai-Laa Mɛ̨nį Kəlee ŋą Hééɓomun nwóó li!

Izikiɛ 13:5

Ká hvo pɛli li ɉį́i wolo ɓa kpɛli ɔi, ká hvo hįį tɔɔ li Israɛlə nwɔ pɛlɛ́i ɓa, yɛ pɛli tɔɔi la gɔ́ tɔwɔ a Yai-Laa nwɔ hvólói?

Amɔsə 5:18

Nuąi diɛ di kaa heei di Yai-Laa nwɔ mɛ̨nį kɛ hvólói mąąkpɔn, kpalo ɓɛlaai diɛ. Yai-Laa nwɔ hvólói tii, lə ɓə gaa pai pai la ka pɔ? Volói tii hvo a kɛɛ pɔ̨nɔ̨ hvóló, gaa a kpinį hvóló.

Mise 2:3

Yili mąą mɛ̨nį ɓa, Yai-Laa yɛ diɛ: «Gáá mɛ̨nį ɲąąnwąnąą ta kili ɓoi, gɛ́ naa nu huwu taaləi tii ɓa, ka hva pɛli ka nwun gulɔi ɉu, ka hva pɛli hiɛi a ka ɲɛ̨i pilɛɛ yələi, mąąhɔlɔɓo, a kɛ a hvóló ɲɔ̨nwɔ̨ɔ̨.»

Mise 5:11

gɛ́ ə́ wɔ tɔlikpɛ mɛ̨nįɠaa kulɔ ə́ yee pɔ, ɲɛ̨ąkpɛmun va kɛa kɛ ə́ yəi,

Sofoni 1:16

Gaa a hvólói túlu woo a tɔɔ ɉu, da kɔ́ mɛ̨i tómą woo, daaɠaai hįį kaa diɛ di mɛ̨i, da ɉįi mɛ̨i pɛlɛ́ɠaa.

Sofoni 3:11

Mąą yələi tii, hvó pai nwumɛ̨i, ə́ kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, yɛ́ kɔ́ pɛlɛ mą́ą́. Gbala ə tɔɔ, nąąlɔwai, gbɔwɔ ɲąą kɛnɛ̨ nuąi tii, da kɛ di nwun dɛi, ŋą́ kɛ kɛa, a di hukalaa ə́ lɔwai, ɛlɛɛ, hvá kɛa humɛ̨ni kɛnɛ̨ kulɔ nwɔ́ yee mąąhəɠɛɛ nwuɔ̨.

Maafîu 23:12

Nui a gbɔwɔ ɲąą kɛnɛ̨, Yálá a tinąą mąą yɛɛ, nui a gbɔwɔ mąą yɛɛ, Yálá a tinąą gɛnɛ̨ ə dɛ tɔwɔ.»

Lukə 14:11

Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»

Korɛntə dɔlɔɔ 5:5

Yili ɓa, gu nu taaləi tii, tɛɛ ɓilihi pɔ, gɔlɔ hu kala mɛ̨nį ɓa, nįį yɛ pɛli ɓaloi a gu Ną́mu nwɔ hvólói.

Tɛsalonikə dɔlɔɔ 5:2

káá kpinįi ká gbaɠala gɔlɔn kpɔ hələ-tətə káá, gu Nąmu ŋą hvólói, gaa pai ɉəlii lɔ yɛ nwuɔ̨mun a pa a kpinį.

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»