Azaya 2:11 - Yálá laawoo hɛɓɛ (dc)

¹¹ Kpɔwɔɲąą kɛnɛ̨ nuą, mąą a yɛɛ, ɲɛ̨itɛ nuą di kwɛli hvilɛn, a mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Yálá laawoo hɛɓɛ

¹¹ Kpɔwɔɲąą kɛnɛ̨ nuą, mąą a yɛɛ, ɲɛ̨itɛ nuą di kwɛli hvilɛn, a mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Bible

¹¹ Ɣele a pâi tãi Yâwɛɛ a pâi núu-kpune ŋɔsu-mɛni kɛ̂tɛi da ŋɔyoŋka mɛni-ŋai kélee kperâi. Yâwɛɛ ǹyaa tɔ̂nɔ kpéŋ nɔ́ ƃé núu-kpune a pâi kɛ̂i ǹáa maa tɛ̂i, gɛ́ ƃaa kɛ́ maa tɛ̂ɛ bɔ́.

Azaya 2:11 ပူးပေါင်းရင်းမြစ်များ

Samia Veerɛi 22:28

Nuąi da di kpɔɔ mąą yɛɛ, ya yee tɛɛ mąą tɛɛ di pɔ, Ya huɲąŋą kɛnɛ̨ nuą kaa a tɛɠɛɓo ɉu

Mąątɛ̨nɛ̨ 18:27

nui a mąąhəɠə túwɔ́ ɓo, yái ə́ wɔ mąąhəɠəlaa lɛ mą; Kɛlaa nui kili ɲɔ̨nwɔ̨ɔ̨ kaa mą, hva mąą nu mąąhvaalɛɛ.

Mąątɛ̨nɛ̨ 18:28

Nuąi daa di ɓɛlɛ kpɛɛ diɛ, yɛ́ ɓə ya yeetɛɛmąąlaa tɛɛ di pɔ, yɛ́ kpɔwɔ ɲąąkɛnɛ̨ nuą nwun ɲɛɛ.

Mąątɛ̨nɛ̨ 20:8

Kɔ kɔ́ wotolo kaa nu taɠaa yəi, daɠaa di wɛi ə ɓo a hooɠaa; Kɛlaa ku wɛi, Yai-Laa ku wɔ Yálái laa ɓə ku yəi; ya ɓə kwa vɛli.

Mąątɛ̨nɛ̨ 46:10

A kɔ́ɠaa kpɛɛ lɔi nąą kəlee, yɛ kilɛn ɉu yali, yɛ kpala hu yali; a kɔ́ kɔ́ wotoloɠaa kələn.

Mąątɛ̨nɛ̨ 46:11

Yɛ kɛ diɛ: «'Ka gwɛlihɛnŋaa laa, 'ka gɔlɔn kaa diɛ ɲą́ą́ ɓə gaa a Yálá! Ŋą́ hį́iɠaa ɲąąwooɓo, gɛ́ lɔi ɲąąwooɓo.»

Mąątɛ̨nɛ̨ 94:2

'Ə́ muhəɠə ə́ tɔɔ! Lɔi kiti tee mun! Ɉɛn kpɔwɔ ɲąąkɛnɛ̨ nuą di gwɛlii, 'dɛɛ di pɔ!

Hanwon 16:5

Kpɔwɔ ŋąą kɛnɛ̨ nuą kəlee wɛli kpɛɛi Yai-Laa ɓa, di hvo pai lɛɛi lɔ tii, di hutɔɔ mɛ̨nį hva ɉəɠə mą.

Hanwon 30:13

Nu taɠaa kaa laa, di ɲɛ̨i tɛɠɛ ɓo ɉuwɔ, diɛ nu kəlee kaa lɔ di nwuɔ̨ pələ!

Azaya 10:12

Kɛlaa, ɲələi Yai-Laa kaa pai ɲee laa kulɔi la nwɔ koloi kəlee ɓa Siɔn yee nwuɔ̨ da Ɉerusalɛmə daai, gaa pai kɛi diɛ: «Gáá kɛa nwɔ́ nąą kɛi Asiri tɔɔmun ŋą kpɔwɔ ɲąą kɛnɛ̨ mɛ̨nįi ŋɛ̨i hu, da ŋą tɛɠɛɓoɉulaa.

Azaya 12:1

Mąą yələi tii, yá kɛ diɛ: Yai-Laa! Gáá ə́ hɛɠɛɛɓoi! Ə́ líí holiɛ kɛ bɔ́, Kɛlaa, ə́ wɔ líiholii kɔ́lɔ aa haa mą. Ə́ kaa kɛa níí laai.

Azaya 12:4

Mąą yələi tii, ka káá pai kɛi diɛ, 'Ka Yai-Laa hɛɠɛɛɓo, ka Naa tɛ, ka gɛ mɛ̨nį noloɓo yɛnɛ̨ɛ̨ nuą diɛ, 'Ka pənə nwɔ̨nɔ̨ kaa diɛ; Naa tɛɛi kpɔ ɓəɠə-ɓəɠə.

Azaya 13:11

Gáá pai nwą́nąkulɔi yɛnɛ̨ɛ̨ ɓa, ɉɔn ɲɔ̨nwɔ̨ mɛ̨nį ɓa, gɛ́ nwą́nąkulɔ nwąnąlɔ nuą diɛ, di wɔ nɛ̨ŋɛ̨nŋąąi mąą mɛ̨nį ɓa, gɛ́ kpɔwɔ ɲąąkɛnɛ̨ kulɔ tɛɠɛɓo ɉu nuą yee pɔ, gɛ́ nu mɔ̨nɔ̨ɓo tɔɔɓɛlaa, di wɔ ɓələn mąą yɛɛ.

Azaya 14:15

Gɛ pələ kaa ləi yai, yáá yɛɛ lɔi mu pələ, yáá yɛɛ kpɔ ɲɔ̨muątaa kpon ɉu.

Azaya 2:17

Nuą di wɔ kpɔwɔŋąą kɛnɛ̨ mąą a yɛɛ, nuąi di huɲąŋą kɛnɛ̨, da di laa pɛlɛi pɔlɔ ɓa. Mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 23:9

Yai-Laa Mɛ̨nį Kəlee ŋą Hééɓomun ɓə, yili mąą kili tee gwəi, ɉɛnŋąąi diɛi tii da di mąąwiɛ, yɛ di wɔ kpɔwɔ ɲąą kɛnɛ̨ ɲɛ̨i paa yɛ ɓɛlɛkpɛɛ lɔi mɛ̨i nu kpɛa-kpɛaɠaa diɛ.

Azaya 24:21

Mąą yələi tii, Yai-Laa kaa pai nwoo tooi ɉu, yɛ tɔɔ yələkwəi kɔlaɠaɠaa la yələ, ɛlɛɛ, lɔi mɛ̨i pələ, yɛ tɔɔ lɔi mɛ̨i tɔɔɓɛlaa la.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Azaya 26:1

Mąą yələ, di kaa pai kɛi nwələi ŋɛ̨i tooi Ɉuda lɔi hu, diɛ kɛ diɛ: Kɔtaa wala wala kaa ku yəi, ɓalo mɛ̨nį ɓə a mąąkɔ̨nwɔ̨ hįį.

Azaya 28:5

Mąą yələi tii, Yai-Laa Mɛ̨nį Kəlee ŋą Hééɓomun, a kɛ a ɓɔlɔ ɲɛ̨i tɔɔ, ya ɓə a kɛ a nwɔ nu huwui gbəli nwɔ tɔɔ ɓɔlɔ, da mąąyili hɛn;

Azaya 29:18

Mąą yələi tii, wəli wolo nuą kaa pai ɉɛɓɛ́ hu woo mɛ̨n ɉii, ɛlɛɛ, diɛ kulɔ kpinįi; ɲɛ̨ipunuą kaa pai kɛɛ kaai.

Azaya 30:18

Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

Azaya 30:23

Gaa pai kɛi tulɔ pui ka wɔ tíi ɓa, yai ka káá pai gɛi, gɔ̨nɔ̨n lɔi kaa pai dɛɛi, a kɛnɛ̨, yɛ lɛlɛ. Nąąlɔwai tii, kala tiliin nɛlɛɛɠaa hu ɓə, ka wɔ taatɛlɛɛɠaa da di laa mįi laa.

Azaya 37:23

Gbɛɛ ɓə tii ə́ nalan yɛ mɛlɛ kpɛɛ mąi? Gbɛɛ ɓə tii ə́ kɛi ə́ woo həɠə mąi? Ɛlɛɛ, yɛ́ ɲɛ̨itɛ kulɔ lai? Israɛlə nwɔ Mąąhəɠəmun ɓə.

Azaya 4:1

Mąą yələ, nɛ̨ąą mɛ̨ihveelɛ kaa pai hulɔnu tɔ̨nɔ̨ mąąkɔ̨nwɔ̨i, diɛ kɛ mą: «Ku kaa pai ku kpɔwɔ kɔ̨nɔ̨n gɛi, kuɔ ku kpɔwɔ mąą həɠə kɛ, yálálɔ ə́ laa ə kɛ kuɔ, ə́ nwumɛ̨ həɠə ku ɲɛ̨i!»

Azaya 40:23

A lɔi ɲąąwooɓo nuą lɛɛ kpɔlɔ kpɛli kpɛli, ə lɔi kiti tee nuą kɛ a nuąi tɔlɔi lɔpee hvo di hu;

Azaya 52:6

Yili ɓa, nwɔ́ nu huwui kaa kɛa pai náá kɔ́lɔn ɉii, ə həɠə kɛa volói tii ɓa, di kaa pai gɔlɔn ɉii, diɛ ɲą́ą́ ɓə ŋį́ kɛ hvaai di pɔ, gɛ́ kɛ diɛ: Ɲą́ą́ ka.

Ɉeremi 12:9

Gwɛ́lin nɔi aa kɛ mɔ̨ɔ̨ yɛ nwɛ̨nįi nəɠa ɲɛ̨i tɔɔ, yaai, kɛɛ kala nwɛ̨nįɠaa daa tinɛ̨n mą nąą kəlee? «Ka lɔwɔ huwɔɠaa kəlee ɲąąkpɔn, di pa di ɓɛlɛhee kɔ̨nɔ̨n mį́i!»

Ɉeremi 9:24

Yai-Laa yɛ diɛ: Yələ ta, gáá pai kpɔ lii kɔ́lɔ ɓa kɛ́nɛ̨ laa hu!

Izikiɛ 38:14

Yili mąą mɛ̨nį ɓa, hulɔnu lon, gwə́i mɛ̨nį ɓo; 'kɛ́ Gɔgə ɓa: Mɛ̨nį kəlee ŋą Hééɓomun Yálá woo ka, yɛ: Ɲələi nwɔ́ nu huwui Israɛlə kaa pai kɛi la liilaa yɛnɛ̨ɛ̨ hu, gbaɠala hvo mɔ̨ɔ̨ pai kɛi yɛ́?

Izikiɛ 38:19

A tɛ̨ą, ya ka tii gáá moi, lɔi a kpɛlin a gɛnɛ̨ Israɛlə lɔi hu, nwɔ́ tolo kulɔ pələ ɓa da nííholi pələ ɓa.

Izikiɛ 39:11

A mąą yələi, ŋą Gɔgə kámą tɛ Israɛlə lɔi hu; kɛɛnąą laa tɛɛ ta ɓa; Ovarim-yee lɔwai lɔi hu, gboloyá kwɛlɛ; a bələ too hiɛ kulɔ nuą tɔwɔ. Nąą ɓə di kaa pai Gɔgə looi laa, da ŋą nu kpului; di kaa pai nąą laa heei a Gɔgə da nwɔ nuą di kámą la.

Izikiɛ 39:22

Ə həɠə mąą yələ ɓa, yɛ li la tɔwɔ pələ; Israɛlə nwɔ pɛlɛ́i a gili kɔ́lɔn yɛ kɛ Yai-Laa, di wɔ Yálá ɓaa a ɲą́ą́.

Danîa 4:34

Yii hu kɛa, ɲą́ą́ Nabukodonosorə, Yálái ŋɛ̨i gaa a yələkɔlɔn ɉu tɔɔmun, gáá mąąwiɛi, gɛ́ naa mąątɛ̨nɛ̨, gɛ kɛnɛ̨ laa tɛɛ bɔ. Yálái tii kɛ mɛ̨nįɠaa kəlee kaa a tɛ̨ą, nwɔ kpaaləɠaa kəlee haŋąąi. Nuąi da hiɛ a hu ɲąŋą kɛnɛ̨ pələ, a di mąąyɛɛ.

Osia 2:16

Yii gaa tii, ɲą́ą́ ɓə pai ɲɛ̨i kwɛlii, ŋį́ li a yaa lɔi pun ɉu, Gɛ́ nii ɓa wooɠaa ɓo mą.

Osia 2:18

Yai-Laa woo ka: Mąą yələ, yá kɛ mą́ą́ «ɉílɛ»; hvá kɛa kɛ mą́ą́: «nwɔ́ baalə.»

Osia 2:21

Gwá too wɛlii a yələ kəlee mɛ̨nį, gwá too wɛlii, tələnmolaa hu, da tɛ̨ą, a wɛlikɛmąąlaa, da lii nɛ̨ɛ̨ gwəi.

Amɔsə 9:11

Ɲələi tii a həli, Davidə nwɔ ɓuwui yɛ ə pu, ŋį́ ɉaŋą ŋį́ dɔɔ a nįnɛ̨, ŋį́ ɉįi laaləiɠaa pɛli, ɓɛ yiiɠaai nąą kaa a gboloon, ŋį́ naa tɔɔ, ŋį́ pənə ŋį́ daai tii tɔɔ, yɛ pələi wɔlɔ ə kɛ la.

Abdiasə 1:8

Yaan, ɲą́ą́ Yai-Laa, gɛ́ diɛ: Nwɔ́ liiɲąnwąną hvólói tii hu, ŋą́ Edɔmə lɔi nwɔ kilimąą nuą kəlee paa. Ə mą kɛ nwun gɛ ɉu nuąi di kaa Esau huwuhu diɛ ɓo ɲeeɠaa ɓa, vá di lɛɛ laa.

Mise 2:3

Yili mąą mɛ̨nį ɓa, Yai-Laa yɛ diɛ: «Gáá mɛ̨nį ɲąąnwąnąą ta kili ɓoi, gɛ́ naa nu huwu taaləi tii ɓa, ka hva pɛli ka nwun gulɔi ɉu, ka hva pɛli hiɛi a ka ɲɛ̨i pilɛɛ yələi, mąąhɔlɔɓo, a kɛ a hvóló ɲɔ̨nwɔ̨ɔ̨.»

Mise 4:6

Mąą yələi tii, yiiɠaai kpɔ da too di kɔ́wɔ mɛ̨i, ŋą di ɲąąkpɔn; yiiɠaai di taɠa taɠaa, ŋą́ di mąą lɛɠɛ di kee ɓa, a diɛi tii ŋą́ di laanɔ̨nwɔ̨ ɓoi. Yai-Laa woo li!

Mise 5:10

Gáá pai nɔi hu taa kpɛa kpɛa woloi, gɛ́ ə́ mąą kɔ́nwɔ̨ taaɠaa kəlee pu,

Sofoni 3:11

Mąą yələi tii, hvó pai nwumɛ̨i, ə́ kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, yɛ́ kɔ́ pɛlɛ mą́ą́. Gbala ə tɔɔ, nąąlɔwai, gbɔwɔ ɲąą kɛnɛ̨ nuąi tii, da kɛ di nwun dɛi, ŋą́ kɛ kɛa, a di hukalaa ə́ lɔwai, ɛlɛɛ, hvá kɛa humɛ̨ni kɛnɛ̨ kulɔ nwɔ́ yee mąąhəɠɛɛ nwuɔ̨.

Sofoni 3:16

Mąą yələi tii, di kaa pai kɛi Ɉerusalɛmə ɓa: 'Hvó ɲɔw, Siɔn! Ə́ yeekɔ̨nwɔ̨n ɉu hvo haa.

Zakari 9:16

Ɲələi tii, Yai-Laa, di wɔ Yálái a di mąąkɔ̨nwɔ̨, diɛi tii a nwɔ nu huwui, a nwɔ ɓɛlaa haaɠaai. Di kaa pai kɛi yɛ Kúwɔ́-kwɛni lɛlɛɛɠaa, diɛ lən nwɔ lɔi mɛ̨i.

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Korɛntə veelɛ 10:17

Nui yɛ ə gbɔwɔ ɲąą kɛnɛ̨, ə gbɔwɔ ɲąą kɛnɛ̨ gu Nąmu hu.

Korɛntə veelɛ 10:5

ɛlɛɛ, da ɲɛ̨itɛ mɛ̨nįi lɔpee a kɛ ə tɔɔ Yálá kɔlɔn mɛ̨nį la. Kwa kiliŋąhiɛ kəlee hon a luwɔ, diɛ pɛli lɛɛi Kristə woo mu;

Tɛsalonikə veelɛ 1:10

a ɓɛlɔwai gaa pai pai la, mąą yələi tii, a mąąwiɛlaa hɔlɔɓo ŋą nu mąąhəɠɛɛɠaa yəi, ɛlɛɛ, ə kɛnɛ̨laa hɔlɔɓo nuąi laa na di yəi; ɛlɛɛ yaan, káán, ká wɛi, káá laa ku wɔ kɛla woo la.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»