Azaya 19:3 - Yálá laawoo hɛɓɛ (dc)

³ Eziptə kili a kpɛɛ ɲəi, gɛ́ nwɔ kilikɛɲəi hu kala, di kaa pai kɛi di nwun dɔɔi a haliɠaa da kwɛlɛɛngɛ-nuą, diɛ ɲɛ̨ąkpɛ nuą mąąni kɛ, ə mą kɛ tɔlukpɛ nuą.

Yálá laawoo hɛɓɛ

³ Eziptə kili a kpɛɛ ɲəi, gɛ́ nwɔ kilikɛɲəi hu kala, di kaa pai kɛi di nwun dɔɔi a haliɠaa da kwɛlɛɛngɛ-nuą, diɛ ɲɛ̨ąkpɛ nuą mąąni kɛ, ə mą kɛ tɔlukpɛ nuą.

Bible

³ Ŋa pâi gɛ̂i Ize-ƃelai líi é tóo pôlu. Ŋa pâi gɛ̂i a gɛɛ díkpɛtɛ mɛ̂ni-ŋai da ŋ̀aa sèe fé kɛ̀ a ǹɛ́lɛɛ. Da díkpɛtɛ ɣâla-ŋai da marê kɛ̀ kili-ŋa pôno mɛni ma, maa târe fa kɛ̂ ǹyêei. Da saa mɔ̂leŋ da marê kɛ̀, maa mɔ̂leŋ fa pɔ̂ri kpɔŋ mâa da tɛɛ̂i dípɔ. Da tela lì tɛli kpɛ́-nuu da pɔ́ naa dífa táre lɛ́lɛɛ da sɔlɔ ƃô ǹyêei.

Azaya 19:3 ပူးပေါင်းရင်းမြစ်များ

Samia Veerɛi 15:31

Di pa diɛ Davidə ɓa: «Ahitofɛlə kaa nɔgili kɛ nuą pɔ, da Absalɔn ni ɓə di tɔɔ.» Davidə ə Yálá hvɛli yɛ mą: «Gáá ə́ hvɛlii Yai-Laa, gɛ ə́ Ahitofɛlə kili ŋąą pɛlɛ hvo kilimąą woo ɓo.»

Samia Veerɛi 17:14

Absalɔn da Israɛlə kalanɉonŋaa kəlee diɛ mą: «Arki mun Husai nwɔ liɛwooi aa lɛlɛ, aa tɛɛ Ahitofɛlə nwɛi ɓa.» Yai-Laa ə hvaa mą, ə Ahitofɛlə nwɛi hu kala, yai kɛ viɛlaɓoɔ, ə gɛ, Yai-Laa ə Absalɔn nwun na pili.

Samia Veerɛi 17:23

Yii kɛa Ahitofɛlə ə gaa yɛ di hvo hvilɛn ɉii nwɔ liɛwooɠaai pulu, ə nwɔ hoohvaalən hąą yili ə hvilɛn bələ ɓa, yɛ li bɔ taai. Ə vɛli ɲəi bɛlɛ́n nuą kəlee diɛ, ə li ə gbɔwɔ hɛlɛn. Haai ə mo, di noo nąn gámą hu.

Tɔɔɓɛlaa veelɛ 1:2

Yələ ta, tɔɔmun Akaziasə ə kɛ ɲəi dɔɔ pɛlɛ́ ɲimąn mu ɲələi, Samari, ə kulɔ vaŋą pili ə too, ə mąą nwąną kpɔ kɛnɛ̨. Tɔɔmun ə nɛɛ mą ə nuą tɔɔ, diɛ li Baalə-Zebubə mąąni gɛi. Baalə-Zebubə tii ɓə kɛ a Ɛkrɔn nuą di wɔ hali.

Kɔlɔnikɔ Maa-ŋuŋ 10:13

Saulə ə haa mąąhɔlɔɓo, nwooi da Yai-Laa di mo, hvo kɛ lɛɛ li bulu, mɛ̨nįi Yai-Laa ə mo mą, hvo bɔ mɛ̨nį kɛ li; ə lɛɛ, gɛ mɛ̨nį ə li tɔɔi, yɛ nwun dɔɔ a ɲąmuątaa tɔlikpɛ mun da,

Mąątɛ̨nɛ̨ 107:27

Di nwun ɉu yɛ tínɛ̨n, diɛ tɔɔ tapi-tapi, yɛ lɔɔ hon, Gələn ɉiɛ yɛlɛ kpaɠala kəlee yɛ pili diɛ.

Mąątɛ̨nɛ̨ 33:10

Yai-Laa ə lɔiɠaa kwəi kiliɠaa hukala, mɛ̨nįɠaai nuą di mąąkili tee di kwəi, ə di lɛɛ a kpɛli.

Mąątɛ̨nɛ̨ 76:12

Ka mɛ̨nįɠaa laakwɛlanmo, Yai-Laa ka wɔ Yálái ɓa, ka di pɔ mɛ̨nį kɛ; 'ka pa a ka wɔ hąmą pilɛɠaai Yálá mąąɲɔwuɔ pɔ, kaai kpɔ ti a gwɛlɛ nuąi.

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Azaya 14:27

Yai-Laa Mɛ̨nį Kəlee ŋą Hééɓomun, a mɛ̨nį mąą kili tee gwəi, gbɛɛ ɓə a pɛli ɉəɠəi mą? A ɲee tɛ yələi, gbɛɛ ɓə a pɛli ɲɛɛi?

Azaya 15:2

Nuą kaa tɛi Divɔn haláá kulɔ pɛlɛ́ mu, diɛ wɔlɔ laa. Moabə kaa nwoo laai Nebo yee da Madaba yee nwuɔ̨; daa nwun gəlee kalaan, daa kpɛlɛ kəlee pu.

Azaya 19:1

'Ka mɛ̨nį kponąą ŋɛ̨i laa həli Eziptə ɓa, 'kaa mą: Yai-Laa ka tii həəni tulɔ kpinįn gɔwɔ mąąhulaa mɛ̨i; yɛ pa Eziptə. Eziptə haliɠaa mąą kaa kpɛlin ɉii Yai-Laa tɔwɔ, Eziptə nwɔ liikpələ yɛ həɠeen gwəi.

Azaya 44:25

Ɲą́ą́ ɓə ŋą́ kwɛlɛɛn gɛɛ kaa nuą woo lɛɛ a kpɛli, gɛ́ tɔlukpɛ nuą nwun ɉu kɛ wulu-wulu, gɛ́ kilimąą nuą kili laa pɛlɛ pulu pələ, gɛ́ di wɔ kili kɛ ɲəi mɛ̨nįɠaa hu kpinį.

Azaya 47:12

'Lɛɛ kani ə́ wɔ tɔlikpɛ mɛ̨nįɠaai pulu, da ə́ wɔ ɲeąkpɛ mɛ̨nįɠaai, diɛi wɔlɔ yáá ə́ kpɔwɔ hviikpɛɛ di pulu, ə həɠə ə́ muhəɠəi lɔwai ɓa, ə kɛ ə́ kwəi ə́ kaa pai tɔ̨nɔ̨ hɔlɔɓoi ɉu, diɛ pɛli ə́ kulɔi mɛ̨nįi.

Azaya 57:16

Mąąhɔlɔɓo, və́ pai hvaa pɛlɛi kaa a yələ kəlee mɛ̨nį, və́ pai kąną ɉii ŋą́ lii hvolii ɓa, ŋą́ gɛ nəi tii, nuąi ŋį́ di pɛli, di nɔ̨ɔ̨ da di nį́į́ a nəi kulɔ di hu.

Azaya 8:19

Akɛtii da kɛ kaa: «'Ka ɲɔ̨muątaa tɔlukpɛnuą mąąni kɛ, 'ka tɔlukpɛnuą, ɲɛ̨ąkpɛnuą, da kpɛɛn bili nuą di mąąni kɛ, akɛ tii, mąą hvo nɛ̨ɛ̨li nuą diɛ di wɔ haliɠaa mąąni kɛ, ɛlɛɛ, diɛ ɲɔ̨muą hvɛli nu hulúɠaa mąą mɛ̨nį ɓa?»

Ɉeremi 46:15

Kwə! Pu ɓə tii Apisə kaa moi! Ə́ wɔ nįŋɛ̨ hilɛi hvo tɔɔ li? Yai-Laa aa bili,

Izikiɛ 21:7

«Hulonu lon, ə́ ɲɛ̨́i hąŋąn Ɉerusalɛmə pələ; haŋą ɉaláá kulɔiɠaa diɛ; 'gwə́i mɛ̨nį hukulɔ Israɛlə lɔi ɓa:

Izikiɛ 22:14

Ə́ kaa pai mɔ̨ɔ̨ ə́ lii kpələi, ə́ yee kɔ̨nwɔ̨n ɉu kaa pai wala walai; a ɲələi mɛ̨nį kaa pai kulɔi la gwa yɛ́ gu lɔwai? Ɲą́ą́ Yai-Laa, ɲá mo, gɛ́ bɔ mɛ̨nį kɛ.

Danîa 1:20

Yii kpɔ hvilɛn na kili mɛ̨nį, da nwun gɛ ɉu mɛ̨nį ɓa, tɔɔmun ə nwɔ tɔlikpɛ nuąi kpɔ di kaa laa, da nuąi da kɛ kwɛli hvilɛn ɉi pɛmɛ̨nɛ̨n gɔwɠaa diɛ, ə gəlee mąąnin gɛ, kɛlaa, ə Daniɛlə da mɛlaa di wɔ woo ŋąąpənə kaa, viɛlaɓoɔ gee mɛ̨i pow, ə tɛɛ nuąi tii kəlee diɛ.

Danîa 2:2

Tɔɔmun ə nɛɛmą, ə nwɔ tɔlikpɛ nuąi təli, ə mą kɛ nwɔ hali nąmįnąai, da nuąi da kɛi kwɛli hvilɛn ɉii pɛmɛ̨nɛ̨n gɔwɠaa diɛ, ə lɛɛ, da nwɔ Kilimąą nuą; ə gɛ, ɉįi tii ə gaa, di gili too ŋą. Nuąi tii kəlee di pa, di həli tɔɔmun ma.

Danîa 5:7

Tɔɔmun ə tomą kpɔ a nwoo kɛnɛ̨ yɛ diɛ: «Ka mo, nuąi da kɛ kwɛli hvilɛn ɉii pɛmɛ̨nɛ̨n gɔwɠaa diɛ da Kilimąą nuą, ə lɛɛ da tɔlikpɛ nuą di pa.» Tɔɔmun ə mo Babilonə Kilimąą nuą tii diɛ, yɛ diɛ: «Nui lɔpee, ɉɛɓɛ́i ŋɛ̨i bɛ̨ɛ̨ bɛlɛ ɓa, a pɛli moi, ə ɉukulɔ mą́ą́, ŋą́ nini kɔ́lɔ həɠə too gwąną, ŋą́ hɛni kwɛɛn doo gwąną, ə lɛɛ, mąą nu a tɔɔi ɉaaɓa kɛɛnąą hɔlɔɓo nwɔ́ tɔɔlaai hu.»

Samuɛlə dɔlɔɔ 25:37

Yələ ɓɔɔ, yələ wala pɔ nɔɔ təɠɛɛ kɛa Navalə ɲɛ̨i, mɛ̨nį tɛɛ, nɛ̨ą ə ɉukulɔ mą. Ə kɛ lɔ tii, Navalə nii a gbəla ə tɔɔ gwəi, ɉu ə yili lɔ tin a ɲɔw.