Azaya 19:1 - Yálá laawoo hɛɓɛ (dc)

¹ 'Ka mɛ̨nį kponąą ŋɛ̨i laa həli Eziptə ɓa, 'kaa mą: Yai-Laa ka tii həəni tulɔ kpinįn gɔwɔ mąąhulaa mɛ̨i; yɛ pa Eziptə. Eziptə haliɠaa mąą kaa kpɛlin ɉii Yai-Laa tɔwɔ, Eziptə nwɔ liikpələ yɛ həɠeen gwəi.

Yálá laawoo hɛɓɛ

¹ 'Ka mɛ̨nį kponąą ŋɛ̨i laa həli Eziptə ɓa, 'kaa mą: Yai-Laa ka tii həəni tulɔ kpinįn gɔwɔ mąąhulaa mɛ̨i; yɛ pa Eziptə. Eziptə haliɠaa mąą kaa kpɛlin ɉii Yai-Laa tɔwɔ, Eziptə nwɔ liikpələ yɛ həɠeen gwəi.

Bible

¹ Ŋ̀orɛ̂-wooi ká ŋí bîlaŋɔɔi Ize lɔii mai. Yâwɛɛ a pâi Ize lɔii su. Gáa ŋ̀ele-kɔlɔŋ su vãai su gɛ́ pà a maa félaa. Ize-ƃelai díkpɛtɛ ɣâla-ŋai kélee da pâi toôi gɔ́ɔ mu díkɛ kpɛ̃liŋ. Ǹyaŋ Ize-ƃelai líi a pâi toôi pôlu a ŋ̀ánaa.

Azaya 19:1 ပူးပေါင်းရင်းမြစ်များ

Mąątɛ̨nɛ̨ 104:3

A nwɔ pɛlɛ́ɠaai tɔɔ yáɠaa mɛ̨i yələi pələ; yɛ tulɔ kpinįnŋaa kɛ a ɉiɛ wotolo; yɛ hiɛ kulɔ hvaŋą hu.

Mąątɛ̨nɛ̨ 104:34

Mąątɛ̨nɛ̨ wələi gáá dooi, ə nɛ̨ɛ̨ nwəlii! Ɛlɛɛ, Yai-Laai, 'ə kɛ lɔ a nwɔ kwəinɛ̨ɛ̨.

Mąątɛ̨nɛ̨ 18:9

Nwɔ̨n nulu ə kɛi kulɔ ɉunwɔ̨i, kɛɛ kala nwɔ̨n nən yɛ kulɔ na, nwɔ̨n dəŋąɠaa diɛ ɓo ɉu.

Mąątɛ̨nɛ̨ 68:4

Kɛlaa, tələnmonuą kaa kwəinɛ̨ɛ̨ hu, diɛ kwəinɛ̨ɛ̨ kulɔ Yálá líila, diɛ mąną a ɓə́lə́n.

Lɛɛ gbɔwɔ ɓa 12:12

«Mąą kpinįi ti hu, gáá pai tɛɛi Eziptə lɔi nąą kəlee, lon dɔlɔɔɠaai kpɔ di kaa nɔi, ə kɛ a nu ə kɛ a daatɛlɛɛɠaa, ŋį́ gəlee paa. Ɉaliɠaai kpɔ gaa di yəi, nwɔ́ kiti kaa pai həlii gəlee ɓa Eziptə lɔi hu. Ɲą́ą́ ɓə gáá a Yai-Laa.

Azaya 13:1

Mɛ̨nįi kponąąi Amɔsə lon Esai ə gaa, yɛ hvilɛn na Babilonə ɓa, 'ka mo mą, kaa mą:

Azaya 13:7

Yili ɓə gɛi, nu kəlee yee hu a haa, hviikpɛɛ aa lɔ nu kəlee kɔ́lɔi.

Azaya 19:16

Nąąlɔwai Eziptə a kɛ lɔ yɛ nɛ̨ɛ̨nu, yɛ ɲɔw, mąą yɛ kpɛlin, ɓɛlɔwai a Yai-Laa Mɛ̨nį Kəlee ŋą Hééɓomun yee kaa la mɛ̨i.

Azaya 21:9

Ɉɛn pai ya ka: Nu ta kaa wotolo hu, hoo hveelɛ diɛ ɲala, ə pələ pili mą́ą́, yɛ mą́ą́: «Aa too! Aa too! Babilonə aa too! Nwɔ hali mąą nįnįnŋąą kəlee kaa nɔi ɓa, di hu aa yali.»

Ɉeremi 25:19

Eziptə tɔɔmun, da nwɔ lɔi nwun nąmįną, da nɔi kalanɉonŋaa kəlee di kaa a nwɔ́ tí nuą.

Ɉeremi 4:13

Kaa ɲɛ̨i hee tai ku yowo ɓa! Gaa pai yɛ hvaŋą a hee tulɔ kpinįn ɉu; ku yowo nwɔ kɔ́ kɔ́ wotoloɠaai kaa yɛ tulɔ hvaŋą. Nwɔ hooɠaa mąąhulaa di tɛɛ kuwɔ ɓa. Ə́ kə néé! Ku nwun na piliɛ li-ee!

Ɉeremi 44:8

Ka káá nwą́ną lɔi a ka túwɔ́ pələ, kaa halááɠaa kulɔ haliɠaa diɛ Eziptə lɔi hu, ɓɛi ka pa lɔ ka mąąkilɛi laa! Ka káá pai ka huwu kpɛɛi yɛnɛ̨ɛ̨, diɛ nɛ̨ŋɛ̨n naa huwu lɔpee gəlee gɔɔmąą həɠə ka mɛ̨i da lalan yɛnɛ̨ɛ̨ lɔiɠaa kəlee hu.

Ɉeremi 50:2

'Ka mo lɔiɠaa hu, 'Ká nolo ɓo, 'ka ɉukulɔ, 'Ká mo, ká hvo ɲɔw, 'ka kɛ diɛ: Daa Babilonə hon, daa Bɛlə nwumɛ̨, Mardukə aa too, daa nwɔ haliɠaai ɓɛlɛkpɛɛ diɛ. Daa nwɔ halii mąąnįnįnŋaa hukala.

Ɉeremi 51:44

Babilonə halii tii a Bɛlə, gáá hee ɉu, ɉɛn ə mį́i, gáá gulɔi gwəi. Yɛnɛ̨ɛ̨ nuą di hva kɛa pa bɔ a di kpulu, Babilonə mąąkpɛ hįį kəlee kaa pui.

Izikiɛ 30:13

«Hééɓo kəlee Nąmu Yálá woo ka: gáá pai ɉaliɠaa hu kalai, gɛ́ di mąą mɛ̨nį kpɛɛ Mɛmfisə lɔi hu, da tɔɔmun mɛ̨nį, Eziptə lɔi hu. Da hva kɛa kɛ laa. Ŋį́ ɲɔw pili Eziptə lɔi hu.

Nahumə 1:1

Mɛ̨nįi di mo Ninivə taa laa mɛ̨i, mɛ̨nįi Yálá ə nɛ Ɛlkɔsə mun Nahumə ɓa, yili pɛ̨ɛ̨ ka.

Nahumə 1:3

Tɛ̨ą li Yai-Laa liihvoli laa walaai, ɛlɛɛ, vaŋą kɛnɛ̨ɛ̨i, Kɛlaa, Yai-Laa hva mɛ̨nį ta lɛɛ laa hvo tɛɛ lɔ tii, a kɛ hiɛi tulɔ hvaŋą hu, yələi ə ɓo ɉuwu ɉuwu, gɔwɔ mu muluun gbala ka tii a tulɔ kpinįn.

Zakari 10:11

Di kaa pai Eziptə gboloyá teen ɉi, Yai-Laa kaa pai gboloyá kɛlɛi ɉɛ̨ąi. Nilə paləɠaa kəlee hu a kpala, Asiri nwɔ kpɔwɔ ɲąąkɛnɛ̨ ɲɛ̨i a paa, Eziptə nwɔ tɔɔ hvili yɛ kulɔ ɲəi.

Zakari 14:18

Akɛ Eziptə nuą da wala gɛ di hvo tɛ, vaɠa hva mɔ̨ɔ̨ həli diɛ? A vaɠai tii Yai-Laa ə nɔiɠaai kɛlɛ lai? Yii kpɔ diɛi tii di hvo gɛ li di hvo tɛ ɉəɠə kələ hɛli pu mɛ̨nį ɓa.

Lonon mo 33:4

Eziptə nuą kəlee yee ə kɛ di wɔ nuą loo mɛ̨nį ɓa; di lon dɔlɔɔɠaai tii Yai-Laa ə di paa, yɛ nwąną kulɔ la di wɔ haliɠaai diɛ.

Dutɛrɔnome 33:26

Moisə yɛ nwɔ̨nɔ̨ diɛ: «Yesurun, hɛn da hvo laa da, ə́ mąąkpɔmąą ɓo Yálá di pɛliɛ, yaai mąąwia, yɛ hiɛ tulɔ kpinįnŋąą lɔwai a vaŋą yələkɔlɔn ɉu.

Zasua 2:11

Kwaa bələ mɛ̨n, ɛlɛɛ hvaŋą aa kpɛɛ ku yəi. Tín aa nu kəlee hon ka tɔwɔ, mąąhɔlɔɓo Yai-Laa ŋɛ̨i gaa a ka wɔ Yálá, ya ɓə gaa a yələkɔlɔn ɉu Yálá yɛ ɓo a lɔi mɛ̨i Yálá.

Zasua 2:24

Di mo Ɉosue ɓa, diɛ mą: «Kwaa gaa kpɔ kuɔ diɛ Yai-Laa aa nɔi tii tɛɛ gu pɔ, mąąhɔlɔɓo, gu mąą mɛ̨nį aa kpɛlin doo nɔi nuą kəlee hu.»

Zasua 2:9

Yɛ diɛ: «Ŋį́ gɔlɔn gɛ́ diɛ Yai-Laa aa nɔi ŋɛ̨i tɛɛ ka pɔ, ka pa mɛ̨nį ɓɛ, mąą tín aa too, kpɛlin aa too nɔi nuą kəlee hu.

M̀ɛni-lɛɛi 1:7

'Ká ká ɲɛ̨i hee, ya ka tii pai tulɔ-kpinįn ɉu! Ɛlɛɛ, ɲɛ̨i kɔw kəlee kaa pai gaai, ɛlɛɛ, ə mą kɛ, nuąi ɉɔɔ a kpala. Huwu kəlee kaa pai ɉaa wɔlɔ ɓoi. A tɛ̨ą gaa tii! Amįįną!