Azaya 17:3 - Yálá laawoo hɛɓɛ (dc)

³ Ɛfraimə mąąkpɛ hįi hva kɛa kɛ mą, tɔɔlaa hva kɛa kɛ Damasə, Aramə nuąi pai kulɔi ɉu, di hvo pai kɛi a hɛn da, di yee hva tɛɛ Israɛlə nu huwu gbəli ɓa, Yai-Laa Mɛ̨nį Kəlee ŋą Hééɓomun woo li!

Yálá laawoo hɛɓɛ

³ Ɛfraimə mąąkpɛ hįi hva kɛa kɛ mą, tɔɔlaa hva kɛa kɛ Damasə, Aramə nuąi pai kulɔi ɉu, di hvo pai kɛi a hɛn da, di yee hva tɛɛ Israɛlə nu huwu gbəli ɓa, Yai-Laa Mɛ̨nį Kəlee ŋą Hééɓomun woo li!

Bible

³ Ŋa pâi Eezuɛ maa kɔ̃ɔ-sãai kélee wôloi berêi. Dɛmɛika a pâi lɛɛ̂i luɛ-laai. Diai pù dí kúla Siria kɔi sui ŋa pâi ƃâa kulâi dîa yɛ̂ɛ berei ŋá gɛ̀ la a Eezuɛ-ŋai. Ńyãa, Ŋ̀wála-wâla kélee Yâwɛɛ ƃé m̀o tí.”

Azaya 17:3 ပူးပေါင်းရင်းမြစ်များ

Tɔɔɓɛlaa veelɛ 16:9

Asiri tɔɔmun ə ɲee hee Akazə woo mu. Ə pa yaa kpinįi ə kɔ́ pɛlɛ Damasə taa ɓa, ə ɉon; ə ɉu nuą tɛɛ Kirə, ə Resin paa.

Tɔɔɓɛlaa veelɛ 17:6

Ose nwɔ tɔɔlaa gwɛlan mɛ̨inąąn nɔwai, Asiri tɔɔmun ə Samari hon a kɔ́, ə Israɛlə nuą damąą həɠə, ə li a diɛ Asiri lɔi hu, ə di hee Hala da Habɔrə ya kwɛlɛ, yai kɛ a Gozan nwɔ ya lee kɛnɛ̨, ə daɠaa hee Medi taa kpɛa kpɛaa hu.

Azaya 10:9

Kɛlɛi Kalno aa kɛ kɛa yɛ Karkemisə Hamatə ə ɓo yɛ Arpadə, Samari ə ɓo yɛ Damasə?

Azaya 16:14

Yiihu kɛa, Yai-Laa yɛ: «Gɛɛ kwɛlan ɉaaɓa hvo tɛɛ, Moabə nu kpɛa-kpɛaa, da nɔi lonnii kəlee di ɓɛlɛ a kpɛɛ diɛ, da lɛɛ lɔ tɛi tɛi, nu kpəli hva lɛɛ a hɛn ɲąą mąą.»

Azaya 17:4

Mąą yələi tii, Ɉakɔbə hvaŋą ta a kulɔ mą, goo haɠa a wolo, kəŋə la ə tee.

Azaya 25:2

Yáá daa kɛ a taa kpoloon, daa yii kɛ mąątínɛ̨n ŋąą a hįį, Yáá nɛɛ a lɔi pun, Túwɔ́ pələ ɲɔ̨n gulɔ nuą, di wɔ taai, hvo kɛa a taa, hva kɛa pənə hvo tɔɔ kpɔ tanɔ̨n gbɛli.

Azaya 7:16

Gɛɛ nokoloi tii hvo pɛli lənəi mɛ̨nį ɲɔ̨n ma, yɛ nɛlɛɛ kɛ, dɔɔɓɛlaa hveelɛi ŋɛ̨i ə́ kaa ɲɔwii diɛ, di wɔ lɔi a kɛ kɛa a gboloon.

Azaya 7:8

Mąąhɔlɔɓo, Aramə lɔi daa lee ɓaa Damasə, ɛlɛɛ, Resin nwɔ tɔɔlaa kɛi lɔ ɓaa Damasə daai; aa lɛɛ a kwɛlan bow mɛ̨ida kɔ́w lɔɔli, Ɛfraimə kaa pai woloi, nu huwu hvo kɛa pai kɛi laa.

Azaya 8:4

mąąhɔlɔɓo, gɛɛ nolokolo hvo pɛli kɛi diɛ ‹ną́n› da ‹néé›, di kaa pai lii Asiri tɔɔmun níi la a Damasə hɛn gɔwɠaa da ɉɛnŋąąi di ɉɔlɔɓo kɔ́ hu Samari lɔi hu.»

Osia 1:4

Yai-Laa yɛ Ose ɓa: «Naa hee a Izreɛlə, mąąhɔlɔɓo ɉu hvo kɛa kwɛali, gáá pai Ɉehu nwɔ pɛlɛ́i mąąnikɛi Izreɛlə ɲąmą mąą mɛ̨nį ɓa. Ɛlɛɛ gáá pai Israɛlə tɔɔlaa kpɛɛi.

Osia 1:6

Ə pənə ə koo həɠə, ə lon nɛ̨ɛ̨nu kaa, Yai-Laa yɛ Ose ɓa: «Naa hee a Lo-Ruhama, mąąhɔlɔɓo Israɛlə nwɔ pɛlɛ́i ɲɛ̨imąąwɛli hvo kɛa pai lɛɛi lɔ mą́ą́. Gáá pai nwɛli kpɛɛi mą́ą́ kpɔ tɛ̨ɛ̨ tɛ̨ɛ̨.

Osia 10:14

Tin gaa pai tooi ə́ wɔ lɔi hu, di ə́ wɔ taa kpɛa kpɛaɠaai kəlee pu, yɛ bələi Salman ə Bɛtə-Arvɛlə pu lai, a ɲələi tii di kɛi gɔ́ kɔ́ la, diɛ lon gaa lee nwun nwolo nonnii mɛ̨i.

Osia 3:4

Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Osia 8:8

Daa Israɛlə mu kpələ, gaa lɔiɠaa lɔwai yɛ hɛn dɔlɔ hvo mą.

Osia 9:11

Ɉɛn Ɛfraimə a nwun dɛ ɉu, da lɛɛ kpɔlɔ gaai, aa mą kala, mąą koo a kɛ kpɔlɔɔ nee ɓa, a lɛɛ kpɔlɔɔ mun tooi nee kwəi, a mą kwɛlɛɛn ɲəi, yɛ nwɛ̨ni.

Amɔsə 8:14

Nuąi kɛi di kwɛla a Samari hali laa, Diɛi kɛi di kwɛla, diɛ kɛ mą: «Dan! Ə́ wɔ halii laa hu!», A wala kɛ tii, «Beɛrə-Seva pələi laa hu!» Nuą tii da too di hva kɛa di muhəɠə.