Azaya 17:10 - Yálá laawoo hɛɓɛ (dc)

¹⁰ Mąąhɔlɔɓo, yaa lɛ̨ą ə́ ɓalo Yálá ɓa, ə́ mąąkilɛ kwɛni kili hvo lɛɛli ə́ ɲą, ə́ lííɓa wuluɠaa ɓə ə́ kaa ɉin ɉii, yɛ́ nwɛ̨ą wuluɠaa hin.

Yálá laawoo hɛɓɛ

¹⁰ Mąąhɔlɔɓo, yaa lɛ̨ą ə́ ɓalo Yálá ɓa, ə́ mąąkilɛ kwɛni kili hvo lɛɛli ə́ ɲą, ə́ lííɓa wuluɠaa ɓə ə́ kaa ɉin ɉii, yɛ́ nwɛ̨ą wuluɠaa hin.

Bible

¹⁰ Eezuɛ-ƃela, kâa ŋɔ́nɔ nia Káɣâlai ma nyíi káŋuŋ-mâ ƃò é kámaa kɔ̃ɔi yɛ̂ɛ kɔnii. Kákaa nâa si-sãa síi ká kɛ́ kákpîŋ kpɛ̀tɛ ɣâla-ŋai fɛli naa.

Azaya 17:10 ပူးပေါင်းရင်းမြစ်များ

Kɔlɔnikɔ Maa-ŋuŋ 16:35

'Ka mo kpɔ a ɉələ woo, kaa diɛ: «Ku ɓalo Yálá! Ku ɓalo! Ku ɲąąkpɔn, Ə́ ku kulɔ hį́i takpɛliɠaa lɔwai. Ə gɛ, ku Ə́ laa mąąhəɠɛɛ tɛ, ɛlɛɛ, Ə́ mąątɛ̨nɛ̨ mɛ̨nį ə ɓo a ku ɲɛ̨i pɔ̨nɔ̨ hɛn.

Mąątɛ̨nɛ̨ 106:13

Ɉu hvo kpɛli kwɛa, daa mą lɛ̨ą gɛ mɛ̨nįɠaa diɛ, mɛ̨nįi kɛ gwəi, di hvo naa kulɔi mąąkpɔn ni.

Mąątɛ̨nɛ̨ 106:21

Di lɛ̨ą Yálá ɓa, yaamun tii a di nwun mąąɓomun a yai mɛ̨nį ɲɛ̨i kɛ̨nɛ̨ɠaa kɛ diɛ, Eziptə lɔi hui.

Mąątɛ̨nɛ̨ 18:2

Yɛ diɛ: Ə́ wɛli kaa mą́ą́ Yai-Laa, yɛ́i a nwɔ́ huwalawala.

Mąątɛ̨nɛ̨ 31:2

Yai-Laa yɛ́ ɓə ŋą́ mąąkilɛ ə́ hvaŋąn mu, nwumɛ̨ hva tɛ a ɲą́ą́! Ə́ wɔ ɲɛ̨imąąwɛli kaa hu, nwún mąąɓo

Mąątɛ̨nɛ̨ 65:5

Nui yá dəli, a ə́ liiɓamun, nwun na nɛ̨ɛ̨i, gaa pai kɛi ə́ yəi bɛlɛ́n. Ku wɛi, ku kaa pai pilɛi, ə́ yəi bɛlɛ́n mɛ̨inɛ̨ɛ̨ɠaa hu, Yɛ́ pɛ́lɛ́i mu hɛnŋaa mąąhəɠɛɛɠaai hu.

Mąątɛ̨nɛ̨ 79:9

'Kpɔnmąą tɛɛ ku pɔ, ku ɓalo Yálá, ə́ laa mąąwiaai mąą mɛ̨nį ɓa; 'ku nwun mąąɓo, ku wɔ nɛ̨ŋɛ̨nŋaai waa, ə́ laa mąąwiaai mąą mɛ̨nį ɓa.

Mąątɛ̨nɛ̨ 85:4

Yáá ə́ wɔ liiholii kpɛla bələi, yáá ə́ wɔ liiholi kɛnɛ̨ɛ̨i yali bulu.

Mąątɛ̨nɛ̨ 9:17

Yai-Laa aa gbɔwɔ lɛ, aa gití hu woo ɓo, nui hva kulɔ nwoo ɓa, gbɔwɔ kpįnįi hɛlɛn lɔ ɓə, yá ɉon na.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Azaya 17:9

Mąą yələi tii, ə mąą kilɛ taaɠaai da lɛɛ a taa kpoloon, da lɛɛ a taa kpoloonŋąą; lɔ yɛ bələi nɔ̨wɔ̨ ɲɔ̨nŋąą, da ɉali kɔ́iɠaa di lɛɛ la a lɔwɔ pun ɲeeɠaa nwuɔ̨ Israɛlə lonnii ɲɛ̨i tɔwɔ, nąą kəlee a lɛɛ a lɔi pun.

Azaya 18:5

Gɛɛ di hvo kpɛɛ a hihɛnŋąą ma kulaa, ɓɛlɔwai ɉiwuluɠaa da kpɛɛ la a powaa, bowa yɛ kɛa mąąpənə a ma, yɛ pa kpɔlui, da gulɔ, di pənə di nwonwo kpalaɠaa tee di gulɔ ɉu.

Azaya 25:4

Mąąhɔlɔɓo, nui ɲee hva lɔ, mąą kɔ́nwɔ̨mun maa a Yɛ́, Yɛ́ mąąwɛlimun mąą kɔ́nwɔ̨ nwɔ mɔ̨nɔ̨i hu, Ə́ ɓo a nu mąąkilɛi, tulɔ hvaŋą tɔwɔ, Ə́ kaa a nįnįn, wəleen dɔwɔ; mąąhɔlɔɓo, wea-tɔɔɓɛlaa nɔ̨ɔ̨ kaa yɛ, tulɔ hvaŋą a kɛi kɛlɛ bɛlɛ́ nwąną hu.

Azaya 26:4

'Ka ka kilitɔɔ Yai-laa ɓa a yələ kəlee da nwɔɔ, Yai-Laa ɓə gaa a gu mąąkɔ̨nwɔ̨ kwɛni a yələ kəlee.

Azaya 30:29

Ka wɛi, ka káá pai kɛi wələ tooi, yɛ da kɛi hɛli pu kwii hɛ̨ą, ka ɓo la kwəinɛ̨ɛ̨ hu, yɛ nui di kaa ɓɔɔ hvɛɛi bulu, yɛ li la Yai-Laa nwɔ yeei pɔ pələ, Israɛlə mąą kɔ́nwɔ̨ kwɛni pɔ pələ.

Azaya 33:2

Yai-Laa! 'Ku ɲɛ̨imąąwɛli kaa, yɛ́ ɓə ku kilitɔɔ yɛ́; ku hvaŋą lɔ a yələɓɔ pələ tɛi tɛi kəlee; yɛ́ ku nwun mąąɓo mɛ̨nį kpɔluɔ hu.

Azaya 44:8

'Ka mąą hvo kpɛlin, 'ka hvo ɲɔw! Kɛlɛi ɉu aa kwɛa, ŋą́ą́ mo kaa, gɛ́ ɉu pɔ̨nɔ̨ a kaa, Ka hvo mɔ̨ɔ̨ kɛa a nwɔ́ kɛlaɠaa? Yálá takpɛli kaa mɔ̨ɔ̨ laa, ə kulɔ Ɲą́ą́ búlú? Gíli kaa kpɔ ɉu, gɛ́ Kwɛni takpɛli hvo laa, Və́ dakpɛli kɔlɔn.

Azaya 51:13

Yɛ́ lia ə́ pɛli mun Yai-Laa ɓa, yai yələkɔlɔn bɛli, yɛ lɔi laa, ə́ mąą yɛ kpɛlin nɔ a yələ kəlee ə́ mɔ̨nɔ̨ ɓomun dɔwɔ, yɛ a kɛi pa lamui gɛɛ kalaa tii hu? A kɛ tii, ə́ mɔ̨nɔ̨ ɓomun nwɔ liiholii tii kaa mį?

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Azaya 62:11

Mɛ̨nįi Yai-Laa kaa moi, yɛ həli kpɔ lɔi kpon ɉeei, ya ka: 'ka mo Siɔn nɛ̨ɛ̨gbɛla ɓa, kaa mą: Ə́ ɓalo mun ga ɲɛ̨i pai, vɛla kaa ɲəi, ɲąą kɛlɛ hɛnŋąą di ɓo ɲɛ̨itɔwɔ.

Ɉeremi 12:13

Nu a mɔ̨nun ɉin, ə ɓomodiliin ɉɔlɔɔɓo, di kaa lɔ di kpɔɔ hviikpɛɛi kpɛli-kpɛli, hɛn da ɉɔlɔɓo, gaa di yəi a nwumɛ̨, mąąhɔlɔɓo, Yai-Laa liiholiɛ di pɔ.

Ɉeremi 17:13

Yai-Laa! Yɛ́ ɓə Israɛlə kilitɔɔ yɛ́; nuąi da ə́ lɛɛ laa, nwumɛ̨ a di ɲɛ̨i paa; nuąi da di mąą kwɛa mą́ą́, kiti a kala diɛ. Mąąhɔlɔɓo, Yai-Laa a tɛɛyá nwun gulɔi, daa nɛɛ.

Ɉeremi 2:32

Halakpəla a mɔ̨ɔ̨ lɛ̨ą mąą yili hɛnŋaa diɛ? Toonwəlii nɛ̨ą a mɔ̨ɔ̨ lɛ̨ą nwɔ wɛli gbonoi ɓa? Kɛlaa, nwɔ́ lɔi hu nuą daa lɛ̨ą mą́ą́, nu hvo mąn kɛa voló kɔ́lɔn.

Ɉeremi 3:21

Toma woo kaa tɔɔi pələ kəlee pɔ, Israɛlə nuą gboo təli woo mąąwɛliɛ li, daa lan, gɛ mɛ̨nį daa Yai-Laa di wɔ Yálái lɛɛ.

Izikiɛ 22:12

Da mɛ̨inɛ̨ɛ̨ hon ə́ pɔɔli, ɲąmą pu mɛ̨nį ɓa; yá kɛ hɛnŋaa hɔ̨nwɔ̨ kɛnɛ̨i ə́ pɔɔli, yɛ́ dɛɛ ɲɛn ɉu. Yɛ́ ə́ yee pənə ə́ hee yɔwɔ hu a wea mɛ̨nį; ɛlɛɛ nwɛi, yɛ́ lɛ̨ą mą́ą́. Mɛ̨nį kəlee ŋą Hééɓomun Yálá woo li.

Izikiɛ 23:35

Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: Lɛ̨ąi ə́ mo mą́ą́, yɛ́ bílí ə́ pulu pələ; ə́ wɔ tuwɔ pələ ɲɔ̨n, da ə́ wɔ wɛli mɛ̨nįi, pulu mɔ̨nɔ̨ mįi yɛ́ kpinįi.

Osia 4:6

Nwɔ́ nuąi ɲąą kaa kwɛ̨ɛ̨i, mąąhɔlɔɓo, mɛ̨nį kɔ́lɔn ŋąą hvo di lɔwai. Lənəi ə́ mo mɛ̨nį kɔ́lɔn mɛ̨nį ɓa, ɲą́ą́ gbɛli mąn, gáá lənəi yɛ́, hvá kɛa kɛ a nwɔ́ haláá laa həli mun. Yáá lɛ̨ą ə́ wɔ Yálái nwɔ tɔ́n nwooi ɓa, ɲąą gbɛlin mąn gáá pai lɛ̨ąi ə́ lonnii diɛ.

Osia 8:14

Israɛlə aa lɛ̨ą bɛlimun ma, aa gbɔwɔ nwɔ tɔɔ pɛlɛ́ɠaa tɔɔ. Ɉuda nwɛi, gaa nwɔ taaɠaai mąątinɛ̨n ɉii a di mąąkpɛ hįį. Kɛlaa, gáá pai nwɔ̨n bilii nwɔ taaɠaai hu, yɛ daa mąą kɔ̨nwɔ̨ pɛlɛ́ɠaa kələn.

Zooɛ 1:17

Ɉihɛn ɉuwui gu bili, yɛ kpala bɔlɔ mu. Mɔ̨nun aa kpɛɛ, gələɠaa daa lɛɛ a di hvowolo, gələɠaa daa pu.

Levetekɔ 26:16

mɛ̨nįi gáá pai gɛi ya ka: Gáá pai kpolo ɲɔ̨n da kwɛlɛ ɲɔ̨n ɉee ka hu, diɛ ka kwəi pili kaa, diɛ ka ɲɛ̨i lon ɉu haa, diɛ ka wɔ yɛnɛ̨ɛ̨ hu kpuɔ. Ka káá lɔ pai kɛi tíi kɛi kpɛli kpɛli, ka yowoɠaa ɓə pai kɛi ma mįi.

Levetekɔ 26:20

Ka káá lɔ pai kɛi ka kpɔwɔ hviikpɛɛi, dɔ̨nɔ̨ hva hɔlɔɓo, nɔi ɲąą hva nɛ̨ɛ̨, hɛn da hva lɛlɛ mą.

Amɔsə 5:11

Kaa too mąąwɛli mun mɛ̨i, kaa gɔ̨nɔ̨n gulɔ ɲəi. Yili ɓə gaa mą, ka káá pai kwɛni pɛlɛ lɛlɛɛɠaa tɔɔi-yo! Kɛlaa, ka hva yii mu. Kaa viɲə huwu lɛlɛɛɠaa ɲɛa laa, Kɛlaa, ka hvo pai da ya kulɔi, ka hvo gɛ a lɔɔ kaa gbələ.

Habakukə 3:18

Kɛlaa, nwɛ́i, ŋą gwə́inɛ̨ɛ̨ mɛ̨nį hɔlɔɓo Yai-Laa yəi. Ŋą́ pili yələi a kwəinɛ̨ɛ̨ nwun mąąɓo Yálái mąą mɛ̨nį ɓa.

Sofoni 1:13

Nuą da too di wɔɔ hɛngɔwɠaai hu, di di wɔɔ pɛlɛ́ɠaai wolo. Di kaa pai pɛlɛ́ɠaa tɔɔi, Kɛlaa, di hva lɔ mu. Da viɲə yɛa laa, Kɛlaa, di hva da ya kpələ.

Dutɛrɔnome 28:30

«Nɛ̨ɛ̨nui ka káá pai doonwəlii kɛi, nu takpɛli ɓə a laa la. Pɛ́lɛ́i ka dɔɔ, ka hva lɔ mu. Ka viɲə yɛa laa, ka hva ma dɔlɔɔ kulɔ.

Dutɛrɔnome 32:15

Bələ ɓə Yesurun ə kɔ̨nɔ̨n mįi la ə pilɛ ɉu, goo ə hee, ə kulɔ nwoo mu laa kɛ, ə kɛnɛ̨ tɛɓɛlɛ-tɛɓɛlɛ, goo ə hee. Ə gili kulɔ bɛli Yálá hu, ə nɛɛ laa. Ə mąąkɔ̨nwɔ̨ kwɛni ɓɛlɛkpɛɛ ma, yaai gaa a nwun mąąɓomun.

Dutɛrɔnome 32:18

«Ee, Israɛlə! Gwɛnii ŋɛ̨i ə́ mɛ̨i kaai yáá lɛ̨ą mą. A yaai ə́ kɛ yɛnɛ̨ɛ̨! Yálái ŋɛ̨i yɛnɛ̨ɛ̨ tɛɛ ə́ pɔ yáá mąą mɛ̨nį viikpɛɛ kulɔ!»

Dutɛrɔnome 32:31

Mąąhɔlɔɓo, Israɛlə ɲowoɠaa kili kaa ɉu, diɛ kɛ, di wɔ haliɠaai, da Israɛlə nwɔ Yálái di hvo ɉu.

Dutɛrɔnome 32:4

Yaa ɓə gaa a gu mąą kɔ́nwɔ̨ kwɛni kpuwulu. Mąą kulɔ hvo gɛ mɛ̨nį ta ɓa, nwɔ pələɠaa kəlee haŋąąi. Gaa a Yálái a kulɔ nwoo ɓa. Hvulu mɛ̨nį hvo ɲee pɔ. Dələnmoɔ, ɉaŋąą.

Dutɛrɔnome 6:12

Ka gɛ a nɛlɛɛ, ka hvo lɛ̨ą Yai-Laa ɓa, yai ka kulɔ Eziptə lɔi hu, nuwɔ pɛlɛ́i tii mu.

Dutɛrɔnome 8:11

Ka gɛ a nɛlɛɛ, ka hvo lɛ̨ą Yai-Laa ka wɔ Yálái ɓa, ka hvo nwɔ tɔ́n da nwɔ lɔi hu yíi ɓo pələɠaa lɛɛ; diɛi gáá di tɛɛi ka pɔ háákələi.

Dutɛrɔnome 8:14

ka hvo kɛ ka káá ka kpɔwɔ ɲąą kɛnɛ̨i, kaa lɛ̨ą Yai-Laa ka wɔ Yálái ɓa. Yaa tii ɓə ka kulɔ Eziptə lɔi hu, nuwɔ laa pɛ́lɛ́i tii mu.

Dutɛrɔnome 8:19

Kɛlaa, Ka lɛ̨ą Yai-Laa ka wɔ Yálái ɓa, kaa hvilɛn haliɠaa pulu, kaa tí diɛ, kaa pɛlɛ di lííla; gáá moi kaa, gɛ́ gwɛla ɉu! Ka nwun na a pili kpɔ tɛ̨ɛ̨tɛ̨ɛ̨.