Azaya 16:4 - Yálá laawoo hɛɓɛ (dc)

⁴ Moabə nuąi di mąąkilɛi, di pɛli heei ə́ kɔ́wɔ mɛ̨i, 'kɛ a di mąąkilɛ pɛlɛ, nɔi hu kalamun ŋɛ̨i tɔwɔ. Nwɛ̨ą mɛ̨nį ə kpɛɛ, nɔi hu kalamun ə həɠə laa, nuąi hee ku mɛ̨i di kulɔi nɔi.

Yálá laawoo hɛɓɛ

⁴ Moabə nuąi di mąąkilɛi, di pɛli heei ə́ kɔ́wɔ mɛ̨i, 'kɛ a di mąąkilɛ pɛlɛ, nɔi hu kalamun ŋɛ̨i tɔwɔ. Nwɛ̨ą mɛ̨nį ə kpɛɛ, nɔi hu kalamun ə həɠə laa, nuąi hee ku mɛ̨i di kulɔi nɔi.

Bible

⁴ Ǹɛɛ naa kúnûai dílɛɛ ílɔii ŋí ma. Dímaa kɔ̃ɔ ǹúu nyɔ́mɔɔ-ŋai yêei é lɛ́ɛ la zu díkelee díkpɛɛ ɣele ma.” Môa-ƃelai lúaŋɔɔ da mɛni su kara mɛni-ŋa a pâi kpɛɛ̂i. Ǹyaŋ diai kélee ǹɔii su karâi, dífe ŋɔ́nɔ pâi kɛ̂i ɣele ma.

Azaya 16:4 ပူးပေါင်းရင်းမြစ်များ

Azaya 14:4

ya nwələi ŋɛ̨i too a Babilonə tɔɔmun naa, yɛ kɛ mą: Nuą mɔ̨nɔ̨ ɓomun tii nwɔ yɛnɛ̨ɛ̨ laa ə kulɔ pələ kɛ ləi yoo? Nwɔ ɲɛ̨itɛlaai ə kulɔ pələ kɛ ləi ɲəi yoo?

Azaya 15:6

Nimrimə ya aa lɛɛ a kɛɛnąą mąą wɛliɛ, galatiliinŋąą daa kpala, di hva kɛa pənə di hvo tɛ; wulu ta laa hvo ŋą.

Azaya 25:10

Yai-Laa kaa pai ɲee pɛlɛi ɲeei ŋɛ̨i mɛ̨i, Kɛlaa, di kaa pai Moabə hu woloi ɲąą ɓa, yɛ bələi mɔ̨nun-danmun a mɔ̨nun dan na.

Azaya 33:1

Kpalo ɓɛlaai yɛ́, yɛ́i kɛɛ kalai ə́ ɓɛlaa diɛ, yaan, da hvo ta kala li yɛ́, yɛ́ ə́ ɓɛlaa ɓowo, yaan di hvo ta ə́ ɓowo li. Ya pa kpɛɛi gɛɛ kalaai tii ɓa, di kaa pai da kalai lɔ yɛ́, yá pa kpɛɛi a mowo ɓoi tii kɛɛ a ə́ ɓɛlaa, di kaa pai ə́ ɓowoi.

Azaya 49:26

Nuąi kɛi ə́ mɔ̨nɔ̨ ɓo, gáá pai di kpɔɔ kpɔɔ huwɔ lɔi di la, diɛ pilɛ di kpɔɔ kpɔɔ ɲąmą hu, yɛ lɔɔ nįnɛ̨ ya, ɛlɛɛ, yɛnɛ̨ɛ̨ nuą kəlee kili a pu ɉu diɛ, nui ə́ ɓaloi, ɲą́ą́, Yai-Laa, ɲą́ą́ ɓə, diɛ nui ə́ nwun mąąɓo, ya ɓaa a Ɉakɔbə nwɔ Kpakoloi!

Azaya 51:13

Yɛ́ lia ə́ pɛli mun Yai-Laa ɓa, yai yələkɔlɔn bɛli, yɛ lɔi laa, ə́ mąą yɛ kpɛlin nɔ a yələ kəlee ə́ mɔ̨nɔ̨ ɓomun dɔwɔ, yɛ a kɛi pa lamui gɛɛ kalaa tii hu? A kɛ tii, ə́ mɔ̨nɔ̨ ɓomun nwɔ liiholii tii kaa mį?

Azaya 54:14

Ə́ hamu a kɛ a vilɛn ŋąą tələnmolaa mɛ̨i, di hva kɛa too ə́ mɛ̨i, hva kɛa ɲɔw, ə́ mąą hva kɛa kpɛlin, ə́ mąąɲɔw mɛ̨nį ta hva kɛa lɛɠɛ yɛ́.

Azaya 58:7

'Ə́ kɔ̨nɔ̨n da tɛɛ pulu gɛlɛ pɔ, ɛlɛɛ nwɔ̨nɔ̨, ə́ yee hvowolonuą nwɛąlaa kɛ, ya nu kaa həɠə hvo mą, 'həɠə tɛɛ bɔ, nui gaa a ə́ kpinįlee kpɔɔ kpɔɔ, 'hvo ə́ ɲɛ̨i loo mą.

Azaya 9:4

Hvó gaai, gɔlɔ kpɛa-kpɛai kɛ di kɔ́wɔ ŋą, diɛ nɔi tín gulɔ la, ɉəɠəi kɛ di kwaną gbɔluɔ a ɲąmą, yiliɠaai kəlee kaa pai kələn ɉii, di kɛ a nwɔ̨n gɔ̨nɔ̨n.

Ɉeremi 21:12

«Davidə yəi bɛlɛ́n nuą, Yai-Laa woo ka! Yɛ diɛ: Ka kiti tee a ɉaŋaa yələwala pɔ tɛitɛi kəlee ɓa. Nui daa hee mɛ̨i, ka gulɔ ɲəi kɛ; a wala kɛ tii, nwɔ́ liiholi kaa pai ɓɛlai yɛ nwɔ̨n, gaa pai kɛi lən ɉii, nu hva hɔlɔɓo hvo nuwun. Mąąhɔlɔɓo, ka túwɔ́ pələ aa ɲɔ̨n.

Ɉeremi 40:11

Ə mą kɛ, Ɉuda nuąi Moabə lɔi hu, Amɔn nuą lɔwai Edɔmə da nɔi kəlee hu; di bələ mɛ̨n diɛ kɛ Babilonə tɔɔmun aa kɛ nuą lɛɛ Ɉuda lɔi hu; ɛlɛɛ, aa kɛ Ahikamə lon Gedaliasə, yai kɛ a Safan lon ɉee, yɛ ɲɛ̨i kɛ nɔi ɓa.

Ɉeremi 48:18

Kulɔ ə́ wɔɔ mąąwiɛ laa hu, ə́ yɛɛ ə́ hee muluun ɉu. Divɔn nuą, kaan, Moabə hukala mun gaa tɛi a kɔ́, yɛ pɛlɛ yɛ́. Gaa ə́ mąąkpɛ hiinŋaa pui.

Ɉeremi 48:8

Gɛɛ kalamun aa pili daa kəlee hu, da lɔpee hvo kulɔ li a ɲee wolo. Nɛ̨ŋɛ̨ hu lɔi aa kwɛlɛɛn, ɲee ɓa lɔi hu aa wolo; Bələ ɓə Yai-Laa ə mo la.

Abdiasə 1:14

Mąą hvo nɛ̨ɛ̨li kɛ, hvo tɔɔ bələ taŋąnaɠaa, nuąi da kɛi kɛ di pu, yɛ́ di paa, a wala kɛ tii, yiiɠaai da pu, yɛ́ di hon, yɛ́ di tɛɛ di yowoɠaa pɔ a mɛ̨nį nwąnąą hvólói tii.

Zakari 10:5

Di kəlee, di kaa pai lii gɔ́ ɓa, yɛ kɔ́kuláá kpəɠiɛɛɠaa, di kaa pai gɔ́ kɔ́i, diɛ bələ pɔ palaya tan. Di kaa pai walai gɔ́ hu, mąąhɔlɔɓo, Yai-Laa kaa pai kɛi di pɔ, ɛlɛɛ, hoo gilɛhəɠənuą ɲɛ̨i kaa pai paai a nwumɛ̨, di wɔ hooɠaai mɛ̨i.

Zakari 9:8

Gáá pai kɛi tɔɔni nwɔ́ pɛlɛ́i kwɛlɛ, gɛ́ mąąkpɛ, nuąi da tɛ diɛ yɛɛ, di tɔwɔ, tɔɔmun da hva kɛa hee mɛ̨i lɔ tii, mąąhɔlɔɓo, ɲą́ą́ gbínįi ɓə pai kɛi ɲɛ̨́i kɛi mą.

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Lomaŋ 16:20

Ɉu hvo kɛa kwɛa li Liilaa-Yálá, yɛ pa ɓilihi nwun nwoloi ka kɔ́wɔ mu. Gu Ną́mu Jesus nwɔ mɛ̨inɛ̨ɛ̨ ə kɛ ka pɔ!

Dutɛrɔnome 24:14

Ya kɛi kóló kɛ mun vɛla kulɔ, mąąwɛliɛ, hɛn və ɲəi, hvo ə́ yee pənə ɉu; ə kɛ a ka wɔ lɔi hu lon da, ə kɛ a nwɛ̨ąi heeni ka wɔ lɔi hu, da ka wɔ taaɠaai hu.

M̀ɛni-lɛɛi 11:2

Kɛlaa, Yálá hee pɛlɛ́ gwəli hąą kɛnɛ̨i tii, nɛɛ laa, 'hvó nąą kɔɔn, mąąhɔlɔɓo, daa nąą kwɛlɛ huwu takpɛliɠaa pɔ, diɛ pa hiɛ daa mąąhəɠɛɛ mɛ̨i, ə lɛɛ ɉu, ɲąnįn bow-nąąn-kɔw-hveelɛ yee mu.