Azaya 16:3 - Yálá laawoo hɛɓɛ (dc)

³ Diɛ kɛ diɛ: «Ku liɛwoo ɓo, ku tɛnɛn dɔɔ, ka ka nwun dɔɔ, ka woo ta ɓo, a hvóló tɔɔ nwun ma; ə́ nįnįn bɛlɛ yɛ kpinį, nuąi daa too di hu, di di mąąkilɛ ə́ hvaŋąn mu, əgɛ, di hvo nəi pa nuąi pui di kaa.

Yálá laawoo hɛɓɛ

³ Diɛ kɛ diɛ: «Ku liɛwoo ɓo, ku tɛnɛn dɔɔ, ka ka nwun dɔɔ, ka woo ta ɓo, a hvóló tɔɔ nwun ma; ə́ nįnįn bɛlɛ yɛ kpinį, nuąi daa too di hu, di di mąąkilɛ ə́ hvaŋąn mu, əgɛ, di hvo nəi pa nuąi pui di kaa.

Bible

³ Diai lì a ǹaoi-laa sãai ŋí, da pâi m̀ôi Zerusâlɛŋ ma dîyɛɛi, “Ye dɔ̃yâi ƃó kûa í kúlia-woo ƃó. Ye íninîŋ pɛlɛ kúmɛi yɛ̂ɛ wolâ wuru a fólo ŋɔzìzi sòŋ nyii va pɔ̂ri tɛɛ̂i ǹáa su. Kúkaa a kɔpû-ƃela. Ye kúloo ƃɛ́i nûa dífe ǹaa kɔ́lɔŋ.

Azaya 16:3 ပူးပေါင်းရင်းမြစ်များ

Tɔɔɓɛlaa dɔlɔɔ 18:4

Ɓɛlɔwai Ɉezabɛlə ə Yálá kwəi mɛ̨nį hukulɔ nuą paa la, Ovadiahu ə Yálá kwəi mɛ̨nį hukulɔ nuą nu nwun dɔ̨nɔ̨ həɠə ə di loo. Ə di loo a nu pow lɔɔli lɔɔli kwɛni wolo hveelɛ hu, ɛlɛɛ, yɛ di kɔ̨nɔ̨n gɛ a lɛɠɛ da yá.

Azaya 1:17

'Ka mɛ̨nį lɛlɛɛ kɛɛ mąąkwɛli, 'ka ka kwəi kwələ, 'ka heemɛ̨i laa kulɔ ka lɔwai, 'ka təlilon ɉon a kwəi kwələ laa, 'ka kalanin dɔɔ bulu kɛ.

Azaya 25:4

Mąąhɔlɔɓo, nui ɲee hva lɔ, mąą kɔ́nwɔ̨mun maa a Yɛ́, Yɛ́ mąąwɛlimun mąą kɔ́nwɔ̨ nwɔ mɔ̨nɔ̨i hu, Ə́ ɓo a nu mąąkilɛi, tulɔ hvaŋą tɔwɔ, Ə́ kaa a nįnįn, wəleen dɔwɔ; mąąhɔlɔɓo, wea-tɔɔɓɛlaa nɔ̨ɔ̨ kaa yɛ, tulɔ hvaŋą a kɛi kɛlɛ bɛlɛ́ nwąną hu.

Azaya 32:2

Di tɛi tɛi kaa pai kɛi a nu mąąkilɛi, hvaŋą tɔwɔ; di ɓo a tulɔ teen ɉii. Di kaa pai kɛi yɛ tɛɛyáɠaa gbáli kələn ɉu; yɛ kwɛni kɛnɛ̨ɛ̨ nįnį́n lɔi hukpalaa hu.

Azaya 56:8

Mɛ̨nį kəlee ŋą Hééɓomun Yálá woo ka, yai a Israɛlə lonnii tii luwɔlaa hu di ɲąąkpɔn, yɛ: Yiiɠaai daa gbɛa di ɲąąkpɔn ɓɛ, ŋį́ pa nwɔ̨nɔ̨ a dakpɛliɠaa, gɛ di pɛlɛ diɛ.

Azaya 58:7

'Ə́ kɔ̨nɔ̨n da tɛɛ pulu gɛlɛ pɔ, ɛlɛɛ nwɔ̨nɔ̨, ə́ yee hvowolonuą nwɛąlaa kɛ, ya nu kaa həɠə hvo mą, 'həɠə tɛɛ bɔ, nui gaa a ə́ kpinįlee kpɔɔ kpɔɔ, 'hvo ə́ ɲɛ̨i loo mą.

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Ɉeremi 21:12

«Davidə yəi bɛlɛ́n nuą, Yai-Laa woo ka! Yɛ diɛ: Ka kiti tee a ɉaŋaa yələwala pɔ tɛitɛi kəlee ɓa. Nui daa hee mɛ̨i, ka gulɔ ɲəi kɛ; a wala kɛ tii, nwɔ́ liiholi kaa pai ɓɛlai yɛ nwɔ̨n, gaa pai kɛi lən ɉii, nu hva hɔlɔɓo hvo nuwun. Mąąhɔlɔɓo, ka túwɔ́ pələ aa ɲɔ̨n.

Ɉeremi 22:3

Yai-Laa yɛ ka mɛ̨nį ɓo a tɛ̨ą da tələnmolaa. Nui daa hee mɛ̨i, 'ká gulɔ ɲəi kɛ. Yɛ ə kɛ a nwɛ̨ą, yɛ ə kɛ a təlilon da kalanin, 'ká hvo hee da mɛ̨i, 'ká hvo da mɔ̨nɔ̨ɓo. 'Ká hvo kwəi kwələ mun ɲąmą pu gɛɛnąąi ŋɛ̨i ɓa.

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Zakari 7:9

«'Mo nɔi lonnii kəlee diɛ, yɛ́ diɛ: Yai-Laa Mɛ̨nį Kəlee ŋą Hééɓomun woo ka, yɛ: 'Ka kiti tee a tɛ̨ą, nu kəlee ə nąn non ɉon a kwəi kwələ laa, da wɛlikɛmąąlaa.

Maafîu 25:35

Mąąhɔlɔɓo, pulu ə kɛ mą́ą́, ka gɔ́ a kɔ̨nɔ̨n. Kpələ wɛli ə kɛ mą́ą́, ka yalaɠi tɛɛ bɔ́. Ŋą kulɔ kaa a nweą, ka nweə̨ laa kɛ.

Hebreu 13:2

'Ká hvo lɛ̨ą nwɛ̨ąlaa kɛɛ ɓa, hvo gaai, nu taɠaa di lɛɛ kpɔ nwɛ̨ąlaa kɛi, di malakaɠaa nwɛ̨ąlaa kɛ di tɛɠi.

Nwun mąąɓo 9:15

«Ɲąąlən gbɔlɔ yɛ wuluɠaa diɛ: ‹Akɛ ka káá bɔ ka ɉéé a ka wɔ tɔɔmun, ka pa ka lɔ nínín mu; a wala kɛ tii, nwɔ̨n da kaa pai kulɔi ɲąąlən gbɔlɔ hu, yii gaa pai Liban kpitiliɠaa kələn ɉii.›