Azaya 16:12 - Yálá laawoo hɛɓɛ (dc)

¹² Di kaa pai Moabə kaai, vinna tɔ́n ŋąą, yɛ tɛ nwɔ haliɠaai kɔ́i, yɛ li nɛ̨ɛ̨mąą hvəi nwɔ haláá kulɔ pɛlɛ́i mu, Kɛlaa, ɲee hvo pai lɔi mɛ̨nį ta kɛi.

Yálá laawoo hɛɓɛ

¹² Di kaa pai Moabə kaai, vinna tɔ́n ŋąą, yɛ tɛ nwɔ haliɠaai kɔ́i, yɛ li nɛ̨ɛ̨mąą hvəi nwɔ haláá kulɔ pɛlɛ́i mu, Kɛlaa, ɲee hvo pai lɔi mɛ̨nį ta kɛi.

Bible

¹² Môa-ŋai da pâi kɛ̂i mɔ̃lɛ̂i díkɛ pà díyee maa waa-ŋai ma da díɣâla fɛli kwaa-ŋai ma a gɛɛ dí díɣâlai fɛ́li. Kɛ́lɛ dífe pâi mɛni lɛ́lɛɛ sɔlɔ ƃôi naa.

Azaya 16:12 ပူးပေါင်းရင်းမြစ်များ

Tɔɔɓɛlaa dɔlɔɔ 11:7

Nąąlɔwai ɓə Salomɔn ə Kemɔsə hali kɔ́ pɛlɛ́ ta tɔɔ la, yai kɛ a Moabə lɔi hu nuą di wɔ ɓɛlɛkpɛɛmąą halii, ɛlɛɛ, da Molɛkə, yai kɛ a Amɔn lonnii di wɔ ɓɛlɛkpɛɛmąą halii, ə di wɔ haláá kulɔi kɛ ɲeei tii Ɉerusalɛmə tənən ma, nwuɔ̨.

Tɔɔɓɛlaa dɔlɔɔ 18:29

Hvóló paa kɛa nwun ma, di kɛi lɔ tomą, ə lɛɛ ɉu ə həli la yələwulii haláá kulɔi lɔwai ɓa. Kɛlaa woo ta hvo tɔɔ, di hvo woo ɲąą pənə hɔlɔɓo, mɛ̨nį ta hvo kɛ.

Tɔɔɓɛlaa veelɛ 19:12

Nɔiɠaa ŋɛ̨i ku nannii di ɉon, di wɔ haliɠaai di pɛli mɔ̨ɔ̨ di nwun mąąɓoi? Mį ɓə, Gozan, Haran, Rɛsɛfə, da Edɛn lonnii di kaa laa, diɛi kɛ Telasarə?

Tɔɔɓɛlaa veelɛ 3:27

Non ɉilɔnu dɔlɔɔ ŋɛ̨i kɛi pa heei a mąąhvalin, ə yili həɠə ə gulɔ ɉįi kpoloon mɛ̨i a haláá. Yili ə nwąną kpɔ Israɛlə nuą diɛ kpɔ kɛnɛ̨, di həɠə laa, di li di pɔ taaɠaa.

Hanwon 1:28

Mąą yələ, da də́li, vá di woo mu hon, da gwɛ́li, di hva gáá.

Azaya 15:2

Nuą kaa tɛi Divɔn haláá kulɔ pɛlɛ́ mu, diɛ wɔlɔ laa. Moabə kaa nwoo laai Nebo yee da Madaba yee nwuɔ̨; daa nwun gəlee kalaan, daa kpɛlɛ kəlee pu.

Azaya 16:13

Nwooi Yai-Laa ə mo yɛ hvilɛn na Moabə ɓa, ɉu aa kwɛa, ya ka tii.

Azaya 26:16

Yai-Laa, kwa kɛ mɔ̨nɔ̨ hu, Yɛ́ ɓə kwa pa Ə́ pɔ pələ, Yá Ə́ liiholi, kwa kɛ nɛ̨ɛ̨mąą hvəi Yɛ́.

Azaya 37:38

Hvóló ta, ə kɛ nwɔ yálái Nisrokə hvɛli pɛlɛ́ mu, yɛ kwɛli hvilɛn mą, nonnii, Adramelɛkə da Sarɛsɛrə di pa di ɓɔwa pu mą, di pu də li Araratə lɔi hu. Non Asaradɔn ə hee dɔɔlaa hu a mąą hvalin.

Azaya 47:13

Da kɛ ə́ wəlii woo ɲąąnwąnąi a liɛwoo tamąą, Nuąi tii di pa kɛa wɛ, diɛi tii da kɛ mɛ̨nį kwɛlii yələ kwəi, diɛ tɔlukpɛ a pɛmɛ̨lɛ̨n-gɔwɠaa, ɲąnįn dɔɔ pələ tɛi tɛi, mɛ̨nįɠaai pai kɛi ɲąnįn tii yeemu, ɉukulɔ, nuą kpɔ di di muhəɠə kɛa, di ə́ ɓalo.

Ɉeremi 10:5

Ɉaliɠaa tii, kaa yɛ nwɛ̨nį kpɛ gbala, a nwɛ̨nį mąą ɲɔw, hva hɛn da kɛ mą; di hva hvaa, di hva hiɛ, hvo kɛ li daa kɛi di kpəŋə. Ka hvo kpɔ tai ɲɔw ɉaliɠaa tii diɛ. Di hva pɛli mɛ̨nį ɲąą nwąnąą laai nu ɓa; di tɔlɔ hvo kpɛli diɛ nu ta ɓa.»

Ɉeremi 48:13

Moabə kaa pai nwumɛ̨i Kemɔsə ɲɛ̨i ɓa, yɛ bələi Israɛlə nuą di nwumɛ̨ la Betɛlə ɲɛ̨i ɓa, yaai kɛ a di kilitɔɔi.

Ɉeremi 48:35

Yai-Laa woo ka, yɛ diɛ: «Nui lɔpee a haláá kulɔ ɲaɠaa kɔ́i, yɛ lansan kələn ɲaɠaa tii diɛ, Moabə lɔi hu, ŋą́ mąą nu kulɔ nɔi.»

Ɉeremi 48:46

Lə mąąwɛli mɛ̨nį ɓəi aa laa yɛ́i, Moabə! Kemɔsə nwɔ nuą nwun aa lɛɛ ɉu, di kaa lii a ə́ lon ɉinąą kɔluwɔlaa hu, ə́ lonnii nɛ̨ąą diɛ li luwɔ pələi.

Ɉeremi 48:7

Mąąhɔlɔɓo, ka ka kilitɔɔ ka kpɔwɔ ɓa, da ka yəi hɛn gɔwɠaa, ka hon ŋąą li. Kemɔsə kaa lii mąąkilɛi, da nwɔ haláá kulɔ nuą, da nwɔ ɲąąwooɓo kɛ nuą kəlee.

Lonon mo 21:28

Nwɔ̨n ə kulɔ Hɛsbɔn daai, nwɔ̨n nən ə kulɔ Sihɔn nwɔ taai hu. Ə Arə kələn Moabə lɔi hu, da Arnɔn yee hu tɔɔɓɛlaa.

Lonon mo 22:39

Balaamə da Balakə di li, di həli Kiriatə-Husotə.

Lonon mo 22:41

Mąą yələ laaɓoɔ, Balakə ə li a Balaamə Bamotə-Baalə; nu a kɛ laa a pɛli Israɛlə lonnii kpulu bələ tɔ̨nɔ̨ kaai.

Lonon mo 23:14

Ə li la kɛɛnąą yee muhəɠɛɛ ɓa, Pisga Yee tonna. Ə haláá kulɔi bɛli laa mɛ̨ihveelɛ. Ə nįŋɛ̨ hilɛ tɛi tɛi da ɓɛlaa hilɛ tɛi tɛi paa nąą tɛi tɛi ɓa.

Lonon mo 23:28

Balakə ə li a Balaamə Peɔrə Yee tonna, yai tɔɔ ni nɔi pun dənən ma.

Lonon mo 24:17

«Gáá mɛ̨nį kaai, Kɛlaa yiihu mɛ̨nį hvə li, gáá mąąkpɛɛi, kɛlaa ɲɛ̨́i mu mɛ̨nį hvə li. Pɛmɛ̨lɛ̨n-gɔw ta kaa kulɔi Ɉakɔbə huwu hu. Yɛ kɛ a tɔɔmun; tɔɔ hvili kaa muhəɠəi Israɛlə hu. Yɛ Moabə laa kpaɠa yali. Yɛ Sɛtə lonnii kəlee paa.