Azaya 15:1 - Yálá laawoo hɛɓɛ (dc)

¹ Mɛ̨nį kponąąi ɓo Moabə laa mɛ̨i, ya ka: Gbinii Arə-Moabə ə too la, ə lɛɛ a taa kpoloon. Gbinii Kirə-Moabə ə too la ə lɛɛ a taa kpoloon.

Yálá laawoo hɛɓɛ

¹ Mɛ̨nį kponąąi ɓo Moabə laa mɛ̨i, ya ka: Gbinii Arə-Moabə ə too la, ə lɛɛ a taa kpoloon. Gbinii Kirə-Moabə ə too la ə lɛɛ a taa kpoloon.

Bible

¹ Ŋ̀orɛ̂-wooi ŋí pîlaŋɔɔi Môa ma. Âa taa-leei da Kîɛ taa-leei su-karaa a kpíni tɔnɔ Môa lɔii su mɛni a gɛ́ Môa lɔii a see tɔŋ.

Azaya 15:1 ပူးပေါင်းရင်းမြစ်များ

Tɔɔɓɛlaa veelɛ 3:25

Israɛlə nuą di Moabə nuą di wɔ taaɠaai wolo, diɛ kwɛni pili di yəi ɉihɛnŋąą hu, di nąą laahvɛɛ la. Di di wɔ yálɔwaɠaai laahvɛɛ, di ɉi wuluɠaa kəlee tee. Kirə-Harɛsɛtə hįi kpoloon nɔ ɓə lɛɛ, ɲələvin bili nuą di mąą tinɛ̨n di nwolo.

Azaya 11:14

Ɛfraimə huwu da Ɉuda huwu, da pɛlɛ di kee ɓa di yee lɔɔ geei, di hee Filisti nuą pumún ŋą, di too voló həɠəi pələ nuą mɛ̨i, diɛi a: Edɔmə nuą da Moabə nuą, ɛlɛɛ, di hee Amɔn nuą mɛ̨i.

Azaya 13:1

Mɛ̨nįi kponąąi Amɔsə lon Esai ə gaa, yɛ hvilɛn na Babilonə ɓa, 'ka mo mą, kaa mą:

Azaya 14:28

Gwɛlan tɔɔmun Akazə ə haa la, mɛ̨nį kponąąi di noloɓo, ya ka:

Azaya 16:11

Níi kaa kpɛlin ɉii gwə́i, yɛ gwɛni ɲɛli, Moabə mąą mɛ̨nį ɓa, níi yɛ dumo gwə́i Kirə-Hɛrɛsə mąą mɛ̨nį ɓa.

Azaya 16:6

Kwaa Moabə nwɔ kpɔwɔ ɲąą kɛnɛ̨ ɲɔ̨nwɔ̨ɔ̨ bələ mɛ̨n, nwɔ ɲɛ̨i tɛ mɛ̨nį, nwɔ kpɔwɔ ɲąą kɛnɛ̨i, nwɔ ɓələn, vilɛn ŋąą la kpɛli kpɛli mɛ̨nį pulu.

Azaya 16:7

Ya ka kɛa Moabə kaa wɔlɔi Moabə mɛ̨i, diɛ di kee hon a wɔlɔ, di liikələn ŋąą di kwəi, diɛ ɲiŋɛ̨ a kwəi pili mąą, Kirə-Harɛsɛtə taa kpoloon mɛ̨i.

Azaya 25:10

Yai-Laa kaa pai ɲee pɛlɛi ɲeei ŋɛ̨i mɛ̨i, Kɛlaa, di kaa pai Moabə hu woloi ɲąą ɓa, yɛ bələi mɔ̨nun-danmun a mɔ̨nun dan na.

Azaya 25:12

Ə́ wɔ taa mąąkpɛ hįi huwiaaɠaai, Yai-Laa kaa pai gəlee pui, yɛ di hu taɠa taɠa, yɛ di pu lɔi ɓa, munuun ɉu.

Lonon mo 21:28

Nwɔ̨n ə kulɔ Hɛsbɔn daai, nwɔ̨n nən ə kulɔ Sihɔn nwɔ taai hu. Ə Arə kələn Moabə lɔi hu, da Arnɔn yee hu tɔɔɓɛlaa.

Dutɛrɔnome 2:18

«Arə ka ŋɛ̨i ə́ kaa laa Moabə lɔi hu.

Dutɛrɔnome 2:19

Ə́ həli hiɛ li Amɔn lonnii di wɔ lɔi hu. Hvó kɔ́ pɛlɛ diɛ, hvó hvaa kwɛli diɛ. Mąąhɔlɔɓo, Amɔn lonnii di wɔ lɔi hu, və́ pai hɛn da tɛɛi ə́ pɔ nąą. Lɔtə lonnii ɓə ŋį́ nɔi tii tɛɛ di pɔ a di hee lɔi.»

Dutɛrɔnome 2:9

Yai-Laa yɛ guɔ: «Ka hvo kɔ́ pɛlɛ Moabə ɓa, ka hvo hvaa tee mą, və́ nwɔ lɔi hu hɛn da tɛɛ li ka pɔ a ka wɔɔ. Mąąhɔlɔɓo, Lɔtə lonnii ɓə ŋį́ Arə lɔi tɛɛ di pɔ a di kwɛlin.