Azaya 14:6 - Yálá laawoo hɛɓɛ (dc)

⁶ a yai tii kɛi nuą kɛlɛ a liiholii, vii hvo kɛi kpɛɛ nuą hulɔwai, yɛ hee lɔiɠaa mɛ̨i a ɲąąnwąnąą, yɛ di mɔ̨nɔ̨ ɓo, ya ka daa hvilɛn bulu, di hvo ɲɛ̨imąąwɛli kaai.

Yálá laawoo hɛɓɛ

⁶ a yai tii kɛi nuą kɛlɛ a liiholii, vii hvo kɛi kpɛɛ nuą hulɔwai, yɛ hee lɔiɠaa mɛ̨i a ɲąąnwąnąą, yɛ di mɔ̨nɔ̨ ɓo, ya ka daa hvilɛn bulu, di hvo ɲɛ̨imąąwɛli kaai.

Bible

⁶ Zɔnyɔ̂ŋ kaloŋ ŋí è ǹûai sòŋ a ŋwana lɔ̂ɔ-pere, gɛ́ mɛni nyɔ́mɔɔ sii támaa kɛ̀ a ǹɔii-ŋûŋ-ŋai su-ƃela nyii-ŋai è díyee mɛi ɣâlei.

Azaya 14:6 ပူးပေါင်းရင်းမြစ်များ

Kɔlɔnikɔ Veerɛi 36:17

Yai-Laa ə Kalde tɔɔɓɛlaa ŋąątɔɔ diɛ a kɔ́. Kalde nuą di di wɔɔ hilɛlɛaɠaa paa gɛɛnąą mąąhəɠɛɛ ɓa a kɔ-kɔ ɓɔwa; di hvo kpɛli ɉilɛlɛaa da nɛ̨ɛ̨lɛaa mąąwɛli kaa, ə mą kɛ, a ɉulɔgoloɠaa da nu mąąpɔlɔɔɠaa. Yálá ə di kəlee di lɔ Kalde nuą yee ŋą.

Zôo 9:13

Yálá a níiholi nu hva pɛli gbəlai bələi. Gboloyá hu huwɔ kpɛa kpɛa kəlee da pɛlɛ gɔwɔ mu.

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Hanwon 28:15

Mąąwɛli lɔi ɲąąwooɓomun a kɛ a nwąnąlɔmun, gaa yɛ yala a kɛi hvuluun, yɛ yákwɛli a kɛi laŋin.

Azaya 10:14

Ɲéé aa pɛli nuą di wɔ hɛn gɔwɠaai mɛ̨i, yɛ nu a kwiɛn a nwɛ̨ni ɲąnin, yɛ ɲɛɠɛ, nwɛ̨ni taa hu, yii nee hvo mɛ̨i. Bələ lɔ ɓə ŋą́ą́ lɔi nąą kəlee həɠə la, ɛlɛɛ, nu ta lɔpee hvo gonon gɛlɛ li mą, pələ hvo kulɔ li da la.›»

Azaya 14:5

Yai-Laa aa mɛ̨nį ɲɔ̨n gɛ nuą di wɔ gbɔn huyali, aa tɔɔɓɛlaa di wɔ nuą kɛlɛ gbɔn huyali,

Azaya 33:1

Kpalo ɓɛlaai yɛ́, yɛ́i kɛɛ kalai ə́ ɓɛlaa diɛ, yaan, da hvo ta kala li yɛ́, yɛ́ ə́ ɓɛlaa ɓowo, yaan di hvo ta ə́ ɓowo li. Ya pa kpɛɛi gɛɛ kalaai tii ɓa, di kaa pai da kalai lɔ yɛ́, yá pa kpɛɛi a mowo ɓoi tii kɛɛ a ə́ ɓɛlaa, di kaa pai ə́ ɓowoi.

Ɉeremi 25:26

ɲánwuɔ̨ pələ tɔɔɓɛlaa kəlee, kpuwɔ la nuą da kwɛa la nuą. Nu tɛitɛi yɛ lɛɛ mɛlan bulu. Lɔi mɛ̨i tɔɔɓɛlaa kəlee, diɛi kpɔ bɔlɔi ŋɛ̨i mɛ̨i. Ɛlɛɛ, Sesakə tɔɔmun a lɛɛ pulu a gbəlɛɛ.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 48:17

'Ká gbəla ɓo, kaai a gwɛlɛ nuą, a nwɛlikɛmąą nuą, ka kɛ mą: «Ee kə! Nɔi huwalawala ŋɛ̨i, ɉééɓo taa mąąwia ŋɛ̨i, daa nwolo?»

Ɉeremi 50:31

Yɛ́ ɓə vílɛn ŋąą ə́ pulu, tɛɠɛɓoɉu mun. Ə́ wɔɔ yələi aa həli, a nwą́ną kulɔ yələ. Ɲą́ą́ Nąmu Yai-Laa Mɛ̨nį Kəlee ŋą Hééɓomun nwóó li!

Woolaa 1:21

Diɛ nwɔ́lɔ́ woo mɛ̨n, nu ta hvo mą hvo náá pilɛ. Ɲówoɠaa di kɛi nwɔ́ mɔ̨nɔ̨i bələ mɛ̨n, mɛ̨nii ə́ naa mą́ą́ diɛ mąą kwəinɛ̨ɛ̨ kulɔ. Volói ə́ vaa ɓo, ə pa kɛa wɛ! Ə gɛ, di pɛli kɛi yɛ ɲą́ą́!

Habakukə 1:17

Akɛtii, di hvo kɛa pai di wɔ ɓɔwaɠaai lɔi daai, di kaa pai kɛi hį́i taakpɛliɠaa nwun deei lɔ ɲɛ̨imąąwɛli hvo ɉu?

Habakukə 2:5

A tɛ̨ą lɔɔ a nu ɓowo. Kpɔɔɲąŋą kɛnɛ̨ yɛ nu həɠə pələ mɛ̨i. Di kwəi kɛnɛ̨i yɛ ɲąmuątaa di kɛ pələ kaa yɛ haa, di hva pilɛ. Da lɔi tɔ̨nɔ̨ hu nuą kpələ, di hvilɛn dakpɛliɠaa pulu. Diɛ lɔiɠaa lɔ di yee mu.

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.