Azaya 14:32 - Yálá laawoo hɛɓɛ (dc)

³² Gɛlaɠaai nɔi tii ə di tɔɔ, lə ɓə da pɛli moi diɛ? Yai-Laa aa Siɔn taa tɔɔ, nwɔ lɔi hu lonnii, a mąąwɛli nuą, di kɛ laa di nɛ̨ɛ̨ hu.

Yálá laawoo hɛɓɛ

³² Gɛlaɠaai nɔi tii ə di tɔɔ, lə ɓə da pɛli moi diɛ? Yai-Laa aa Siɔn taa tɔɔ, nwɔ lɔi hu lonnii, a mąąwɛli nuą, di kɛ laa di nɛ̨ɛ̨ hu.

Bible

³² Gela-ŋai da kûla Felesîai, kwa pɔ̂ri díwoo too pere kɛ̂i léŋ? Kwa pâi m̀ôi dîa a gɛɛ Yâwɛɛ aâ Zãiyɔŋ siɣe zu a ǹaa kpɛtɛ ŋɔnûai mɛni ma nyii-ŋai da mɔ̃lɛi. Ǹaa ƃé da pâi kɛ̂i naa lii-sêe su.

Azaya 14:32 ပူးပေါင်းရင်းမြစ်များ

Samia Veerɛi 8:10

Toi ə non Yoramə tɔɔ yɛ li Davidə nwɔ lúwuɲɛ̨n ɉi, gɛ mɛ̨nį ɲee aa tɛɛ Hadadɛzɛrə ɓa a kɔ́. Toi ə gɛ tii, mąąhɔlɔɓo, ɲowo ɓa kɛ a Hadadɛzɛrə. Toi ə Davidə nwɔ lúwuɲɛ̨n ɉɛnŋąą kɛ a hɛnŋaa huwu ɲɛ̨i tamąą, di ɓo a: Hɛni, wali kwɛli, da ɓala kwɛli.

Mąątɛ̨nɛ̨ 102:16

Lɔiɠaa kaa pai ɲɔwi Yai-Laa, laa ɓa, yɛnɛ̨ɛ̨ tɔɔɓɛlaa kəlee diɛ ɲɔw Ə́ mąąwiɛ̨ pələ ɓa.

Mąątɛ̨nɛ̨ 102:28

Ə́ kɛ pələ laa lɔ ɓaa a Ə́ kɛ pələ, kpɛɛ hvo ə́ wɔ kwɛlanŋaa diɛ.

Mąątɛ̨nɛ̨ 48:4

Siɔn kwəlii nwɛi, Yálá ɓə di kɔ́lɔn a nɔi mąą kɔ̨nwɔ̨ taa.

Mąątɛ̨nɛ̨ 87:1

Kore lonnii di wɔ hvɛli woo, wɛlikɛmąą wələ. Yái-Laa ə Siɔn tɔɔ yee mąąhəɠɛɛ nwuɔ̨.

Mąątɛ̨nɛ̨ 87:5

Kɛlaa, yii ɓaa Siɔn nwɛi, di kaa pai kɛi mą: «Nąą ɓə di nu kəlee kaa laa, ɛlɛɛ, Hɛn Gəlee Mɛ̨i mun mə nwulu hvilɛn kpilin!»

Hanwon 18:10

Yai-Laa laa kaa a nu mąąkpɛɛ hįi. Nu haŋąą a noo ɉu, mɛ̨nį ta hva ɉɔlɔɓo.

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Azaya 25:4

Mąąhɔlɔɓo, nui ɲee hva lɔ, mąą kɔ́nwɔ̨mun maa a Yɛ́, Yɛ́ mąąwɛlimun mąą kɔ́nwɔ̨ nwɔ mɔ̨nɔ̨i hu, Ə́ ɓo a nu mąąkilɛi, tulɔ hvaŋą tɔwɔ, Ə́ kaa a nįnįn, wəleen dɔwɔ; mąąhɔlɔɓo, wea-tɔɔɓɛlaa nɔ̨ɔ̨ kaa yɛ, tulɔ hvaŋą a kɛi kɛlɛ bɛlɛ́ nwąną hu.

Azaya 28:16

Kɛlaa, mɛ̨nįi Nąmu Yálá kaa moi, ya ka: Gáá pai pɛlɛ́ kɔ́wɔ hvilɛn gwɛni laai Siɔn, a kwɛni mąą mɛ̨nį nwąnąą, yai daa mąąkpɛɛ, a bɛlɛ́ nwun ɉon gwɛni; nui a gilitɔɔ mą, gwəi hva pili mą.

Azaya 29:19

Yili pulu, kpɔwɔ mąąyɛɛ nuą diɛ di kwəinɛ̨ɛ̨ Yai-Laa laa hu, ɛlɛɛ yeehowolo nuą diɛ ɓələn, Israɛlə nwɔ Mąąhəɠəmun mąą mɛ̨nį ɓa.

Azaya 37:32

Mąąhɔlɔɓo, nu kpəli kaa pai hɔlɔɓoi Ɉerusalɛmə, nuą kaa pai kulɔi Siɔn yee nwuɔ̨. Mɛ̨nį Kəlee ŋą Hééɓomun Yai-Laa nwɔ wɛlikɛmąąlaa ɓə pai mɛ̨nįi tii kɛi.

Azaya 37:9

Mąąhɔlɔɓo, Asiri tɔɔmun ə bələ mɛ̨n diɛ mą Nubi tɔɔmun Tirhaka aa muhəɠə yɛ pa kɔ́ pɛlɛi mą. Bələi tii mɛ̨n Asiri tɔɔmun ə mo, ə nuą tɔɔ Ezekiasə pɔ yɛ mą:

Azaya 39:1

Nąąlɔwai, Baladan lon Merodakə-Baladan, yai kɛ a Babilonə tɔɔmun, ə hɛɓɛ́ tɛɛ Ezekiasə ɓa, da ɉamąɠaa; mąąhɔlɔɓo, aa kɛ bələ mɛ̨n diɛ kɛ diɛ Ezekiasə ə kɛi ɲɔ̨n gɛ, kɛlaa gɔlɔi aa pɔ̨nɔ̨.

Azaya 4:6

A kɛ yɛ gbɛɓɛlɛ, yɛ da kələ mąąɓo a kələ laa; yɛ nįnįn gɛ nu mɛ̨i, yɛ kpəɲąn wəleen gɛnɛ̨ tɔwɔ, ə ɓo a nu mąąkilɛ, a tulɔ teen ɉii, da tulɔ hvaŋą.

Azaya 44:28

Ɲą́ą́ ɓə ŋą́ kɛ Sirusə ɓa: «Yɛ́ ɓə a nwɔ́ taatɛlɛɛi mɛ̨imun!» Gaa pai nííɓa mɛ̨nįɠaa kəlee ɲɛ̨i kulɔi, Gaa pai kɛi Ɉerusalɛmə ɓa: «'Ə́ pɛ̨nɛ̨ ə tɔɔ!» Ɛlɛɛ yɛ kɛ diɛ: «'Ka pɛ̨nɛ̨ ka Yálá nwɔ pɛlɛ́i hvilɛn a nįnɛ̨!»

Azaya 54:11

Yɛ́i kɛ ə́ mąąwɛliɛ, diɛ ə́ hviɛ hviɛ tɔɔ, ə́ kpəlaɓomun və kɛi hɔlɔɓo, Gáá pai ə́ kɔ́wɔ vilɛn gwɛniɠaa kɛi a kwɛni mąąpɛ̨ɛ̨ɠaa, gɛ́ ə́ kɔ́wɔ hvilɛn Kúwɔ́-kwɛni mɛ̨i,

Azaya 57:13

Ya kɛi wɔlɔ, 'mo ə́ wɔ háli kpulu tamąąi tii diɛ, di ə́ ɓalo! Hvaŋą kaa pai lii a gəlee, hvaŋą hvolɛɛ kaa pai di kulɔi laa. Kɛlaa, nui a gilitɔɔ mą́ą́, gaa pai lɔi hɔlɔɓoi a gwɛlin, yɛ ŋį́ Yee mąąhəɠɛɛi hɔlɔɓo a nwɔɔ.

Izikiɛ 48:35

Mąą tinɛ̨n ŋąą doɔ gee hu, yee tɔɔɉu waa pow kɔ́w mɛ̨ihaaɓa. Ə həɠə háákəlee ɓa, daa laa ɓaa kɛa: ‹Yai-Laa kaa ɓɛ.›»

Sofoni 3:12

Gáá pai ɲéé kanąn ɉii nu huwu logolo tiikpə ɓa, ə́ wɔ lɔi hu. A nuąi di kaa a yeehvowolo nuą, di ɓɛlɛɛ, Yai-Laa laa hu ɓə di kaa pai kɛi di mąą kilɛi laa.

Zakari 11:11

Di gala a mąą yələ, daatɛlɛɛ lɔwɔ́tɔɔ nuą ɲɛ̨i heɛ lɔ kɛ mą́ą́, di gbaɠala kaa diɛ kɛ, Yai-Laa woo pɔ mɛ̨nį ka tii kɛi.

Zakari 11:7

Yili ɓə gɛi, daatɛlɛɛɠaai tii yɔw ɓɛlaa di kɛi pa di paai, ŋą́ li a diɛ kala tiliin nɛlɛɛ kɛɛnąą. Tunwɔ̨n veelɛ ɓə kɛ ɲə́i, ŋą́ dɔlɔɔ laa hee a: Mɛ̨inɛ̨ɛ̨, gɛ́ veelɛnąą ɓa: woolaamąą. Ɛlɛɛ, gɛ́ ɲɛ̨́i kɛ daatɛlɛɛɠaa diɛ.

Maafîu 16:18

Gáá tɛ̨ą ɓoi yɛ́, ə́ laa ɓaa a Piɛrə. Gwɛnii tii mɛ̨i ɓə gáá pai nwɔ́ nu kpului ŋąąkpɔn ɉii laa. Haa yee hvə pai pɛli mą.

Hebreu 11:10

Mąąhɔlɔɓo, taai dɔɔ mun, da ɲɛlɛkɛmun gaa a Yálá kpinįi, ya ɓə Abrahamə ə kɛli mąąkpɔn.

Hebreu 12:22

Kɛlaa, ká wɛi, káá ká mąąlɛɠɛ Siɔn yee ɓa, da Yálá hvulú nwɔ taalee kɛnɛ̨i, a Ɉerusalɛmə yai yələi, da malaka kpulu waa tamąąi di ɲąąkpɔnŋąą hɛli hu,

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?