Azaya 14:29 - Yálá laawoo hɛɓɛ (dc)

²⁹ Filisti lɔi pilɛɛ gee mɛ̨i, 'hvó tɔɔ yɛ́ kɛ ə́ kaa kwəinɛ̨ɛ̨ kulɔi, gbɔn kɛi ə́ kɛlɛ, ɉuyali mɛ̨nį ɓa, mąąhɔlɔɓo, tumo kaa pai kulɔi kaalə kpuwɔ hu, gbaatow-gbono kaa pai kulɔi tumo hu yɛ koon.

Yálá laawoo hɛɓɛ

²⁹ Filisti lɔi pilɛɛ gee mɛ̨i, 'hvó tɔɔ yɛ́ kɛ ə́ kaa kwəinɛ̨ɛ̨ kulɔi, gbɔn kɛi ə́ kɛlɛ, ɉuyali mɛ̨nį ɓa, mąąhɔlɔɓo, tumo kaa pai kulɔi kaalə kpuwɔ hu, gbaatow-gbono kaa pai kulɔi tumo hu yɛ koon.

Bible

²⁹ Felesia-ŋa, káfe lii-nɛ̃ɛ kùla niî a gɛɛ kákpɔara-ƃelai ŋuŋ lá a pili. Kali nyɔ́mɔɔ à sàa, zu-kulâi fa kali kélee a kpɛɛ ɣele ma. Ŋ̀áloŋ da a pɔ̂ri lɛɛ̂i naa. Ŋ̀áloŋ ŋí a pɔ̂ri pôrɛi. A pòrɛ, a kɛ̀tɛ, a pɔ̂ri kɛ̂i yɛ̂ɛ yûoi zere kali.

Azaya 14:29 ပူးပေါင်းရင်းမြစ်များ

Tɔɔɓɛlaa veelɛ 18:8

Yaa kpinįi ɲee ə tɛɛ Filisti nuą diɛ; ə həli kpɔ Gaza lɔi daa pɛlɛɛɠaa da daa leeɠaa kəlee hu.

Kɔlɔnikɔ Veerɛi 26:6

Oziasə ə kɔ́ pɛlɛ Filisti nuą diɛ, ə Gatə ŋɛ̨i kɛ Yavne da Asdɔdə, mąą kpɛ hįį wolo. Yili pulu, ə taaɠaa tɔɔ Asdɔdə lɔi hu Filisti nuą pɔ lɔi.

Kɔlɔnikɔ Veerɛi 28:18

Filisti nuą daa kɛ too Ɉuda nuą mɛ̨i nɛ̨ŋɛ̨ lɔi hu, ɉɛɠɛɛ pələ, di Bɛtə-Sɛmɛsə, Ayalɔn, Gederotə, Soko da gwɛlɛ taaɠaa, Timna da gwɛlɛ taaɠaa, Gimzo da gwɛlɛ taaɠaa, di gəlee hon, di hee laa.

Hanwon 24:17

Ə́ yowo a too, ə́ kwəi hvo nɛ̨ɛ̨. A gɔwɔ tuwɔ, 'hvó pili yələi a kwəinɛ̨ɛ̨.

Azaya 11:14

Ɛfraimə huwu da Ɉuda huwu, da pɛlɛ di kee ɓa di yee lɔɔ geei, di hee Filisti nuą pumún ŋą, di too voló həɠəi pələ nuą mɛ̨i, diɛi a: Edɔmə nuą da Moabə nuą, ɛlɛɛ, di hee Amɔn nuą mɛ̨i.

Azaya 11:8

Ɲįnį kpələ lon yɛ pələ kɛ a kaalə, lokolo yɛ ɲee lɔ túmu woloi.

Azaya 14:31

Kponŋąą, ka ka woo laa, taaɠaa, ka tómą, Filisti lɔi kəlee aa too, nwɔ̨n nulu kaa həɠəi ɲánwuɔ̨ pələ, nu ta hvo gɔwɔ kulɔ mɛlaa kɔ́wɔ pɔ.

Azaya 2:6

Yálá! Yáá lənə ə́ wɔ nu huwui ɓa, diɛi ɓaa Ɉakɔbə nwɔ pɛ́lɛ́i, mąąhɔlɔɓo, nɔiɠaai ɲɛ̨i vóló həɠəi pələ, di túwɔ́ pələ ɓə gaa di yee pɔ. Bələi lɔ tɔlukpɛ mɛ̨nį ka laa Filisti nuą yee pɔ, bələ lɔ ɓə ə́ wɔ nuąi da gɛ la, ə́ wɔ nuąi da hį́i takpɛliɠaa da kɛ mɛ̨nįɠaa tɛɛi gee pulu.

Azaya 30:6

Mɛ̨nįi di naa həli Negɛvə huwɔɠaa diɛ. Di kaa tɛɛi mɔ̨nɔ̨ lɔi hu, da liihɛlɛn nɔi, a nɔi hu kpalaai, yala haa da yala hilɛ, tumu da yileen di taa ŋą, diɛ li a di yəi hɛn gɔwɠaa da di yəi waliɠaa, hoohvaalənŋąą mɛ̨i, da ɲɔɔmɛ̨ɛ̨ɠaa mɛ̨i, diɛ dɛɛ nu huwui dɔlɔ hvo pai həli Israɛlə ɓa, bɔ.

Ɉeremi 47:1

Yai-Laa wooi həli Yálá kwəi mɛ̨nį hukulɔ mun Ɉeremi ɓa, yɛ hvilɛn na Filisti nuą diɛ, nąąlɔwai, Eziptə tɔɔmun hvo ni kɛ Gaza lɔi hon ni a kɔ́.

Woolaa 2:17

Mɛ̨nii Yai-Laa ə kili tee gwəi, aa gɛ; aa nwoo pɔ mɛ̨ni kɛ. A nwooi wɔlɔ aa mo ɉu aa kwɛa; aa Ɉerusalɛmə hukala, hvo kpɛli mąąwɛli kaa li. Aa ə́ kɛ a ə́ yówóɠaa di wɔ yɛlɛ kulɔ ɉu hɛn, aa ə́ yówóɠaa huɲąŋą kɛnɛ̨ ə́ mɛ̨i.

Izikiɛ 25:15

«Mɛ̨ni kəlee ŋą Hééɓomun Yálá woo ka, yɛ: Filisti nuą di toomɛ̨i kɛ, di di nwąną kulɔ a tɛɠɛɓo ɉu kɛnɛ̨; di gɛ lɔ tii kɛɛ kala wɛli ɓa. Yili kɔ́wɔ ə tɔɔ yowo laa mɛ̨nį yii kpɛɛ hvo mą, mąą mɛ̨nį ɓa.

Izikiɛ 26:2

Hulɔnu lon! Tirə ə mɛ̨nį ta ɓo a Ɉerusalɛmə laa, yɛ kɛ diɛ: «Hiiyoo, daa lɔiɠaa di wɔ kpon wolo!» Bílɛ yələ aa həli; daa nɛɛ a lɔi pun.

Izikiɛ 35:15

mąąhɔlɔɓo ə́ kwəinɛ̨ɛ̨ kulɔ, ɓɛlɔwai Israɛlə pɛlɛ́i ə lɛɛ la a lɔi pun, bələ ɓə gáá pai ə́ kɛi la; Seirə yee kaa pai lɛɛ a lɔi pun, da Edɔmə kəlee. Bələ ɓə ka gili kɔ́lɔn na, kaa diɛ ɲą́ą́ ɓə gáá a Yai-Laa.»

Osia 9:1

Israɛlə, 'hvo kwəinɛ̨ɛ̨ kulɔ! 'Hvo mąną, yɛ lɔi ta kpɛliɠaa, mąąhɔlɔɓo, ə́ kaa wɛli hon ɉii a ə́ mąą kwɛai ə́ kaa moi ə wɔ Yálái ɓa, yɛ́ yili mąą hvɛla wɛlila kɛ, mɔ̨nun danɉii kəlee ɓa.

Zooɛ 3:4

Hvoló hu kaa pai kpinįi, ɲąnin ɉu ə kɛ a ɲąmą. Yili a gbɛa kɛ tii Yai-Laa nwɔ hvólói yɛ teɠa pa, a voló kɛnɛ̨ɛ̨ mąąɲɔwɔɔ.»

Amɔsə 1:6

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą la Filisti nuąi ŋɛ̨i Gaza lɔi hu diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nįi ŋį́ gbən dee, və́ pai ɉəɠəi mą. Mąąhɔlɔɓo, di nu kpulu kɛnɛ̨ həɠə taaɠaa hu, diɛ di lɔwɔ́tɔɔ Edɔmə nuą diɛ.

Amɔsə 1:8

Gáá pai Asdɔdə nuą kəlee nwun na pilii, da Askelɔn tɔɔmun. Ŋą́ hiɛ Ɛkrɔn nuą mɛ̨i. Yai-Laa yɛ diɛ: Filisti nuą gbəli woloi a lɛɛ, di nwun na a pili.

Abdiasə 1:12

Edɔmə nuą, ka kaayɔwɔɠaa ŋɛ̨i di kaa Ɉuda lɔi hu, ɓɛlɔwai mɛ̨nį nwąnąą tii ə laa la diɛ, mąą hvo nɛ̨ɛ̨li kɛ, yili hvo ka kwəinɛ̨ɛ̨; ɓɛlɔwai di too la, yili hvo kɛ a ka wɔ kwəinɛ̨ɛ̨ mɛ̨nį, ɛlɛɛ, nalan da hvo kulɔ ka la, ɓɛlɔwai di kɛ la mɛ̨nį nwąnąą hu.

Mise 7:8

Hvó yɛ́lɛ́ mą́ą́, yɛ́i a ɲówó, akɛ ŋą́ą́ too, múhəɠə hiɛ li, akɛ gáá kpinįi, Yai-Laa ɓə gaa a nwɔ́ kɛɛ pɔ̨nɔ̨.

Sofoni 2:4

Gaza kaa pai lɛɛi a lɔi pun, Askelɔn hu kaa pai kalai, Asdɔdə nuą kaa həɠəi di heei a hvóló ŋą ɉə-ɉə, ɛlɛɛ, diɛ pa Ɛkrɔn nuą pɔ taai.

Sofoni 2:5

Kpalo aa ɓɛla gboloyá kwɛlɛ heeɓo nuą diɛ, diɛi ɓaa Krɛtə lɔi hu nuą, kaa ɓə Yai-Laa kaa haŋąi kaa. Filisti nuą pɔ lɔi Kanaan, gáá ə́ lɛɛi a lɔi pun, nuą di hvo pai heei ə́ hu.

Sofoni 3:11

Mąą yələi tii, hvó pai nwumɛ̨i, ə́ kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, yɛ́ kɔ́ pɛlɛ mą́ą́. Gbala ə tɔɔ, nąąlɔwai, gbɔwɔ ɲąą kɛnɛ̨ nuąi tii, da kɛ di nwun dɛi, ŋą́ kɛ kɛa, a di hukalaa ə́ lɔwai, ɛlɛɛ, hvá kɛa humɛ̨ni kɛnɛ̨ kulɔ nwɔ́ yee mąąhəɠɛɛ nwuɔ̨.

Zakari 9:5

Askelɔn a pa nąą kaai, ɉu kaa pai pui mą a ɲɔw, Gaza hu yɛ kɛ ə yali a mɔ̨nɔ̨, ɛlɛɛ Ɛkrɔn tɔɔ bulu hvo kɛa pai kɛi mą. Tɔɔmun va kɛa kɛ Gaza, nu hva kɛa kɛ Askelɔn.

Lonon mo 21:8

Yai-Laa yɛ Moisə ɓa: «Kaalə mąą nįnįn bɛli a kwɛli, ə ɉɛlɛn wulu gbiɛ ɓa. Nui lɔpee gaaləi tii ta a ɲin, a nwun muhəɠə a ɲɛ̨i hee mą, a ɓalo.»

Zasua 13:3

Ə həɠə Sihɔrə yá ɓa Eziptə lɔi tənən ma, ə həli la Ɛkrɔn lɔi ɓa ɲánwuɔ̨ pələ; yili kpɛli mąn, Kanaan lɔi ta li. Filisti tɔɔɓɛlaa lɔɔlii laa ka: Gaza nwɛi, Asdɔdə nwɛi, Askelɔn nwɛi, Gatə nwɛi, da Ɛkrɔn nwɛi; yili pulu, Avi nuą kaa laa ɉɛɠɛɛ pələ;