Azaya 13:6 - Yálá laawoo hɛɓɛ (dc)

⁶ 'Ka haa wɔlɔ ɓo, a gboo təliɛ, Yai-Laa nwɔ hvólói həli hiɛ ka, a kɛɛ kala hvóló, yɛ həɠə kɛɛ kaamun bɔ.

Yálá laawoo hɛɓɛ

⁶ 'Ka haa wɔlɔ ɓo, a gboo təliɛ, Yai-Laa nwɔ hvólói həli hiɛ ka, a kɛɛ kala hvóló, yɛ həɠə kɛɛ kaamun bɔ.

Bible

⁶ Malôŋ é tóo kâa, kpɛ́ni fêi, Ŋ̀wála-wâla kélee Yâwɛɛ ŋɔmɛni kula-maai ŋ̀ele a kɛ́ lɛɣɛ̂i.

Azaya 13:6 ပူးပေါင်းရင်းမြစ်များ

Zôo 31:23

A tɛ̨ą, Yálá nwɔ mɔ̨nɔ̨i aa mą́ą́ ɲɔw, Vá pɛli kɛ mɛ̨nį ta kɛi nwɔ kɛnɛ̨ laa lííla.

Azaya 10:25

Mąąhɔlɔɓo, ɉu hvo kɛa kwɛa li, nąą aa lɛɛ kpɔlɔɔ tiikpə, vá kɛa níí holi ka pɔ; Kɛlaa, gáá nwɔ́ liiholii ɲɛ̨i heei diɛ, di nwun na pili mɛ̨nį ɓa.

Azaya 10:3

Ka káá pai gɛi ləi a nwąnąkulɔ yələ? A ɲələi ka hu kala hɛn a həɠə la kwɛala yɛ pa? Gbɛɛ ka káá pai pui kaa li bɔ, yɛ ka mąąkɔ̨nwɔ̨? Mįnɛ̨ ɓə ka káá pai ka wɔ hɛn gɔwɠaai laaikɛi laa?

Azaya 13:9

Yai-Laa nwɔ hvólói ka pai, a liiholi kɛnɛ̨ da lii kələn gwəi, nu mąąhvaalɛɛ mɛ̨nį hvo ɉu, yɛ nɛ̨ŋɛ̨n ɉəɠə nuą ɲąąyíi, nɔi yɛ lɛɛ a mąąwɛli lɔi.

Azaya 14:23

Gáá pai nąą kɛi a palayá, a ya nwɛ̨niɠaa taa ŋą. Ŋą́ Babilonə kələ a taŋąn, gɛ́ hɛn gəlee kulɔ laa; Yai-Laa Mɛ̨nį Kəlee ŋą Hééɓomun woo li.»

Azaya 14:31

Kponŋąą, ka ka woo laa, taaɠaa, ka tómą, Filisti lɔi kəlee aa too, nwɔ̨n nulu kaa həɠəi ɲánwuɔ̨ pələ, nu ta hvo gɔwɔ kulɔ mɛlaa kɔ́wɔ pɔ.

Azaya 2:12

Yai-Laa Mɛ̨nį Kəlee ŋą Hééɓomun, aa hvóló ta həɠə ɉu, ə gɛ, ə kiti tee, nuąi da di kpɔwɔ kaa a nu kpɛa-kpɛa, di hunɛ̨ɛ̨, a di mąą yɛɛ.

Azaya 23:1

Mɛ̨nįi kponąą di mo yɛ hvilɛn Tirə ɓa, ya ka: 'Ka gboo təli, Tarsisə ya ɲą kələnŋąą, mąąhɔlɔɓo, daa ka wɔ taai wolo! Pɛlɛ́ hvo kɛa laa! Kələn dɔɔi hvo kɛa laa! Di kɛɛ həɠəi Siprə lɔi hu pələ ɓə di kulɔ la mɛ̨i.

Azaya 34:2

Yai-Laa nwɔ liiholii aa muhəɠə lɔi kəlee laa ɓa, nwɔ kɛɛ kala liiholii aa muhəɠə di wɔ kɔlaɠa kəlee pɔ, aa ɲee lɛ diɛ di hukala mɛ̨nį ɓa; aa ɲee ɓo diɛ, di hukala.

Azaya 34:8

Yai-Laa nwąną kulɔ hvóló li, gwɛlan da Siɔn mąą mɛ̨nį ɓo la, mąą kwɛlan ni.

Azaya 47:11

Mɛ̨nį ɲąąnwąnąą pai laai yɛ́, hvó pai pɛli mąą laai, ə́ kala mɛ̨nį kaa pai həlii yɛ́, hvá pɛli ə́ mąąkɔ̨nwɔ̨i ɲəi, gaa a tɛ̨ą, mɛ̨nį ɲąąnwąnąą kaa pai həli lɔ yɛ́ ə́ tɛɠii.

Azaya 52:5

Yiihu kɛa, lə ɓə kɛa ŋį́ gɛ? Yai-Laa woo li. Ɓɛlɔwai daa nwɔ nuąi hon na a mɛ̨inɛ̨ɛ̨, di laanɔ̨nwɔ̨ ɓo nuą di kaa tomąi, Yai-Laa woo li. Hvóló kəlee, da kɛ naa ɓɛlɛkpɛɛi mą.

Azaya 61:2

Yai-Laa nwɔ mɛ̨inɛ̨ɛ̨ kɛ kwɛlan noloɓo mɛ̨nį ɓa, da gu wɔ Yálái nwąną kulɔ yələ, nuąi mɔ̨nɔ̨ hu, di lii laa mɛ̨nį ɓa.

Azaya 63:4

Ŋą́ naa tii gwə́i, gɛ́ nwą́ną́ kulɔ hvoló aa həli, nwun mąąɓo kwɛlan aa kɛ pa.

Azaya 65:14

Nwɔ́ tínuąi kaa pai kɛi tómąi a kwəinɛ̨ɛ̨, mąąhɔlɔɓo, di kaa di nɛ̨ɛ̨ hu kɛnɛ̨, Ka wɛi, kaa tómą a wɔlɔ woo, ka lii kələn bələ ɓa ka kwəi a mɔ̨nɔ̨, a tɛ̨ą, ka lii kaa pai yalii ka kwəi, kaa gboo təli!

Ɉeremi 25:34

Taatɛlɛɛ mɛ̨i kaa nuą! Ka gboo təli! Ka nu kwɛli kaa! Taatɛlɛɛ tɔɔ nuą, ka too nɔi ɓa, ka kiliɠilin; ka nwun deei lɔwai aa həli, di kaa pai ka ɲąąkwɛlɛi, kaa too yɛ haláá kulɔ ɓɛlaa hilɛɠaa.

Ɉeremi 49:3

Hɛsbɔn! 'Toma yɛ́ kɛ mą: «Daa Ai taa pu!» 'Ka tomą, kaai a Raba yee mu taaɠaa! 'Ka ɓíi haɠa too ka kwąną, 'ka ká woo laa! 'Ka tɛɛ gumunŋaa lɔwai! Milkomə kaa lii kɔluwɔlaa hu, da nwɔ haláá laa həli nuą, da nwɔ nu kpɛa kpɛa kəlee, di kaa lii a gee.

Ɉeremi 51:8

Ya ka, Babilonə aa too lɔ ŋɛ̨i tɔ̨nɔ̨, nuą tɛɠii pələ, ɉu aa yali. 'Ka wɔlɔ pu mɛ̨i, 'ka ɉali kɛ, gaa kiɛ pai ɓaloi.

Izikiɛ 13:5

Ká hvo pɛli li ɉį́i wolo ɓa kpɛli ɔi, ká hvo hįį tɔɔ li Israɛlə nwɔ pɛlɛ́i ɓa, yɛ pɛli tɔɔi la gɔ́ tɔwɔ a Yai-Laa nwɔ hvólói?

Izikiɛ 21:12

Da kɛ yɛ́: ‹Ə́ kaa ɲiŋɛ́i lə mɛ̨nį ɓa?› 'Kɛ́ diɛ: ‹Wɛlɛɛ ɓə aa pa; nu kəlee hvii kaa pai kpɛɛi; nu kəlee yee hu kaa pai haai; nu kəlee hu kaa pai pui mą, nu kəlee kɔ́wɔ yɛ kpɛlin mu. Ya ka ŋɛ̨i pai! Gaa kɛa kɛi. Yai-Laa, gu wɔ Yálái woo li.›»

Danîa 5:26

Ɉɛɓɛ́ kɔ́w tii ɉukulaa ka: ‹Mene› mukulaa ɓaa: Yálá aa ə́ wɔ tɔɔlaai gwɛlan nono, gbəlai kaa mą.

Danîa 5:9

Kɛi ə mo tii, tɔɔmun Bɛlsasarə ə ɲɔw kpɔ kɛnɛ̨, maa yɛ kpɛlin, ə mą kɛ nwɔ nu kpɛa-kpɛaai diɛ kpɛli, naa ə di ɲɛ̨i maa hon gbɔ kpaan.

Zooɛ 1:11

Tíi kɛ nuą! 'Ka ka woolaa, viɲə yɛa laa nuą! 'Ka wɔlɔ, mɔ̨nun da kpai di hu aa kala, mąąhɔlɔɓo, hihɛn da hvo ɓa li.

Zooɛ 1:13

haláá laa həli nuą, ka ka hąą yili, ka ka woolaa. Kaai ka kɛ tíɓo kɛi ɉaláá kulɔi, ka ɲiŋɛ̨, ka pa ka mąąwɛli həɠə too ka kwaną, ka yii ɉu. Kaai ɓaa nwɔ́ Yálá nwɔ tínuą, Yálá kɔ́ lɛɠɛ da gɔ́ lɔɔ hvo kɛa hɔlɔɓoi, ka wɔ Yálái yəi bɛlɛ́n.

Zooɛ 1:15

Ə həli kaa! Ə kə́! Hvóló ləi ɓəi! Voló mąą aa kpuɔ, Yai-Laa nwɔ hvólói mąą aa kpuɔ, volói tii kaa pai a kɛɛ kalaa, hɛn yii a həɠə Huwalawala Kəlee Nąmu Yálá yəi.

Zooɛ 1:5

Lɔɔ gɛlɛɠaa! 'Ka nwun, 'ka ka wɔlɔ! Kaai kpɔ a lɔɔ kpələ nuą; 'ka ka woolaa. Mąąhɔlɔɓo, daa lɔɔ nįnɛ̨ kulɔ ka laamu.

Zooɛ 2:1

Dulu hvɛɛ Siɔn taa mɛ̨i, tómą nwɔ́ yee mąąhəɠɛɛ ɓa. Nɔi lonnii kəlee di kpɛlin, mąąhɔlɔɓo, Yai-Laa nwɔ hvólói aa həli; Yaai kɛ mąą kpuai.

Zooɛ 2:11

Yii kpɔ Yai-Laa woo kaa nii tɔɔi, nwɔ kɔlaɠai nwun na, lono və nwɔ kulaaɠaa diɛ, nuąi da nwoo pɔ mɛ̨nį kɛ, gbalai tɔɔ Yai-Laa nwɔ hvólói kɛnɛ̨i, mąą ɲɔwa, gbɛɛ ɓə a pɛli tɔɔ na?

Amɔsə 5:18

Nuąi diɛ di kaa heei di Yai-Laa nwɔ mɛ̨nį kɛ hvólói mąąkpɔn, kpalo ɓɛlaai diɛ. Yai-Laa nwɔ hvólói tii, lə ɓə gaa pai pai la ka pɔ? Volói tii hvo a kɛɛ pɔ̨nɔ̨ hvóló, gaa a kpinį hvóló.

Sofoni 1:14

Yai-Laa nwɔ hvóló kɛnɛ̨i mąą aa kpuwɔ, mąą aa kpuwɔ-o, gaa pai kpɔ a gɔwɔ mąąhulaa. Yai-Laa nwɔ hvólói, ɉələ kaa mɛ̨i, kɔkulaa yɛ tómą a wɔlɔ, yɛ mąąkilɛi kwɛli.

Sofoni 1:7

'Ka ka laa pilɛ Ną́mu Yai-Laa lííla! Hvó gaai, Yai-Laa nwɔ hvólói mąą aa kpuwɔ. Yai-Laa aa nwɔ haláá hɛn bɛli, nuąi aa di təli, aa di mąąhəɠə.

Zakari 14:1

Hvóló ta kaa pai həlii, a Yai-Laa nwɔ kuui, da Ɉerusalɛmə mąąkpoloon, di hee daa kwəi, diɛ ɲąąkwɛlɛ.

Zĩi 5:1

Káá ɓaa, hɛn gɔw nąmįną, ká wɔlɔ, ká ká woolaa mɛ̨nį ɲɔ̨n pai həli káá, mąą mɛ̨nį ɓa!

M̀ɛni-lɛɛi 18:10

Di kaa pai tɔɔi kwɛaa la, diɛ ɲɔw ŋą mɔ̨nɔ̨i tii ɓa: «Ee kə kpalo! Ə kə gbalo kɛnɛ̨! Oo kə, daa-lee kɛnɛ̨ɛ̨ kɛ, Babilonə, taalee hvaŋą kɛnɛ̨ɛ̨i kɛ, lɛɛlɛ tanɔ̨n gbən yee mu lɔ ɓə di giti tee la!»